တိုက်ဖွိုက်ခေါ် အူရောင်ငန်းဖျားရောဂါ

ဤရောဂါသည် ဆယ်မိုနည်းလား တိုက်ဖီ ဟုခေါ်သော ဘက်တီးရီးယားပိုးကြောင့် ဖြစ်သောရောဂါ ဖြစ်ပါသည်။ ဤရောဂါပိုးသည် လူတစ်ဦး မှ တစ်ဦးဆီသို့သာ ကူးစက်တတ်သောရောဂါ ဖြစ်သည်။ ရောဂါလက္ခဏာမပြဘဲ မိမိ၏ သည်းခြေအိတ်အတွင်းတွင်လည်း ရောဂါပိုးရှိနေနိုင်ပါသည်။

ရောဂါဖြစ်နေသောသူ၏ ဆီး၊ ၀မ်း၊ တံတွေး၊ အန်ဖတ် သို့ ရောဂါပိုးကို သယ်ဆောင်ထားသူများ၏ ၀မ်းများမှ တစ်ဆင့်ကူးစက်သောရောဂါဖြစ်သည်။

ထို့ကြောင့်

  • လက်မသန့်၍ဖြစ်စေ၊
  • အစားအစာမသန့်သည်ကို စားသုံးမိ၍ဖြစ်စေ၊
  • မသန့်သောရေကို သောက်သုံးခြင်းဖြင့်ဖြစ်စေ ရောဂါဖြစ်ပွားပါသည်။

အောက်ပါ လက္ခဏာများဖြစ်တတ်ပါသည်။

ရောဂါစဖြစ်စ ပထမအပတ်တွင် တုပ်ကွေးကဲ့သို့ လက္ခဏာများတွေ့ရတတ်ပါသည်။

  • ဖျားခြင်း (အပူကြီးခြင်းသော်လည်း သွေးခုန်နှုန်းမမြန်ခြင်းမှာ ဤရောဂါ၏ ထူးခြားချက်ဖြစ်ပါသည်) အဖျားကျလာပြီးနောက် ပြန်ဖျားတတ်ပါသည်။
  • ခေါင်းကိုက်ခြင်း၊
  • ကိုယ်လက်ကိုက်ခဲခြင်း၊
  • နှုန်းချိခြင်း
  • ၀မ်းချုပ်ပြီး နောက် ၀မ်းလျောခြင်း( ကလေးများတွင် အန်၍ ၀မ်းလျောခြင်း)

ထို့နောက်တွင်

  • ၀မ်းဗိုက်တွင် အနီစက်များထွက်ခြင်း
  • ဗိုက်ဖောင်းလာခြင်း
  • ၀မ်းလျောခြင်း၊ ဗိုက်အောင့်ခြင်း
  • ချောင်းဆိုးခြင်း၊ နှာခေါင်းသွေးလျံခြင်းတို့ဖြစ်လာနိုင်ပါသည်။

ကုသမှုမခံယူပါက

  • ကယောင်ကတမ်းဖြစ်ခြင်း
  • သတိလစ်ခြင်း
  • သေဆုံးသည်အထိ ဖြစ်တတ်ပါသည်။

မည်သည့်ကုသမှု ခံယူသင့်သနည်း။

ရောဂါပိုးသည် အစားအစာမှတစ်ဆင့် အူအတွင်းသို့ ရောက်ရှိကာ အူနံရံတွင် အနာများဖြစ်စေရုံမက အူနှောင်းပိုင်းနံရံရှိ ရောဂါကာကွယ်ပေးသော ပြန်ရည်ကျိတ်များကိုလည်း ပျက်စီးကာအနာဖြစ်စေပါသည်။ ထို့ကြောင့် ရောဂါဖြစ်ပွားချိန်တွင် အစားမာမာများစားပါက အူပေါက်နိုင်ပါသည်။ ထို့ကြောင့် ရောဂါဖြစ်စဉ် အရည်ဖြစ်သောအစားအစာများ၊ ဆန်ပြုတ်ကဲ့သို့ အစာပျော့ပျော့ကိုသာစားသုံးသင့်ပါသည်။

အူရောင်ငန်းဖျားရောဂါဟု ထင်ပါက ဆေးရုံ ဆေးခန်းသို့ သွားရောက်စစ်ဆေးမှုခံယူပါ။ ရောဂါဖြစ်ပွားပါက စနစ်တကျ ကုသမှုခံယူရန် လိုအပ်ပါသည်။ ဆရာဝန်၏ ညွှန်ကြားချက်အတိုင်း အတိအကျ လိုက်နာရန် လိုအပ်ပါသည်။ လိုအပ်ပါက ဆေးရုံတက်၍ကုသမှု ခံယူရပါမည်။ လိုအပ်လျှင် သည်းခြေအိတ်ကိုခွဲစိတ်ကုသရပါမည်။

ရောဂါသည် သေသေချာချာ ကုသမှု မခံယူလျှင် နောက်ဆက်တွဲပြဿနာများဖြစ်နိုင်သည်။

  • အူပေါက်ခြင်း၊ အူအနာများမှ သွေးထွက်ခြင်း။

ထို့အပြင် ရောဂါပိုးသည် သွေးမှတစ်ဆင့် ပြန့်ကာ

  • အရိုးအဆစ်များယောင်ခြင်း
  • ဦးနှောက် အမြှေးပါးယောင်ခြင်း
  • သည်းခြေအိတ်ရောင်ခြင်း
  • နှလုံးကြွက်သားနှင့် ကျောက်ကပ်ရောင်ခြင်းအပြင်
  • သည်းခြေအိတ်အတွင်းတွင် ရောဂါပိုးသယ်ဆောင်သူအဖြစ် ရှိနိုင်ပြီး မိမိသာမက သူတစ်ပါးကိုလည်း ရောဂါဖြစ်ပွားတတ်ပါသည်။

ရောဂါကြောင့် ဖြစ်စေ၊ နောက်ဆက်တွဲ ပြဿနာမှဖြစ်စေ အသက်သေဆုံးသည်အထိဖြစ်တတ်ပါသည်။ မပေါ့ဆသင့်ပါ။

ဤ အူရောင်ငန်းဖျားရောဂါကို ကာကွယ်ခြင်းသည် ကုသခြင်းထက် ပို၍ ထိရောက်လွယ်ကူပါသည်။

  • အစာမစားမီ လက်ကို ဆပ်ပြာဖြင့် စင်ကြယ်စွာဆေးကြောပါ။
  • အစာအစားမချက်ပြုတ်မီ လက်ကို ဆပ်ပြာဖြင့် စင်ကြယ်စွာဆေးကြောခြင်းဖြင့် မိမိနှင့် သူတစ်ပါးသို့ ရောဂါမကူးစက်အောင်ကာကွယ်ပါ။
  • အိမ်သာသွားပြီးတိုင်း လက်ကို ဆပ်ပြာဖြင့် စင်ကြယ်စွာဆေးကြောပါ။
  • အစာအစာ ချက်ပြုတ်ပြင်ဆင်သော အိုးခွက်ပန်းကန်များကို သန့်သန့်ရှင်းရှင်းထားပါ။
  • အစားအစာများကို ကျက်အောင်ချက်ပါ။
  • ရေကို ကြိုချက်သောက်ပါ။

ကာကွယ်ဆေး ကိုလည်း လိုအပ်ပါက ထိုးနိုင်ပါသည်။