ကင်ဆာရောဂါ အများစုကဲ့သို့ပင် ကင်ဆာအဆင့် ၄ ဆင့် ရှိပါသည်။ ရောဂါအဆင့်အလိုက် ကုသရမည်ဖြစ်ပါသည်။
၁။ ခွဲစိတ်ကုသခြင်း
၂။ ဓာတ်ကင်သည်ဟု ဆိုသော ဓာတ်ရောင်ခြည်ဖြင့်ကုသခြင်း
၃။ ဟော်မုန်းလက်ခံသော အမျိုးအစားဖြစ်ပါက ဟော်မုန်းဆေးများကုသခြင်း
၎။ ကင်ဆာဆေးသွင်း၍ ကုသခြင်း စသည်တို့ဖြင့် ဆရာဝန်ညွှန်ကြားသည့် အတိုင်း အတိအကျ လိုက်နာဆောင်ရွက်ရန် လိုအပ်ပါသည်။
ထို့အပြင် ကုသမှု ပြီးစီးပါကလည်း ပေါ့ဆမနေသင့်ဘဲ ၂နှစ် ၁ကြိမ် ကင်ဆာရောဂါ ကြွင်းကျန်မှု ရှိမရှိ အခြားရင်သားတစ်ဖက်ကို ဓာတ်မှန်ရိုက်ခြင်း၊ သွေးတွင်း ကင်ဆာဓာတ်များစစ်ဆေးခြင်း ဆောင်ရွက်ရန် လိုအပ်ပါသည်။

ရင်သားကင်ဆာ အကြိုစမ်းသပ်ခြင်းများ
ရင်သားကင်ဆာသည် စောစီးစွာတွေ့ရှိ၍ ကုသမှု ခံယူပါက ပျောက်ကင်းနိုင်သောရောဂါဖြစ်သောကြောင့် ကြိုတင်စစ်ဆေးမှု ပြုလုပ်သင့်သော ရောဂါဖြစ်ပါသည်။ အောက်ပါနည်းလမ်းများဖြင့် စစ်ဆေးနိုင်ပါသည်။
၁။ မိမိဘာသာ တစ်နေ့တစ်ကြိမ် စစ်ဆေးခြင်း
မိမိရင်သားကို ကိုယ်လုံးပေါ်မှန်ရှေ့ရပ်ကာ ရင်သားနှစ်ဖက် ညီမညီ၊ တစ်တန်းတည်းဖြစ်မဖြစ်၊ အလုံး၊အနာရှိမရှိ ကြည့်ရူခြင်း၊ လက်ဖြင့် အပေါ်အောက် သို့ အဝိုင်းပုံစံ စမ်းသပ်ခြင်း၊ ချိုင်းအောက်နှိုက်၍ စမ်းသပ်ခြင်းများကို ပုံမှန် ပြုလုပ်သင့်ပါသည်။
၂။ တတ်ကျွမ်းသူ ဆရာဝန်၊ဆရာမ များ၏ စစ်ဆေးမှုကိုခံယူခြင်း
အသက် ၂၀ မှစ၍ ၃နှစ် ၁ကြိမ်ခန့် ၊ အသက် ၄၀ ကျော်ပါက ၁နှစ် ၁ကြိမ်ခန့် စစ်ဆေးသင့်ပါသည်။
၃။ ရင်သားဓာတ်မှန်(mammogram) ရိုက်၍ စစ်ဆေးခြင်း
၎။ တယ်လီဗေးရှင်း ဓာတ်မှန်(USG)၊ သံလိုက်စက်ကွင်း ဓာတ်မှန်(MRI) ရိုက်ခြင်း

ရင်သားပေါ်တွင် မသင်္ကာဖွယ် အလုံး၊ အနာနှင့် အခြားသော လက္ခဏာ တစ်ခုခုဖြစ်လာပါက ၃ဆင့်စစ်ဆေးခြင်း ဖြင့် စစ်ဆေးနိုင်ပါသည်။
၃ ဆင့်စစ်ဆေးခြင်း ဆိုသည်မှာ
၁။ တတ်ကျွမ်းသော ဆရာဝန်မှမေးမြန်း စမ်းသပ်စစ်ဆေးခြင်း
• ဤနည်းသည် ဆေးခန်းသို့ ပြင်ပလူနာဌာနတွင်သာ ပြုလုပ်နိုင်သော ကနဦးစစ်ဆေးမှုဖြစ်ပါသည်။ နားလည်တတ်ကျွမ်းသော ဆရာဝန်၊ ဆရာမများမှ ရောဂါဖြစ်ပုံ ရာဇဝင်ကို သေချာစွာမေးမြန်းခြင်း၊ ရောဂါဖြစ်ရာနေရာကို သေချာစွာ စမ်သပ်ခြင်းဖြင့် ဖြစ်နိုင်သောရောဂါကို မိမိအတွေ့အကြုံ နှင့် ပညာ ပေါင်းစပ်ကာ အဖြေထုတ်ခြင်းဖြစ်ပါသည်။ လူနာဘက်မှ ပါဝင်ကူညီမှုလည်း လိုအပ်ပါသည်။
၂။ ဓာတ်မှန် စသော စက်များအသုံးပြု၍ စစ်ဆေးခြင်း
• ရင်သားဓာတ်မှန်၊ တယ်လီဗေးရှင်းဓာတ်မှန်၊ စသော စက်ပစ္စည်းများအသုံးပြုကာ စစ်ဆေးခြင်း ဖြစ်ပါသည်။
၃။ ဓာတ်ခွဲစစ်ဆေးခြင်း
• ရောဂါဖြစ်ရာနေရာမှ အသားစ သို့ အရည် စသည်ကိုယူ၍ ဓာတ်ခွဲခန်းတွင် ရောဂါဗေဒ ဆရာဝန်မှ စစ်ဆေးအဖြေထုတ်သောနည်းဖြစ်ပါသည်။
စသော စစ်ဆေးနည်း ၃ မျိုးဖြင့် အဆင့်ဆင့် စစ်ဆေးခြင်းကို ဆိုလိုပါသည်။
ထိုသို့စစ်ဆေးပါက ရောဂါအဖြေမှန်ကို ၉၉ ရာခိုင်နှုန်းအထိ မှန်ကန်စစ်ဆေးနိုင်မည် ဖြစ်ပါသည်။
ဒေါက်တာချို(ဆေး ၁)