ပြန်လည်စိုပြေစေခြင်းငှါ

အရင်တစ်ခေါက်ကဆောင်းပါးလေးမှာ မိန်းမကိုယ်ခြောက်သွေ့ပြီး
ချစ်တင်းနှောတဲ့အခါ နာကျင်ရတဲ့အကြောင်းလေးတွေ ပြောပြပြီးပြီဆိုတော့ ခုတစ်ခါမှာတော့ ဒီပြသနာကို ဘယ်လိုပြန်လည်ကုစားမလဲဆိုတာနဲ့ပတ်သက်ပြီး ဆွေးနွေးဖော်ပြပေးသွားမှာဖြစ်ပါတယ်။
မိန်းမကိုယ်ခြောက်သွေ့ရတဲ့ အကြောင်းရင်းခံပေါ်မူတည်ပြီး
ကုသမှုလည်း အနည်းနဲ့အများကွဲပြားမှုရှိနိုင်ပါတယ်။

-> စိတ်ဖိဆီးမှုကြောင့်ဖြစ်ရသူတွေအတွက်ကတော့ မခက်ပါဘူး။ စိတ်ဖိဆီးမှုပျောက်သွားတာနဲ့ အလိုအလျောက် ပြန်အဆင်ပြေသွားမှာမို့ ဖိစီးမှုတွေက်ုလျော့ကျအောင်ပဲ လုပ်ဖို့လိုပါတယ်။နေ့တဓူဝအလုပ်တာဝန်များမှ ခတ္တခဏအနားယူခြင်း၊အပန်းဖြေခရီးထွက်ခြင်း၊သီချင်းနားထောင်ခြင်း၊တရားထိုင်ခြင်း စတဲ့ အလေ့အထတွေပြုလုပ်နိုင်ပါတယ်။

-> မိမိအဖော်နဲ့ အပေးအယူမမျှတာဆိုရင်… အဖော်ဖြစ်သူကို ပွင့်ပွင့်လင်းလင်းပြောပြညှိုနှိုင်းတာကတော့ အထိရောက်ဆုံးနည်းလမ်းပဲဖြစ်ပါတယ်။လိင်မှုရေးရာကိစ္စတွေဟာ တစ်ဦးတစ်ယောက်တည်းရဲ့ အကြိုက်ဆန္ဒပြည့်ရုံနဲ့တင် မလုံလောက်ပါဘူး။ဒါကြောင့် မိမိရဲ့ဆန္ဒသဘာဝကို အမှန်အတိုင်းပြောပြတဲ့အပြင် တစ်ဖက်အဖော်ရဲ့လိုအင်ဆန္ဒကိုသေချာနားထောင်ပြီး နှစ်ဦးနှစ်ဖက်လုံး အဆင်ပြေကျေနပ်မှုရရှိနိုင်မည့် အနေအထားအခြေအနေတစ်ခုရောက်အောင် ညှိုင်းဆွေးနွေးပါ။

-> သင်ဟာ သွေးဆုံးခါနီး (သို့)သွေးဆုံးပြီးအရွယ်မှာ ဒီပြသနာကြုံတွေ့ရတာလား? ဒီလိုဆိုရင်တော့ သင့်အနေနဲ့ ဆရာဝန်နဲ့တိုင်ပင်ပြီး ‘မ’ဟော်မုန်းအစားထိုးကုထုံးခံယူခြင်းပြုလုပ်နိုင်ပါတယ်။ နောက်ထပ်လုပ်နိုင်တာတစ်ခုကတော့ ချစ်ရည်လူးချိန်မှာ တစ်ကိုယ်ရည်သုံး ချောဆီကို အသုံးပြုခြင်းပဲ ဖြစ်ပါတယ်။(တစ်ကိုယ်ရည်သုံးချောဆီအမျိုးအစားများကို နောက်ဆောင်းပါးတစ်ပုဒ်မှာ ဖော်ပြပေးသွားပါမယ်။)

-> အတွင်းခံလျှော်ရာမှာသုံးတဲ့ ဆပ်ပြာအမျိုးအစားပြောင်းသုံးခြင်း၊အမျိုးသမီးသုံးသန့်စင်ရည်ပြောင်းသုံးခြင်း (သို့ )လိုအပ်မှသုံးခြင်းများ ပြုလုပ်ကြည့်ပါ။

->တစ်ခါတရံ ရာသီအကူးအပြောင်း အအေးမိ နှာစေးပျောက်စေးတွေသောက်ရင်လည်း ဒီပြသနာဖြစ်နိုင်ပေမယ့်…နေကောင်းသွားလို့ ဆေးရပ်လိုက်ရင် ပြန်အဆင်ပြေသွားပါလိမ့်မယ်။

အထက်ပါအကြံပေးချက်လေးတွေအတိုင်း လိုက်နာဆောင်ရွက်ပြီးချိန်မှာတောင် ဒီပြသနာမဖြေရှင်းနိုင်သေးဘူးဆိုရင်တော့ ဆရာဝန်နဲ့တိုက်ရိုက်ဆွေးနွေးပြီး လမ်းညွှန်မှုရယူသင့်ပါတယ်။

ပိုင်နီမေ