ရင်ကြပ်ရောဂါ ကုသခြင်း

ရင်ကြပ်ရောဂါဟာ နာတာရှည် အသက်ရူလမ်းကြောင်းရောဂါဖြစ်သော်လည်း ရောဂါဖြစ်ပွားချိန်မဟုတ်လျှင် သာမန်လူကောင်းတစ်ဦးတစ်ဦးပင် ဖြစ်ပေသည်။ ထို့ပြင် ရောဂါမကြွအောင် ထိန်းသိမ်းထား၍ရပါသည်။
**ထို့ကြောင့် ရင်ကြပ်ရောဂါကို ကုသရခြင်း ရည်ရွယ်ချက်မှာ ရင်မကြပ်အောင်(ရောဂါကို မကြွစေရန်) ထိန်းသိမ်းထားခြင်း ဖြစ်ပေသည်။ ထို့ပြင် နေ့စဉ်လူနေမှုဘဝနေထိုင်မှုကို မထိခိုက်စေဖို့ အတွက်လည်း ပါဝင်ပါသည်။ ဥပမာ။ ။ညအိပ်ပျော်ရာမှ လန့်နိုးခြင်း၊ အသက်ရူကြပ်၊ မော၍ ပင်ပန်းနွမ်းနယ်ခြင်း။
ဦးဆုံးမှာ လူနာအနေဖြင့်
-မိမိရောဂါ၏ သဘောသဘာဝကို နားလည်ထားခြင်း၊
-မိမိနှင့် မတည့်သော ရင်ကြပ်စေသော အရာများကို သိထားခြင်း၊
-ရင်ကြပ်စေသော အရာများနှင့် မထိတွေ့အောင် ရှောင်ကြဉ်ခြင်း၊
-အိမ်တွင်း သန့်ရှင်းနေအောင် ဆောင်ရွက်ခြင်း (ကြမ်းပိုးနှင့် အိမ်တွင်းပိုးမွှားများ မရှိစေရန်)
-ဆေးလိပ်သောက်သုံးခြင်းကို ရှောင်ကြဉ်ခြင်း
-ဖုန်များသောနေရာများကို သွားလျှင် အကာအကွယ်သုံးခြင်း စသည်တို့ကို မိမိတစ်နိုင်ဆောင်ရွက်ရပေမည်။
-မသက်သာပါက ဆယ်ဗျူတမောရူဆေးကို သုံးနိုင်ပါသည်။ ရူဆေးသည် စားဆေးထက် ပို၍ထိရောက်ပြီး ဘေးထွက်ဆိုးကျိုးနည်းပါသည်။

အောက်ပါ အချက်များကို ကြည့်ရူစစ်ဆေး၍ ရောဂါကို ကောင်းစွာ ထိန်းထားနိုင်ခြင်း ရှိမရှိ သိနိုင်ပါသည်။
-နေ့အချိန်တွင် ရောဂါလက္ခဏာများပြခြင်း
-နေ့စဉ် လှုပ်ရှားသွားလာမှုကို ထိခိုက်ခြင်း
-ညဘက် အိပ်နေရာမှ နိုးခြင်း နှင့် လက္ခဏာများ
-ရောဂါသက်သာစေသော ဆယ်ဗျူတမောရူဆေး သုံးရသောအကြိမ်အရေအတွက်
-အဆုတ်၏ အလုပ်လုပ်အား
-ရောဂါထဖောက်သော အကြိမ်

ရောဂါကို ထိန်းထားနိုင်ခြင်းမရှိပါက ဆေးဝါးသုံးစွဲမှုကို တစ်ဆင့်ထက်တစ်ဆင့် မြင့်တင်ရမည်ဖြစ်၍ ဆရာဝန်နှင့် ပြသ၍ လေပြွန်ပြန်ကျယ်စေသော အချိန်တိုဆေး၊ ကြာရှည်ခံဆေး၊ စတီးရွိုက်ရူဆေး၊ သောက်ဆေး စသည်ဖြင့် စနစ်တကျ ကုသရမည်ဖြစ်ပါသည်။

ရူဆေးသုံးရာတွင် ဂေါက်ခေါ် လက်ကိုင် ရူဆေးဘူး အသုံးပြုခြင်း၊ ရူဆေးစက်အသုံးပြုခြင်းဟူ၍ ရှိပေရာ ဆက်လက်ဖော်ပြပါမည်။
ရီချို(ဆေး ၁)