သွား

သွားသည် ပါးစပ်(ခံတွင်း)အတွင်းတည်ရှိပြီး ခန္ဓာကိုယ်တွင် အမာဆုံးသော အစိတ်အပိုင်း တစ်ခု ဖြစ်သည်။ သွားများကို ကယ်လစီယမ် ဖော့စဖိတ် (Calcium Phosphate) ဖြင့် အဓိက ပေါင်းစပ်ဖွဲ့စည်းထားခြင်းဖြစ်သည်။ သွားသည်အစာစားရာ(Mastication) တွင်လည်းကောင်း၊ စကားပြောဆိုရာ(Speech) တွင် လည်းကောင်း၊ ရုပ်ဆင်းအင်္ဂါကို ပုံဖော်ဆောင်ရာ (Esthetics) တွင်လည်းကောင်း များစွာအသုံးဝင်သည်။

သွားတစ်ချောင်း၏ ဖွဲ့စည်းတည်ဆောက်ပုံ (Structure of Tooth)
သွားတစ်ချောင်းတွင် ပါးစပ်အတွင်းမြင်တွေ့ရသောအပိုင်းကို ခေါင်းပိုင်း (Crown) နှင့် မမြင်ရသော အပိုင်း (သွားဖုံးဖြင့် အုပ်နေသောအပိုင်း) ကို အမြစ်ပိုင်း (Root) ဟူ၍ နှစ်ပိုင်းခွဲခြား နိုင်သည်။

သွားတစ်ချောင်းကို ဒေါင်လိုက်ခွဲခြမ်းစိတ်ဖြာကြည့်ပါက အလွှာ(၃)လွှာကို အောက်ပါ အတိုင်း တွေ့ရသည်။

  • (၁) အပြင်ဘက်ဆုံးအလွှာမှာ ကြွေသွားလွှာ (Enamel) ဖြစ်ပြီး အမာဆုံးအပိုင်း ဖြစ်သည်။
  • (၂) ယင်း၏ အတွင်းဘက်တွင် ဆင်စွယ်နှစ်လွှာ (Dentine) ရှိပြီး ၄င်းသည် ကြွေသွားလွှာလောက် မမာချေ။
  • (၃) အတွင်းဆုံးတွင် မွှသွားလွှာ (Pulp) ရှိပြီး ၄င်းတွင်သွေးကြောများ (Vessels) ၊ အာရုံကြောများ (Nerves) ပါရှိသည်။

(၁) ကြွေသွားလွှာ (Enamel) ။ ။ လူတစ်ဦး၏ ခံတွင်းရှိသွားများကို ကြည့်လိုက်လျှင် မြင်ရသော အပြင်ဖက်ဆုံး အလွှာမှာ ကြွေသွားလွှာဖြစ်သည်။ ဤကြွေသွားလွှာသည် သွားတစ်ချောင်း၏ အမာဆုံးအစိတ်အပိုင်း ဖြစ်သကဲ့သို့ အရိုးထက်လည်း မာသည်။ လူတစ်ဦး နှင့် တစ်ဦး သွားအရောင်မတူညီကြခြင်းမှာ ဤ ကြွေသွားလွှာကြောင့် ဖြစ်သည်။ ကလေးများသည် လူကြီးများထက် သွား အရောင်ပိုဖြူတတ်သည်။ တစ်ခါတစ်ရံ မျိုးရိုးနှင့် အသားအရောင်ကို လိုက်၍လည်း သွားအရောင်ကွဲပြားတတ်သည်။ ဤသို့အရောင် ကွဲပြားခြင်းမှာ ပုံမှန်ဖြစ်ပေသည်။ သို့သော် အချို့သွားများတွင် အကြောင်း တစ်ခုခု ကြောင့် အရောင်ပြောင်းလဲခြင်းများ ရှိတတ်သည်။ မိခင်များ ကိုယ်ဝန်ဆောင်ချိန် (သို့) ကလေးများ ငယ်စဉ်အချိန်တွင် ပဋိဇီဝဆေးများ (eg.Tetracycline) ကို အချိန်ကြာမြင့်စွာ သောက်သုံးရ၍ ဆေး၏အရောင်များ သွားတွင်စွဲဝင်နေခြင်း၊ မွေးရာပါချို့ယွင်းချက်ကြောင့် သွားများတွင် အချိုင့်များဖြစ်ခြင်း၊ အရောင်ပြောင်း ခြင်း၊ သောက်သုံးသည့် ရေတွင် ဖလိုရိုဒ်ဓာတ် (Fluoride) များသောကြောင့် သွားတွင် အဖြူအစင်းများဖြစ်ခြင်း၊ ညိုလာခြင်း၊ ချိုင့်ခွက်ဖြစ်ခြင်းတို့ ဖြစ်တတ်သည်။ ကြွေသွားလွှာသည် အာရုံခံစားမှုကိုမသိရှိနိုင်ပါ။

(၂) ဆင်စွယ်နှစ်လွှာ (Dentine) ။ ။ ကြွေသွားလွှာ၏ အတွင်းဘက်တွင်ရှိသည့် အလွှာမှာ ဆင်စွယ်နှစ်လွှာ ဖြစ်သည်။ ယင်းအလွှာသည် ကြွေသွားလွှာလောက် မမာသော်လည်း အရိုးထက်ပို၍မာပေသည်။ ဤအလွှာတွင် သွား၏အာရုံခံစားမှုကို စတင် သိရှိနိုင်သည်။ (ဥပမာ-သွားပိုးစားခြင်းကြောင့် သွားကျင်ခြင်း၊ သွားများ ပြုန်းတီးမှု (Attrition,Erosion,etc..) ကြောင့် သွားကျင်ခြင်း)

(၃) မွှသွားလွှာ (Pulp) ။ ။ မွှသွားလွှာသည် သွား၏အတွင်းဆုံးအလွှာဖြစ်ပြီး ယင်းအလွှာတွင် သွေးကြော၊ အာရုံကြောများနှင့် ဖွဲ့စည်းထားပြီး သွားတစ်ချောင်း၏ အာရုံခံစားမှုနှင့် ယင်းသွား၏ ရှင်သန်မှုတို့သည် ဤအလွှာပေါ်တွင် မူတည်သည်။ (ဤအလွှာထိ သွားပိုးစား၍ သွား၏ သွေးကြောနှင့် အာရုံကြောများ ပျက်စီးသွားပါက သွားကျင်ခြင်းသွားကိုက်ခြင်းကို သိရှိနိုင်တော့မည် မဟုတ်သကဲ့သို့ သွား၏အရောင်သည်လည်း ညိုညစ်ညစ်အရောင်သို့ ပြောင်းသွားနိုင်သည်။ မကုသဘဲထားပါက မွှသွားလွှာထဲတွင်ရှိသော ဘက်တီးရီးယား ပိုးများကြောင့် သွား၏အမြစ်ထိပ်တွင်ပြည်တည်ခြင်း (Periapical Abscess) ဖြစ်စေနိုင်သည်။)

သွားဖုံး (Gingiva)
သွား၏ အမြစ်ပိုင်းကို ဖုံးအုပ်ထားသော သွားဖုံးသားသည် သွားများ ခံတွင်း၌ ရေရှည် တည်တံ့ခိုင်မြဲအောင် ထောက်ကူပေးထားသော သွားမြစ်ဝန်းကျင်တစ်ရှူး (Periodontium) တွင်ပါဝင်သော အစိတ်အပိုင်းတစ်ခု ဖြစ်သည်။ အခြားသွားမြစ်ဝန်းကျင်တစ်ရှူးများမှာ သွားဖုံးရိုး (Alveolar bone)၊ သွားမြစ်ပတ်မြှေး (Periodontal ligament)နှင့် သွားမြစ်ပတ်လွှာ(Cementum) တို့ဖြစ်သည်။ သို့သော် ယင်းတို့ကို သွားဖုံးသားက ဖုံးအုပ်ထားသဖြင့် မမြင်တွေ့နိုင်ပေ။ ကျန်းမာ သော သွားဖုံးသားသည် ပန်းနုရောင်ရှိပြီး

  • သွားများကို ထိန်းသိမ်း၊ ထောက်ကူပေးရန်အတွက် လည်းကောင်း
  • ခံတွင်း အနံ့ကောင်းစေရန်အတွက် လည်းကောင်း
  • ရုပ်ဆင်းအင်္ဂါအတွက် လည်းကောင်း လွန်စွာအရေးပါပေသည်။

သွားပေါက်ခြင်း အမျိုးအစား (Dentition)
သာမန်အားဖြင့်

  • (၁) ကလေးသွား (ငယ်သွား) (Primary or Decidious Teeth)နှင့်
  • (၂) လူကြီးသွား (Permanent Teeth) ဟူ၍ နှစ်မျိုးရှိသည်။

အသက် (၆)လ အရွယ်တွင် ကလေးသွား စပေါက်၍ ကလေးအသက် (၆)နှစ်မှ အစပြု၍ ပေါက်လာသောသွားများသည် လူကြီးသွားများ ဖြစ်ကြသည်။

သွားပုံသဏ္ဍာန် အမျိုးအစား (Types of Teeth)
သွားများတွင်ပုံသဏ္ဍာန်ကိုလိုက်၍ (၄)မျိုးခွဲခြားနိုင်သည်။ ရှေ့သွား၊ စွယ်သွား၊ အံရှေ့သွား၊ အံသွားတို့ဖြစ်ပါသည်။

သွားအမျိုးအစားအလိုက် အသုံးဝင်ပုံများ (Functions of Teeth)
ရှေ့သွားများ (Incisors) ။ ။ ကပ်ကြေးပမာ ကိုက်ဖြတ်ရန်နှင့် ညှပ်ရန် အသုံးဝင်သည်။
စွယ်သွား (Canine) ။ ။ ချွန်ထက်သောအစွယ်ပါသဖြင့် အစာများကို ကိုက်ဖဲ့ရန်၊ ဆွဲခွာရန် အသုံးဝင်သည်။
အံရှေ့သွား (Premolar) ။ ။ ချွန်ထက်သော အစွယ်နှစ်ခုပါသဖြင့် အစာကို ကိုက်ဖဲ့ရန်၊ ဖြတ်ရန်နှင့် အစာချေရန် အသုံးဝင်ပါသည်။
အံသွား (Molar) ။ ။ သန်မာ၍ အသုံးဝင်ဆုံးသွားများဖြစ်သည်။ အစာများကို ကြိတ်ဝါးရန်နှင့် ကြေညက်စေရန်အတွက် အသုံးဝင်သည်။

သွားပေါက်ချိန် (Time of Tooth Eruption)
ငယ်သွားပေါက်သည့်အချိန် ။ ။ ကလေးသွားများတွင် သွားပုံသဏ္ဍာန် အမျိုးအစား(၃)မျိုးသာ ပါရှိ ပါသည်။ ရှေ့အလယ်သွား၊ (Incisors)၊ စွယ်သွား (Canine)၊ ပထမအံသွားနှင့် ဒုတိယအံသွားများ (Molars) ဟူ၍သာ ပါရှိပြီး၊ အံရှေ့သွားများ (Premolars) မပါရှိချေ။ သွားအမျိုး အစား တစ်မျိုးလျှင် (၄)ချောင်းစီ ပါရှိသောကြောင့် စုစုပေါင်း (၂၀)ချောင်းပေါက်ပါသည်။ ကလေး သွားများသည် (၆)လသား အရွယ် တွင်စတင်ပေါက်ပြီး ကလေးအသက် (၂)နှစ်ခွဲနှင့် (၃)နှစ်ကြား အရွယ်တွင် ငယ်သွားများစုံညီစွာ ပေါက်ပြီးဖြစ်ပါသည်။

ကြီးသွားပေါက်သည့်အချိန် ။ ။ ကလေးအသက် (၆) နှစ်မတိုင်မီ ငယ်သွားများ၏ အောက်မေးရိုး (Mandible)ထဲတွင် ကြီးသွားများသည် ပေါက်ရမည့်နေရာအလိုက် စတင်ဖြစ်ပေါ်နေသည်။ အသက် (၆)နှစ်ခန့်မှစ၍ (၁၂)နှစ်ဝန်းကျင်အထိ ငယ်သွားများနေရာတွင် ကြီးသွားများ အစားထိုး ပေါက်လာသည်။ ဤနှစ်အပိုင်းအခြားတွင် ကြီးသွားနှင့် ငယ်သွားသည် သွားအမျိုးအစားအလိုက် လဲ၍ ပေါက်ကြသည်။ ထိုအခါ ကလေး၏ ခံတွင်းအတွင်း၌ ကလေးသွားနှင့် လူကြီးသွား (၂)မျိုး စလုံး တွေ့နိုင်သည်။ အသက် (၁၂)နှစ် (၁၃)နှစ်အရွယ်ခန့်တွင် ငယ်သွားများအားလုံးသည် ကြီးသွားနှင့် အစားထိုးလဲလှယ်ပြီး ဖြစ်သည်။ သို့သော် ယင်းအသက်အရွယ်ထက် ကျော်လွန်၍ ငယ်သွားများရှိနေသေးလျှင် သွားဘက်ဆိုင်ရာ ဆရာဝန်ထံ ပြသသင့်ပေသည်။

အသက် (၁၈-၂၅)နှစ်ဝန်းကျင်တွင် အံဆုံးသွား (Last Molar, Wisdom Tooth) များ ပေါက်လာပြီး ကြီးသွား (၃၂)ချောင်း ပြည့်စုံမည်ဖြစ်သည်။ ကြီးသွားများတွင် ရှေ့အလယ်သွား(Central Incisor) ၊ ရှေ့ဘေးသွား (Lateral Incisor)၊ စွယ်သွား (Canine)၊ ပထမအံရှေ့သွား၊ ဒုတိယအံရှေ့သွား (Premolars)၊ ပထမအံသွားကြီး၊ ဒုတိယအံသွားကြီးနှင့် တတိယအံသွားကြီး (Molars) ဟူ၍ အမျိုးအစား (၄)မျိုး ပါရှိပါသည်။ သွားအမျိုးအစားတစ်မျိုးလျှင် (၄)ချောင်းစီကို အပေါ်မေးရိုး(Maxilla)၊ အောက်မေးရိုး (Mandible) တွင် ဘယ်နှင့်ညာပေါက်သောကြောင့် စုစုပေါင်း (၃၂)ချောင်းရှိသည်။

သွားပေါက်ချိန်တွင် တွေ့ရသော လက္ခဏာများ
သွားပေါက်ချိန်တွင်ကလေးများသည်ပုံမှန်ထက်ပို၍ငိုခြင်း၊ မအီမသာဖြစ်ခြင်း၊ သွားရည်များ ကျခြင်း၊ သွားဖုံးယားယံခြင်း၊ ပါးစပ်အတွင်း မကြာခဏ လက်နှိုက်ခြင်း၊ တွေ့ရာပစ္စည်း (ဥပမာ-ကစားစရာ) ကိုက်ခြင်း တို့ကိုတွေ့ရတတ်သည်။ သွားပေါက်သည့်နေရာတွင် သွားဖုံးရောင်ခြင်း၊ မျက်နှာတစ်ခြမ်းရောင်ခြင်းနှင့် အစာမစားနိုင်ခြင်း၊ ဖျားခြင်း၊ ၀မ်းလျှောခြင်းများ ဖြစ်တတ်သည်။ ထိုလက္ခဏာများရှိပါက ဆရာဝန်နှင့် ပြသစစ်ဆေးသင့်သည်။

အသက် (၆) နှစ်တွင် ပေါက်သည့် အံသွားကြီး
ကလေးအသက် (၆)နှစ် အရွယ်ခန့်တွင် ကလေးအံသွားများနောက်၌ လူကြီးသွားဖြစ်သော ပထမအံသွားကြီး စတင်ပေါက်လာသည်။ ဤအရွယ်တွင် ပေါက်သောအံသွားသည် လူကြီးသွား ဖြစ်ကြောင်း မိဘများ ဂရုမပြုမိသဖြင့် သွားပိုးစားပြီး စောစီးစွာ ဆုံးရှုံးရတတ်သည်။ လူကြီးသွား စောစီးစွာဆုံးရှုံးပါက အစားထိုးပေါက်မည့် သွားမရှိတော့သဖြင့် အထူးဂရုပြုသင့်သည်။

Dr. Sai