Tonsillitis (အရပ်အခေါ်) အာသီးရောင်ခြင်း

Tonsillitis ကို အရပ်ထဲမှာ အာသီးရောင်တယ် လို့ခေါ်ကြပါတယ်။ အာသီးဆိုရင် အများစုကရုတ်တရက် မျက်စိထဲမြင်ကြတာက ပါးစပ်ကျယ်ကျယ်ဟတဲ့အခါ အာခေါင်အလယ်မှာ မြင်နေရတဲ့ အသီးလေးကိုပဲ ဖြစ်ပါတယ်။ အဲ့အသီးလေးကို Uvula လို့ခေါ်ပြီး Tonsil ဆိုတာကကျတော့ အဲ့ဒီ Uvula ရဲ့ဘေး တစ်ဖက်တစ်ချက်မှာ ရှိတဲ့ ပြန်ရည်ကြောဆိုင်ရာ တစ်ရှူးအုပ်စုလေးတွေ (mass of lymphoid tissue) လေးတွေဖြစ်ပါတယ်။ Tonsillitis ကြောင့် Uvula ဆိုတဲ့ အာသီးလေးလည်း တစ်ခါတစ်လေ လိုက်ရောင်တတ်ပေမယ့် သူ့မူရင်းဆေးပညာအသုံးအနှုန်း Tonsillitis ကို မြန်မာလို တိတိကျကျ ဘာသာပြန်ရမယ်ဆိုရင် အာသီးဘေးတစ်ဖက်တစ်ချက်ရှိ ပြန်ရည်ကြောဆိုင်ရာတစ်ရှုးရောင်ရမ်းခြင်း လို့ ပြောရမယ်ထင်ပါတယ်။

အကြောင်းရင်း

Tonsillitis ဟာ ဆောင်းဝင်စနဲ့ ဆောင်းတွင်းတွေမှာ အဖြစ်များပြီး ဖြစ်စေရတဲ့ အကြောင်းရင်းကတော့ ဗိုင်းရပ်စ်ပိုးတွေ၊ ဘက်တီးရီးယားပိုးမွှားတွေကြောင့်ပါ။ သူတို့ဟာ လေထဲကနေတဆင့် ကူးစက်နိုင်စွမ်းရှိတဲ့အကောင်လေးတွေပါ။ ကလေးတွေမှာ အဖြစ်များတတ်ပြီး ထပ်ခါ ထပ်ခါ ပြန်ဖြစ်တတ်ပါတယ်။

လက္ခဏာ

Tonsillitis ဖြစ်ပြီဆိုတာနဲ့ ကူးစက်ခံရတဲ့သူဟာ အများအားဖြင့် လည်ချောင်းတွေ နာလာမယ်။ အဖျားရှိလာမယ်။ အာသီးဘေးက နေရာတွေ နီရဲလာမယ်ရောင်လာမယ်။ ခံတွင်းအနံ့တွေဆိုးလာမယ်။ ခေါင်းကိုက်လာတတ်ပြီး တစ်ခါတစ်လေ နားပါကိုက်လာမယ်။ အစာစားချင်စိတ်ပျောက်မယ်။ အစာမျိုရခက်တာတွေ၊ လည်ပင်းတစ်ဝိုက်မှာရှိတဲ့ ပြန်ရည်ကြောအကျိတ်တွေ ရောင်လာတာတွေ အများစု ဖြစ်လာတတ်ပါတယ်။ ကလေးတွေမှာ ပျို့တာအန်တာတွေ ဗိုက်နာတာတွေလည်း ဖြစ်တတ်ပါတယ်။

နောက်ဆက်တွဲရောဂါ

Tonsillitis ဖြစ်ရင် တစ်ချို့တွေက တစ်ပတ်နှစ်ပတ်အကြာမှာ ပျောက်ကင်းလေ့ရှိတတ်ကြပေမယ့် တစ်ချို့တွေမှာက Tonsil လို့ခေါ်တဲ့ ပြန်ရည်ကြောတစ်ရှုးနေရာတွေမှာ ပြည်တွေတည်လာတဲ့အထိ ဖြစ်နိုင်ပါတယ်။

ကုသမှု

ကူးစက်ရောဂါ ဖြစ်လို့ အကိုက်အခဲပျောက်ဆေးနဲ့ ပဋိဇီဝပိုးသတ်ဆေးကို ဆရာဝန်ညွှန်ကြားတဲ့အတိုင်း တိတိကျကျသောက်ရင် သက်သာသွားတတ်ပါတယ်။ နာတာရှည်ရောဂါအဆင့်ရောက်သွားရင် တစ်ခါတစ်လေ ဆရာဝန်က Tonsil တွေကို ဖြတ်ထုတ်ပြီး ကုသမှုပေးတတ်ပါတယ်။ ကလေးငယ်လေးတွေမှာလည်း Tonsil ကို ဖြတ်ထုတ်လိုက်ရင် နောက်ခါ ရောဂါ ပြန်ပြန်ဖြစ်နိုင်ချေနည်းသွားပါတယ်။

အကြံပေးချက်

Tonsillitis ဖြစ်နေလို့ ဆေးသောက်နေရတဲ့အချိန်မှာ အမြန်သက်သာစေဖို့ လုံလောက်စွာ အနားယူပေးပါ။ ရေများများသောက်ပေးပါ။ လည်ချောင်းနာတာ သက်သာစေဖို့ ဆားရေနွေးလေး ငုံပေးပါ။ benzocaine လို အမျိုးအစားပါတဲ့ ငုံဆေးလေးတွေ ငုံပေးပါ။ အစာကြမ်းတွေရှောင်ပေးပါ။ နေထိုင်တဲ့ အခန်းကို စိုထိုင်းဆ အရမ်းနည်းမနေအောင် ဂရုစိုက်ပါ။ နွေးတဲ့ရေ အရမ်းအေးတဲ့ရေတွေကလည်း လည်ချောင်းနာတာကို သက်သာစေနိုင်ပါတယ်။ ဆရာဝန်ပေးတဲ့ဆေးကို သေချာသောက်ပြီး ညွှန်ကြားတဲ့အတိုင်း လိုက်နာပါ။

အဓိကကတော့ ဆောင်းဝင်စနဲ့ ဆောင်းတွင်းမှာ ကိုယ်ခံအားကောင်းအောင် ကျန်းမာရေးနဲ့ ညီညွှတ်အောင်နေရင် အာသီးရောင်တာအပြင် တစ်ခြား ရောဂါတွေလည်း တော်ရုံဖြစ်နိုင်ဖို့ ခဲယဉ်းတာမို့ ကျန်းမာရေးနဲ့သင့်တော်တဲ့ စားသောက်နေထိုင်မှု၊ ကိုယ်လက်လှုပ်ရှားမှုတွေကို ဆောင်းတွင်းမှာ ပိုပို ပြုလုပ်ပေးကြပါ လို့ အကြံပေးရင်း ရောဂါဘယကင်းဝေးနိုင်ကြပါစေလို့ တောင်းဆုပြုပေးလိုက်ရပါတယ်။

မေတ္တာဖြင့်

သုဈာန်