ကိုယ်ဝန်မဆောင်သင့်သော အခြေအနေများ

အမျိုးသမီးအများစုဟာ မိသားစု အခြေအနေ ၊ သားဆက်ခြားအစီအစဉ် ၊ စီးပွားရေး ၊ လူမှုရေး အစရှိတဲ့ အကြောင်းအရာ များစွာပေါ်မူတည်ပြီး သန္ဓေရခြင်းကနေ ကာကွယ်ဖို့ ကိုယ်ဝန်တားနည်းလမ်း မျိုးစုံနဲ့ တားဆီးနေကြပါတယ် ။ တနည်းအားဖြင့် အချိန်ကောင်းမဟုတ်သေးရွေ့ဟုဆိုရမည်ပဲ ဖြစ်သည် ။

ထိုနည်းတူစွာပင် တချို့သော အမျိုးသမီးများတွင် ကိုယ်ဝန်ဆောင်ခြင်းကို ရှောင်ရှားရမည့် ဒါမှမဟုတ် နှောင့်နေးရမည့် အခြေအနေများ ရှိနေပါတယ် ။ တချို့သော ရောဂါတွေကြောင့် ထိုအမျိုးသမီးတွေဟာ ကိုယ်ဝန်ဆောင်သော အခါမှာ ရင်သွေးရော မိခင်ပါ အသက်အန္တရာယ်စိုးရိမ်ရသည်အထိ ဖြစ်စေနိုင်ပါတယ် ။ ဒါပေမယ့် ဒီလိုရောဂါ အခြေအနေရှိတဲ့အမျိုးသမီးတိုင်းဟာ ကိုယ်ဝန် လုံးဝယူလို့မရဘူးလို့ဆိုလိုခြင်း မဟုတ်ဘဲ သင့်အနေနဲ့ သက်ဆိုင်ရာ ကျွမ်းကျင်သူ ဆရာဝန်များနှင့် ကိုယ်ဝန် မယူမီ သေချာဆွေးနွေးတိုင်ပင်ပြီးမှ ယူသင့်တယ်လို့ ဆိုလိုတာပဲ ဖြစ်ပါတယ် ။ ဒါမှသာ ကိုယ်ဝန်ယူခဲ့လျှင် ရလာမယ့် အဆိုးအကောင်း အကျိုး အပြစ်တွေကို သေချာ သိရှိမှာဖြစ်ပြီး ကိုယ်ဝန်ဆောင်သင့် မဆောင်သင့် သေချာ ဆုံးဖြတ်နိုင်မှာပါ ။

အောက်ဖော်ပြပါ ရောဂါအခြေအနေများရှိတဲ့ အမျိုးသမီးများအနေနဲ့ ကိုယ်ဝန်ဆောင်ရန် စီစဉ်တွေးတောမိတဲ့အခါ သက်ဆိုင်ဆိုင်ရာ ဆရာဝန်များနဲ့ ပြသတိုင်ပင်သင့်ပါတယ် ။

– ရင်သားကင်ဆာ ရှိသူများ

– နှလုံးအဆို့ရှင်မကောင်းသည့် ရောဂါသည်များ

– ဆီးချိုသေချာမထိန်းချုပ်နိုင်သည့် ဆီးချိုရောဂါရှင်များ

– သားအိမ်ကင်ဆာ ရှိသူများ

– အတက်ရောဂါရှိသူများ

– သွေးတိုးရောဂါ ရှိသူများ

– HIV/AIDS ရောဂါရှိသူများ

– နှလုံးသွေးကြောကျဉ်းရောဂါရှိသူများ

– အသည်းကင်ဆာ နှင့် တချို့သော အသည်းရောဂါရှိသူများ

– သွေးရောဂါများ

– ခန္ဓာကိုယ်တွင်း အင်္ဂါတစ်ခုခုကို နှစ်နှစ်အတွင်း အစားထိုးထားသူများ

– လေဖြတ်ထားသူများ

– တီဘီရောဂါရှိသူများ

ဒါကြောင့် ဒီလို ကိုယ်ဝန်ဆောင်ခြင်းကြောင့် စိုးရိမ်ရမယ့် အခြေအနေဖြစ်လာနိုင်တဲ့ အမျိုးသမီးတွေမှာ သန္ဓေတားဖို့အတွက် အထူးလိုအပ်ပါတယ် ။ ဒါမှသာ မတော်တဆ ကိုယ်ဝန်ရသွားခြင်းနှင့် နောက်ဆက်တွဲ ဆိုးကျိုးများကို တားဆီးနိုင်မှာပဲ ဖြစ်ပါတယ်။

အားလုံးကျန်းမာကြပါစေ

ဒေါက်ပီ