🔖ဒိုင်ပါလောင်တဲ့အခါ မဖြစ်မနေလုပ်ရမည့်အချက်များ🔖

ကလေးသေးခံ ဒိုင်ပါနဲ့ ထားလေ့ရှိတဲ့ ကလေးတွေမှာ ဒိုင်ပါလောင်တဲ့ ပြဿနာက ဖြစ်လေ့ရှိတဲ့ ပြဿနာပါ။ ဒီတော့ ဒိုင်ပါလောင်ရင် အမြန်သက်သာပျောက်ကင်းဖို့ ဒီအချက်လေးတွေကို သတိထား လိုက်နာဖို့လိုပါတယ်။

✔ဒိုင်ပါ မကြာခဏလဲပေးပါ။

ဒိုင်ပါ သိပ်မစိုစွတ်ခင် ကြိုလဲပေးခြင်းက အနာကို မြန်မြန်ခြောက်သွေ့ အနာကျက်မြန်စေပါတယ်။ တစ်နာရီတစ်ခါ ဒိုင်ပါကို စစ်ပါ။ ဆီး/ဝမ်း စိုနေရင် ချက်ချင်းလဲပါ။ စိုစွတ်မှုကို စုပ်ယူနိုင်စွမ်းပိုကောင်းတဲ့အတွက် ဒီအခြေအနေမှာ တစ်ခါသုံးဒိုင်ပါတွေက ပိုသင့်တော်ပါတယ်။

✔ကလေးရဲ့ ခန္ဓာကိုယ်အောက်ပိုင်းကို လေဝင်လေထွက်ကောင်းအောင် လုပ်ပေးပါ။

ဒိုင်ပါလဲပေးချိန်တိုင်း ချက်ချင်းပြန်မဝတ်ဘဲ ခါးအောက်ပိုင်းဗလာကျင်းပြီး ခဏထားပေးပါ။ ကြာကြာထားလေ အနာမြန်မြန်ခြောက်သွေ့သက်သာလေ ဖြစ်ပါတယ်။
အအေးမမိစေဖို့တော့ ဂရုစိုက်ပါ။

✔ဒိုင်ပါကို သိပ်မကြပ်ပါစေနဲ့။

တိပ်ကပ်ရတဲ့ ဒိုင်ပါဆိုရင်တော့ ခပ်လျော့လျော့ ကပ်ပါ။ လေဝင်လေထွက်ကောင်းဖို့အပြင် ပွတ်တိုက်မှု သိပ်မများစေဖို့ အရေးကြီးပါတယ်။ စိုစွတ်မှု၊ ပွတ်တိုက်မှုနဲ့ ဆီးထဲက အမိုးနီးယားဓာတ်တွေကြောင့် ဒိုင်ပါလောင်စေတာမို့ပါ။

✔ဒိုင်ပါလဲတိုင်း ဂွမ်းနုနုသန့်သန့်လေးကို ရေခပ်နွေးနွေးလေးစွတ်ပြီး အနာကိုသန့်ရှင်းရေးလုပ်ပေးပါ။

✔တစ်ခါသုံး တစ်ရှူးအစို(disposable wipes/wet tissues)တွေကို alcoholနဲ့ တခြား ဓာတုပစ္စည်းပါတာတွေ လုံးဝမသုံးမိဖို့ အရေးကြီးပါတယ်။
ဖြစ်နိုင်ရင် မသုံးပါနဲ့။

✔ကလေးရေချိုးချိန်မှာလည်း ဆပ်ပြာမသုံးပါနဲ့ဦး။

ဆပ်ပြာတွေ bubble bath တွေကြောင့် အနာပိုဆိုးသွားတတ်ပါတယ်။

✔အရေးအကြီးဆုံး အချက်ကတော့ ဒိုင်ပါလဲတိုင်း ဒိုင်ပါလောင်တဲ့နေရာတွေကို ဒိုင်ပါကရင်မ် တစ်ခုခုလိမ်းဖို့လိုပါတယ်။

Zinc, ကြက်ဆူဆီ စတာတွေ ပါဝင်တဲ့ diaper cream တွေက ပိုမြန်မြန်သက်သာစေမှာပါ။ ဒါတွေဝယ်လိမ်းဖို့အတွက် ဆရာဝန်ညွှန်ကြားချက်မလိုပါဘူး။ ဆီးနဲ့ ဝမ်းတွေ အရေပြားကို မထိတွေ့စေဖို့ လိုအပ်တဲ့ ပမာဏပြည့်အောင် ခပ်ထူထူလိမ်းပေးဖို့တော့ လိုပါတယ်။

🎯တစ်ပါတ်ကျော်တဲ့ အထိမပျောက်သေးရင်၊ ဒါမှမဟုတ် ကလေးအရမ်းနေရခက်ရင်၊ အနာသိပ်ဆိုးရင်၊ ပြည်တည်နာပါဖြစ်လာရင်တော့ ဆရာဝန်မြန်မြန်ပြဖို့ လိုအပ်ပါပြီ။

▪ဒိုင်ပါဝတ်ပေးထားရတဲ့ သက်ကြီးရွယ်အိုတွေ အိပ်ရာကမထနိုင်သူတွေမှာလည်း ဒိုင်ပါလောင်ရင် ဒီအချက်တွေ ဂရုစိုက်လိုက်နာဖို့ လိုအပ်ပါတယ်။

▪ဖြစ်မှကုသတာထက် ဒိုင်ပါမလောင်ခင် ကြိုကာကွယ်ဖို့ကတော့ ပိုအရေးကြီးပါတယ်။

ဒိုင်ပါရဲ့ ခံနိုင်ရည် ပမာဏနဲ့ အချိန်ကို ဘယ်တော့မှ မကျော်ပါစေနဲ့။

ဒိုင်ပါမပြည့်ခင် အမြဲ ကြိုလဲပါ။

ဒိုင်ပါလောင်ခြင်းကင်းကြပါစေ။

Dr ဖြိုးဝေလင်း
(13.8.19)