သွားဆေးခန်းကပစ္စည်းတွေပိုးသတ်ထားတဲ့အကြောင်း

သွားဆေးခန်းကို လာကြတဲ့သူတွေရဲ့ မေးခွန်းတွေထဲက တစ်ခုက ပစ္စည်းတွေ ပိုးသတ်ထားလား ဆိုတာပါပဲ။ နိုင်ငံသားလူနာတွေ သာမက နိုင်ငံခြားသားလူနာတွေပါ ဆေးခန်းလာရင် အဲ့လိုမေးကြတော့ တကယ်ပဲသိချင်လို့လား ဒီနိုင်ငံရဲ့ ကျန်းမာရေးစနစ်ကို မယုံတာလားတော့ ဝေခွဲရခက်ပါတယ်။

သွားဆေးခန်းမှာ သုံးတဲ့ပစ္စည်းတွေကို ပိုးသတ်မသတ် သိချင်ကြတဲ့ လူနာတွေအတွက် သေချာပေါက်ပြောနိုင်တာက ဆေးခန်းတိုင်းမှာ သုံးတဲ့ သွားဘက်ဆိုင်ရာဆေးကုပစ္စည်းတွေအကုန်လုံးကို သေချာစနစ်တကျ ပိုးသတ်ပြီးမှ သုံးတယ် ဆိုတာပါပဲ။ လူနာတစ်ယောက်ကိုပစ္စည်းသုံးပြီးသွားတိုင်း ပစ္စည်းတွေကို စနစ်တကျဆေးကြောပြီး သေချာပိုးသတ်လို့ ပြန်လည်အသုံးပြုပေးကြပါတယ်။ တစ်ခါသုံးပစ္စည်းတွေ မသုံးဘူးလားလို့ မေးရင်တော့ လက်အိတ်တွေ တစ်ခါသုံးရေခွက်တွေနဲ့ တစ်ခါသုံး examination set တွေလောက်ပဲ disposable (တစ်ခါသုံး) သုံးပြီး ကျန်တဲ့ သွားဘက်ဆိုင်ရာဆေးကုပစ္စည်းတွေကို ပိုးသတ်ပြီး ပြန်သုံးကြပါတယ်။ အဲ့လိုပစ္စည်းတွေကလဲ ဈေးကြီးတာမို့ တစ်ခါသုံးအနေနဲ့သာ အသုံးပြုရင် လက်ရှိပေးနေရတဲ့ charge တွေထက် ငါးဆ ဆယ်ဆလောက် ဈေးပိုများသွားပါလိမ့်မယ်။

သွားဆေးခန်းကိုလာတဲ့လူနာတွေအနေနဲ့ ယောက်တိုင်းစေ့ကို အသုံးပြုနေတဲ့ ဒီပစ္စည်းတွေကနေတဆင့် ရောဂါကူးမှာကိုကြောက်တာ နားလည်ပါတယ်။ အဲ့လိုသာကြောက်ကြေးဆိုရင် လမ်းဘေးဆိုင်က ယောက်တိုင်းစေ့စားနေတဲ့ ဆေး ရုံသာဆေးတဲ့ ပန်းကန်ခွက်ယောက်တွေကို မြင်ကြည့်ပါ။ ပါးစပ်ထဲ ထည့်တာချင်းအတူတူ ဆေးရုံသာဆေးထားတဲ့ ပစ္စည်းတွေနဲ့ ဆေးကြောပြီး သေချာပိုးသတ်ထားတဲ့ ပစ္စည်းတွေ ဘယ်ဟာက ပိုစိတ်ချရမလဲ ဆိုတာပါ။

ပြောချင်တာက ရောဂါကူးမှာကြောက်လို့ သွားဆေးခန်းမလာရဲတာ ဆိုတဲ့ တလွဲအကြောက်တရားကို စွန့်လွှတ်ပြီး မိမိရဲ့သွားနှင့်ခံတွင်းကျန်းမာရေးအတွက် သွားဆေးခန်းကို ရဲရဲဝံ့ဝ့သွားရောက်ပြသပြီး သင့်တော်တဲ့ စစ်ဆေးမှု သင့်တော်တဲ့ကုသမှုကို ခံယူကြပါလို့ တိုက်တွန်းပါရစေ။

မေတ္တာဖြင့်
သုဈာန်