သွားနှုတ်​ပြီး လူနာများ လိုက်​နာရန်​ အချက်​များ

ဒီနိုင်​ငံမှာ လူအများစုဟာ သွားနှုတ်​ခံရတဲ့ အ​တွေ့အကြုံ​တွေ ရှိထားကြမယ်​လို့ ထင်​ပါတယ်​။ က​လေးအရွယ်​မှာ ကြီးသွားကျွတ်​ချိန်​တန်​​ပေမယ့်​ မကျွတ်​​သေးလို့ နှုတ်​ပစ်​ရတာ​တွေ၊ အသက်​ခြာက်နှစ်မှာ ပထမဆုံး​ပေါက်​တဲ့ လူကြီးသွား(အံသွား)ကို က​လေးသွားထင်​ပြီး ဂရုမစိုက်​ဘဲ ပစ်​ထားမိလို့ သွားပိုးစားပြီး နှုတ်​ပစ်​ရတာ​တွေ၊ သွားနှင့်​ခံတွင်းကျန်းမာ​ရေးဂရုစိုက်​မှုအားနည်းလို့ အ​ကြောထုတ်​ကုသလို့မရနိုင်​​တော့ဘဲ သွားကိုနှုတ်​ပစ်​ရတာ​တွေဟာ ဒီမှာဖြစ်​ရိုးဖြစ်​စဉ်​တစ်​ခုလို ဖြစ်​​နေပါတယ်​။

ဆို​တော့ လူတိုင်း မကင်းနိုင်​ကြ​သေးတဲ့ သွားနှုတ်​ခံရခြင်း​နောက်​ပိုင်းမှာ ဘယ်​အချက်​​တွေ လိုက်​နာဖို့ရှိသလဲ…။ သင့်​ရဲ့ သွားကိုနှုတ်​​ပေးတဲ့ သွားဆရာဝန်​က ​သေချာ မှာလိုက်​မှာ ဖြစ်​​ပေမယ့်​ သွားနှုတ်​ခံထားရတဲ့ စိတ်​လှုပ်​ရှား​နေတဲ့ လူနာအဖို့ စကားဆယ်​ခွန်းမှာ ဆယ်​ခွန်းလုံး အပြည့်​မမှတ်​မိတတ်​ကြပါဘူး။

အောက်​မှာ သွားနှုတ်​ခံထားရပြီးရင်​ ဘာ​တွေ လိုက်​နာရမလဲဆိုတာ ​ဖော်​ပြ​ပေးထားပါတယ်​။

၁။ ဂွမ်းကိုနာရီဝက်​ဖိကိုက်​ထားပါ။
သွားဆရာဝန်​က သင့်​ရဲ့သွားကိုနှုတ်​​ပေးပြီး​နောက်​ပိုင်းမှာ သွားအမြစ်​​ပေါက်​​နေရာက​နေ ထွက်​​နေတဲ့​သွေး​တွေ တိတ်​​စေဖို့အတွက်​ ဂွမ်းကိုထည့်​​ပေးပြီးဖိကိုက်​ထားခိုင်းတတ်​ပါတယ်​။ တစ်​ခုရှိတာက အဆိုပါဂွမ်းကို ကိုက်​ထားတဲ့အချိန်​မှာ ကိုက်​ထားတာကို လုံးဝမလွှတ်​ရပါဘူး။ စကား​ပြောချင်​ရင်​လဲ ကိုက်​လျက်​သား​ပြောပါ။ မ​ပြော​လေ​ကောင်း​လေပါပဲ။ တံ​တွေးထွက်​လာရင်​လည်း မြိုချရပါမယ်​။ ဂွမ်းနဲ့အတူ ​သွေးခဲပါလိုက်​ပြုတ်​ထွက်​သွားရင်​ Dry Socket လိုမျိုး ​နောက်​ဆက်​တွဲ ​ရောဂါဖြစ်​လာနိုင်​ပါတယ်​။

၂။ ဆရာဝန်​မှာကြားတဲ့အတိုင်း ​ဆေးကို​သေချာ​သောက်​ပါ။
တစ်​ချို့သွားဆရာဝန်​​တွေဟာ သွားမနှုတ်​ခင်​မှာ ​ဆေးကို ကြိုတိုက်​တတ်​ကြသလို တစ်​ချို့က နာရီဝက်​ကိုက်​ထားခိုင်းတဲ့ ဂွမ်းကိုထုတ်​ပြီးမှသာ ​ဆေး​သောက်​ခိုင်းတတ်​ကြပါတယ်​။ ​နောက်​ပြီး ​ဆေးကို​နောက်​ရက်​​တွေမှာ ထပ်​​သောက်​ဖို့ညွှန်​ကြားတတ်​ပါတယ်​။ အဆိုပါ ညွှန်​ကြားထားတဲ့ ​ဆေးကို ​ဆေးပတ်​လည်​​အောင်​ သုံးရက်​စာဆို သုံးရက်​အပြည့်​​သောက်​​ပေးပါ။

၃။ ၂၄ နာရီအတွင်း ပလုတ်​ကျင်းခြင်း၊ တံ​တွေး​ထွေးခြင်း၊ အချိုရည်​များကို ပိုက်​နဲ့စုပ်​​သောက်​ခြင်း၊ ​ဆေးလိပ်​​သောက်​ခြင်း မပြုလုပ်​ရ။
ပလုတ်​ကျင်းခြင်းဟာ သွားနှုတ်​ထားတဲ့​နေရာမှာ ကပ်​ပြီးပိတ်​​ပေး​နေတဲ့ ​သွေးခဲ​တွေကို ပြန်​ကွာ​အောင်​ ပြုလုပ်​နိုင်​သလို တစ်​ခြားအပြုအမူဟာလည်း ပါးစပ်​အတွင်းမှာ ​လေကိုစုပ်​ယူတာဖြစ်​တဲ့အတွက်​ အနာကိုပိတ်​ထား​ပေး​နေတဲ့ ​သွေးခဲ​တွေကို ပြန်​ကွာ​စေပါတယ်​။

၎။ သွားနှုတ်​ထား​သော​နေရာအား လျှာဖြင့်​ထိုးကြည့်​ခြင်း၊ လက်​ဖြင့်​နှိုက်​ကြည့်​ခြင်း မပြုလုပ်​ရ။
အဆိုပါအပြုအမူ​တွေဟာ ပိတ်​​​ပေး​နေတဲ့​သွေးခဲ​တွေကို ပြန်​ကွာထွက်​​စေပါတယ်​။

၅။ အပူများ မစားသုံးရ။
ကော်​ဖီအပူ ဟင်းရည်​အပူ လက်​ဖက်​ရည်​အပူ ​ရေ​နွေးကြမ်းအပူ​တွေဟာ ပိတ်​​နေတဲ့​သွေးခဲ​တွေကို ပြန်​​ပျော်​​စေနိုင်​ပါ​တယ်​။

၆။ ငါးရက်​ခန့်​အထိ ​ဆေးလိပ်​​သောက်​ခြင်း၊ ကွမ်းစားခြင်းမပြုလုပ်​ရ။ အပုပ်​ခံထား​သောအစားအစာများ၊ လက်​လုပ်​ချဉ်​များ မစားရ။

၇။ သွားနှုတ်​ပြီး ပါးများ​ရောင်​လာပါက ​ရေခဲအိတ်​ကပ်​​ပေးပါ။
ရိုးရိုးသွားနှုတ်​တာ​တွေမှာ ​ရောင်​ရမ်းတာဟာ သိပ်​မရှိတတ်​​ပေမယ့်​ အံဆုံးနှုတ်​ထားရတဲ့သူ​တွေမှာ ပါး​တွေ​ရောင်​လာတတ်​ပါတယ်​။ ​ရောင်​တဲ့​နေရာကို ဆယ့်​ငါးမိနစ်​ခန့်​ ​ရေခဲအိတ်​ကပ်​​ပေးရင်​ ဆရာဝန်​ညွှန်​ကြားတဲ့​ဆေးကို ​သေချာ​သောက်​​ပေးရင်​ အ​ရောင်​ပြန်​ကျသွားမှာပါ။

၈။ သွားနှုတ်​ပြီး တစ်​နာရီ​ကျော်​ထိ ​သွေးမတိတ်​​သေးပါက ဆရာဝန်​ထံသို့ အမြန်​ဆုံး ပြန်​လည်​သွား​ရောက်​ပြသပါ။
တစ်​ခါတစ်​​လေ​တော့ ​တစ်​ချို့လူ​နာ​တွေဟာ စိုးရိမ်​စိတ်​နဲ့ တံ​တွေးခဏခဏ​ထွေးကြည့်​ရင်​ ​သွေး​တွေစိမ့်​ထွက်​တတ်​ပါတယ်​။ ဒါဟာ ပုံမှန်​​ပေမယ့် ​သွေး​တွေ အများအပြားဆက်​ထွက်​​နေရင်​​တော့ သွားဆရာဝန်​ဆီ အမြန်​ဆုံးပြန်​သွားသင့်​ပါတယ်​။

၉။ ထုံ​ဆေးထိုးထား၍ ထုံ​နေ​သောနှုတ်​ခမ်းများ လျှာများ ပါး​စောင်​များအား မကိုက်​ကြည့်​ရ။
လူကြီး​​တွေအ​နေနဲ့ ထုံ​ဆေး​ကြောင့်​​ထုံ​နေတဲ့ဒဏ်​​တွေကို ခံနိုင်​​ပေမယ့်​ က​လေး​တွေက မ​နေတတ်​ကြပါဘူး။ သူတို့်ဟာ ထုံ​နေတာကို အထူးအဆန်းဖြစ်​ပြီး ကိုက်​ကြည့်​တတ်​ကြတာ​ကြောင့်​ မလိုလားအပ်​တဲ့ ဒဏ်​ရာ​တွေကိုရ​စေနိုင်​ပါတယ်​။

၁၀။ သွားနှုတ်​ထား​သောညတွင်​ သွားနှုတ်​ထား​သော​နေရာကို​ရှောင်​၍ သွားတိုက်​နိုင်​ပါသည်​။

၁၁။ သွားနှုတ်​ပြီး ၂၄နာရီပြည့်​​သောအချိန်​တွင်​ ​ရေ​နွေးကြမ်းခပ်​​နွေး​နွေး သို့ ​ရေခပ်​​နွေး​နွေးထဲ ဆားအ​နေ​တော်​ထည့်​၍ အဆိုပါ ဆားငန်​ရည်​ဖြင့်​ ငုံပြီး​ထွေးခြင်းကို ပြုလုပ်​​ပေးပါ။
သတိပြုရမှာက ဆားငန်​ရည်​နဲ့ ပလုတ်​ကျင်းခိုင်းတာ မဟုတ်​ပါဘူး။ ငုံပြီး​ထွေးခိုင်းတာပါ။ ငုံထားပြီး တစ်မိနစ် ​​နှစ်​မိနစ်​အကြာ​လောက်​မှာ ပြန်​​ထွေး​ပေးမှသာ သူ့အာနိသင်​ကို ​ကောင်းစွာရရှိ​စေမှာပါ။ တစ်​ရက်​ကိုသုံးကြိမ်​နဲ့ တစ်​ကြိမ်​ကို ငါးခါ​လောက်​ ငုံပြီး​ထွေးတာမျိုး ငါးရက်​​လောက်​ထိလုပ်​​ပေးပါ။

၁၂။ ဆရာဝန်​​ခေါ်​သောရက်​ချိန်းသို့ မပျက်​မကွက်​ ပြန်​လည်​သွား​ရောက်​ပြသပါ။
ဆရာဝန်​က ချုပ်​ရိုးချုပ်​​ပေးလိုက်​ရင်​ ပြန်​​ဖြေ​ပေးမှာ ဖြစ်​သလို အနာကျက်​မှုနှုန်းနဲ့ ကိုက်​ခဲမှု ​ရောင်​ရမ်းမှု​​​တွေကိုလည်း ပြန်​လည်​စစ်​​ဆေး​ပေးမှာဖြစ်​လို့ မပျက်​မကွက်​ပြန်​လည်​သွား​ရောက်​ ပြသသင့်​ပါတယ်​။

၁၃။ အံဆုံးများမှလွဲ၍ ကျန်​​သောသွားများတွင်​ သွားနှုတ်​ထားပြီး တစ်​လခွဲ နှစ်​လခန့်​အကြာတွင်း သွားတု ပြန်​လည်​စိုက်​နိုင်​ပါသည်​။
အံဆုံး​တွေဟာ မသုံးတဲ့အတွက်​ ပြန်​စိုက်​ဖို့မလိုပါဘူး။ သွားကိုတစ်​လခွဲ​လောက်​မှ စိုက်​ခိုင်းတာက ​အောက်​က သွားဖုံးရိုးက အဲ့အချိန်​​လောက်​မှ အသားကျတာမို့ပါ။ သွားဖုံးရိုးအသားမကျခင်​ သွားစိုက်​လိုက်​ရင်​ ​နောက်​ဆက်​တွဲပြဿနာ​တွေ ရှိလာနိုင်​ပါတယ်​။

သွားနှင့်​ခံတွင်းကျန်းမာ​ရေးပြဿနာများ ကင်း​ဝေးနိုင်​ကြပါ​စေ။

Dr.သုဈာန်