ကလေးငယ်များနှင့် တီဘီဦးနှောက်အမြှေးရောင်ရောဂါ

တီဘီရောဂါကို လူအများစုက အဆုတ်နာအနေနဲ့အသိများကြမှာပါ။ တီဘီရောဂါဖြစ်ရင် ရင်ဘတ်အောင့်တယ်၊ ချောင်းဆိုးတယ်၊ သွေးပါတယ်၊ စသဖြင့်သိကြပါတယ်။ တီဘီရောဂါကအဆုတ်မှာ အဆိုပါဝေဒနာတွေဖြစ်စေသလို တစ်ကိုယ်လုံးပျံ့သွားရင်လည်း ရောက်တဲ့နေရာမှာ ရောဂါဖြစ်နိုင်ပါတယ်။ အူတွေရောက်သွားရင် အူတီဘီ၊ ဦနှောက်အမြှေးပါးကိုရောက်ရင် ဦးနှောက်အမြှေးရောင်တီဘီဖြစ်တတ်ပါတယ်။

လူတွေရဲ့ပင်မအာရုံကြောစနစ်မှာ ဦးနှောက်ရယ်ကျောရိုးမကြီးရယ်ပါဝင်ပြီး ရောဂါပိုးတွေမဝင်နိုင်အောင် အမြှေးပါးတွေနဲ့ကာရံထားပါတယ်။ အဲဒီအမြှေးပါးတွေကို တီဘီရောဂါပိုးရောက်သွားပြီဆိုရင်တော့ အမြှေးရောင်တီဘီဝေဒနာကို ခံစားရနိုင်ပါတယ်။

တီဘီရောဂါရဲ့လက္ခဏာတွေအနေနဲ့ကတော့ တငွေ့ငွေ့ဖျားတာ၊ ချောင်းဆိုးတာ၊ ရင်ဘတ်အောင့်တာ၊ ချောင်းဆိုးသွေးပါတာ၊ အကြိတ်တွေစမ်းမိတာ၊ ပိန်လာတာ၊ ခေါင်းချွေးတွေထွက်တာ စသဖြင့်ဖြစ်နိုင်ပါတယ်။ အမြှေးရောင်လာပြီဆိုရင်တော့ ခေါင်းကိုက်တာ၊ အန်တာ၊ဇက်ကြောတောင့်နေတာ၊ တက်တာ၊ အဖျားကြီးတာတွေပါဖြစ်တတ်ပါတယ်။ ရောဂါလက္ခဏာတွေဟာ ကလေးရောလူကြီးပါဆင်တူနိုင်ပြီး အရွယ်မရွေးဖြစ်နိုင်ပါတယ်။

တီဘီရောဂါဟာလူကြီးကလေးမရွေးဖြစ်နိုင်ပါတယ်။ နဂိုကျန်းမာရေး ကောင်းပြီးသား ဘာရောဂါမှအခံမရှိသူတွေမှာဖြစ်နိုင်ပါတယ်။ ဒါပေမယ့် ရောဂါဖြစ်နိုင်ခြေပိုများတဲ့သူတွေရှိပါတယ်။ ခုခံအားကျဆင်းတဲ့ရောဂါရှိသူတွေ၊ တခြားရောဂါအခံ ကြောင့် ကိုယ်ခံအားကျနိုင်တဲ့ဆေးသောက်နေရသူတွေ စတဲ့သူတွေမှာဆိုရင်တီဘီရောဂါဖြစ်နိုင်ခြေကော အခြားက်ုယ်အင်္ဂါမှာ ရောဂါဖြစ်နိုင်ခြေပါပိုများတတ်ပါတယ်။

နောက်ပိုင်းမှာ မွေးကင်းစကလေးငယ်တွေကို တီဘီကာကွယ်တေးတွေ ထိုးပေးနေပါတယ်။ အဆိုပါကာကွယ်ဆေးဟာ တီဘီရောဂါကို ဖြစ်ပွားခြင်းကမကာကွယ်နိုင်ပေမယ့် ပြင်းထန်တဲ့တီဘီရောဂါမျိူအစား (ဥပမာ ဦနှောက်အမြှေးရောင်တီဘီ) ဖြစ်လာနိုင်ခြေကိုကျစေနိုင်ပါတယ်။

တီဘီရောဂါရှိနေတာနဲ့ ထိထိရောက်ရောက်ကုသမှုခံယူထားရင် အခြားနေရာတွေကို ပျံ့နိုင်ခြေကိုလျော့ချပေးပါတယ်။ အဆုတ်ကနေ အခြားနေရာကိုပျံ့သွားရင်တော့ သောက်ရတဲ့ဆေးပမာဏ၊ သောက်ရတဲ့အချိန်အတိုင်းအတာ၊ စတာတွေကွာခြားနိုင်ပါတယ်။

ဦးနှောက်အမြှေးရောင်နီဘီဖြစ်နေပြီဆိုရင်လည်း ကုသမှုကို စောစောစီးစီး ထိထိရောက်ရောက်ခံယူထားရင် နောက်ဆက်တွဲဆိုးကျိုးတွေဖြစ်မလာအောင်၊ ဖြစ်ပြီးရင်လည်း ပိုမဆိုးလာအောင်တားဆီးပေးပါတယ်။ မကြာခဏတက်တာ၊ အကြောဆွဲတာ၊ ဦခေါင်းခွံထဲမှာ ရေတွေစုလာတာ၊ ဥာဏ်ရည်ဥာဏ်သွေးချို့တဲ့တာတွေဖြစ်လာနိုင်ပါတယ်။ ဒါ့အပြင် ဆေးကိုပုံမှန်မသောက်ရင် ဆေးယဉ်ပါးတီဘီ၊ ဆေးမတိုး တဲ့တီဘီတွေဖြစ်နိုင်ပါတယ်။

တီဘီဦးနှောက်အမြှေးရောင်ရောဂါဟာ သဘောသဘာဝအရပြင်းထန်ပြီးဆိုးဝါးတယ်ဆိုပေမယ့် ထိရောက်စွာကုသမှုခံယူရင်ပျောက်ကင်းနိုင်ပါတယ်။ ဒါ့အပြင်ငယ်စဉ်က ကာကွယ်ဆေးထိုးထားရင်လည်း ဦးနှေက်အမြှေးရောင်တီဘီကို ဖြစ်ပွားတာကို လျော့ချပေးနိုင်ပါတယ်။ ဒါကြောင့် တီဘီရောဂါဖြစ်ဖြစ်၊ ဦးနှောက်အမြှေးရောင်တီဘီပဲဖြစ်ဖြစ်ထိရောက်စွာ ကုသထားဖို့လိုအပ်ပါတယ်။

Dr. ZZ