လေဖြတ်ကာကွယ်ဆေးရှာပုံတော်

အခုနောက်ပိုင်းမှာ ရပ်ကွက်ထဲမှာလေမဖြတ်အောင် လေဖြတ်ကာကွယ်ဆေးထိုးကြမယ်ဆိုပြီး ပြောနေကြထိုးနေကြတာတွေတွေ့နေရပါတယ်။ လေဖြတ်တဲ့အခါမှာ ပြန်မကောင်းကြတဲ့သူတွေလည်းအများအပြားရှိသလို ပြန်ကောင်းဖို့ကိုလည်းအချိန်အကြာကြီးယူရသူတွေရှိတဲ့အတွက် လူတွေကလေဖြတ်မှာအလွန်ကြောက်ကြပါတယ်။ ဒီတော့ လေဖြတ်ကာကွယ်နည်းတွေကိုလေ့လာပြီး တစ်ခုမဟုတ်တစ်ခုစမ်းသပ်ကြပါတယ်။ ဒီအထဲမှာမှ လေဖြတ်ကာကွယ်ဆေးထိုးဖို့ရွေးချယ်ကြသူတွေရှိတဲ့အတွက် ဒီဆောင်းပါးကိုတင်ပြလိုက်ပါတယ်။

တစ်ကယ်တော့ လေဖြတ်ကာကွယ်ဆေးဆိုတာကမ္ဘာပေါ်မှာခုထိ လုံးဝမပေါ်သေးပါဘူး။ တစ်နည်းအားဖြင့် ရှိကိုမရှိသေးတာပါ။ ဒါဆိုရင် အခုလူတွေထိုးနေကြတာဘာတွေလဲလို့မေးစရာရှိလာပါတယ်။

အခုလူတွေကို ရမ်းကုများနဲ့ဆေးဆရာယောင်များက လေဖြတ်ကာကွယ်ဆေးဆိုပြီးထိုးပေးနေကြတာက Piracetam လို့ခေါ်တဲ့ဆေး ဒါမှမဟုတ်ရင် Cerebrolysin လို့ခေါ်တဲ့ဆေးတွေပါ။ ဒီဆေးတွေဟာတကယ်တော့ လေဖြတ်တာကိုကာကွယ်တဲ့ဆေးတွေမဟုတ်ဘဲ လေဖြတ်ပြီးတဲ့သူတွေကို နောက်ဆက်တွဲအနေနဲ့ ရေရှည်ပေးတဲ့ဆေးတွေဖြစ်ပါတယ်။ ဒီဆေးတွေဟာ လေဖြတ်ခြင်းကိုကာကွယ်နိုင်တယ်လို့ ဘယ်နိုင်ငံကမှ အသိအမှတ်ပြုမထားပါဘူး။ ဒါ့အပြင် Piracetamရဲ့အစွမ်းသတ္တိကိုလည်း ပညာရှင်များကအငြင်းပွားနေကြဆဲဖြစ်ပါတယ်။

ဒါဆိုရင်ကျွန်တော်တို့ကြောက်ကြတဲ့လေဖြတ်ခြင်းကို ကာကွယ်ဖို့ရာ မဖြစ်နိုင်တော့ဘူးလား လက်လျှော့ရတော့မှာလား လို့မေးရင် ကာကွယ်နိုင်မယ့်အဖြေရှိပါတယ်။ အဲဒါကတော့ ကိုယ်လက်လှုပ်ရှားခြင်းနဲ့အစားအသောက်ကိုဆင်ခြင်ပြီးစားသုံုးခင်းပါပဲ။ တစ်နေ့ကို အနည်းဆုံးနာရီဝက်ခန့်လမ်းလျှောက်ပေးမယ်၊ အသင့်အတင့်ကိုယ်လက်လှုပ်ရှားရသော အားကစားတစ်ခုခုကို ဆယ့်ငါးမိနစ်ခန့်ပြုလုပ်ပေးမယ် အဲဒါနဲ့အတူ အဆီများသော၊ အငန်လွန်ကဲသောအစားအစာများကိုရှောင်မယ် လျှော့စားမယ်ဆိုရင် ကျန်းမာတဲ့ဘဝတစ်ခုကိုရရှိနိုင်မှာပါ။ ဒါကမှ တစ်ခုတည်းသော လေဖြတ်ကာကွယ်နိုင်မယ့်နည်းလမ်းပဲဖြစ်ပါကြောင်း တင်ပြလိုက်ရပါတယ်။

မေတ္တာဖြင့်
စိုင်းမြတ်သူ