သားသားမီးမီးတို့မှာတွေ့ရတတ်တဲ့စတော်ဘယ်ရီသွေးကြောဖု

သားသားမီးမီးတို့လေးတွေဖွါးမြင်တဲ့အခါမှာမိသားစုဝင်အသစ်ရတနာလေးတွေအတွက်မိသားစုဝင်တွေဟာတော်တော်လေးကိုစိတ်တွေလှုပ်လှုပ်ရှားရှားဖြစ်ကြရပါတယ်။မွေးဖွါးလာတဲ့သားသားမီးမီးလေးတွေဟာဘယ်လိုလေးများလဲ၊ဖြူသလား၊မဲသလား၊အဖေတူသလား၊အမေတူသလားစသဖြင့်သိလိုမြင်လိုစိတ်တွေတစ်ဖွားဖွားဖြစ်နေတတ်ကြတာဟာဓမ္မတာပါ။
ဒီလိုနဲ့ပဲမွေးဖွားပြီးစတွေမှာသားသားမီးမီးလေးတွေကိုတစ်နေကုန်အောင်ထိုင်ပြီးတစ်စိမ့်စိမ့်ကြည့်တတ်ကြပါတယ်။ကြည့်မ၀၊ရှုမ၀ဖြစ်ကြရပါတယ်။ ဒါကြောင့်သားသားမီးမီးလေးတွေရဲ့ခန္ဓာကိုယ်အပေါ်မှာဘယ်နားမှာဘာလေးရှိတယ်၊ဘယ်လိုထူးခြားတယ်စသဖြင့်သိနေတတ်ကြပါတယ်။ ဒီတော့သားသားမီးမီးလေးတွေမှာရှိနေတာတွေကိုမှတ်မိသလိုအဲဒီရှိနေတဲ့အရာကလေးတွေပြောင်းလဲလာတာကိုလည်းသူတို့တစ်တွေဟာသတိထားမိတတ်ကြပါတယ်။ အဲဒီလိုမွေးရာပါအရာလေးတွေပြောင်းလဲတဲ့အခါမှာလို့စိတ်သောကတွေများပြီးဆရာဝန်နဲ့တိုင်ပင်ဆွေးနွေးတတ်ကြပါတယ်။ဒီလိုဖြစ်ကြလို့မကြခဏဖြေရှင်းပေးရတဲ့ပြသနာတွေထဲမှာအခုရေးပြမယ့်စတော်ဘယ်ရီသွေးကြေဖုပြသနာကတော့တော်တော်တွေ့ရဖြေရှင်းရတတ်တဲ့ပြသနာလေးတစ်ခုပဲဖြစ်ပါတယ်။

ဘယ်လိုခေါ်မယ်
ဒီသွေးကြောဖုကိုမြန်မာလိုတိတိကျကျမှည့်ဆိုထားတာမရှိသော်လည်းအင်္ဂလ်ိပ်လိုတော့အခေါ်အဝေါ်တွေကများပါတယ်။Haemangioma simplex ၊ Strawberry nevus ၊ Capillary Haemangioma ၊ Capillary Nevus စသဖြင့်အမျိုးမျိုးခေါ်ကြပါတယ်။ဒီမှာကတော့အမှတ်လိုလို၊ဘာလိုလိုမရေရာနဲ့ပဲအမည်မပေါ်ပဲရှိနေပါတယ်။တိကျစွာအမည်မှည့်ခေါ်ထားတာမျိုးလည်းမတွေ့မိပါဘူး။နာမည်တွေကလည်းတစ်ကျောင်းတစ်ဂါထာဖြစ်နေတတ်ကြပါတယ်။ဒီစတော်ဘယ်ရီသွေးကြောဖုဆိုတဲ့နာမည်ကတော့အင်္ဂလိပ်နာမည်ကိုဆီလျော်အောင်ပြန်ဆိုလိုက်တာပါ။

ဘာကြောင့်ဖြစ်ရတာလဲ
တစ်ကယ်တော့ဒီစတော်ဘယ်ရီသွေးကြောဖုလေးတွေဟာသွေးကြောနံရံဆဲလ်တွေတိုးပွါးပြီးတော့သွေးကြောဖုတွေဖြစ်လာရတာပါ။ဒီလိုသွေးကြောနံရံဆဲလ်တွေဘာကြောင့်တိုးပွါးရတာလဲဆိုတာကတော့တိတိကျကျမသိရပဲအရေပြားကိုအောက်ဆီဂျင်ရောက်ရှိမှုနည်းပါးသွားတာဟာဒီသွေးကြောဖုကိုဖြစ်စေရတဲ့အချက်တစ်ခုလို့ထောက်ပြကြပါတယ်။အောက်ဆီဂျင်ရရှိမှုနည်းပါးခြင်းဟာသွေးကြောတွေကိုတိုးပွါးစေပါတယ်။ဒါကြောင့်လဲအောက်ဆီဂျင်ရရှိရေးအတွက်သွေးကြောတွေပွါးများပေးရာကဒီလိုဖြစ်ရတာလို့ဆိုကြပါတယ်။ဒီလိုဆဲလ်တွေတိုးပွါးတယ်ဆိုတော့လည်းတစ်ချို့ကကင်ဆာများလားဆိုပြီးစိုးရိမ်တတ်ကြပါတယ်။တစ်ကယ်တော့ကင်ဆာလဲမဟုတ်ပါဘူး။ရိုးရိုးဆဲလ်တိုးပွါးမှုဖြစ်စဉ်တစ်ခုပဲဖြစ်ပါတယ်။
ကလေးငယ်လေးတွေရဲ့အရေပြားပေါ်မှာဖြစ်ရတဲ့အခြားသွေးကြောဖုတွေလည်းရှိပါသေးတယ်။အဲဒီပြသနာတွေကတော့ရှားရှားပါးပါးရံဖန်ရံခါမှာပဲဖြစ်တတ်ကြပါတယ်။ဒီစတော်ဘယ်ရီသွေးကြောဖုကတော့ပိုပြီးအဖြစ်များအတွေ့များပါတယ်။

သွေးကြောဖုအမျိုးအစား
တစ်ကယ်တော့ကလေးငယ်လေးတွေမှာဖြစ်တတ်တဲ့သွေးကြောဖုအမျိုးအစားတွေအများကြီးရှိပါတယ်။သွေးကြောမျှင်ကလေးတွေဖုထုံးနေတာကအစနေရာလိုက်အပြင်ကြီးဖြစ်နေတတ်တာမျိုးအထိပေါ့။ကလေးငယ်လေးတွေမှာဖြစ်တတ်တဲ့သွေးကြောဖုတွေကိုအမျိုးအစားခွဲခြားထားပါတယ်။အဓိကအားဖြင့်သုံးမျိုးရှိပါတယ်။အားလုံးကိုတော့Haemangioma of Infancy ဆိုပြီးခေါင်းစဉ်တစ်ခုအောက်မှာပဲစုထားပါတယ်။မြန်မာလိုကလေးငယ် လေးတွေမှာဖြစ်တဲ့သွေးကြောဖုပေါ့။အမျိုးအစားတွေကိုလည်းအရေပြားမှာတည်ရှိနေတဲ့အနေအထားအပေါ်မှာပဲမူတည်ပြီးခွဲခြားထားပါတယ်။အရေပြားရဲ့အပေါ်ယံအကျဆုံးသွေးကြောမျှင်လေးတွေမှာဖြစ်တဲ့သွေးကြောဖု၊အရေပြားရဲ့အတွင်းပိုင်းကျတဲ့အလွှာတွေမှာဖြစ်တဲ့သွေးကြောအဖု၊ပူးတွဲရောရာ(အပေါ်ယံနဲ့အတွင်းပိုင်း)သွေးကြောဖုဆိုပြီးသုံးမျိုးခွဲခြားထားပါတယ်။
စာရေးသူအခုရေးမယ့်စတော်ဘယ်ရီသွေးကြောဖုအမျိုးအစားကတော့အရေပြားအပေါ်ယံအကျဆုံးသွေးကြောမျှင်လေးတွေမှာဖြစ်တဲ့သွေးကြောဖုအုပ်စုထဲကပါ။အပေါ်ယံမှာဖြစ်တာကြောင့်တခြားအုပ်စုတွေနဲ့ယှဉ်ရင်သိပ်ပြီးပြသနာမပေးတဲ့အုပ်စုလို့ယေဘူယျပြောလို့ရပါတယ်။

စတော်ဘယ်ရီသွေးကြောဖုရဲ့အသွင်သဏ္ဍန်
နာမည်ကိုကစတော်ဘယ်ရီးသွေးကြောဖုလို့မှည့်ဆိုထားလေတော့ရှင်းရှင်းကလေးပဲစဉ်းစားကြည့်ရင်တောင်သိနိုင်ပါတယ်။စတော်ဘယ်ရီသီးနဲ့တူလို့ပေါ့။အရောင်မှာတူသလိုဖုထွက်နေတာလေးကလည်းစတော်ဘယ်ရီသီးနဲ့ခပ်ဆင်ဆင်ဖြစ်နေတာကြောင့်ဒီနာမည်ကိုပေးလိုက်ကြတယ်ထင်ပါတယ်။အရွယ်အစားကလည်းဝ.၅စင်တီမီတာလောက်ကနေတော်တော်ကြီးကြီး၁၀စင်တီမီတာလောက်အထိရှိနိုင်ပါတယ်။တစ်ဖုတည်းပဲတွေ့ရတာများပါတယ်။အဖြစ်များအတွေ့များတဲ့နေရာတွေကတော့ဦးခေါင်းပိုင်းနဲ့လည်ပင်းပိုင်းတွေမှာပါ။၅၀ရာခိုင်နှုန်းလောက်သောစတော်ဘယ်ရီသွေးကြောဖုတွေဟာဦးခေါင်းနဲ့လည်ပင်းပိုင်းတွေမှာတွေ့ရှိရတယ်လို့လေ့လာတွေ့ရှိချက်တွေကဆိုပါတယ်။တစ်ခြားသောနေရာတွေမှာလည်းဖြစ်နိုင်ပါတယ်။မျက်နှာ၊ကျော၊လက်မောင်း၊တင်ပါး၊ပေါင်စတဲ့နေရာတွေမှာလည်းတွေ့ရတတ်ပါတယ်။အနီရဲရဲဒါမှမဟုတ်အနီရင့်ရင့်ရောင်သမ်းတဲ့အဖုလေးဒီ့ထက်ကြီးတော့လည်းပြင်လိုက်အဖြစ်တွေ့ရတတ်ပါတယ်။ကြည့်လိုက်ရင်စတော်ဘယ်ရီဖတ်ကလေး၊စတော်ဘယ်ရီသီးကလေးတင်ထားသလိုလေးပေါ့။အရမ်းကြီးတဲ့သွေးကြောဖုမျိုးကတော့စတောဘယ်ရီနဲ့သိပ်ပြီးမတူပါဘူး။ကိုင်ကြည့်ရင်လည်းနုနုအိအိလေးပါ။

ဖြစ်ဖို့ပျောက်ဖို့
ဒီစတော်ဘယ်ရီသွေးကြောဖုတွေဟာကလေးငယ်တစ်ရာမှာတစ်ယောက်လောက်တော့ဖြစ်တတ်ကြပါတယ်။သို့သော်လည်းအသက်အရွယ်အပေါ်မှာမူတည်ပြီးတွေ့ရှိနိုင်မှုရာနှုန်းတွေကွဲပြားနိုင်ပါတယ်။သားသားလေးတွေထက်မီးမီးလေးတွေမှာပိုပြီးဖြစ်တာကိုတွေ့ရတယ်။ဒီစတော်ဘယ်ရီသွေးကြောဖုလေးတွေဟာမွေးပြီးခါစမှာတွေ့ချင်မှတွေ့ရတာပါ။ဘာကြောင့်လဲဆိုတော့သွေးကြောနံရံဆဲလ်တွေကစပြီးပွါးခါစအချိန်ဖြစ်တာကြောင့်အရွယ်အစားကြီးလာမှသာသတိထားမိတတ်ကြတာပါ။ဒီတော့ပထမတစ်ပတ်နှစ်ပတ်သားလောက်မှာသိပ်မသိကြသေးပဲသွေးကြောနံရံဆဲလ်တွေတိုးပွါးမှုနှုန်းများလာတဲ့အချိန်မှာစပြီးသတိထားမိလာတတ်ကြပါတယ်။စတော်ဘယ်ရီသွေးကြောဖုရဲ့ကြီးထွားမှုနှုန်းအမြန်ဆုံးအချိန်(သွေးကြောနံရံဆဲလ်တွေကွဲပွါးမှုနှုန်းအများဆုံးအချိန်)ကတော့၃လနဲ့တစ်နှစ်ကြားကာလမှာဖြစ်ပါတယ်။၃လလောက်မှာအရင်ကရှိနေတဲ့အနီစက်ကလေးကတစ်ဖြည်းဖြည်းကြီးထွားလာတော့ဘာများဖြစ်တာပါလိမ့်၊ပိုပိုပြီးကြီးကြီးလာပြီ၊ဒုက္ခပါပဲဆိုပြီးလာပြတတ်ကြပါတယ်။စတော်ဘယ်ရီသွေးကြောဖုတွေရဲ့ဂ၀ရာခိုင်နှုန်းလောက်ကတော့၃လကနေ၅လလောက်အတွင်းမှာအကြီးဆုံးအရွယ်အစားကိုရောက်ရှိသွားတတ်ကြပါတယ်။တစ်ချို့ကတော့တစ်နှစ်လောက်အထိဆက်ပြီးကြီးထွားနေနိုင်ပါသေးတယ်။မေမေ၊ဖေဖေ၊ဖိုးဖိုး၊ဖွားဖွားတို့ကတော့သားသားမီးမီးလေးတို့ရဲ့အဖုလေးပိုပြီးကြီးလာမှာကိုစိုးရိမ်ကာကုသမှုခံယူဖို့စိတ်ဆန္ဒတွေစောနေတတ်ကြပါတယ်။တစ်ကယ်တော့ဒီစတော်ဘယ်ရီသွေးကြောဖုတွေဟာအသက်အရွယ်အားဖြင့်၂နှစ်သားလောက်မှာစပြီးပြန်လည်သေးငယ်ကာပျောက်ကွယ်သွားတတ်ကြပါတယ်။အသက်၁၀နှစ်၁၂နှစ်လောက်မှာစတော်ဘယ်ရီသွေးကြောဖုများဟာများသောအားဖြင့်သူ့အလိုလိုပျောက်ကုန်တတ်ကြပါတယ်။အရင်ကရှိခဲ့တဲ့နေရာလေးမှာတော့ဖြူဖျော့ဖျော့အရာလေးထင်ကျန်နေရစ်တတ်ပါတယ်။

ဘယ်လိုကလေးငယ်တွေမှာအဖြစ်များ
စတော်ဘယ်ရီသွေးကြောဖုတွေဟာသာမန်ကလေးတွေထက်စာရင်တစ်ချို့သောကလေးတွေမှာအဖြစ်များတာကိုတွေ့ရပါတယ်။ဥပမာ-မိန်းကလေးဖြစ်မယ်၊ကိုယ်အလေးချိန်မပြည့်မှီပဲမွေးလာမယ်၊ဆိုရင်စတော်ဘယ်ရီသွေးကြောဖုဖြစ်ပွါးမှုများတာကိုတွေ့ရတတ်ပါတယ်။နောက်ပြီးအသားဖြူတဲ့ကလေး၊မိသားစုမှာသွေးကြောဖုပြသနာရှိခဲ့တဲ့ကလေးတွေ၊လမစေ့ပဲမွေးဖွားလာတဲ့ကလေးငယ်တွေ၊အမွှာပူးတွေစတဲ့ကလေးငယ်တွေမှာလည်းစတော်ဘယ်ရီသွေးကြောဖုပြသနာဟာပိုပြီးဖြစ်ဖို့များပါတယ်။

ဘာတွေဖြစ်နိုင်သေးလို့လဲ
စတော်ဘယ်ရီသွေးကြောဖုလေးတွေဟာသာမန်အားဖြင့်တော့ကြီးမားတဲ့ပြသနာတွေကိုမပေးပဲအလိုအလျောက်ကွယ်ပျောက်သွားတတ်ကြပါတယ်။ဒါဆိုရင်ဘာများစိုးရိမ်စရာလိုနေပါသေးလဲ။ဘာတွေများစစ်ဆေးဖို့လိုသေးလဲ။ဟုတ်ပါတယ်။စတော်ဘယ်ရီသွေးကြောဖုလေးတွေကတော့ဘာမှစိုးရိမ်စရာမလိုပါဘူး။သွေးကြောဖုတွေထိခိုက်မိလို့ပေါက်ပြဲပြီးသွေးယိုသွေးထွက်ဖြစ်နိုင်တာကိုတော့သတိထားဖို့လိုပါလိမ့်မယ်။ဒါ့အပြင်စတော်ဘယ်ရီသွေးကြောဖုတွေရဲ့အရွယ်အစားအရမ်းကြီးလွန်းရင်တော့ဖြစ်တဲ့နေရာကိုလိုက်ပြီးကလေးအတွက်အနှောင့်အယှက်ဖြစ်တတ်ပါတယ်။ဥပမာ-မျက်လုံအနားမှာဖြစ်နေရင်အမြင်ပိုင်းဆိုင်ရာပြသနာတွေဖြစ်လာနိုင်တာမျိုး၊ပါးစပ်အနားမှာဖြစ်နေရင်အစားအစာစားသောက်တဲ့အခါ၊နို့စို့တဲ့အခါမျိုးမှာအခက်အခဲဖြစ်နိုင်တာမျိုးစတာမျိုးတွေလည်းဖြစ်နိုင်ပါသေးတယ်။နောက်ပြီးဒီလိုအပေါ်ယံသွေးကြောဖုတွေဟာတစ်မျိုးထဲမဟုတ်ပဲအတွင်းပိုင်းကျတဲ့သွေးကြောဖုအမျိုးအစားတွေနဲ့ရောပြီးပူးတွဲရောရာသွေးကြောဖုအမျိုးအစားအနေနဲ့ဖြစ်လာခဲ့ရင်တော့ဒါဟာသာမန်အနေနဲ့ထားလို့မရတော့ပါဘူး။ဒီလိုအမျိုးအစားဟာအခြားပြသနာတွေနဲ့တွဲပြီးလာတတ်တာကြောင့်စစ်ဆေးစမ်းသပ်တာတွေလုပ်ဖို့လိုအပ်ပါတယ်။

ဘယ်လိုကုသရမှာလဲ
ဒီစတော်ဘယ်ရီသွေးဖုပြသနာကတော့အထက်မှာရေးသားခဲ့သလိုပဲသူ့အလိုလိုပြန်လည်ပျောက်ကွယ်သွားနိုင်တာကြောင့်စောင့်ကြည့်ဖို့တော့လိုပါလိမ့်မယ်။ဘာမှကုသမှုမယူပဲပျောက်ကင်းသွားရာမှာလည်းအဖြူအရာလေး၊အရေပြားအချိုင့်လေးလောက်သာကျန်ရစ်ခဲ့တတ်တာပါ။ဒါကြောင့်ပျောက်ကင်းသွားနိုင်လောက်တဲ့အရွယ်ဖြစ်တဲ့အသက်ဆယ်နှစ်ဆယ့်နှစ်နှစ်လောက်အထိတော့စောင့်ကြည့်ပေးသင့်ပါတယ်။ဒါပေမယ့်လည်းခြွင်းချက်ကလေးတွေတော့ရှိပါတယ်။တစ်ကယ်လို့ဒီစတော်ဘယ်ရီသွေးကြောဖုဟာအထက်မှာရေးသားပြခဲ့သလိုအရွယ်အစားကြီးလွန်းနေတာတွေ၊မျက်စေ့၊ပါးစပ်၊အသက်ရှုလမ်းကြောင်းစတဲ့အစိတ်အပိုင်းတွေနဲ့နီးကပ်နေပြီးကလေးအတွက်ပြသနာဖြစ်နေမယ်ဆိုရင်တော့ကုသမှုတွေကိုပြုလုပ်ဖို့စဉ်းစားရမှာပါ။ဒါမှမဟုတ်ပဲအသက်အရွယ်တော်တော်လေးရသည်အထိစောင့်ကြည့်နေရင်းပျောက်မသွားဘူးဆိုရင်တော့ကုသပေးဖို့စဉ်းစားရမှာပါ။ကုသနည်းတွေကတော့အမျိုးမျိုးရှိပါတယ်။သောက်ဆေးတွေ၊လိမ်းဆေးတွေရှိသလို၊ဆေးထိုးရတာ၊လေဆာနဲ့ကုတာ၊ခရိုင်ယိုဆိုတဲ့အေးခဲလောင်ကျွမ်းစေတဲ့နည်းနဲ့ကုတာစတာတွေလည်းရှိပါတယ်။

အချုပ်ဆိုရရင်တော့ကုသနည်းတွေများသော်လည်းအားလုံးမှာအားနည်းချက်ကလေးတွေကိုယ်စီနဲ့ပါ။အလိုအလျောက်ပျောက်ကင်းသွားတဲ့အခါမျိုးမှာလည်းကုသခြင်းတွေထက်တောင်အဆင်ပြေနေတတ်ကြသေးတာကြောင့်ကုသသင့်တဲ့အကြောင်းအရင်းမရှိခဲ့ဘူးဆိုရင်တော့အလိုအလျောက်ပြန်လည်ကောင်းမွန်သွားမယ့်အချိန်တစ်ခုအထိတော့စောင့်ကြည့်သင့်ပါတယ်။မိဘတွေကတော့သားသားမီးမီးလေးတွေအပေါ်မှာစိုးရိမ်စိတ်တွေလွန်ကဲပြီးဆန္ဒတွေအရမ်းစောကာကုသမှုကိုအစောတလျင်လုပ်ချင်တတ်ကြပါတယ်။ဒီစာကိုဖတ်ပြီးရင်တော့သားသားမီးမီးလေးတွေရဲ့စတော်ဘယ်ရီသွေးကြောဖုတွေအပေါ်မှာစိုးရိမ်စိတ်တွေလျော့ပါးသွားပြီးမှန်ကန်တဲ့ဆုံးဖြတ်ချက်တွေချနိုင်ကြလိမ့်မယ်လို့ထင်မြင်မိပါတယ်။

စေတနာများစွာဖြင့်
ဒေါက်တာလင်းထက်(အရေပြားအထူးကုဆရာဝန်)