မီးဖွားခြင်းအဆင့်ဆင့်

မီးဖွားတဲ့အခါသာမန်မြင်ရတဲ့ အခြေအနေကတော့ မိခင်ကဗိုက်နာတယ်၊ ညှစ်တယ်၊ မရရင်မွေးလမ်းကြောင်းချဲ့တယ်၊ ကလေးထွက်လာတယ် စသဖြင့်ရှင်းရှင်းလင်းလင်းမြင်ရမှာဖြစ်ပါတယ်။ ဒါကတော့အပြင်ပန်းမှာမြင်နေရတဲ့အရာတွေဖြစ်ပြီး သားအိမ်အတွင်းပိုင်းမှာဖြစ်နေတာတွေ၊ မွေးလမ်းကြောင်းမှာဖြစ်နေတာတွေအများအပြားရှိပါတယ်။ ကလေးလေးအဆင်ပြေပြေမွေးဖွားလာအောင်၊ ကလေးရောမိခင်ပါအဆင်ပြေအောင်ဖြစ်နေတဲ့အဖြစ်အပျက်တွေ၊ မီးဖွားခြင်းရဲ့ ဇီဝကမ္မဖြစ်စဉ်တွေကအဆင့်ဆင့်ဖြစ်ပေါ်ပြီးကလေးမွေးဖွားလာအောင် ဆောင်ရွက်ပေးတာဖြစ်ပါတယ်။

မီဖွားတဲ့အဆင့်တွေကိုတော့ ပုံမှန်3ဆင့်ခွဲခြားထားပါတယ်။ ဗိုက်စနာတာကနေ သားအိမ်ခေါင်းက10cmထိကျယ်လာတာကို ပထမအဆင့်၊ ကလေးတစ်ကိုယ်လုံးအပြင်ရောက်လာတာကို ဒုတိယအဆင့်၊ အချင်းအကုန်ကျပြီးတဲ့အချိန်ကို တတိယအဆင့်ဆိုပြီးခွဲခြားထားပါတယ်။ အဆိုပါအဆင့်တွေကိုကျော်ဖြတ်ပြီးမှ ကလေးမွေးခြင်းပြီးဆုံးတာဖြစ်ပါတယ်။

ပထမအဆင့်ကတော့မွေးကာနီးဗိုက်နာတာနဲ့အစပြုပါတယ်။ နေ့စေ့လစေ့လို့ မွေးတော့မယ်ဆိုရင် ကျောကနာသလိုလို ဗိုက်ကနာသလိုလိုဖြစ်ပါတယ်။ အရင်နာနေကြဖြစ်နေနိုင်ပေမယ့် ထူးထူးကဲကဲနာတတ်ပါတယ်။ အရင်ကနည်းနည်းနာလိုက်ပျောက်လိုက်နဲ့ပြီးသွားနိုင်ပေမယ့် ကလေးမွေးတော့မှာမို့လို့နာလာရင်တော့ ပိုပိုပြီးနာလာပါတယ်။ နာတာကြာလာသလို ပိုပိုပြီးနာလာပါတယ်။ ကလေးကိုသားအိမ်ကအပြင်ကိုထွက်အောင်ညှစ်နေတဲ့အချိန်မို့လို့
ပိုပိုပြီးပြင်းထန်လာတာဖြစ်ပါတယ်။ သားအိမ်ကညှစ်နေတဲ့တစ်ချိန်တည်းမှာပဲ သားအိမ်ခေါင်းကလည်းပွင့်လာပါတယ်။ ကလေးရဲ့ခေါင်းက 9.5-10cmလောက်ရှိနိုင်တာကြောင့် သားအိမ်ခေါင်းကလည်း 10cmရောက်အောင်ပွင့်လာရပါတယ်။

သားအိမ်ခေါင်းမှာလည်း ကလေးထွက်ရတာလွယ်ကူချောမွေ့အောင် အချွဲတွေထွက်နေတဲ့အပြင်သွေးအနည်းငယ်နဲ့ရောပြီး အချွဲဆင်းနိုင်ပါတယ်။ သားအိမ်ခေါင်းကလည်း။ တစ်နာရီကို 1cmနှုန်းနဲ့ 10cmရောက်တဲ့အထိပွင့်လာရပါတယ်။ သားဦးမွေးတဲ့အမေတွေမှာတော့ 10နာရီထက်ကြာနိုင်ပါတယ်။ အဆိုပါအတောအတွင်းမှာဗိုက်ကပိုပိုနာလာတဲ့အတွက် ကလေးကလည်းအောက်ကိုတဖြည်းဖြည်းဆင်းလာတယ်လို့ယူဆရပါမယ်။

သားအိမ်ခေါင်းက1ဒ0cmထိပွင့်သွားပြီးရင် ဒုတိယအဆင့်ကိုရောက်လာပြီဖြစ်ပါတယ်။ ဒုတိယအတင့်မှာတော့ ကလေးမွေးတော့မယ့်အဆင့်ဖြစ်ပါတယ်။ ကလေးကခေါင်းနဲ့ထွက်သလား၊ တင်ပါးဆုံနဲ့ထွက်သလား၊ ခြေလက်နဲ့ထွက်သလားစတာတွေကမွေးဖွားတာကိုအဆုံးအဖြတ်ပေးနိုင်ပါတယ်။ ခေါင်းနဲ့ဆင်းတာကအမှန်ကန်ဆုံးအခြေအနေဖြစ်ပြီး မိခင်ကောကလေးပါအသက်သာဆုံးအခြေအနေတစ်ရပ်ဖြစ်ပါတယ်။
အဆိုပါအခြေအနေမှာတောင် မွေးလမ်းကြောင်းမကျယ်သေးရင်ချဲ့ရတဲ့အခြေအနေမျိုးတွေ့နိုင်ပါေ သးတယ်။ အခြားအစိတ်အပိုင်းနဲ့ဆင်းလာရင်တော့သင့်တော်တဲ့မွေးနည်းနဲ့ မွေးရပါမယ်။ ဗိုက်ခွဲမွေးရသလို လေစုပ်တာ၊ ညှပ်စွဲတာတွေလည်းကြုံရနိုင်ပါတယ်။

ကလေးတစ်ကိုယ်လုံးထွက်လာရင်တော့ တတိယအဆင့်ရောက်ပြီဖြစ်ပါတယ်။ အချင်းကိုတစ်စမကျန်အောင်ချဖို့လိုအပ်သလို မကျသေးရင်လည်းဆေးထိုးပြီးလက်နဲ့ဆွဲချရတာ၊ အချင်းကျန်မကျန်၊ သွေးသွန်နေလားစစ်ဆေးသလို သွေးတိတ်အောင်လည်းလုပ်ရပါတယ်။ မွေးလမ်းကြောင်းချဲ့ထားရင်ပြန်ချုပ်ရသလို သားအိမ်အခြေအနေ၊ မိခင်အခြေအနေတွေလည်းအကဲခတ်ရပါတယ်။

ကလေးမွေးတာဟာ အဆင့်များစွာကျော်ဖြတ်ရပြီးအဆင့်တိုင်းမှာ အဆင်ပြေချောမွေ့နေဖို့လိုအပ်ပါတယ်။ ဒါမှသာမိခင်ကောကလေးပါ ကျန်းမာမှာဖြစ်ပြီးချွတ်ချော်မှုတွေရှိလာရင်တော့ လိုအပ်တဲ့ကုသမှုခံယူကာ နောက်ဆက်တွဲဆိုးကျိုးတွေကို ရှောင်ရှားရမှာဖြစ်ပါတယ်။

Dr. ZZ