အသည်းနှင့်ဆေးလိပ်သောက်ခြင်းအနုပညာ

”ဆေးလိပ်”

ကျွန်တော်တို့တစ်တွေ နေ့စဉ်နှစ်ခြိုက်စွာ သောက်သုံးနေကြသော၊နေရာတိုင်းမပါမဖြစ်သော နှစ်ခြိုက်ဖွယ်အငွေ့အသက် အနံ့အရသာ။ ဆေးလိပ်ရဲ့ဆိုးကျိုးတွေဆိုရင် အကုန်လုံးနီးပါးက အဆုတ်၂ခြမ်း၊ပါးစပ်တစ်စုံပဲပြေးမြင်တယ်၊ဆေးလိပ်ဘူးခွံတွေမှာလဲ အဆုတ်ကင်ဆာနဲ့ခံတွင်းကင်ဆာပုံတွေပဲ ပါတာကိုး။

တကယ်တော့ ဆေးလိပ်ဟာခန္ဓာကိုယ်တစ်ခုလုံးကို ထိခိုက်စေတတ်တာပါ၊အဆုတ်မှရယ် ခံတွင်းမှရယ်မဟုတ်ပါဘူး။ လူတွေသိပ်မသိသေးတာက ဆေးလိပ်ဟာအသည်းအပေါ်မှာလဲ မကောင်းတဲ့သက်ရောက်မှုတွေရှိတယ်ဆိုတာကိုပါ။

ဆေးလိပ်ဟာအသည်းကို ဘယ်လိုထိခိုက်စေသလဲ…

အဓိကသက်ရောက်မှု(၃)မျိုး ရှိပါတယ်…

၁။တိုက်ရိုက်အဆိပ်အတောက်ဖြစ်စေခြင်း။

ဆေးလိပ်မှာပါတဲ့ဓာတုပစ္စည်းအချို့ဟာအသည်းကိုတိုက်ရိုက်ထိခိုက်စေရုံသာမ အသည်းဆဲလ်တွေကိုပါဒုက္ခပေးနိုင်သောဓါတ်သတ္တိများ(Cytokines)ကိုပါ ခန္ဓာကိုယ်မှထွက်ပေါ်စေနိုင်ပါတယ်။

၂။ကိုယ်ခံစွမ်းအားစနစ်ကို သက်ရောက်ခြင်း။

ဆေးလိပ်မှာပါတဲ့နီကိုတင်းဟာ ကိုယ်ခံအားစနစ်ရဲ့ ဆဲလ်တွေကိုထိခိုက်စေနိုင်သော CD8ဆဲလ်များကိုများစေပြီး အကျိုးပြုCD4ဆဲလ်များကို လျော့နည်းစေတာကြောင့် လူ့ခန္ဓာကိုယ်အစိတ်အပိုင်းတွေသာမက အသည်းဆဲလ်တွေအပေါ်မှာထိခိုက်မှုရှိစေနိုင်ပါတယ်။

၃။ကင်ဆာနှင့်နှီးနွယ်သော သက်ရောက်ခြင်း။

ဆေးလိပ်မှာပါဝင်တဲ့ Hydrocarbons၊Nitrosamine၊Tar နဲ့ Vinyl chloride တို့ဟာ အသည်းကင်ဆာဖြစ်ပွားမှုနှုန်းကိုမြင့်တက်စေပါတယ်။ဒါတင်မက အသည်းရောင်ရောဂါဖြစ်နေတဲ့သူတွေမှာ ဆေးလိပ်သောက်သုံးခြင်းဟာ အသည်းကင်ဆာကိုဖြစ်ပွားစေနိုင်ပါတယ်။

ဆေးလိပ်တစ်လိပ်ကို မီးညှိတဲ့အခါမှာဘာတွေဖြစ်သွားမလဲ…

သင့် လက်ညှိုးနဲ့လက်ခလယ်ကြားထဲမှာဆေးလိပ်တစ်လိပ်ကို ဖျောက်ခနဲမီးညှိလိုက်တာနဲ့တစ်ပြိုင်နက် လူ့ခန္ဓာကိုယ်ကလီစာ၊အစိတ်အပိုင်းအားလုံးနီးပါးကိုဒုက္ခပေးနိုင်သော ဓါတ်ပစ္စည်း(၄၀၀၀)ကျော်ကို သင့်အဆုတ်အတွင်းသို့သွတ်သွင်းလိုက်ပြီးဖြစ်ပါတယ်။

ဆေးလိပ်သောက်ရုံနဲ့ ငါတို့တွေက တန်းပြီးသေရောတဲ့လား…

တန်းပြီးတော့လဲမသေပါဘူး၊နောင်မှာသေမယ်လို့လည်း ယတိပြတ်ပြောမရပါဘူး၊၊ဘုရားရှင်ဟောကြားသလို ဘယ်အရာမှမမြဲတာကြောင့် ဖြစ်ကိုဖြစ်ရမယ်လို့တစ်ထစ်ချပြောမရပါဘူး၊ဖြစ်နိုင်ပါတယ်၊ဖြစ်တတ်ပါတယ်လို့ပဲ အကြံပေးလို့ရပါတယ်။သေချာတာကတော့ ဆေးလိပ်သောက်ခြင်းဟာ မသောက်ခြင်းထက် ကျန်းမာရေးကို ပိုထိခိုက်စေတာကတော့ ရှောင်လွှဲမရတဲ့အမှန်တရားပါ။

ဒါဆို တစ်ရက်ဆေးလိပ်ဘယ်နှလိပ်သောက်ရင် ရောဂါတွေဖြစ်မှာလဲ…

ဒါလဲပဲအတိအကျအနေနဲ့ ဒီလောက်သောက်ရင်ဒီလိုတွေဖြစ်မယ်တော့ပြောလို့မရပါဘူး။

ပုံမှန်အားဖြင့်တော့ တစ်ရက်ကိုဆေးလိပ်၁ဗူး(အလိပ် ၂၀)နှုန်းနဲ့ ဆယ်နှစ်သောက်မယ်ဆိုရင် နှလုံးရောဂါများ(နှလုံးသွေးကြောကျဉ်း၊သွေးတိုး)၊အသက်ရှူလမ်းကြောင်းဆိုင်ရာရောဂါများ(ပန်းနာရင်ကြပ်၊နာတာရှည်အဆုတ်လေပြွန်ရောရောဂါ)၊ကင်ဆာရောဂါများ(အဆုတ်ကင်ဆာ၊အသည်းကင်ဆာ၊ရင်င်ဆာ၊ခံတွင်း/လည်ချောင်းကင်ဆာ စသည်)၊အစာအိမ်နာရောဂါများ၊မြုံခြင်း စတာတွေကိုသာမက အခြားဆိုးကျိုးပေါင်းများစွာကိုပါဖြစ်စေနိုင်ပါတယ်။သားကဒါကြောင့် ဆေးလိပ်ဆိုရင် အဆုတ်၊ခံတွင်းကိုသာမမြင်မိစေပဲ အသည်းနဲ့အခြားရောဂါတွေကိုပါ သတိချပ်စေလိုကြောင်းတိုက်တွန်းရင်းနဲ့ပဲ ဆေးလိပ်ကင်းစင်သောပတ်ဝန်းကျင်များတည်ဆောက်နိုင်ပါစေကြောင်း ဆုတောင်းလျက်။

အားလုံးပဲ ကျန်းမာချမ်းသာကြပါစေ။

dr.ye’lwin mm