ဟောက်ခြင်း သည် ရယ်စရာ ဟုတ်ပါသလား

သာမန်လူများအတွက် အိပ်နေစဉ် ဟောက်ခြင်းသည် ရယ်စရာအဖြစ် ယူဆနိုင်သည် မှန်သော်လည်း အဝလွန်သူများအတွက်တော့
ရယ်မောဖွယ်ကိစ္စ မဟုတ်ပေ။အဝလွန်လျှင် အိပ်နေစဉ် အသက်ရှူ ရပ်ရပ်သွားတတ်သည်ကို သင်သ်ိပါသလား။

အဝလွန်သူများ အတွက် ဟောက်ခြင်းသည် အိပ်နေစဉ် အသက်ရှူလမ်းကြောင်း ခေါက်ဝင်ကျဉ်းမြောင်းနေသည်ကို ဖော်ပြပေသည်။
အဝလွန်သူများတွင် လည်ပင်းကြွက်သားများအတွင်း အဆီတစ်သျှူးများ များပြားမှုကြောင့် လေပြွန်ကို ဖိနေနိုင်ပါသည်။ တစ်ဖန်
နိုးကြားနေစဉ် လေပြွန်ကို ဖွင့်ပေးထားသော ကြွက်သားများသည် အိပ်ပျော်သွားသောအခါ လျော့ရဲသွားကြသည်။ ဤအကြောင်းများဖြင့်
လေပြွန် ကွေးကောက်နေမှုကြောင့် လေဝင်လေထွက်တွင် အသံမြည်လာခြင်းကို ဟောက်သည်ဟု ဆိုကြခြင်းဖြစ်သည်။

ထို့ကြောင့် သင်သည် အဝလွန်သူ ဖြစ်ပြီး ဟောက်တတ်သူ ဖြစ်နေပါက အဝလွန်သူများတွင် ဖြစ်တတ်သော အိပ်နေစဉ်
အသက်ရှူ ရပ်ရပ်သွားသော အခြေအနေ ဖြစ်လာတတ်ပါသည်။ အိပ်နေစဉ် အသက်ရှူ ရပ်ရပ်သွားရာမှ လန့်လန့်နိုးကာ
ကြွက်သားများ ပြန်လည်အလုပ်လုပ်ခြင်းကြောင့် မိမိပင် မသိလိုက်ပါပဲ ဆက်လက် အိပ်ပျော်သွားတတ်သည်။ သို့သော်
ဦးနှောက်ကမူ နှစ်ခြိုက်သော အိပ်ရေး မရရှိလိုက်ပေ။ ဤသို့ဖြင့် တစ်ညလုံး ဟောက်လိုက်၊ လန့်နိုးလိုက်၊ မသိပဲပြန်အိပ်သွားလိုက်ဖြင့်
အကြိမ် ရာပေါင်းများစွာ မသိလိုက် မသိဘာသာ ခံစားနေရတတ်ပါသည်။

မိမိ အိပ်နေစဉ် အသက်ရှု ရပ်ရပ်သွားသော ဖြစ်စဉ်ကို ခံစားနေရပြီလား

အောက်ပါ လက္ခဏာများ ရှိပါက သင့်၌ ဤဖြစ်စဉ် ဖြစ်ပွားနေနိုင်ပါသည်
၁။ နေ့လည်နေ့ခင်းများတွင် ငိုက်မြည်းခြင်း
၂။ ခေါင်းကိုက်ခြင်း
၃။ ထိုင်းမှိုင်းလေးလံခြင်း
၎။ သတိမေ့လျော့လာခြင်း
၅။ မှတ်ဉာဏ်ချို့ယွင်းခြင်း
၆။ စိတ်ကျခြင်း
၇။ စွမ်းဆောင်ရည် ကျဆင်းခြင်း
၈။ ညဘက် ဆီးထသွားရခြင်း

ဤသို့ ဖြစ်ပွားသူများတွင် နှစ်ကာလ ကြာလာသည်နှင့်အမျှ သွေးပေါင် အတက်အကျများကြောင့် သွေးတိုးရောဂါနှင့်
နှလုံးသွေးကြောဆိုင်ရာ ရောဂါများ ခံစားရနိုင်ခြင်း တို့ ဖြစ်ပေါ်နိုင်ပါသည်

ထို့ကြောင့် မိမိ သို့မဟုတ် မိမိ မိသားစုတွင် အမြဲတစေ ဟောက်တတ်သူရှိပါက အထက်ပါလက္ခဏာများ ရှိခဲ့သော် မပေါ့ဆသင့်ပါ။

ဒါဆို ဘာလုပ်သင့်ပါသလဲ

၁။အိပ်ပျော်နေစဉ် အသက်ရှု ရပ် ရပ်သွားတတ်သူများတွင် အဓိက ပြဿနာမှာ ယာဉ်တိုက်မှုများဖြစ်ရာ ထိုလက္ခဏာများ
ခံစားနေရသူများအနေဖြင့် ဆေးကုသမှု ခံယူပြီးမှသာ မည်သည့် ယာဉ်အမျိုးအစားမဆို မောင်းနှင်ခြင်း ပြုသင့်သည်။

၂။ အရက်သေစာ ရှောင်ကြဉ်ပါ

၃။ ကိုယ်အလေးချိန် လျှော့ချရန် မလိုအပ်ပါ

၎။ ရောဂါလက္ခဏာများ ဆိုးရွားစွာ ခံစားနေရပါက မေးရိုးပြုပြင်ကိရိယာများ၊ လေဖိအားသုံး မျက်နှာဖုံးများ အသုံးပြုကာ
ကုသနိုင်ပါသဖြင့် ဆရာဝန်ထံ သွားရောက်ပြသပါ

Dr. Yamin