မပေါ့ဆသင့်တဲ့ ပြသနာတစ်ခု – ဒေါက်တာ ဖြိုးသီဟ

တကယ်တော့ လိင်မှုကိစ္စဆိုတာ လူသားတိုင်းရဲ့ နေ့စဉ်လူနေမှုဘ၀မှာ ပါဝင်နေတဲ့ကိစ္စပါ။ ဒါနဲ့ပတ်သက်တဲ့ တန်ဖိုးထားမှုတွေကလည်း တစ်နိုင်ငံနဲ့တစ်နိုင်ငံ၊ လူမျိုးတစ်မျိုးနဲ့ တစ်မျိုး၊ လူတစ်ယောက်နဲ့ တစ်ယောက် မတူနိုင်ကြပါဘူး။ ကျွန်တော်တို့ မြန်မာ့အသိုင်းအ၀ိုင်းမှာဆိုရင် လက်မထပ်ခင် အတူနေတာကို မကောင်းတဲ့ လုပ်ရပ်တစ်ခုအဖြစ် အများက ရှုမြင်ကြပါတယ်။ လက်ထပ်ပြီးမှပဲ အတူနေသင့်တယ်၊ စည်းစောင့်သင့်တယ်။ ဒါကို ယောကျာ်းကောင်း၊ မိန်းမကောင်းလက္ခဏာအဖြစ် ပုံဖော်တတ်ကြတယ်။

နောက်ပိုင်းမှာတော့ ပြောင်းလဲလာတဲ့ ခေတ်အခြေအနေတွေအရ လူငယ်တွေကြားထဲမှာ တန်ဖိုးထားမှုတွေ ပြောင်းလဲလာတယ်။ ဒါကို ယောကျာ်းကောင်း၊ မိန်းမကောင်းဖြစ်ခြင်းနဲ့ ချိတ်ဆက်မတိုင်းတာကြတော့ဘူး။ Relationship တစ်ခုရဲ့ သာမန်ကိစ္စလိုပဲ သဘောထားလာကြတယ်။ ဒါကို မှန်တယ် မှားတယ်လည်း ငြင်းမနေချင်တော့ဘူး။ ဘာလို့ဆိုတော့ ဒါက အရွယ်ရောက်ပြီးသား လူတစ်ယောက်ရဲ့ ကိုယ်ပိုင်လွတ်လပ်ခွင့်ဖြစ်လို့ပဲ။

သို့သော်လည်း ကျန်းမာရေးအရတော့ ပြောရမှာတွေ ရှိတယ်။ လိင်ဆက်ဆံမှုတစ်ခု ဖြစ်ပြီဆိုရင် နောက်ဆက်တွဲအနေနဲ့ ပြဿနာနှစ်ခု ရှိတယ်။ တစ်ခုက ကိုယ်ဝန်ရနိုင်တာ၊ နောက်တစ်ခုကတော့ လိင်ကတစ်ဆင့် ကူးစက်တဲ့ရောဂါတွေ ရနိုင်တာ။ ကိုယ်ဝန်မရဖို့အတွက်တော့ မတော်တဆ တစ်ကြိမ်တစ်ခါ ဖြစ်သွားတာဆို အရေးပေါ် ကိုယ်ဝန်တားဆေး သုံး။ ပုံမှန်လို အတူနေဖြစ်နေတာဆိုရင်တော့ စွဲသုံးလို့ရတဲ့ ကိုယ်ဝန်တားနည်းတခုခုသုံးပေါ့။

ဒီဆောင်းပါးမှာတော့ လိင်ကတစ်ဆင့် ကူးစက်တဲ့ရောဂါနဲ့ပတ်သက်လို့ ပြောပြချင်ပါတယ်။ ဟိုးလွန်ခဲ့တဲ့ နှစ်အနည်းငယ်က ကျွန်တော့်ဆေးခန်းကို တက္ကသိုလ်ကျောင်းသားလေးတစ်ယောက် လာတိုင်ပင်ဖူးပါတယ်။ အကြောင်းက သူ့လိင်အင်္ဂါမှာ အနာဖြစ်နေလို့ပါ။ အကျိုးအကြောင်း မေးကြည့်တော့ ပြည့်တန်ဆာတစ်ယောက်နဲ့ အကာအကွယ်မဲ့ အတူနေမိထားပါတယ်တဲ့။ ဒါဆို ကာလသားရောဂါ ဖြစ်နေပြီပေါ့။ HIV ပိုးရှိ မရှိ စစ်ဖို့ကတော့ ဖြစ်တာ ၃ လ မပြည့်သေးတာမို့ မစစ်ပေးလိုက်ရဘူး။ (HIV ပိုးက ၀င်ပြီး ၃ လလောက်နေမှ သိနိုင်တာမို့လို့ပါ) ဒါပေမယ့် စိတ်မကောင်းစရာက ဘာလဲဆိုတော့ သူက အဲ့ဒီပြည့်တန်ဆာနဲ့ အကာအကွယ်မဲ့ နေပြီးတဲ့နောက်ပိုင်းမှာလည်း သူ့ကောင်မလေးနဲ့ အတူတူ နေဖြစ်ခဲ့သေးတာပဲ။ ဒါဆို သူ့ကောင်မလေးမှာလည်း ကာလသားပိုး ရှိနေနိုင်ပြီ။ မိန်းကလေးရဲ့ သဘာဝအရ ယောကျာ်းလေးထက် ရောဂါလက္ခဏာ မြုပ်နေတတ်တာမို့ ဟိုကောင်မလေးက မသိသေးတာ ဖြစ်လိမ့်မယ်။ အဲဒါနဲ့ သူ့ကောင်မလေးကိုပါ ဆေးခန်းခေါ်လာဖို့ ပြောတော့ အကြောက်အကန် ငြင်းတယ်။ ဟုတ်တယ်လေ၊ သိသွားရင် သူတို့နှစ်ယောက် အဆင်မပြေ ဖြစ်တော့မှာပဲ။ ဒါပေမယ့်လည်း မတတ်နိုင်ဘူး၊ လုပ်စရာက ဒီနည်းပဲ ရှိတာမို့ သူ့ကို အကျိုးအကြောင်း သေချာရှင်းပြရတယ်။ ကောင်မလေးကို ပြောပုံပြောနည်းလေးပါ သိသလောက် အကြံပေးလိုက်ရတယ်။

ဆိုလိုတာက ဘာလဲဆိုတော့ ခေတ်အခြေအနေတွေ ပြောင်းလဲလာတာကြောင့် လူငယ်တွေဟာ လက်မထပ်ရသေးဘဲ အတူတူနေကြတယ်။ ဒီနေရာမှာ ကိုယ်ဝန်မရဖို့တော့ သတိထား တားလာကြပေမယ့် ရောဂါမကူးအောင် ကွန်ဒုံးသုံးဖို့ကိုတော့ ပျက်ကွက်နေကြတုန်းပဲ။ အကြောင်းကတော့ ယုံကြည်တာကြောင့်ပေါ့။ ကိုယ့်ရည်းစား၊ ကိုယ့်ချစ်သူပဲ၊ ဒီလိုရောဂါပိုးမျိုး ရှိနေမယ်လို့ ဘယ်သံသယဖြစ်ပါ့မလဲ။ ဘယ်ယောကျာ်းလေးကရော ကိုယ့်ကို အဲ့လိုအထင်ခံချင်ပါ့မလဲ။ ဒါပေမယ့် ဘယ်လောက်ပဲ လိင်ကိစ္စ မလိုက်စားပါဘူးဆိုဆို ဒီထဲက ညီလေးလို တစ်ခါတစ်လေ မတော်တဆ မှားသွားတာမျိုး ရှိတတ်တယ်။ HIV ပိုးဆိုတာက တစ်ကြိမ်တစ်ခါတည်းနဲ့လည်း ကူးသွားနိုင်တာမို့ သိပ်သတိထားရပါတယ်။ နောက်ပြီး ဒီပိုးက လိင်ဆက်ဆံရာကတစ်ဆင့်မှ ကူးတာတော့ မဟုတ်ဘူး။ သွေးကနေလည်း ကူးတယ်။ ဒီတော့ တစ်နည်းနည်းနဲ့ ကူးစက်လာတာကို မသိဘဲ အတူနေမိလိုက်ရင် ကိုယ်ကိုယ်တိုင်က မရည်ရွယ်ဘဲနဲ့ တစ်ဖက်မိန်းကလေးဆီ ရောဂါပိုးပြန့်စေနိုင်တာမျိုး ဖြစ်သွားတတ်တယ်။

ဟိုတစ်လောကလည်း မိန်းမလျာတစ်ယောက်ရဲ့ ဖြစ်ရပ်မှန်ဇာတ်လမ်းတစ်ပုဒ် ဖတ်လိုက်ရတယ်။ ခု သူက AIDS ဖြစ်နေပြီ။ သူ့ဇာတ်လမ်းက ရင်နင့်စရာလည်း ကောင်းသလို၊ သူပြောတာ ဖတ်ရင်း ပိုရင်နင့်သွားရတာလည်း ရှိတယ်။ ဘာလဲဆိုတော့ နောက်ဆုံးပေါင်းသင်းခဲ့တဲ့ ယောကျာ်းက သူ ရောဂါ ဖြစ်မှန်းလည်းသိရော၊ သူ့ကို စွန့်ပစ်သွားပါသတဲ့၊ ခုတော့ ရပ်ကွက်တစ်ခုမှာ အမျိုးသမီးတစ်ယောက်နဲ့ ပေါင်းသင်းနေတယ်လို့ သတင်းကြားတယ်တဲ့။ သူတောင် ဒီရောဂါဖြစ်နေမှတော့ အဲဒီယောကျာ်းမှာလည်း ကူးစက်ခံနေရမှာ အသေအချာပါပဲ။ ရောဂါလက္ခဏာ မပြသေးတာပဲ ရှိမယ်။ အဲဒါကို နောက်မိန်းမယူလိုက်တော့ ဒီမိန်းမဆီလည်း ကူးလောက်ပြီ။ ထပ်ပြီး အဲဒီမိန်းမမှာများ ကိုယ်ဝန်ရလာခဲ့ရင်၊ ကျွန်တော် ဆက်မတွေးနိုင်တော့ဘူး။ ဒီလိုနဲ့ မြာပွေတဲ့သူတွေမှ ဖြစ်တယ်လို့ သိခဲ့ကြတဲ့ ဒီရောဂါဟာ ဘုမသိဘမသိ အမျိုးသမီးတွေ၊ ခုမှ လူ့လောကထဲ ရောက်လာတဲ့ ကလေးငယ်တွေမှာပါ တွေ့လာရတော့တာပဲ။

လေ့လာချက်တစ်ခုကိုလည်း ဖတ်ဖူးတယ်။ HIV ပိုး အသစ်ကူးစက်ခံရသူ အိမ်ထောင်သည် အမျိုးသမီးတွေထဲမှာ တော်တော်များများက ကိုယ့်ယောကျာ်းဆီကနေ ကူးစက်ခံရတာ ဖြစ်တယ်။ အဲဒီယောကျာ်းတွေကရော ဘယ်ကနေ ရပါသလဲ။ အပျော်အပါး လိုက်စားခြင်းကနေ အများဆုံးရပါတယ်။ ပြည့်တန်ဆာနဲ့ အကာအကွယ်မဲ့ လိင်ဆက်ဆံတယ်၊ နောက်ပြီး ခုနောက်ပိုင်းမှာဆို အမျိုးသားအချင်းချင်း လိင်ဆက်ဆံတာတွေပါ ရှိလာတယ်။

ဒါကြောင့်မို့ အမျိုးသားတွေအနေနဲ့ ကိုယ့်ရဲ့ လိင်မှုကိစ္စကို စောင့်ထိန်းဖို့လိုတယ်။ မစောင့်ထိန်းနိုင်တောင် အကာအကွယ်မဲ့ ဆက်ဆံမိတာမျိုး မလုပ်ဖြစ်ဖို့ အရေးကြီးတယ်။ တကယ်လို့ လုပ်မိခဲ့တယ်ဆိုလည်း ပွင့်ပွင့်လင်းလင်း ဖွင့်ဟပြောသင့်တယ်။ နောက်ဆုံးအဆင့်၊ မပြောချင်ဘူး၊ မပြောဝံ့ဘူးဆိုတောင် တစ်ဖက်မိန်းကလေးဆီ ဒီရောဂါပိုး ရောက်မသွားအောင် ဆင်ခြင်ရလိမ့်မယ်။ အဲဒီလိုမဟုတ်ဘဲ အမှုမဲ့အမှတ်မဲ့ နေလိုက်ရင် ကိုယ့်ဆီကို ဒီလိုကုသလို့မရသေးတဲ့ ရောဂါတစ်ခု ရောက်လာနိုင်သလို၊ ကိုယ့်မိန်းကလေး၊ ကိုယ့်အိမ်ထောင်ဖက်၊ ကိုယ့်သားသမီးဆီပါ ပြန့်ပွားသွားနိုင်တယ်။

အဲဒီလိုပဲ မိန်းကလေးတွေအနေနဲ့လည်း ဒီလိုကိစ္စတွေ ရှိနိုင်တယ်ဆိုတဲ့ သတိလေး အမြဲထားကြပါ။ ဖြစ်နိုင်ရင် အတူနေတိုင်း အကာအကွယ်သုံးပါ။ နောက်ပြီး နှစ်ဦးသားကြားမှာ ပွင့်လင်းတဲ့ ဆက်ဆံရေးတစ်ခုရှိနေအောင် တည်ဆောက်ထားပါ။

ဒါဟာ အခုနောက်ပိုင်း လူငယ်တွေကြားမှာ ပြောင်းလဲလာတဲ့ လူနေမှုပုံစံတွေအရ မပေါ့ဆသင့်တဲ့ ကိစ္စတစ်ခုပဲ ဖြစ်ပါတယ်။