ပထမဆုံးချစ်တင်းနှောကြတဲ့အခါ…

ဖိုမကိစ္စဟာ သဘာဝတရားတစ်ခုမို့ လွန်ဆန်လို့မရနိုင်ပါဘူး။ဒါပေမယ့် အန္တရာယ်ကင်းတဲ့လိင်ဆက်ဆံခြင်းဆိုတာ စိတ်ရောကိုယ်ပါကြိုတင်ပြင်ဆင်မှုလိုအပ်ပါတယ်။ပထမဆုံးချစ်တင်းနှောခြင်းဟာ ချစ်သူနှစ်ဦးအတွက် ရင်ခုန်စိတ်လှုပ်ရှားစရာကောင်းတဲ့ အခြေအနေတစ်ရပ်ပါ။အရေးကြီးတာက နှစ်ဦးစလုံးဟာ ကျိုးကြောင်းဆင်ခြင်နိုင်ပြီး တာဝန်ယူစိတ်ရှိတဲ့ အသက်အရွယ်ပြည့်မီသူတွေဖြစ်သင့်ပါတယ်။နှစ်ဦးသဘောတူဖြစ်ရပါမယ်။နှစ်ဦးသဘောတူ ဒါကိုလုပ်ဖို့ဆန္ဒရှိကြတယ်ဆိုရင် ဖြစ်လာမယ့်အကျိုးဆက်တွေကိုလည်း နှစ်ယောက်စလုံးက တာဝန်ယူပြီး ဖြေရှင်းတတ်ရပါမယ်။နှစ်ဦးစလုံးတကယ်ကိုသေချာပြီဆိုမှ ချစ်တင်းနှောခြင်းကို စတင်သင့်ပါတယ်။

ဘာတွေမျှော်လင့်ထားရမလဲ?

ရုပ်ရှင်တွေထဲက ရင်ခုန်စိတ်လှုပ်ရှားစရာကောင်းတဲ့ ဆွတ်ပျံ့ဖွယ်ရာ ဇာတ်ဝင်ခန်းလိုဖြစ်မယ်လို့တော့ တစ်ထစ်ချမမှတ်ယူထားပါနဲ့။ပထမဆုံးတိုင်းဟာ ခက်ခဲတတ်ပါတယ်။မျှော်လင့်ထားသလို ဖြစ်မလာတာ ဆန္ဒမပြီးမြောက်တာ ပြဿ နာတစ်စုံတစ်ရာပေါ်တာမျိုးတွေအတွက် စိတ်ကိုကြိုတင်ပြင်ဆင်ထားသင့်ပါတယ်။

ဘာတွေပြင်ဆင်ထားသင့်သလဲ?

စိတ်ရောကိုယ်ပါအသင့်ဖြစ်ချိန်မှာ ဒါကိုစတင်ပါ။
မိမိစိတ်ကအဆင်သင့်မဖြစ်သေးခင် ငြင်းဆန်လို့ရပါတယ်။

သန္ဓေတားဖို့အတွက်နည်းလမ်းရွေးချယ်ပါ။
အရေးပေါ်သန္ဓေတားဆေးတွေခဏခဏသုံးဖြစ်နေမယ်ထင်ရင် တားဆေးကတ်(COC Pill)တွေသောက်သင့်ပါတယ်။ဒီဆေးကတ်တွေဟာ ၇ ရက်သောက်ပြီးမှ သန္ဓေတားတဲ့အာနိသင်စရတာကိုတော့ သတိပြုသင့်ပါတယ်။

ပထမဆုံးအကြိမ်မှာ ကွန်ဒုံးသုံးသင့်ပါတယ်။
ကိုယ်ဝန်တားဖို့အတွက်သာမက လိင်မှတစ်ဆင့်ကူးစက်တတ်တဲ့ရောဂါများကိုပါ ကာကွယ်ဖို့သုံးသင့်ပါတယ်။ကွန်ဒုံးပေါက်ပြဲသွားတာမျိုးနဲ့ တားဆေးကတ်သောက်ဖို့မေ့သွားတာမျိုးတွေမှာတော့ အရေးပေါ်တားဆေးကိုသောက်သင့်ပါတယ်။

Foreplay ကအရေးကြီးပါတယ်…

လိင်ဆက်ဆံခြင်းမစတင်ခင်မှာ ပွတ်သပ်ကျီစယ်ခြင်း နမ်းခြင်းတို့ကိုပြုလုပ်ခြင်းဟာ အမျိုးသမီးများအဆင်သင့်ဖြစ်ဖို့ အထောက်အကူပြုပါတယ်။အမျိုးသမီးတော်တော်များများဟာ Foreplay အဆင့်မှာ ဆန္ဒပြီးမြောက်တတ်ကြတဲ့အတွက် ဒီအဆင့်ဟာအရေးပါပါတယ်။

လိင်ဆက်ဆံဖြစ်တဲ့အခါမှာတော့ နှစ်ဦးစလုံးသက်တောင့်သက်သာမရှိတဲ့အဖြစ်ကိုခံစားရနိုင်ပါတယ်။ဒါဟာ ပထမဆုံးတိုင်းမှာ တွေ့ကြုံရစမြဲပါ။အမျိုးသမီးများဟာ နာကျင်မှုကိုတွေးပြီး အလွန်အမင်းကြောက်ရွံ့စိုးရိမ်စိတ်ရှိတတ်ကြပါတယ်။ဒီကြောက်ရွံ့စိတ်ဟာ အာရုံကြောတွေ တင်းကြပ်စေတဲ့အတွက် လိင်ဆက်ဆံရာမှာ အခက်အခဲဖြစ်တတ်ပါတယ်။လုံလောက်တဲ့စိုစွတ်မှုကိုရရှိဖို့အတွက် ရေဓာတ်ကိုအခြေခံတဲ့ ချောဆီအမျိုးအစားကိုသုံးသင့်ပါတယ်။အဆီဓာတ်ကိုအခြေခံတဲ့ ချောဆီတွေကတော့ ကွန်ဒုံးကိုပေါက်ပြဲစေတတ်တဲ့အတွက် သတိပြုရပါမယ်။ကိုယ်သက်တောင့်သက်သာမဖြစ်တဲ့အခြေအနေမျိုးဖြစ်တိုင်း ကိုယ့်အဖော်နဲ့ဆက်သွယ်ပြီး ညှိနှိုင်းယူသင့်ပါတယ်။

သွေးထွက်မှာလား?
အမျိုးသမီးရဲ့ အပျိုမြှေးကို တွန်းတိုက်ဝင်ရောက်သွားတဲ့အခါမှာ စုတ်ပြဲပြီးသွေးထွက်တတ်ပါတယ်။သွေးထွက်တဲ့ပမာဏဟာ အနည်းငယ်ပဲဖြစ်သင့်ပါတယ်။သွေးထွက်အရမ်းများနေပြီဆိုရင်တော့ တစ်ခုခုလွဲချော်နေပါပြီ။မိန်းမကိုယ်အတွင်းပိုင်းစုတ်ပြဲတာမျိုးကြောင့် သွေးတွေဆင်းတာဆိုရင်တော့ ဆေးရုံချက်ချင်းပြေးပြီး ပြန်ချုပ်သင့်ချုပ်ရမှာပါ။မိန်းကလေးအဆင်သင့်မဖြစ်ခင် အထမြောက်အောင်အတင်းအကြပ်ကြိုးစားတာဟာ ဒီပြဿ နာကိုဖြစ်စေတတ်ပါတယ်။

ပထမဆုံးအကြိမ်မှာ နှစ်ဦးစလုံးဆန္ဒပြီးမြောက်မယ်လို့မမျှော်လင့်ထားပါနဲ့။စိတ်ပျက်စရာမဟုတ်သလို ကိုယ်နဲ့ကိုယ့်အဖော် ရင်းနှီးနားလည်မှုပိုရတယ်သဘောထားနိုင်ရင် ချစ်တင်းနှောခြင်းဟာ အဆင်ပြေလာမှာပါ။

Dr.ပွင့်ဖြိုးကျော်