ဗီတာမင်စီရဲ့ အံ့ဖွယ်(၇)ပါး

ဗီတာမင်စီဟာလူတွေအတွက်မရှိမဖြစ်လိုအပ်တဲ့ သက်စောင့်ဓါတ်တစ်မျိုးဖြစ်ပါတယ်။ဒါကို အတော်များများသိပြီးဖြစ်မှာပါ။ဒါပေမယ့် ဗီတာမင်စီဟာ လူ့ခန္ဓာကိုယ်ကိုဘယ်လိုအကျိုးတွေပေးနိုင်လဲဆိုတာကိုတော့ အကုန်သိချင်မှသိမှာပါ။ဒီနေ့တာ့ ဗီတာမင်စီရဲ့ အံ့ဖွယ်အကျိုးကျေးဇူး(၇)ပါးအကြောင်းကို ပြောပြချင်ပါတယ်…

၁။Strong antioxidant

ဗီတာမင်စီဟာ ဓါတ်တိုးဆန့်ကျင်တဲ့အာနိသင်ရှိပြီး လူရဲ့ကိုယ်ခံစွမ်းအားကိုမြင့်တက်စေနိုင်ပါတယ်။ဓါတ်တိုးဆန့်ကျင်တဲ့မော်လီကျူးတွေဟာ ကိုယ်ခံအားစနစ်ကိုမြင့်တက်စေပြီး ခန္ဓာကိုယ်ကိုထိခိုက်စေတဲ့ Free radicals တွေမှကာကွယ်ပေးပါတယ်။Free radicals တွေစုပုံလာတဲ့အခါမှာ ဓါတ်တိုးခြင်းဖြစ်စဉ် (oxidative stress)ကိုဖြစ်စေပြီး ၎င်းဖြစ်စဉ်ဟာများစွာသောနာတာရှည်ရောဂါများနဲ့ဆက်စပ်မှုရှိနေပါတယ်။

၂။သံဓါတ်စုပ်ယူမှုကိုအားပေးခြင်း။

ဗီတာမင်စီဟာ အစာအိမ်အူလမ်းကြောင်းမှ အစားအစာထဲတွင်ပါဝင်သောသံဓါတ်(အထူးသဖြင့် အသီးအရွက်တွင်ပါဝင်သော သံဓါတ်)ကိုစုပ်ယူခြင်းကို အကူအညီပေးပါတယ်။ဒါကြောင့် သတ်သတ်လွတ်သမားတွေမှာ ဗီတာမင်စီဟာသံဓါတ်စုပ်ယူမှုအတွက်လိုအပ်ပါတယ်။ဗီတာမင်စီကို တစ်ရက် ၁၀၀မီလီဂရမ်သောက်ပေးလျှင် သံဓါတ်စုပ်ယူမှုကို ၆၇ရာခိုင်နှုန်းအထိမြင့်တက်စေနိုင်ပါတယ်။သံဓါတ်နည်းလျှင် သွေးအားနည်းရောဂါကို ဖြစ်စေနိုင်ပါတယ်။

၃။သွေးဖြူဥရဲ့ လုပ်ငန်းဆောင်တာများအားကောင်းမွန်စေခြင်း။

ဗီတာမင်စီဟာ သွေးဖြူဥအပေါ်မှာ သက်ရောက်မှု(၂)မျိုး ရှိပါတယ်…

၁)သွေးဖြူဥများ ထုတ်လုပ်မှုကိုအားပေးခြင်း။

၂)သွေးဖြူဥရဲ့ လုပ်ငန်းဆောင်တာများဖြစ်သော ရောဂါပိုးများကိုခုခံကာကွယ်ခြင်း၊မကောင်းသော Free radicals များကိုလျှော့ချခြင်းတို့တွင် အကူအညီပေးခြင်းတို့ပဲဖြစ်ပါတယ်။ ဒါ့အပြင် ဗီတာမင်စီဟာအရေပြားရဲ့ ခုခံအားစနစ်မှာပါဝင်ပြီး အနာကျက်ခြင်းကိုလဲ မြန်စေပါတယ်။

၎။မှတ်ဉာဏ်ချို့ယွင်းခြင်းကို ကာကွယ်ပေးခြင်း။

Dementia ကဲ့သို့သော မှတ်ဉာဏ်ချို့ယွင်းတဲ့ရောဂါအချို့ဟာ လူတွေရဲ့ဦးနှောက်နဲ့အာရုံကြောစနစ်မှာ ဓါတ်တိုးခြင်းနဲ့ရောင်ရမ်းခြင်းဖြစ်စဉ်တွေနဲ့ ဆက်စပ်မှုရှိနေတာကိုတွေ့ရပါတယ်။ဒီလိုရောဂါသည်တွေမှာ ဗီတာမင်စီဓါတ်ချို့တဲ့မှုရှိနေတာကိုတွေ့ရပြီး ဗီတာမင်စီပြည့်ဝစွာစားသုံးပေးခြင်းက ၎င်းရောဂါများဖြစ်ပွားမှုကို အထိုက်အလျောက်ကာကွယ်ပေးနိုင်တာကို တွေ့ရှိရပါတယ်။

၅။သွေးတွင်း ယူရစ်အက်ဆစ်ဓါတ်ကိုလျှော့ချပေးပြီး အဆစ်အမြစ်ရောင်’ဂေါက်’ရောဂါဖြစ်ပွားမှုကိုလျော့နည်းစေခြင်း။

အဆစ်အမြစ်ရောင်’ဂေါက်’ရောဂါဟာ သွေးထဲမှာ ယူရစ်အက်ဆစ်တွေစုပုံလာရာက အဆစ်အမြစ်တွေမှာပါစုပြီး အဆစ်တွေရောင်ရမ်းကိုက်ခဲလာတဲ့ရောဂါဖြစ်ပါတယ်။လူအများထင်သလို ‘ဂေါက်’ရောဂါဟာအဆစ်အမြစ်တွေသာမကပဲ နှလုံးသွေးကြောကျဉ်းရောဂါနဲ့ပါဆက်စပ်နေတာမို့ ၎င်းရောဂါဖြစ်လျှင်ဆရာဝန်နှင့်သေချာပြသရန်လိုပါတယ်။ဗီတာမင်စီဟာ ယူရစ်အက်ဆစ်ဓါတ်ကို လျှော့နည်းစေတာကြောင့် ‘ဂေါက်’ရောဂါကိုလဲ အထိုက်အလျောက်သက်သာစေနိုင်မယ်လို့ ယုံကြည်ရပါတယ်။

၆။သွေးပေါင်ကို အထိုက်အလျောက်လျော့ချပေးနိုင်ခြင်း။

ဗီတာမင်စီဟာ သွေးတိုးရောဂါရှိသူရော၊မရှိသူမှာပါ သွေးပေါင်မြင့်တက်ခြင်းကိုလျော့ကျစေနိုင်ပါတယ်။ဒါဟာဘာကြောင့်ဖြစ်ရသလဲဆိုတာ လူတွေမှာသုတေသနလုပ်ရှာဖွေနေဆဲဖြစ်ပါတယ်။ဗီတာမင်စီဟာ သွေးပေါင်ကျဖို့အထောက်အကူပြုတယ်ဆိုပေမယ့် သွေးကျဆေးမဟုတ်တာကြောင့် သွေးတိုးသမားတွေအနေနဲ့ ဗီတာမင်စီကိုသွေးပေါင်ကျဆေးအနေနဲ့ အသုံးပြုလို့မရပဲ ဖြည့်စွက်စာအနေနဲ့သာ သုံးလို့ရမှာဖြစ်ပါတယ်။သွေးတိုးအတွက်က ပုံမှန်ဆရာဝန်နဲ့ပြသ သွေးကျဆေးများပုံမှန်သောက်သုံးရမှာပါ။

၇။နှလုံးရောဂါအချို့အား ကာကွယ်ပေးနိုင်မည်လား။

ဗီတာမင်စီဟာ သွေးပေါင်လျော့ကျစေခြင်း၊ကိုလက်စထရောဓါတ်ကို လျော့ကျစေခြင်းတို့ကြောင့် နှလုံးသွေးကြောကျဉ်းခြင်းကို လျော့နည်းစေခြင်း စတဲ့အကျိုးကျေးဇူးအချို့ရှိနိုင်ပေမယ့် သိပ္ပံနည်းကျသုတေသနလုပ်ထားတဲ့အချက်အလက်မပြည့်စုံသေးတာကြောင့် ၎င်းအာနိသင်များရှိနိုင်တယ်လို့ယူဆရတဲ့အခြေအနေမှာသာ ရှိနေပါသေးတယ်။

ဤတွင် ဗီတာမင်စီရဲ့ အံ့ဖွယ်(၇)ပါး ပြီးပါပြီ။

အားလုံးပဲ ကျန်းမာချမ်းသာကြပါစေ။

dr.ye’lwin mm