ကလေးမွေးပြီးရက်ပိုင်းအတွင်း သွေးသွန်ခြင်း

ကိုယ်ဝန်ဆောင်တယ်….သားဖွားရတယ်ဆိုတာ မိခင်တစ်ယောက်ရဲ့ ဘ၀မှာ…. အရေးကြီးတဲ့ ဖြစ်ရပ်တွေပါပဲ..။ ကလေးမွေးဖွားပြီး ဂရုစိုက်ရမယ့် အချက်တွေထဲမှာ…. သွေးသွန်တာ ရှိမရှိဆိုတာလည်း တစ်ခုအပါအ၀င်ဖြစ်ပါတယ်….။

ကလေးမွေးပြီး ရက်ပိုင်းအတွင်းသွေးသွန်တယ်ဆိုတာဘာလဲ

ကလေးမွေးပြီး နှစ်ဆယ့်လေးနာရီကနေ ခြောက်ပတ်အတွင်း သားအိမ်ကနေ သွေးပမာဏ များများဆင်းတာကိုဆိုလိုတာဖြစ်ပါတယ်..။ ဖြစ်ပွားနှူန်းအနေနဲ့ ဖွိ့ဖြိုးပြီးနိုင်ငံတွေမှာ 1.44% လို့ဆိုပေမယ့် မြန်မာနိုင်ငံလို ဖွိ့ဖြိုးဆဲနိုင်ငံတွေမှာတော့ ဒီ့ထက်ပိုများပါတယ်…။

ဘာကြောင့်ဖြစ်ရတာလဲ

အဓိကအကြောင်းအရင်းတွေအနေနဲ့ သုံးချက်ရှိပါတယ်..။

(၁) သားအိမ်ပိုးဝင်ပြီးရောင်ယမ်းခြင်း…. (တချို့သော ခွဲစိတ်မွေးဖွားသူတွေ…. ရေမွှာစောစောပေါက်သူတွေ… မွေးချိန် ကြာသူတွေမျာဖြစ်တတ်ပါတယ်)

(၂) အချင်း သို့မဟုတ် ကလေးတစ်သျှူး သားအိမ်ထဲမှာ ကျန်နေခြင်း

(၃) သားအိမ်အပြည့်အ၀မကျုံ့ခြင်း ..စတာတွေကြောင့် ဖြစ်တတ်ပါတယ်..။

ရောဂါလက္ခဏာများ

အဓိက လက္ခဏာကတော့ ကလေးမွေးဖွားပြီး ဆယ့်နှစ်နာရီနောက်ပိုင်းမှာ ပုံမှန်ထက်ပို ပြီး သွေးများများဆင်းတာဖြစ်ပါတယ်..။ သွေးဆင်းခြင်းဟာ ရက်ကြာရှည် ဆင်းနေတာပဲဖြစ်ဖြစ်… အများကြီး တပြိုင်နက်တည်း ဆင်းတာပဲ ဖြစ်ဖြစ် ဖြစ်နိုင်ပါတယ်..။
တခြားလက္ခဏာတွေအနေနဲ့ ဖျားတာ… ချမ်းတုန်တာ… ၀မ်းဗိုက်အောက်ပိုင်းနာကျင်ကိုက်ခဲတာ.. အနံ့နံတဲ့ အရည်တွေ မိန်းမကိုယ်ကနေ ဆင်းတာ တွေ ရှိနိုင်ပါတယ်..။

စမ်းသပ်စစ်ဆေးမှူများ

ဆရာဝန်က သင့်ကို ကလေးမွေးပြီး သွေးသွန်တယ်လို့ သံသယရှိရင်… သွေးစစ်တာ.. အာလ်ထရာဆောင်းရိုက်တာတွေလုပ်ပြီး သားအိမ်ထဲမှာ အကြွင်းအကျန်ရှိမရှိ… အချင်းကျန်မကျန် စစ်ဆေးပါလိမ့်မယ်..။

ကုသမှူ

အဓိက ကုသမှူတွေအနေနဲ့ Ampicillin ဒါမှမဟုတ် Clindamycin နဲ့ Metro လို ပိုးသတ်ဆေးမျိူးပေးပါလိမ့်မယ်…။
သားအိမ်ညှစ်အားကောင်းစေတဲ့ ဆေးတွေလဲ လိုအပ်ရင်ပေးပါလိမ့်မယ်..။
ဒီလိုလုပ်တာတောင်မှ သွေးဆင်းတာမရပ်ရင် …. ဆ၇ာဝန်က သားအိမ်ထဲက အကြွင်းအကျန်တွေကို ခွဲခန်းထဲမှာ လိုအပ်ရင် ဖယ်ရှားပေးပါလိမ့်မယ်..။

မေတ္တာဖြင့်

ဒေါက်တာ စိမ်းမိုးစက်

Secondary Post-Partum Haemorrhage