📗ဖျားနာကိုက်ခဲမှုတွေခေါ်လာမဲ့ ရာသီအကူးအပြောင်း📗

ဘယ်အရာမှ မမြဲတဲ့ ဒီလောကကြီးနဲ့ လူသားတွေမှာ သိသိသာသာဖြစ်စေ မသိမသာဖြစ်စေ တစ်ခုမဟုတ်တစ်ခုတော့ နေ့စဉ်ပြောင်းလဲနေကြရပါတယ်။ သီချင်းစာသားလေးနဲ့ပြောရရင်တော့ ‘အခြေအနေတွေဟာ အမြဲတမ်း..ပြောင်းလဲနေတယ် အချစ်ရယ်..’ပေါ့။ ‘မတည်မြဲခြင်း’ဆိုတာတစ်ခုကလွဲရင် လောကမှာ ကျန်တာ ဘာမှ မမြဲပါဘူး။

ကောင်းကောင်းဆိုးဆိုး ဘယ်ဘက်ကိုပဲပြောင်းပြောင်း တည်ငြိမ်နေတဲ့ အခြေအနေတစ်ခုကနေ အသစ်တစ်ခုခုကို ကြုံရတဲ့အခါမှာ ချက်ချင်းရောက်လာတဲ့ သူငယ်ချင်းကတော့ ‘နေသားမကျမှု’ ပေါ့။

🎯ဒါဆို ရာသီဥတုအပြောင်းအလဲတွေမှာရော..?

ပိုဆိုးပါတယ်။ ‘နေသားမကျမှု’ဆိုတဲ့ ရိုးရိုးသားသား သူငယ်ချင်းလေး တင်မကပဲ လူဆိုးတွေဖြစ်တဲ့ ‘သက်သောင့်သက်သာမရှိမှု’နဲ့ ‘ဖျားနာ ကိုက်ခဲမှု’ ဆိုတာတွေပါ ရောက်လာတတ်ပါတယ်။ ခုလို ‘နွေခေါင်ခေါင်’ကနေ ‘ရေဖောင်ဖောင်’ ဖြစ်သွားတဲ့ မိုးရာသီအကူးမှာတော့ ဖျားနာကိုက်ခဲမှုတွေ ပုံမှန်ထက်ပိုဖြစ်တတ်ပါတယ်။

🎯 ဒီရာသီမှာ ဖျားနာခေါင်းကိုက် ဘာလို့အဖြစ်များတာလဲ ??

🔹တုပ်ကွေးဖြစ်စေတဲ့ Virus ပိုးတွေကို ကာကွယ်ဖို့ လိုအပ်တဲ့ ခန္ဓာကိုယ်ရဲ့ ခုခံအားစနစ်က ဒီလိုအေးတဲ့ ရာသီဥတုမှာ ပိုကျနေတတ်လို့ ပိုဖျားတတ်ပါတယ်။
အဖျားကြောင့် ခေါင်းကိုက်နိုင်သလို ကိုယ်လက်နာကျင်ကိုက်ခဲတာတွေပါ ဖြစ်နိုင်ပါတယ်။

🔹မိုးရေစိုလိုက် နေပူမိလိုက်နဲ့ စိုလိုက်ခြောက်လိုက် ပူလိုက်အေးလိုက် အခြေအနေတွေကြောင့် ပိုဖျားတတ်သလို ခေါင်းလည်းပိုကိုက်တတ်ပါတယ်။

🔹 Barometric pressure ဆိုတဲ့ လေထုဖိအားအပြောင်းအလဲကြောင့်လည်း ခေါင်းကိုက်တတ်ပါတယ်
Migraine headache နဲ့ Cluster headache လို ဆိုးဝါးတဲ့ ခေါင်းကိုက်ဝေဒနာမျိုးတွေ ထကြွလာတတ်ပါတယ်။

🔹 Humidity ဆိုတဲ့ လေထုစိုထိုင်းဆ ပိုမိုမြင့်တက်လာတာကြောင့်လည်း ခေါင်းပိုကိုက်စေတတ်ပါတယ်။

🔹 အဆစ်အမြစ် ရောင်ရမ်းကိုက်ခဲတဲ့ ရောဂါအခံရှိသူတွေမှာလည်း မိုးအေးအေးမှာ ရောဂါဟောင်းတွေ ပြန်ထကြွလာတတ်ပါတယ်။

🎯ဘယ်လို ကာကွယ်မလဲ ??

ရာသီဥတုတွေကတော့ ကမ္ဘာတည်သ၍ ပြောင်းနေသလိုပဲ ဖျားနာကိုက်ခဲတာတွေလည်း ဆက်ဖြစ်နေကြဦးမှာပါပဲ။ ရာသီဥတုတွေ မပြောင်းလဲအောင် လုပ်လို့မရပေမဲ့ မဖျားဖို့ မနာဖို့တော့ တတ်နိုင်သမျှ ကြိုးစားကာကွယ်လို့ရပါတယ်။

နံပါတ်တစ်ကတော့ ကိုယ်ခံအားစနစ်ကို မြှင့်တင်ထားဖို့လိုပါတယ်။ ဒီအတွက်

🔹အိပ်ချိန်ပြည့်ဝအောင် အိပ်ရပါမယ်

🔹အစားအသောက်မျှတစုံလင် အာဟာရပြည့်ဝအောင် စားရပါမယ်

🔹Vitamin C ကြွယ်ဝတဲ့ အသီးအနှံတွေ စားသင့်ပါတယ်

🔹ရေဓာတ်ပြည့်ဝအောင် ဖြည့်တင်းဖို့လိုပါတယ်

🔹စိတ်ဖိစီးမှုတွေ လျှော့ချဖို့လိုပါတယ်။

🔹နှစ်စဉ်ထိုးရတဲ့ ရာသီတုပ်ကွေးကာကွယ်ဆေးကလည်း တုပ်ကွေးကြောင့် မဖျားဖို့ အတော်အသင့် ကာကွယ်ပေးနိုင်တာမို့ ထိုးထားသင့်ပါတယ်။

🎯 ဒီလောက် ကာကွယ်တဲ့ကြားက ဖျားပြီဆိုရင်ရော ??

တော်ရုံ ခေါင်းကိုက်နဲ့ အဖျားအနာတွေအတွက်ကတော့ Paracetamol(Acetaminophen)ပါဝင်တဲ့ ဆေးတွေ သောက်ရင်သက်သာစေပါမယ်။ ကိုယ်ခံအားပြန်ကောင်းလာဖို့အတွက် ကောင်းကောင်းအိပ် ကောင်းကောင်းစား ကောင်းကောင်းနားဖို့လိုပါတယ်။ ဒါနဲ့မှ မသက်သာရင်တော့ ဆရာဝန်ပြရပါတော့မယ်။

Dr ဖြိုးဝေလင်း
(7.6.19)