သည် နွေ မိုးဆောင်း ပြောင်းသော်လဲ

ရာသီတွေ ဘယ်လိုပြောင်းပြောင်း နှစ်တွေ ဘယ်လိုပြောင်းပြောင်း မပြောင်းလဲနိုင်ကြတာက လူတစ်ဦးစီ တစ်ဦးစီတိုင်းမှာ
စွဲကပ်နေတဲ့ အကျင့် ပါ။ တစ်ချို့က ဆေးလိပ် သောက်တယ် စွဲ တယ်။ တစ်ချို့က ကွမ်းစားတယ် စွဲတယ်။ တစ်ချို့က
ရောဂါအခံတွေ ရှိပေမယ့် ရှောင် ရမယ့် အစားအစားတွေမှ စားချင်နေတယ်။ တစ်ချို့က မြန်မာဆေးမှ မြန်မာဆေး။
တစ်ချို့ကျ ပြန်တော့ ဆေးလဲ သောက်တယ်၊ ရောဂါ ဖြစ်ရာဖြစ်ကြောင်းကိုလဲ ဆက်လုပ်တယ်။ တစ်ချို့ ကျတော့ ကိုယ်နဲ့
မတည့်မှန်း သိသော်လည်း မရှောင်နိုင်။ တစ်ချို့ကျတော့ စီးပွားရေးကို အကြောင်းပြပြီး မရှောင်နိုင်ကြ။ တစ်ချို့ကျတော့
ဆေးကို သောက်တစ်လှည့် မသောက်တစ် လှည့်။ သောက်ရမယ့် အချိန်ကို ကိုယ့်ဖာသာကိုယ် ဆုံးဖြတ်တယ်။ ရောဂါ
တက်နေပြီလို့ ထင်ရင် သောက်လိုက်တယ်။ သက်သာရင် ဖြတ်လိုက်တယ်။ တစ်ချို့ကျတော့ ရောဂါဖြစ်တာ အဲဒီ အပြုအမူ
အစားအသောက်ကြောင့် လို ပြောရင် သက်သာတဲ့ အထိတော့ ဖြတ်နိုင်ကြ တယ်၊ သက်သာသွားရင် အဲဒီအပြုအမှုကို
ပြန်လုပ်ကြတာချည်းပဲ။

နွေမှာ နေသိပ် ပူတယ်၊ အရက်လျှော့သောက်ပါ။ အပူ သိပ်များနေတဲ့ အချိန်မှာ အရက်က ကိုယ့်အတွက် မကောင်းဘူးလို့
ပြောလဲ ဘာမှ မဖြစ်သေးခင် နားမထောင်ချင် ကြဘူး၊ ဖြစ်သွားတဲ့အချိန်ကျတော့ ဖြတ်ဖို့ အချိန်မမီတော့ပဲ အသက်ပါ
သွားတတ်ကြတယ်။ သိပ် နေပူနေတယ် နော်၊ ခင်ဗျားက သွေးတိုးလဲ ရှိနေတော့ ဆေးခဲ မှန်မှန် သောက်၊ အစားလဲ ဆင်ခြင်၊
နေပူထဲထဲ သိပ် မထွက်နဲ့ ဆိုလဲ ရပါတယ် ဆရာနဲ့၊ မကြာဘူး၊ အသုဘရှု ဖိတ်ကြား စာ ရောက်လာတာပဲ။

ခင်ဗျားကို အရင့်အရင်ကတည်းက ကျွန်တော် ပြောပြီးသား နော်၊ ဆေးလိပ်နဲ့ ကွမ်းက ခင်ဗျားကို ဒုက္ခ ပေးနေတာ၊
ခင်ဗျား နားမထောင်ပြန်ဘူး။ အဲဒီထဲမှာ ပါနေတဲ့ ဆေးရွက်ကြီး တွေကြောင့် ခင်ဗျား သွေးကြောကျဉ်းရောဂါလဲ ရပြီးပြီ၊
အခု အစာအိမ်ရောဂါပါ ထပ်ရနေပြီ၊ ဆက်ပြီး၊ စွဲးလန်းနေလို့ကတော့ ကျွန်တော့် အဆိုး မဆိုနဲ့တော့၊ ခင်ဗျား ရှာထားတဲ့
အိမ် နှစ်လုံးနဲက ရွှေ သုံးဆယ်သားလဲ သူများလက်ထဲ ရောက်သွားရုံပေါ့။ ဆရာ့ကို ဘယ်သူပြောလဲ အိမ်တွေ ရွှေတွေ ကိစ္စ၊
ဒါကတော့ တစ်ရပ်ကွက်လုံး သိနေတာပဲဗျာ။

ရောင့်ရဲတင်းတိမ်ခြင်း တရားကို လူတိုင်း မလိုက်နာချင်ကြဘူး။ ကောင်းတာလို့ ထင်နေတာကို အမြဲ ရှာနေကြတယ်။ အဲဒီ
ကောင်းတယ်လို့ ထင်နေတာ တွေ့တော့ စွဲလမ်းနေကြတယ်။ စွဲလမ်းခြင်းရဲ့ နောက်ဆက်တွဲ ရောဂါတွေ ၀င်လာတော့လဲ
တွယ်ဖက်လို့ ကောင်းတုန်း၊ ဆရာဝန်က ဘယ်လောက်ပြောပြော လွယ်လွယ်နဲ့ လက်လျှော့လေ့ မရှိဘူး။ ဒါ့ကြောင့်လဲ
တရားသဘောအရ တဏှာ လို့ ခေါ်တာကိုး။

ဒီကနေ့တော့ လူကြီးတွေ၊ အစွဲချွတ်လို့ မရတော့တဲ့ လူတွေထက် တက်လူ၊ အနာဂတ်ရဲ့ လုပ်အားရှင်များ ဖြစ်တဲ့
လူငယ်တွနဲ့ ဆေးရွက်ကြီးကိစ္စကိုပဲ ဦးတည် ရေးချင် ပါတယ်။
လူငယ်တွေ ကြားထဲမှာ ဆေးလိပ်၊ စီးကရက်၊ ကွမ်းယာ ကိစ္စ က အတော် အရေး ကြီးတဲ့ အခြေအနေကို ရောက်ပြီလို့
ဆိုချင်ပါတယ်။ ယခင့်ယခင်တုန်းက ဆေးလိပ် ဆိုတာ လူငယ်တွေက မသိအောင် ခိုးသောက်ခဲ့တဲ့ အဆင့်လောက်သာ
ရှိတဲ့အတွက် အများအားဖြင့် လက်ရှိအခြေအနေလောက် များတာ မတွေ့ရဘူး။ လူကြီးတွေ ဆေးလိပ် ခဲနေတဲ့ ပုံတွေ၊
စာစောင်တွေမှာ ပိုစတာတွေမှာ စီးကရက် ကိုက်ထားတဲ့ ပုံတွေ ကြည့်ပြီး အားကျစိတ် ရှိလာကြတာရယ်၊ လူကြီးတွေ
ကိုယ်တိုင်က ဆေးလိပ် အဝယ်ခိုင်းတာ၊ မီးညှိခိုင်းတာတွေ ကြောင့် ဆေးလိပ် စီးကရက် စွဲလာတာဖြစ်သလို၊ ကွမ်းယာ
ကိစ္စမှာလဲ အရင်ကတည်းက အိမ်တွေမှာ ကွမ်းအစ် တည်တဲ့ ကိစ္စကြောင့် ယခုခေတ် လူလတ်ပိုင်းတွေ ကွမ်း စွဲလာကြ
သလို၊ အလုပ်အကိုင် အကြောင်းပြပြီး အိပ်ငိုက်သက်သာအောင် လို့ရယ် အကြောင်းပြ ချက်နဲ့ ကားမောင်းတဲ့လူတွေ
အစားများလာတာ တွေ့လာရတယ်။ နွေနဲ့ ဆောင်းမှာ ဆိုရင် လမ်းပေါ်မှာ နီရဲနေတာ တွေ့နေရမှာပေါ့။ အထူးသဖြင့်
ကားမှတ်တိုင်တွေနဲ့ မီးပွှိုင့်တွေမှာ ပေါ့။
လူငယ်တွေကြားထဲမှာ စီးကရက်၊ ဆေးပြင်းလိပ်၊ ဆေးတံ၊ ဆေးရွက်ကြီးမှုံ့ ရှူတာ၊ ဆေးရွက်ကြီးဝါးတာ၊ နောက်ပိုင်း
အီးစီးကရက်တွေ၊ ဆေးရွက်ကြီးပျော်ရည်တွေ ဆိုတာအထိ နည်းအမျိုးမျိုးနဲ့ သုံးစွဲနေကြတာ တွေ့ရမှာပါ။ ၂၀၀၉
ခုနှစ်တုန်းက နိုင်ငံခြားမှာ လုပ်ထားတဲ့ လူငယ်တွေနဲ့ ပတ်သက်ပြီး ရောဂါဖြစ်ပွားခြင်း၊ ထိန်းသိမ်းခြင်းနှင့် ကာကွယ်ခြင်းဆိုင်ရာ
သုတေသန စစ်တမ်းတစ်ခု လုပ်ခဲ့တဲ အခါ အထက်တန်းကျောင်းသားများထဲက ၄၆% လောက်က အနည်းဆုံး ဆေးလိပ်
တစ်လိပ်တော့ သောက်ဖူးခဲ့တယ်၊ ၂၀% လောက်က တစ်လအတွင်းမှာ သောက်ခဲ့ဖူးတယ်၊ ၈% လောက်က တစ်လ
အတွင်းမှာ အလိပ် ၂၀ လောက်တောင် သောက်ဖူးတယ်တဲ့။ ဒါက ယောက်ျားလေးရော မိန်းကလေးပါ ဒီ အတိုင်းအတာအတွင်းမှာ
ဖြစ်နေတာနော်၊ လက်ရှိ ဆေးလိပ်သောက်နေတဲ့ လူငယ်တွေထဲက တစ်ဝတ်လောက်က ဆေးလိပ်ဖြတ်ဖို့ တစ်ကြိမ် မက
ကြိုးစားခဲ့ကြဖူးတယ် တဲ့။ ယောက်ျာလေး ၁၅% နဲ့ မိန်းကလေး ၂% လောက်က ဆေးရွက်ကြီးကို အခြားနည်းနဲ့ သုံးကြတယ်။
ယောကျာ်းလေး ၁၂% နဲက မိန်းကလေး ၉% လောက်က အသက် ၁၃ နှစ် မတိုင်မီကတည်းက ဆေးလိပ်ကို စ သောက်ခဲ့တယ်။
လူငယ် အများစုက ဆေးလိပ် သောက်သုံးသူတွေ မဟုတ်သော်လည်း မိသားစုတွေ၊ သူငယ်ချင်းတွေကြောင့် တစ်ဆင့်ခံ
ဆေးလိပ်ငွေ့ ဒဏ်သင့်သူတွေ ဖြစ်နေကြပြန်တယ်။ ဆေးလိပ်သောက်တဲ့ လူငယ်တွေ ဘာကြောင့် သောက်ခဲ့ကြသလဲ
ဆိုတော့ ဇိမ်ခံလို့ ကောင်းလို့၊ လူကြီးတွေနဲ့ တူချင်လို့ တဲ့။ တစ်ချို့ကတော့ လေတဲ့ စိတ်တွေရှင်းသွား စေချင်တဲ့ အတွက်
သောက်တာ တဲ့။ ဆေးလိပ် သောက်ခြင်းရဲ့ အကြောင်းရင်းတွေ ဆန်းစစ်တဲ့အခါ မိသားစုအတွင်း သောက် တဲ့လူ ရှိနေရင်၊
အပေါင်းအသင်းတွေထဲမှာ ဆေးလိပ်သောက်တဲ့သူ ရှိနေရင် သောက်ဖြစ်ကြတယ်၊ကျောင်းစာ မလိုက်နိုင်တဲ့ ကလေးတွေ၊
နဂိုကတည်းက မဟုတ်တာတွေကို လက်တည့်းစမ်းချင်တတ်တဲ့ သူတွေမှာလဲ ဆေးလိပ် သောက်တာ များပါတယ်။ ကြော်ငြာအား
ကောင်းခဲ့စဉ်တုန်းကလဲ လူငယ်တွေ ဆေးလိပ် အသောက်များလာတဲ့ အတွက် နောက်ပိုင်းမှာ ဆေးလိပ်ကြော်ငြာခွင့်
မပြုတော့ပါဘူး။

ဆေးလိပ်စွဲ ရခြင်း အကြောင်းရင်းက ဆေးရွက်ကြီးမှာ ပါတဲ့ နီကိုတင်း ဓာတ်ပေါင်း ကြောင့် ဖြစ်ပါတယ်။ နည်းနည်းလေး
ပါရုံနဲ့တင် လူကြီးထက် လူငယ်မှာ ပိုစွဲလန်းစိတ် ပေါ်တယ်လို့ ဆိုပါတယ်။ ဒါကြောင့် ငယ်ရွယ်သူတွေမှာ ဆေးလိပ် စွဲပြီ
ဆိုရင် ဖြတ်ဖို့ ခက်တယ်။ ဒီ ဆေးရွှက်ကြီးကြောင့်လဲ အားကစားမှာ ထင်သလောက် အစွမ်းပြနိုင်မှာ မဟုတ်ဘူး။ အဆုတ်နဲ့
ပတ်သက်တဲ့ ဝေဒနာတွေ ရလာတတ်တယ်။ ရာသီအလိုက် ဓာတ်မတည့်တဲ့ အခြေအနေမျိုးတွေ ဖြစ်လာတတ်တယ်။
သွားတွေ အရောင်ပြောင်း လာသလို အသက်ရှုရင်လဲ အနံ့ အသက် မကောင်းတတ်ဘူး။ အကျ င်္အဝတ်အစားတွေမှာ
အနံ့တွေ စွဲကပ်နေတတ်တယ်။ ဒါက ဆေးလိုပ် သောက်နေတဲ့ လူမှာ ဖြစ်နေတာ။ ဆေးလိပ် သောက်တဲ့ မိခင်ကြောင့်လဲ
သန္ဓေသားမှာ ထိခိုက်တယ်။

လူငယ်တွေ ဆေးလိပ် သောက်တဲ့ အလေ့အထ နည်းလာစေဖို့နဲ့ ပပျောက်စေဖို့ အတွက် နိုင်ငံတော်များများမှာ
အသက်(၁၈) နှစ်အောက် ကို ဆေးလိပ် မရောင်းချဖို့ ဥပဒေ သတ်မှတ်ထားကြတယ်။ မြန်မာနိုင်ငံမှာလဲ ဆေးလိပ်ကို
အလိပ်ပြေ မရောင်းဖို့၊ အသက် (၁၈)နှစ်အောက်ကို မရောင်းဖို့၊ ကျောင်းအနီးမှာ ဆေးလိပ်၊ ကွမ်းယာဆိုင်တွေ မရှိစေဖို့
ဥပဒေတွေ စည်းမျဉ်းစည်းကမ်းတွေ ထုတ်ထားပါတယ်။ သို့သော် ရောင်းသူတွေက မလိုက်နာ ကြသလို အရေးယူမယ့်သူတွေ
ကလဲ ထိထိရောက်ရောက် အရေးမယူကြသေးတော့ လောလောဆယ် ဒုံရင်း ပါပဲ။ နိုင်ငံတကာ သားဖွားမီးယပ် အဖွဲ့ရဲ့
အဆိုအရ ကိုယ်ဝန်ဆောင် လာအပ်ရင် ဆေးလိပ်နဲ့ ပတ်သက်တဲ့ ပညာပေးတွေ လုပ်ဖို့ လိုမယ်။ ကိုယ်တိုင် မသောက်
တာတောင်မှ တစ်ဆင့်ခံ ရှူရှိုက်နေရမှု ရှိ – မရှိ ကို အမြဲ ဆန်းစစ်နေရမယ် လို့ ဆိုတယ်။ ဆေးလိပ်ဖြတ်တဲ့ နေရာမှာ နီကိုတင်း အစားထိုးပေးမှုကိုလည်း လူငယ်တွေအတွက် တတ်နိုင် သမျှ အသုံးမပြုဖို့ တိုက်တွန်းထား ကြတယ်။

ဆေးလိပ်ဖြတ်နည်းကို (၁) ဆေးလိပ် သောက် – မသောက် မေး(၂) ဆေးလိပ်ဖြတ်ဖို့ တိုက်တွန်း(၃) ဆေးလိပ် ဆိုးကျိုး
ဘယ်လောက် သက်ရောက်နေတယ် ဆိုတာကို ဆန်းစစ်(၄) ဖြတ်ဖို့ရာကို အကူအညီ ပေ (၅) နောက်ဆက်တွဲ
ဆန်းစစ်လေ့လာခြင်းကို အဆက်မပြတ် မလုပ်သွားဖို့ ဆိုတဲ့ နည်းလမ်း(၅) သွယ် လျာထားကြတယ်။ ဒါကြောင့်
ဆေးလိပ်ဖြတ် ဌာန လုပ်တော့မယ် ဆိုရင် ဒီလို အချက်တွေ အပြည့်အစုံ လုပ်ပေးဖို့ တိုက် တွန်းထားကြတယ်။ အဲဒီလို
ဖြတ်ချင်လာရင်လဲ ဖြတ်ချင်စိတ် ပေါ်လာစေဖို့(၁) အရေး ကြီးတယ်(၂) ရောဂါတွေ ရလာတတ်တယ်(၃) ဖြတ်လိုက်ခြင်း
အားဖြင့် ဘယ်လို အကျိုး ကျေးဇူးတွေ ရလာမယ် (၄) ဖြတ်တဲ့ နေရာမှာ ဘာတွေကြောင့် ဖြတ်ရ ခက်တတ်တယ်ဆိုတာ
ကို အသိပေးရမယ်(၅) အထပ်ထပ်ကြိုးစားဖို့ ခဏခဏ တိုက်တွန်းနေဖို့ လိုမယ်လို့လဲ ဆို ထားပါတယ်။ မြန်မာပြည်
မှာတော့ ဆေးလိပ်ဖြတ်ဌာန သီးခြား ထူထောင်ထားပြီး ရှိ- မရှိ တော့ မသိသေးပါ။

နိုင်ငံခြား ဆေးလိပ်ဖြတ်ဌာနမှာတော့ နီကိုတင်း အစားထိုးကုသနည်းကို သုံးတယ် တဲ့။အဲဒီမှာလဲ နီကိုတင်း အစားထိုး
ကုသတဲ့ ဆေးတော့ ရှိပါတယ်။ ဈေးကြီးတယ်။ တကယ်က ဖြတ်ချင်စိတ် ရှိဖို့နဲ့ သိန္နဠာန် ချဖို့ပဲ အရေးကြီးတာပါ။ အဓိက
ဖြတ်ချင်စိတ်ပါ။ ဖြတ်ချင်စိတ် ဖြစ်လာဖို့ တွန်းအာေးပးတာက ကျန်းမာရေးပါ။ ကျန်းမာရေးရှုထောင့်က အများကြီး အရေးပါ
ပေမယ့် ဖြတ်ချင်စိတ်ပေါ်လာလောက်တဲ့အထိ တွန်းအားပေးနိုင်လောက်တဲ့ အခြေအနေတွေ မတွေ့သေးပါဘူး။ လူတွေကလဲ
ခက်တယ်၊ ကိုယ့်ကိုတွန်းအာ ပေးရင် စ်ိတ်မဝင်စားဘူး။ စီးပွားရေးကြော်ငြာတွေများ ကြည့်ရင် မကြည့်ရ မနေနိုင်လောက်အောင်
ကောင်းတဲ့ နည်းတွေ ကို သုံးတယ်။ ကျန်းမာရေးပညာပေးတာများကြတော့ စိတ်ဝင်စားစရာ မရှိဘူး။ အဓိက ရေရှည်
အတွက် အရင်းအနှီး မြှုပ်နှံဖို့ မစဉ်းစားတာ။

ပြောမရတော့တဲ့ လူကြီးတွေကိုတော့ ပြောစရာရှိတာ ပြောပေမယ့် လိုက်နာသူ နည်း သေးတယ်။ ဆင်ခြေအမျိုးမျိုးနဲ့
သောက်နေကြတုန်း၊ သေတဲ့လူတွေကလဲ တဖြုတ်ဖြုတ် သေနေကြတုန်း၊ ကိုယ့်အမျိုးထဲမှာ သေသွာတဲ့ လူကို
တွေ့နေတောင်မှ လက်ထဲက ဆေးလိပ် စီးကရက်က မီးခိုးတလူလူနဲ့။

ဒါကြောင့် ပြောလို့ မရမယ့် လူကြီးတွေထက် ပိုမို ပြောရလွယ်တဲ့၊ သိပ်လဲ မစွဲလန်း သေးတဲ့ လူငယ်တွေကို ယခုအခါ
သင်တန်း အမျိုးမျိုးကလဲ ဆေးလိပ်ဖြတ်ကြစေဖို့ တိုက်တွန်းနေကြပါတယ်။ ကျန်းမာရေးပြဿနာကို ရှေ့တန်းတင်ပြီး
ဖြတ်ခိုင်းတာ ရှိသလို ကျန်းမာရေးနှင့် ပတ်သက်တာတွေ သိသိချည်းနဲ့ သောက်နေတဲ့ လူငယ်တွေအတွက်
ကုန်ကျစရိတ်ကို တွက်ချက်ပြပြီး ဖြတ်စေပါတယ်။ဟုတ်တော့လဲ ဟုတ်ပါတယ်။ တစ်ရက်မှာ ၁၀ လိပ်သောက်နေတဲ့
လူငယ်တစ်ယောက် အတွက် တစ်နှစ်မှာ တစ်သိန်းရှစ်သောင်း ဆိုတဲ့ငွေ ထွက်သွားရသလို မြန်မာတစ်ပြည်လုံးရဲ့
ဆေးလိပ်သောက်နှုန်းကို ၁၀% နဲ့ တွက်ချက်ကြည့်တာတောင် မြန်မာပြည် လူဦးရေထဲက ဆေးလိပ် သောက်နေတဲ့
လူ ငါးသန်းကြောင့် ဆေးလိပ်ဖိုးက ကျပ် သန်းပေါင်း ကိုးသိန်း (ဒေါ်လာနဲ့ဆို ကိုးရာ) ဆိုတဲ့ငွေတွေ ဆေးလိပ်
ထုတ်လုပ်တဲ့ နိုင်ငံခြားက လုပ်ငန်းရှင်တွေဆီ ရောက်သွားရတာ နှမျောစရာ မဟုတ်လား။ ကျပ်သန်းပေါင်းကိုးသိန်း
ဆိုတာ အလုပ်တွေ အတော်များများကို လုပ်နိုင်တယ်။ ဆေးရုံတွေ ဆောက်နိုင်တယ်။ ဟိုတယ်ကြီးတွေ ဆောက်နိုင်တယ်။
လမ်းတွေ ကောင်းကောင်း ခင်းနိုင်တယ်။ ကျောင်းသားတွေကို ပညာသင် ထောက်ပံ့ကြေးတွေ အများကြီးပေးနိုင်တယ်။
လူ တစ်ယောက် ဆေးလိပ်ဖြတ်ပြီး အဲဒီငွေကို ကောင်းတဲ့ နေရာမှာ အသုံးချမယ် လို့ တွက်ချက်ကြည့်၊ ကလေးသူငယ်
ပြုစုရေးမှာ ကလေး တစ်ယောက်အတွက် အနိမ့်ဆုံး သုံးရတဲ့ တစ်ရက် ၁၀၀၀ နှုန်းနဲ့ ဆိုရင် တစ်သိန်းရှစ်သောင်း
က ခြောက်လလောက် သုံးလို့ရတယ်။ တစ်နိုင်ငံလုံး မသောက်ကြဘူးဆိုရင်တော့ စဉ်းစား ကြည့်ပေါ့။ အမျိုးမျိုး
ပြောကြတာပေါ့။ ဒါဆိုရင် အစိုးရက ဘာလို့ ထုတ်တုန်း။ (အခုတော့ အစိုးရရဲ့ ဒူးယား၊ ခပေါင်း၊ အုန်းတော တွေ
ထွက်သေးလား မထွက်တော့ဘူးလား မသိတော့ ပါ။) ဘာလို့ နိုင်ငံခြားကနေ သွင်းခွင့် ပေးနေတာတုန်း။ နိုင်ငံခြားက
ကုမ္ပဏီတွေ ဘာလို့ လက်ခံနေတာတုန်း လို့ ပြောရင် ကျွန်တော်မျိုး မဖြေတတ်ပါ။ ဒီကြားထဲ ဦးပိုင်က စီးကရက်
ဖက်စပ်လုပ်မယ် လဲ ဆိုရော အမြတ်ခွန်တောင် ၅၀% ပဲ ရှိတော့လို့ အမြတ်ခွန် တိုးကောက်ဖို့ အော်လာကြပြီ။
ဆေးလိပ် စီးကရက်ကို ဈေးနည်းနည်းနဲ့ ရောင်းစေချင် တာလား၊ ဖြတ်ကြဖို့ နှိုးဆော်မှာလား၊ ဈေးကြီးလာရင်
နယ်စပ်က မှောင်ခို ၀င်လာမှာကို ကြောက်လို့လား၊ ဘာမှန်းတော့ မသိနိုင်တော့ပါ။

ဘယ်စနစ်ကြောင့် ဘာပဲ ဖြစ်နေဖြစ်နေ ကျွန်တော်တို့ကတော့ ရောဂါလဲ ဖြစ်စေနိုင်တဲ့၊ နိုင်ငံခြားငွေကို ဖြုန်းတီး
ရာရောကတဲ့၊ ရောဂါဖြစ်လာရင်လဲ ကုသစရိတ် ပိုကုန်လာတဲ့၊ ရောဂါဖြစ်နေတဲ့ အတွက်ကြောင့် လူသားတွေရဲ့
လုပ်အား ဆုံးရှုံးရတဲ့၊ ရောဂါသည်ကို စောင့်ရှောက်ရတဲ့အတွက် အခြားလူတွေရဲ့ ၀င်ငွေရှာရမယ့် လုပ်အားတွေ
ဆုံးရှုံးရတဲ့၊ ဘေးလူကိုပါ ကောင်းကျိုးမပေးတဲ့ ဒီ ဆေးလိပ်၊ စီးကရက်၊ ဆေးရွက်ကြီးနဲ့ ပတ်သက်နေတဲ့ အခြား
အကြောင်းအရာတွေကိုပါ၊ အချိန်ကုန်ခံပြီး အာညောင်းအောင် ပြော၊ လက်ညောင်းအောင် ရေးနေဦးမှာပါ လို့။

ခိုင်စိုးဝင်း(ထွေကု)