အသက်ခြောက်လအောက်ကလေး ရေတိုက်ဖို့လိုမလိုနှင့် ရေဓာတ်ပြည့်မပြည့်

များသောအားဖြင့် မိခင်တွေဟာ မိမိတို့ကလေးကို နို့တိုက်ပြီးချိန်မှာဖြစ်ဖြစ် ရေနည်းနည်းလောက်တော့ တိုက်လိုကြပါတယ်..။ ဒါဟာ တကယ်တော့မမှန်ပါဘူး..။ သုတေသနတွေအရ အသက်ခြောက်လအောက်ကလေးတွေမှာ ရေတိုက်ခြင်းကို အားမပေးပါဘူး..။

အသက်ခြောက်လအောက်ကလေးတွေမှာ အဓိကလိုအပ်တာက မိခင်နို့ကိုပြည့်ပြည့်၀၀ မကြာခဏတိုက်ဖို့ပါပဲ..။ သဘာဝအလျောက် မိခင်နို့ထဲမှာ ကလေးငယ်ကြီးထွားဖွံ့ဖြိုးဖို့အတွက် လိုအပ်တဲ့ အာဟာရဓာတ်ပေါင်းစုံနဲ့ ရေဓာတ်ပါလုံလုံလောက်လောက်ပါဝင်ပြီးဖြစ်တာကြောင့် ထပ်ပြီးရေတိုက်စရာမလိုအပ်ပါဘူး..။ ရေကိုအပြင်ကနေ ထပ်တိုက်တဲ့အခါ မသန့်ရှင်းတဲ့ရေဖြစ်ခဲ့ရင်… မမြင်နိုင်တဲ့ ပိုးမွှားတွေပါသွားခဲ့ရင် ကလေးမှာ ၀မ်းပျက်ဝမ်းလျှောအပြင် တိုက်ဖွိုက်လို ကူးစက်ရောဂါတွေရနိုင်တဲ့အတွက် မတိုက်သင့်ပါဘူး…။

တကယ်လို့ မိခင်နို့မတိုက်ဘဲ နို့မှုန့်တိုက်တဲ့ကလေးတွေမှာဆိုရင်တော့ နို့မှူန့်နဲ့ရေနဲ့ကို အချိူးအစားကျကျနနဖျော်စပ်ဖို့လိုပါလိမ့်မယ်..။ ယျေဘူယျအားဖြင့် နို့မှူန့်တစ်ဇွန်း(နို့မှူန့်ဘူးထဲက ပါလာတဲ့ဇွန်း) ကို ရေနှစ်အောင်စနဲ့ဖျော်ရမှာပါ..။ ကလေးငယ်အသက်ကြီးထွားလာတာနဲ့အမျှ…အရပ်ရှည်လာတာနဲ့အမျှ နို့ပိုစို့သောက်ဖို့လိုလာမှာပါ..။ မွေးကင်းစကနေ အသက်တစ်လမှာ တစ်နေ့ကို ၁၂ အောင်စကနေ နှစ်ဆယ့်လေးအောင်စလောက်အထိ တိုက်ဖို့လိုအပ်ပြီး အသက်လေးလကနေ ခြောက်လလောက်ဆိုရင်တော့ … တစ်နေ့ကို နို့ နှစ်ဆယ်အောင်စကနေ သုံးဆယ့်ခြောက်အောင်စလောက်ထိ တိုးပြီးလိုအပ်ပါတယ်..။
ရေဓာတ်နဲ့အာဟာရပြည့်စုံလုံလောက်မှူဟာ ကလေးငယ်တွေအတွက် အလွန်အရေးကြီးပါတယ်..။ သင့်ကလေးငယ်မှာ ရေဓာတ်ပြည့်မပြည့်ကို အောက်ပါအချက်တွေကို ကြည့်ပြီး ယျေဘူယျအားဖြင့်စစ်ဆေးနိုင်ပါတယ်..။

(၁) ကလေးငယ်ဆီးသွားနည်းရင် (နှစ်ဆယ့်လေးနာရီလုံးမှာ သေးစို diaper သေးခံ ခြောက်ခုထက်နည်းပြီး လဲရရင်… ဒါမှမဟုတ် နှစ်နာရီသုံးနာရီထက်ပိုပြီး ခြောက်သွေ့နေရင် ဆီးသွားနည်းတယ် ဆိုနိုင်ပါတယ်…)

(၂) အ၀ါရောင်ဖျော့ဖျော့မဟုတ်ဘဲ အ၀ါရောင်ရင့်ရင့်ဆီးသွားရင်

(၃) ဆောင်းရာသီမဟုတ်ဘဲ နှူတ်ခမ်းတွေ လျှာတွေ စိုစွတ်မှူမရှိဘဲ ခြောက်သွေ့ကွဲအက်နေရင်

(၄) ငိုတဲ့အခါ မျက်ရည်မထွက်ရင်

(၅) အရေပြားကိုဆွဲလိုက်တဲ့အခါ မူလအနေအထားကိုမြန်မြန်ပြန်မရောက်သွားဘဲ အရေပြားရှူံ့တွနေရှု

(၆) မျက်တွင်းချိုင့်နေ၇င်

(၇) ကလေးငယ်အရမ်းမှိန်းရင်

(၈) လက်တွေခြေထောက်တွေ အလွန်အမင်းအေးစက်နေရင်

ဒီလို လက္ခဏာတွေရှိရင်တော့ သင့်ကလေးမှာ ရေဓာတ်ခမ်းခြောက်မှူရှိနေတယ် ဆိုနိုင်ပါတယ်..။

အချူပ်အားဖြင့်ဆိုရရင် မွေးကင်းစကနေ ခြောက်လအထိ ကလေးတွေကို ဖြစ်နိုင်ရင် မိခင်နို့တစ်မျိူးတည်းကိုသာ တိုက်ပါ..။ မကြာခဏတိုက်ပါ..။ ကလေးဆာတိုင်း ငိုတိုင်းတိုက်ပါ…။ မိခင်ကိုယ်တိုင်လည်း အစားဘာမှရှောင်စရာမလိုဘဲ အာဟာရပြည့်ပြည့်၀၀စားသုံးပါ..။
ရေကို အထူးတလည်အပြင်ကနေ ထပ်တိုက်စရာမလိုပါဘူး..။
အကြောင်းကြောင်းကြောင့် နို့မှူန့်တိုက်ရတယ်ဆိုရင် တကယ်အာဟာရဖြစ်စေတဲ့ ကောင်းမွန်တဲ့ နို့မှူန့်အမျိူးအစားကိုသာ မဖြစ်မနေ ဖျော်စပ်တိုက်ပါလို့ ဖော်ပြလိုက်ရပါတယ်..။

မေတ္တာဖြင့်

ဒေါက်တာစိမ်းမိုးစက်