ပွေးရောဂါ

ပွေးပေါက်ခြင်း ဆိုသည်မှာ အရေပြားတွင် မှိုရောဂါ စွဲကပ်ခြင်း တစ်မျိုးဖြစ်သည်။ ကျွန်ုပ်တို့ အရေပြားသည် ရောဂါပိုးများ ကိုယ်တွင်းမဝင်အောင် ကာကွယ်ပေးနေသည့်အပြင် အရေပြားပေါ်တွင် မှီတင်းနေထိုင်သော မှိုနှင့် ပိုးများစွာ ရှိနေ၏။ ထိုပိုးမွှားများသည် သာမန်အချိန်တွင် အန္တရာယ်မရှိသော်လည်း

-အရေပြား အဆီ အထွက်များခြင်း

-ပူပြင်း ခြောက်သွေ့သောရာသီဖြစ်ခြင်း

-ချွေးထွက်များခြင်း

-ခုခံအား ကျဆင်းနေခြင်း စသည့် အကြောင်းအမျိုးမျိုးကြောင့် အဆမတန်ပွားများလာသောအခါ အရေပြားမှိုနှင့် အခြားအရေပြားရောဂါများဖြစ်ပွားလာကြသည်။

ရောဂါ လက္ခဏာများ

ပွေးရောဂါသည် အသားအရောင်မရွေးဖြစ်တတ်ပြီး ဆယ်ကျော်သက်နှင့် လူငယ်များတွင် ပိုဖြစ်လေ့ရှိပေသည်။

-ပွေးပေါက်သော အရေပြားသည် နံဘေးရှိအရေပြားအရောင်နှင့် ကွဲပြားနေတတ်ပါသည်။ အဖြူရောင်၊ ပန်းရောင်၊ အနီရောင်၊ အညိုရောင်ရှိသော အကွက်များအနေဖြင့်လည်းကောင်း မိမိ အသားရောင်ထက် နုသော၊ သို့ ရင့်သော အရေပြားအကွက် အဖြစ်တွေ့နိုင်ပါသည်။

-ပုံမှန်အရေပြားကဲ့သို့ နေရောင်ကြောင့် အရောင်ရင့်ခြင်း မဖြစ်တတ်ပါ။

-ကိုယ်ခန္ဓာ အနှံ့အပြားတွင် ဖြစ်တတ်သော်လည်း လည်ပင်း၊ ရင်ဘတ်၊ နောက်ကျောနှင့် လက်မောင်းတွင် ပိုဖြစ်ပွားလေ့ရှိသည်။

-တစ်ခါတစ်ရံ ခြောက်သွေ့၍ အဖတ်များ ကွာနေတတ်သည်။ ယားယံခြင်း၊ နာကျင်ခြင်းလည်း ဖြစ်တတ်ပါသည်။

စစ်ဆေးမှုများ

အများအားဖြင့် ဆရာဝန်များသည် ပွေးရောဂါကို အမြင်ဖြင့်သာ စစ်ဆေးလေ့ရှိကြပါသည်။ တစ်ခါတစ်ရံ ယူဗွီအလင်းရောင်နှင့် ကြည့်ရူစစ်ဆေးတတ်ပါသည်။ လိုအပ်ပါက အရေပြားအသားစ နည်းနည်း ခြစ်ယူ၍ အနုကြည့်မှန်ပြောင်း အောက်တွင် ကြည့်ရူနိုင်ပါသည်။

ကုသမှုများ

ပွေးပေါက်သော အရေပြားကို လိမ်းရန်အတွက် ခရင်လိမ်းဆေး၊ လိုးရှင်း စသည့်ဆေးပုံစံအမျိုးမျိုး ရှိ၏။ သောက်ဆေးများအဖြစ်လည်း တွေ့နိုင်ပါသည်။

-အများအားဖြင့် မှိုသတ်သော လိမ်းဆေးများဖြင့် ကုသလေ့ရှိကြပါသည်။ ထိုလိမ်းဆေးများတွင် zinc, pyrithione, selenium, miconazole, clotrimazole, terbinafine စသော ဆေးများ ပါဝင်လေ့ရှိသည်။ -သောက်ဆေးများကို ရောဂါဆိုးရွားသောအခါ၊ ခဏခဏပြန်ဖြစ်သောအခါများတွင် အဓိကသုံးတတ်ပါသည်။ သို့သော် ထိုဆေးများသည် ဘေးထွက်ဆိုးကျိုးများသဖြင့် ဆရာဝန်နှင့် တိုင်ပင်ပြီးမှ သောက်သုံးသင့်ပါသည်။

ကာကွယ်ရန် နည်းလမ်းများ

ထိုသို့မဖြစ်အောင် အရေပြား၏ ကျန်းမာရေးကောင်းမွန်လာအောင် ထိန်းသိမ်းရန်လိုအပ်ပါသည်။

*အဆီများသော အရေပြားအလှကုန်များကို ရှောင်ကြဉ်ပါ။

*နေရောင်နှင့် တိုက်ရိုက်ထိတွေ့ခြင်းကို နည်းပါးအောင် ဆောင်ရွက်ပါ။ နေရောင်ကြောင့် ရောဂါပိုဆိုးတတ်ပါသည်။

*နေကာသည့် အလှကုန်များ sunscreen များကို အပြင်ထွက်သည့် အခါတိုင်း လိမ်းသင့်ပါသည်။ အနည်းဆုံး SPF ၃၀ပါဝင်ပါစေ။

*ကျပ်သောအဝတ်အစားများ မဝတ်သင့်ပါ။

*လေဝင်လေထွက်ကောင်းသော ချည်သားထည်များ ပိုမိုဝတ်ဆင်ပါ။

ရီချို(ဆေး ၁)