လူပြောများတဲ့ ဒက်ပို

ဒက်ပိုလို့ အရပ်ခေါ် ခေါ်နေကြတဲ့ သုံးလခံသန္ဓေတားဆေးဟာ အိမ်ထောင်ရှင်အမျိုးသမီးအများစု တွင်တွင်ကျယ်ကျယ်သုံးစွဲကြတဲ့ သားဆက်ခြားဆေးတစ်မျိုးပဲဖြစ်ပါတယ်။ ဒီတော့ဒက်ပို (Depo Provera) ဆိုတဲ့ဆေးဟာ ဘာလဲ၊ ကောင်းကျိုးဆိုးကျိုး ဘာတွေရှိလဲဆိုတာ လေ့လာကြည့်ကြရအောင်။

ဒက်ပိုဆိုသည်မှာ..

Depo ဆိုတာဟာ သန္ဓေတားဆေးအဖြစ်နဲ့အသုံးပြုကြတဲ့ Medroxyprogesterone လို့ခေါ်တဲ့ ဟော်မုန်းဆေးတစ်မျိုးပဲဖြစ်ပါတယ်။ Depo ကို သုံးလပတ် (၁၂ပတ်) တစ်ခါထိုးခြင်းအားဖြင့် သားဆက်ခြားနိုင်ပါတယ်။ ဒက်ပိုဟာ မျိုးဥကြွေခြင်းကိုတားဆီးတဲ့အတွက် အမျိုးသားရဲ့သုက်ပိုးနဲ့ မျိုးဥထိတွေ့မှုမရှိစေခြင်းဖြင့် ကိုယ်ဝန်မရအောင် တားဆီးပေးပါတယ်။ ဒါ့အပြင် သားအိမ်ခေါင်းအဝရဲ့အချွဲဓာတ်ကိုပိုများစေခြင်းဖြင့်လည်း သုက်ပိုးများကိုတားဆီးပေးပါတယ်။

“ဘာတွေကောင်းလဲ၊ ဘာတွေဆိုးလဲ”

အခြားသော သန္ဓေတားဆေးများနဲ့ယှဉ်ရင် Depoကိုရွေးသင့်တဲ့အကြောင်းတွေကတော့

  • ရိုးရှင်းလွယ်ကူစွာထိုးနှံနိုင်ပြီး ထိရောက်သောကာကွယ်မှုကိုပေးနိုင်ခြင်း
  • လက်ညိုးကဒ်တားဆေးလိုမျိုး နေ့စဉ်သောက်စရာမလိုဘဲ သုံးလမှတစ်ခါသာ ဆေးထိုးရန်လိုခြင်း
  • ရာသီသွေးမပေါ်တော့တဲ့အတွက် ဓမ္မတာကိုက်ခဲမှုဝေဒနာကိုမခံစားရတော့ခြင်း
  • သားအိမ်နံရံကင်ဆာဖြစ်ပွားမှုနှုန်းကို လျှော့ချပေးခြင်း စသည်တို့ပဲဖြစ်ပါတယ်။

ဘေးထွက်ဆိုးကျိုးအနေနဲ့ကတော့

  • စထိုးကာစ လတွေမှာ ဓမ္မတာသွေးဆင်းမှုမမှန်ဘဲ မကြာခဏရာသီဆင်းခြင်း
  • ကိုယ်အလေးချိန်တက်နိုင်ခြင်း
  • အသည်းရောဂါ၊ ရင်းသားကင်ဆာဖြစ်ပွားမှုရှိပါက အသုံးမပြုနိုင်ခြင်း
  • စိတ်ကျရောဂါ၊ အရိုးပွရောဂါများရှိပါကအသုံးမပြုသင့်ခြင်း
  • နှလုံးနှင့်လေဖြတ်ဝေဒနာရှင်များ မသုံးမပြုသင့်ခြင်း
  • ဒက်ပိုကို နှစ်နှင့်ချီ၍ထိုးခဲ့ပါက တားဆေးဖြတ်အပြီးတစ်နှစ်ခန့်ကြာမှသာ ကိုယ်ဝန်ပြန်လည်ရနိုင်ခြင်း စသည်တို့ပဲဖြစ်ပါတယ်။

ဒါ့ကြောင့် သားဆက်ခြားတော့မယ်ဆိုရင် သန္ဓေတားနည်းများကို တစ်ခုချင်းစီလေ့လာပြီး သင့်တော်ရာကိုရွေးချယ်ပါ။ အကယ်၍ ဒက်ပိုကိုရွေးချယ်ခဲ့မယ်ဆိုရင်တော့ သင့်ရဲ့မိသားစုဆရာဝန်နဲ့တိုင်ပင်ပြီး ရက်ချိန်းမှန်မှန်ထိုးနှံကာ ကိုယ်ဝန်ရှောင်နိုင်ပါကြောင်း ဗဟုသုတမျှဝေလိုက်ပါတယ်။

မေတ္တာဖြင့်

စိုင်းမြတ်သူ