ရေနွေးကြမ်း၏ ကောင်းကျိုးများ

ရေနွေးကြမ်းဆိုတာ မြန်မာတို့  အနှစ်သက်ဆုံး ထဲက တစ်ခုဖြစ်ပါတယ်။ ထမင်းပွဲတိုင်း၊ ဧည့်ခံပွဲတိုင်း၊ အချိ်ုပွဲတိုင်း မပါမဖြစ် ဖြစ်ပါတယ်။ ရေနွေးကြမ်းနဲ့ မြန်မာ့ဓလေ့ ဟာ ခွဲမရခဲ့တာ လွန်ခဲ့တဲ့ နှစ်ပေါင်းများစွာ ကတည်းကပါပဲ။ မြန်မာရေနွေးကြမ်းဟာ ဆေးဖက်ဝင်ပါတယ်။ ကောင်းကျိုးတွေလည်း များစွာရှိပါတယ်။ လူကြီးတွေ အများအားဖြင့် ပိုနှစ်သက်ကြပါတယ်။ အင်္ဂလိပ် အခေါ် Tea မှာ မျိုးကွဲပေါင်းများစွာ ရှိပေမယ့် မြန်မာ့ ရေနွေးကြမ်းကတော့ လက်ဖက်ခြောက် ကို ဆိုလိုတာ ဖြစ်ပါတယ်။ အခါးရည်၊ အဖန်ရည် စသဖြင့်လည်း ခေါ်ကြပါတယ်။ လက်ဖက်စိမ်းကို နေလှမ်းအခြောက်ခံထားတာ ဖြစ်ပါတယ်။ Green tea နဲ့ မတူပါဘူး။

မြန်မာ့ ရေနွေးကြမ်းရဲ့ ကောင်းကျိုးတွေကတော့ Antioxidants လိ်ု့ ခေါ်တဲ့ ဓာတ်တိုးဆန့် ကျင်ပစ္စည်းတွေပါတယ်။ ဆဲလ်တွေ အချိန်မတိုင်ခင် ပျက်စီးခြင်းကို ကာကွယ်ပါတယ်။ ရေနွေးကြမ်းဟာ ကော်ဖီလောက် ကဖင်းဓာတ် မများပါဘူး။ ရင်တုန်တာ တို့ ဖြစ်ခဲပါတယ်။ ရေနွေးကြမ်းဟာ ကိုယ်အလေးချိန်ကို ကျဆင်းစေပါတယ်။ နှလုံးရောဂါကိုလည်း တစ်နည်း ကာကွယ်ပေးပါတယ်။ ကဖင်း အနည်းငယ်ပါဝင်တာကြောင့် အာရုံကို နိုးကြားစေပါတယ်။ အာရုံစူးစိုက်မှု ကောင်းစေပါတယ်။ အလွန်အကျွံသောက်ရင်တော့ အိပ်မပျော်တာမျိုး ဖြစ်တတ်ပါတယ်။

ဒါ့အပြင် လက်ဖက်မှာ ပါဝင်တဲ့ Polyphenols နဲ့ catechins လို့ ခေါ်တဲ့ ဓာတ်ပေါင်းတွေဟာ ကင်ဆာရောဂါကို လျှော့ချပေးနိုင်တယ်လို့ သုတေသနတွေက ပြောကြပါတယ်။ လေ့လာတွေ့ ရှိချက် တစ်ခုအရ ရေနွေးကြမ်းသောက်တဲ့ အမျိုးသမီးများမှာ သားဥအိမ်ကင်ဆာ အဖြစ်နည်းတယ်လို့ ဆိုပါတယ်။ ကောင်းကျိုးတွေ အလွန်များပါတယ်။ ဒါပေမယ့် သတိထားစရာ အနည်းငယ်ရှိပါတယ်။

ရေနွေးကြမ်းကို ထမင်းစားပြီးပြီးချင်း သောက်တာဟာ အစားအစာမှာ ပါတဲ့ သံဓာတ်စုပ်ယူမှုကို ကျဆင်းစေပါတယ်။ လက်ဖက်ခြောက်မှာပါတဲ့ Tannin ကြောင့် အူတွေက သံဓာတ်စုပ်ယူမှုကို အနှောင့်အယှက်ဖြစ်စေပါတယ်။ နောက်ဆက်တွဲ သွေးအားနည်းတာမျိုးထိ ဖြစ်တတ်ပါတယ်။ အမျိုးသမီးတွေမှာ ပိုသိသာပါတယ်။ ရာသီလာချိန် သွေးဆုံးရှုံးတာ၊ ကလေးမွေးဖွားချိန် သွေးဆုံးရှုံးတာတွေ ရှိတတ်တာကြောင့် အမျိူးသမီးတွေ အနည်းငယ် သတိထားသင့်ပါတယ်။ ညနေခင်းနဲ့  ညအိပ်ခါနီးထိ ရေနွေးကြမ်းသောက်တာကြောင့် လူကြီးတစ်ချို့ မှာ အိပ်မပျော်တာလေးတွေ ရှိတတ်ပါတယ်။ ဒါကြောင့် ညဖက်ကို ချင့်ချိန်သောက်သင့်ပါတယ်။
ထွေထွေထူးထူး ဆိုးကျိုး အနေနဲ့ မရှိတာကြောင့် ရေနွေးကြမ်း သောက်တဲ့ အလေ့အထလေးဟာ တကယ်ကို ကောင်းမွန်ပါတယ်။ အနည်းငယ်ချင့်ချိန်ပြီး သောက်သုံးမယ်ဆိုရင် ကောင်းကျိုးအလွန်များပါတယ်။
ကျန်းမာပျော်ရွှင်သော ဘ၀များ ပိုင်ဆိုင်ကြပါစေ။