နေ့မစေ့လမစေ့မီ ဗိုက်နာခြင်းနှင့် မီးဖွားခြင်း

ကိုယ်ဝန်သည်တွေဟာ “ကိုးလလွယ်၊ ဆယ်လဖွား” ဆိုတဲ့အတိုင်း ကိုယ်ဝန်ဆောင်တာ ဆယ်လမြောက်၊ ယေဘူယျအားဖြင့် 40ပတ်မှာ မီးဖွားကြပါတယ်။ ဆေးပညာအဆိုတွေကတော့ 37ပတ်နဲ့ 40ပတ်ကြားမှာ မီးဖွားရင် နေ့စေ့လစေ့တယ်လို့ သတ်မှတ်ကြပါတယ်။ နေ့စေ့လစေ့ဆိုတာ နားလည်လွယ်အောင်ပြောရရင် ရင်သွေးငယ်ဟာ မိခင်ရဲ့ဝမ်းဗိုက်အပြင်မှာ အသက်ရှင်နိုင်လောက်တဲ့ အနေအထားရှိတာကိုဆိုလိုပါတယ်။ အဆုတ်၊ နှလုံး၊ အစာခြေစနစ် အစရှိတာတွေ ကောင်းမွန်စွာဖွံ့ဖြိုးပြီးအချိန်လည်းဖြစ်ပါတယ်။

37ပတ်မတိုင်ခင် သားအိမ်ညှစ်အားက မွေးခါနီးအချိန်လို ညှစ်အားကောင်းလာတာကို လမစေ့ဘဲဗိုက်နာခြင်းလို့ခေါ်ပြီး မီးဖွားသွားရင်တော့ လမစေ့ပဲမီးဖွားခြင်းလို့ခေါ်ပါတယ်။ ကလေးမွေးတော့မယ်ဆိုရင် သားအိမ်ကနေညှစ်ရတဲ့အပြင် သားအိမ်ခေါင်းကလည်းပွင့်လာရပါတယ်။ အဲဒီလိုပွင့်လာမှသာ ကလေးဟာသားအိမ်ကနေတစ်ဆင့် မွေးလမ်းကြောင်းထဲရောက်ပြီး မီးဖွားတာဖြစ်ပါတယ်။

နေ့မစေ့ပဲမီးဖွားနိုင်တဲ့ အကြောင်းရင်းတွေအများကြီးရှိပါတယ်။ ယခင်ကနေ့မစေ့ပဲ မီးဖွားဖူးတာမျိူးရှိရင်၊ ကိုယ်ဝန်တစ်ခုနဲ့တစ်ခုအရမ်းနီးရင်၊ ဝမ်းထဲမှာလွယ်ထားရတဲ့ရင်သွေးအရေအတွက်များရင်(အမွှာပူး၊ သုံးမွှာပူး) စတဲ့အကြောင်းတွေကြောင့်လည်း ဖြစ်တတ်ပါတယ်။ လမစေ့ပဲမီးဖွားတာကိုကာကွယ်နိုင်ဖို့အတွက် ကိုယ်ဝန်ရှိတာသိသိခြင်း ဆေးရုံမှာကိုယ်ဝန်အပ်ထားရပါမယ်။ ultrasoundရိုက်တာ၊ ကလေးအနေအထားမှန်မမှန်စမ်းသပ်တာ၊ အစရှိသဖြင့်လိုအပ်တာတွေပြုလုပ်ထားရမှာဖြစ်ပါတယ်။

ဒါ့အပြင် အဖြူဆင်းတာ၊ အချွဲဆင်းတာ၊ ဗိုက်နာတာ အစရှိတာတွေကိုလည်း မပေါ့ဆဖို့လိုအပ်ပါတယ်။ နေ့မစေ့ပဲဗိုက်နာတိုင်းမီးဖွားတာတော့ မဟုတ်ပါဘူး။ ဗိုက်နာတာကနေ ၇ရက်အတွင်းမီးဖွားတာဟာ ၁၀ရာခိုင်နှုန်းပဲရှိတဲ့အပြင် ၃၀ရာခိုင်နှုန်းကတော့ ဗိုက်မနာတော့ပဲ နေ့စေ့လစေ့မှမီးဖွားကြပါတယ်။

နေ့မစေ့ပဲမွေးဖွားတာဟာ ကြုံတွေ့ရခဲတယ်ဆိုပေမယ့် မွေးဖွားလာခဲ့ပြီဆိုရင်တော့ စိုးရိမ်စရာဖြစ်တတ်ပါတယ်။ မွေးဖွားပြီးရင်လည်း ကလေးငယ်ကို အသက်ရှင်နိုင်အောင် အထူးကြပ်မတ်ပြီး မွေးမြူရပါတယ်။ နေ့မစေ့ပဲမွေးတော့မှာကို သိသိချင်းမိခင်ရော ကလေးပါကျန်းမာအောင်စောင့်ရှောက်ပြီး ကလေးငယ်ကိုကုသပေးမှသာ ကျန်းမာသန်စွမ်းမှာဖြစ်ပါတယ်။

Dr. ZZ