ကိုယ်ဝန်ဆောင်စဉ် ကားဖြင့် ခရီးသွားခြင်း

ခရီးထွက်ရတာ ဝါသနာပါသူ ခရီးမကြာခဏ သွားရသူ အမျိုးသမီးတစ်ယောက်အတွက် သာမာန်အချိန်များတွင် ပြသနာမရှိလှသော်လည်း ကိုယ်ဝန်ဆောင်စဉ်အခါတွင် သွားသင့်မသွားသင့် စဉ်းစားရသည်မှာ ကိုယ့်ရင်သွေးကို ဂရုတစိုက်ရှိသည့် မိခင်လောင်းများအတွက် ခေါင်းခဲစရာတစ်ခုပဲ ဖြစ်သည် ။

စိတ်မပူပါနဲ့ … ခရီးသွားခြင်းက သင့်ရင်သွေးကို အန္တရာယ်မပေးပါဘူး ။ တချို့အချက်လေးတွေ လိုက်နာရုံနဲ့ ပူပင်သောကမရှိ စိတ်အေး လက်အေး ခရီးသွားနိုင်ပါပြီ ။ ဒါကြောင့် အကြောင်းတစ်စုံတစ်ခုကြောင့် ခရီးထွက်ရမယ်ဆို ဘယ်လိုဟာလေးတွေပြင်ဆင်ရမလဲဆိုတာ ကြည့်လိုက်ကြရအောင်လား

၁။ သင့်ဆရာဝန်နှင့်တိုင်ပင်ပါ

ခရီးသွားစရာပေါ်လာခြင်း ၊ အပန်းဖြေခရီးထွက်ခြင်း ဘယ်ခရီးသွားခြင်းမဆို ပေါ်လာသည်နှင့် အရင်ဆုံး သင့်အနေနဲ့ ဆက်သွယ်တိုင်ပင်ရမှာကတော့ သင်နဲ့သင့်ကလေးကျန်းမာရေးကို စောင့်ရှောက်ပေးနေတဲ့ ဆရာဝန်ကိုပါပဲ ။ ဒါမှသာ ကိုယ့်လက်ရှိကျန်းမာရေးအခြေအနေ နဂိုရှိရင်းစွဲရောဂါ အခြေအနေပေါ်မုတည်ပြီး သွားသင့် မသွားသင့်ဆိုတာကို ဆုံးဖြတ်ရမှာ ဖြစ်တဲ့အတွက်ပဲ ဖြစ်ပါတယ် ။

၂ ။ ကိုယ်ဝန် ဒုတိယသုံးလပတ်မှာ သွားပါ

ကားနဲ့ခရီးသွားမယ်ဆိုရင် ကိုယ်ဝန်ဆောင်ဒုတိယသုံးလပတ် အတောအတွင်းဟာ အကောင်းဆုံးပါပဲ ။ ဒီအတောအတွင်းဟာ ကိုယ်ဝန်ဆောင်ကာလရဲ့ သက်တောင့်သက်သာအရှိဆုံး ၊ ခံစားလို့အကောင်းဆုံးကာလဖြစ်ပြီး နောက်ဆက်တွဲ ဆိုးကျိုးလဲ နည်းပါးတဲ့ ကာလဖြစ်ပါတယ် ။

၃ ။ ရေများများသောက်ပါ

ရေဓာတ်ခန်းခြောက်ခြင်းနဲ့သားအိမ်ရဲ့ညှစ်နိုင်စွမ်းဟာ ကြီးမားတဲ့ ဆက်နွယ်မှုရှိတဲ့အတွက် ရေဓာတ် လုံလုံလောက်လောက်ရရှိစေရန် သတိထားပြီး ရေကို များများသောက်ပေးဖို့လိုပါတယ် ။ ခရီးစဉ်တစ်လျှောက်ရေဘူးကို ရေအေးအေးလေးဖြည့်ထားပြီး ကားအတွင်း အလွယ်တကူ လက်လှမ်းမီနိုင်မယ့်နေရာမှာအမြဲထားပြီး သောက်ပေးပါ ။

၎ ။ ဆေးတွေကို ပိုပိုလိုလိုယူသွားပါ

သောက်ရမယ့်ဆေးတွေ အားဆေးတွေ အကုန်ပါမပါသေချာစစ်ဆေးပြီး ထည့်မှသာ မိမိရော မိမိရင်သွေးကျန်းမာနေရမှာဖြစ်သလို ဆေးတွေကို ရက်အတိအကျထည့်ထားထာထက် အပိုထည့်သွားသင့်ပါတယ် ။ လမ်းခရီးမှာ နှောင့်နှေးနေတာ ခရီးမှာ လိုတာထက်ပိုကြာနေတာ အစရှိတဲ့အခြေအနေမျိုးတွေအတွက် ပြင်ဆင်ထားဖို့အတွက်ပဲ ဖြစ်ပါတယ် ။

၅ ။ ကားစီးတိုင်း ခါးပတ်ပတ်ပါ

သင့်အနေနဲ့ ကိုယ်ဝန်ဆောင် မိခင်တွေဟာ ကားအတွင်း ခါးပတ်ပတ်ခြင်းဟာ ကိုယ်ဝန်အတွင်းရှိ ကလေးကို ထိခိုက်စေတယ်ဆိုတဲ့ ယုံတမ်းစကားတွေ ကြားဖူးပါလိမ့်မယ် ။ ဒါတွေဟာ မမှန်ကန်ပါဘူး ။ အဝေးပြေးလမ်းမဆိုင်ရာ သုသေတနရလာဒ်တွေအရ မည်သည့်ကိုယ်ဝန်ဆောင်လအပိုင်းအခြားတွင်မဆို ကိုယ်ဝန်ဆောင်များဟာ ခါးပတ် ပတ်ကိုပတ်ထားသင့်ကြောင်း ပတ်ထားနိုင်ကြောင်းပြောပါတယ် ။

၆ ။ မကြာခဏ ကားကိုရပ်တန့်ပြီး အပန်းဖြေပါ

တွေ့ရှိချက်များအရ ကားဖြင့်ခရီးသွားတဲ့အခါ နှစ်နာရီကြာတိုင်း ကားကိုရပ်တန့်ပြီး အကြောအချဉ်တွေ ဆန့်ပေးပါ ။ ဒါဟာဘာအတွက်လဲဆိုတော့ သွေးလည်ပတ်မှုဟာ ခန္ဓာကိုယ်အောက်ပိုင်း သွေးတွေစုနေရာကနေ ခြေထောက်မယ် သွေးကြောထုံးတွေဖြစ်ပွားခြင်းကို ရှောင်ရှားနိုင်စေဖို့ပါ ။

နောက်ဆုံးအဓိက စီစဉ်ရမှာကတော့ သင့်အနေနဲ့ ကိုယ်ဝန်နဲ့ပတ်သတ်ပြီး မမျှော်လင့်တဲ့ ဖြစ်ရပ်တွေ ဖြစ်လာတဲ့အခါ ဘယ်လို လုပ်မလဲ ဆိုတာပဲဖြစ်ပါတယ် ။ ဖြစ်ပွားလာတဲ့အခါ ဘယ်လိုဆက်သွယ်မလဲ အဲ့လမ်းကြောင်း အတွင်းရှိ ဆေးရုံ ကျန်းမာရေးဆေးခန်း အစရှိသိတို့ကို သေချာသိရှိအောင် ကြိုတင်ပြင်သွားသင့်ပါတယ် ။

အားလုံးကျန်းမာကြပါစေ

ဒေါက်ပီ