ရေမွှာရေများခြင်း

မိခင်တွေဟာ ကိုယ်ဝန်ဆောင်ပြီဆိုတာနဲ့ မိခင်ရဲ့ခန္ဓာကိုယ်က ရင်သွေးငယ်အတွက် နေသာထိုင်သာဖြစ်အောင်ပြင်ဆင်ရပါတယ်။ ရေမွှာရေဆိုတာလည်း ရင်သွေးအတွက် လိုအပ်ပါတယ်။ ရေမွှာရေဟာ မိခင်ဝမ်းဗိုက်အတွင်းရင်သွေးကို အကာအကွယ်ပေးပါတယ်။ မိခင်ရဲ့ဝမ်းဗိုက်ကို ထိခိုက်ရင် ရင်သွေးကိုမထိခိုက်အောင်၊ ကလေးရဲ့အစာခြေစနစ်၊ အဆုတ်၊ ကြွက်သားတို့အားကောင်းလာအောင်ပြုလုပ်ပေးတဲ့အပြင် ရောဂါပိုးတွေကိုလည်း ကာကွယ်ပေးပါတယ်။

ရေမွှာရေများတာက မိခင်အယောက်100မှာ တစ်ယောက်ဖြစ်နိုင်ခြေရှိပါတယ်။ ရေမွှာရေဟာ ကိုယ်ဝန်ရဲ့ပထမ၃လမှာ မိခင်ရဲ့ကိုယ်ထဲကလာပါတယ်။ အချင်းကနေတစ်ဆင့် ရေမွှာအိတ်ထဲရောက်ပါတယ်။ နောက်၃လမှာတော့ ကလေးရဲ့ဆီး၊ ကလေးရဲ့စွန့်ပစ်ရေတို့က ပိုများလာပါတယ်။ ရေမွှာရေတွေကို ကလေးကမျိုချလိုက်၊ ပြန်စွန့်ထုတ်လိုက်နဲ့ ရေမွှာရည်ပမာဏကိုထိန်းသိမ်းနေပါတယ်။

မိခင်မှာ ဆီးချိုရောဂါရှိနေတာ၊ နှလုံးကကောင်းကောင်းအလုပ်မလုပ်နိုင်တာ တွေကြောင့် ရေမွှာရေများတတ်ပါတယ်။ အမွှာပူးကိုယ်ဝန်ရှိတာ၊ ကိုယ်ဝန်ဆောင်ချိန်မှာ ရောဂါပိုးဝင်တာတွေကြောင့်လည်းများနိုင်ပါတယ်။ ကလေးငယ်တွေဘက်ကဆိုရင်တော့ ရေမွှာရေကိုမျိုမချနိုင်တဲ့အခြေအနေ (ဥပမာ အစာမျိုပြွန်ကျဉ်းနေတာ၊ အူကျဉ်းတာ) တွေကြောင့်ဖြစ်နိုင်သလို ကျောက်ကပ်ရောဂါကြောင့် ဆီးအများကြီးသွားတာကြောင့်လည်း။ ဖြစ်တတ်ပါတယ်။

ရေမွှာရေများရင် ဖြစ်နိုင်တာတွေကတော့ နေ့မစေ့ပဲဗိုက်နာပြီး မီးဖွားနိုင်ပါတယ်။ ဒါမှမဟုတ်ရေမွှာအိတ်စောပေါက်ပြီး အရေးပေါ်မွေးလ်ုက်ရနိုင်ပါတယ်။ ရေမွှာတွေများပြီးသားအိမ်ကတင်းနေလို့ မွေးပြီးချိန်မှာသားအိမ်ကောင်းကောင်းမကျုံ့နိုင်တာ၊ သွေးသွန်တာတွေဖြစ်နိုင်ပါတယ်။ ဝမ်းဗိုက်ထဲမှာ ကလေးအနေအထားမမှန်တာ၊ အချင်းရှေ့ရောက်နေတာအပြင် ကလေးပါအသက်သေဆုံးတာအထိ ဖြစ်နိုင်ပါတယ်။

ရေမွှာရေများနေပြီလားဆိုတာကိုတော့ ultrasoundရိုက်တာကနေသိနိုင်ပါတယ်။ ရေမွှာများနေပြီဆိုရင်တော့ ဘာကြောင့်များနေတယ်ဆိုတာစမ်းသပ်ရပါမယ်။ ဆီးချိုကုသမှုခံယူတာမျိုးကို ဆိုလိုတာဖြစ်ပါတယ်။ ရေမွှာရေကိုစုပ်လိုက်လို့ရပေမယ့် ဆိုးကျိူးတွေတော့ရှိနိုင်ပါတယ်။ သောက်ဆေးနဲ့လည်းကုသနိုင်ပေမယ့် ရင်သွေးမှာနှလုံးထိခိုက်နိုင်တာကြောင့် ချင့်ချိန်ပြီးအသုံးပြုရပါတယ်။

ရေမွှာရေများတယ်ဆိုတာဖြစ်နိုင်ခြေနည်းပါးပေမယ့် ဖြစ်လာခဲ့ရင်တော့ ဆိုးကျိူးများတဲ့အပြင် မိခင်ကောကလေးကိုပါ ထိခိုက်စေနိုင်တာမို့ အလေးထားကြရမှာဖြစ်ပြီး လိုအပ်တဲ့ကုသမှုခံယူဖို့ အရေးကြီးပါတယ်။

Dr. ZZ