သိထားစေရာ အူလမ်းကြောင်းအင်္ဂါ
ကျွန်ုပ်တို့ခန္ဓာကိုယ်ရှိ အရေးအကြီးဆုံးအင်္ဂါကို ပြောပါဆိုလျှင် နှလုံး၊ ဦးနှောက် စသည်ဟုပြောကြပေလိမ့်မည်။ ထိုမှမက အစာအိမ်နှင့် အူလမ်းကြောင်းသည်လည်း အရေးကြီးဆုံးထဲမှ တစ်ခုဟုပြောလျှင် လွန်မည်မထင်ပါ။ နေ့စဉ်လှုပ်ရှားသွားလာရန် လိုအပ်သောစွမ်းအင်ရရန် စားသောက်၊ ချေဖျက်၊ စုပ်ယူ၊ စွန့်ထုတ်ပေးနေသည် မဟုတ်ပါလော။
ထို့ပြင် ပါးစပ်မှ စအိုထိ ပေ ၃၀ မက ရှည်လျားသောလမ်းကြောင်းကို ပိုင်ဆိုင်ရုံမက နေ့စဉ်အသုံးများသော အစိတ်အပိုင်းဖြစ်သောကြောင့် အစာအိမ်နှင့်အူလမ်းကြောင်းဝေဒနာ တစ်မျိုးမဟုတ် တစ်မျိုးကို လူအများခံစားဖူးပေလိမ့်မည်။ ထို့ကြောင့် ဤအစာချေစနစ်တွင် ပါဝင်သောအစိတ်အပိုင်း၊ လုပ်ငန်းဆောင်တာ၊ ဖြစ်ပွားတတ်သောရောဂါဝေဒနာများကို သိစေရန် ဖော်ပြပေးလိုက်ပါသည်။
ပါဝင်သော အစိတ်အပိုင်းများ
• ပါးစပ်
• အာခေါင်
• အစာမျိုပြွန်
• အစာအိမ်
• အူသိမ်၊ အူဂျို၊ အူပိတ်
• အူမကြီး
• အစာဟောင်းအိမ်
• စအို
အစာချေလမ်းကြောင်း၏ လုပ်ငန်းများ
အဓိက လုပ်ငန်း ၂ ခုကို လုပ်ဆောင်ပေးနေပေသည်။
၁။ အစာချေဖျက်ခြင်း နှင့်
၂။ အစာအာဟာရစုပ်ယူခြင်း တို့ကို ပြုလုပ်ပေးနေသည်။
မည်သည့်ရောဂါများ ဖြစ်ပွား ခံစားရနိုင်ပါသနည်း။
အခြားသော အင်္ဂါအစိတ်အပိုင်းများထက်ပင် ဝေဒနာများ မကြာခဏ ပိုမိုခံစားရတတ်ပါသည်။
• အနာဖြစ်ခြင်း
• ရောင်ရမ်းခြင်း
• အူပေါက်ခြင်း၊ ပိတ်ခြင်း၊ ပုပ်ခြင်းနှင့်
• ပိုးဝင်ခြင်း မှသည်
• မွေးရာပါ ရောဂါများ ( အူနံရံအာရုံကြော အချို့မပါခြင်း၊ အစာနှင့် ဓာတ်မတည့်ခြင်း၊ ) များအထိ ရောဂါများဖြစ်တတ်ပါသည်။

အစာအိမ်နှင့် အူလမ်းကြောင်းတွင် ရောဂါဖြစ်ပွားပါက အောက်ပါ ရောဂါလက္ခဏာများ ခံစားရလေ့ရှိပါသည်။

• ဗိုက်အောင့်ခြင်း
• ပျို့ခြင်း၊ အန်ခြင်း
• ဝမ်းလျောခြင်း
• ဝမ်းချုပ်ခြင်း
• အစာမကြေ လေချဉ်တက်ခြင်း
• ဝမ်းဗိုက်ဖောင်းတင်းလာခြင်း၊ လေပွခြင်း
• အလုံးအကျိတ်များပေါ်လာခြင်း၊ စမ်းမိခြင်း
• ရေဖျဉ်းဆွဲခြင်း
• ဂရင်ဂျီနာဖြစ်ခြင်း
အချို့သော လက္ခဏာများသည် သာမန် ဖြစ်လေ့ဖြစ်ထ ရှိသောဝေဒနာများဖြစ်သော်လည်း အချို့ဝေဒနာများမှာမူ ဆရာဝန်နှင့် အလျင်အမြန်တိုင်ပင် စစ်ဆေးမှုခံယူရသည်လည်းရှိတတ်ပါသည်။
အထူးသဖြင့် အသက်ကြီးသူများ၊ အရက်သောက်သူများ၊ ဆေးလိပ်သောက်သူများ၊ အသီးအရွက်နှင့် အမျှင်ဓာတ်ပါသောအစားအစာများကို အစားနည်းသူများ၊ အဝလွန်သူများ စသူတို့တွင်
• အစာမျိုရခက်ခဲခြင်း၊
• သွေးအန်ခြင်း၊
• ဝမ်းတွင်း သွေးပါခြင်း၊
• ကတ္တရာစေးကဲ့သို့ ဝမ်းမည်းမည်းသွားခြင်း၊
• ဝမ်းချုပ်ခြင်းနှင့် ဝမ်းလျောခြင်း တစ်လှည့်စီဖြစ်နေခြင်း၊
• ကိုယ်အလေးချိန်လျော့ချခြင်း မရှိဘဲ ကျသွားခြင်း တို့ဖြစ်ပါက ဆရာဝန်နှင့် တိုင်ပင်၍ လိုအပ်သောစစ်ဆေးမှုများ ရှာဖွေကာ ကုသမှု ခံယူသင့်ပါသည်။
လိုအပ်ပါက အစာအိမ်နှင့် အူလမ်းကြောင်းဆိုင်ရာ အထူးကုသမားတော်နှင့်ပြသကာ အစာအိမ်မှန်ပြောင်းကြည့်ခြင်း၊ အူမကြီးမှန်ပြောင်းကြည့်ခြင်းများ ဆောင်ရွက်ပြီး သံသယဖြစ်ဖွယ်တွေ့ရှိပါက အသားစယူ၍စစ်ဆေးသင့်ပါသည်။

မည်သို့သောသူများသည် အစာအိမ်နှင့် အူလမ်းကြောင်းအထူးကု သမားတော်နှင့် အလျင်အမြန်ပြသင့်ပါသနည်း။

အောက်ပါလက္ခဏာများရှိပါက အစာအိမ်နှင့် အူလမ်းကြောင်း အထူးကု သမားတော်နှင့် ပြသကာ အစာအိမ်မှန်ပြောင်းအမြန်ကြည့်ရန် လွှဲသင့်ပါသည်။
• အသက် ၅၅ ကျော် လူကြီးများ အကြောင်းမရှိ လတ်တလောမှစဖြစ်သော အစာမကြေဗိုက်နာခြင်း
• မည်သည့်အသက်အရွယ်မဆို အစာမကြေဗိုက်နာခြင်းနှင့် အောက်ပါလက္ခဏာ တစ်ခုခုတွဲရှိနေခြင်း
o နာတာရှည် သွေးထွက်နေသော လက္ခဏာရှိသူများ
o အစာမျိုရခက်ခဲခြင်း
o ကိုယ်အလေးချိန်လျော့ချခြင်းမရှိဘဲ ကျလာခြင်း
o တောက်လျောက် အန်နေခြင်း
o သံဓာတ်ချို့တဲ့သောသွေးအားနည်းခြင်း
o ဗိုက်တွင် အလုံးစမ်းမိခြင်း
o Barium ဓာတ်မှန်တွင် သံသယဖြစ်ဖွယ်တွေ့ရခြင်း။
အောက်ပါလက္ခဏာများရှိပါက အစာအိမ်နှင့် အူလမ်းကြောင်း အထူးကု သမားတော်နှင့် ပြသကာ အူမကြီးမှန်ပြောင်းအမြန်ကြည့်ရန် လွှဲသင့်ပါသည်။
• အစာဟောင်းအိမ်တွင် အလုံးစမ်းမိခြင်း
• ဝမ်းဗိုက်ညာဘက်အောက်တွင် အလုံးစမ်းမိခြင်း
• အကြောင်းမရှိဘဲ သံဓာတ်ချို့တဲ့သော သွေးအားနည်းခြင်း
• အသက် ၄၀ ကျော်သူများတွင် ၆ပတ်ကျော် ဝမ်းသွားသည့်ပုံစံပြောင်းသွားပြီး ဝမ်းတွင်းသွေးပါလာခြင်း၊
• အသက် ၆၀ ကျော်သူများတွင် ၆ပတ်ထက် ပို၍ ဝမ်းတွင်းသွေးပါခြင်း၊ ၆ပတ်ထက်ပို၍ ဝမ်းသွားသည့်ပုံစံပြောင်းသွားပြီး ဝမ်းလျော့လျော့နှင့် အကြိမ်များများသွားခြင်း။

ဆောင်ရှောင်ခြင်းဖြင့် ကာကွယ်ပါ အူလမ်းကြောင်းဝေဒနာ
အစာအိမ်နှင့် အူလမ်းကြောင်းမှာ ဖြစ်တတ်တဲ့ဝေဒနာတွေ အကြောင်း ပြောပြီးပြီဆိုတော့ အစာချေလမ်းကြောင်းဆိုင်ရာ ဝေဒနာတွေ မဖြစ်အောင်ဘယ်လိုနေထိုင်စားသောက်သင့်ပုံကို ဆက်လက်ဆွေးနွေးကြပါစို့။
အချို့သော မွေးရာပါ ရောဂါများ (ဥပမာ- အူနံရံတွင် အာရုံကြောဆဲလ်များ မပါခြင်း စသည်) တွင် ခွဲစိတ်ကုသမှ ပျောက်ကင်းနိုင်သည်လည်းရှိပါသည်။ သို့သော် အချို့သောအစားအစာများနှင့် ဓာတ်မတည့်သောရောဂါများအတွက်မူ မိမိမတည့်သော အစားအစာကို သိရှိကာ ရှောင်ကြဉ်ခြင်းက အဓိက ဖြစ်ပါသည်။ အောက်ဖော်ပြပါ ဆောင်ရန်ရှောင်ရန်များသည် မွေးရာပါ အစာအိမ်နှင့် အူလမ်းကြောင်း ရောဂါရှိသူများတွင်သာမက သာမန်သူများပါ လိုက်နာပါက အကျိုးများစေသော ကာကွယ်ရေးနည်းလမ်းများ ဖြစ်ကြောင်း ဖော်ပြလိုက်ပါသည်။
၁။ စိတ်ဖိစီးမှု နည်းပါးအောင် နေထိုင်ခြင်း
• လေ့လာချက်များအရ အစာအိမ်နှင့်အူရောဂါ အတော်များများသည် စိတ်ဖိစီးမှုနှင့် ဆက်စပ်လျက်ရှိပြီး စိတ်ဖိစီးမှုလျော့ကျပါက သက်သာစေကြောင်းတွေ့ရှိရပေသည်။ ဥပမာ။ ။ စိတ်ဖိစီးမှုများကြောင့် ထွက်သောဟော်မုန်းများသည် အစာအိမ်အက်ဆစ်အထွက်များစေပြီး အစာအိမ်အနာများ၊ အစာအိမ်ရှိအက်ဆစ်များ အစာမျိုပြွန်အတွင်းသို့ ဆန်တက်ခြင်း စသည်တို့ကိုဖြစ်စေပါသည်။
၂။ အကျင့်ဆိုးများကို ရှောင်ကြဉ်ခြင်း
• အရက်သောက်ခြင်း၊ ဆေးလိပ်သောက်ခြင်းတို့အပြင် ကဖိန်းဓာတ်ပါသော ကော်ဖီ၊ အားဖြည့်အချိုရည်များကလည်း အလွန်အကျွံသောက်သုံးပါက အစာအိမ်နှင့် အူလမ်းကြောင်းကို ထိခိုက်စေပါသည်။
• ထို့အပြင် ပီကေများတွင် ပါလေ့ရှိသော ဆော်ဘီတောခေါ် အချိုအစားထိုးဆေးသည်လည်း ကြာရှည်စွာ စားသုံးပါက အူနံရံများရောင်ရမ်းစေပြီး ကျန်းမာရေးထိခိုက်စေပါသည်။
၃။ တက်ကြွစွာ နေထိုင်ခြင်း
• လှုပ်လှုပ်ရှားရှား အားကစားများပြုလုပ်ခြင်းကလည်း အူလှုပ်ရှားမှုကို ကောင်းမွန်စေပြီး အစာချေစနစ်ကို ကောင်းမွန်စေရုံမက ဝမ်းချုပ်ခြင်းကိုပါသက်သာစေပါသည်။
၎။ အစာစားသော လမ်းကြောင်းဖြစ်သည့်အတွက် စားသုံးသော အစားအစာများသည် အစာအိမ်နှင့် အူကျန်းမာရေးအတွက် အဓိကကျသော အရာဖြစ်ပေသည်။
• မိမိနှင့် မတည့်သော အစားအစာများရှိပါက ရှောင်ကြဉ်ခြင်း
• အရောင်ဆိုးဆေး၊ အနံ့အရသာအတွက်သုံးသော ဓာတ်ပစ္စည်းများ၊ ကြာရှည်ခံအောင်ပြုလုပ်ထားသော အစားအစာများကို ရှောင်ကြဉ်ခြင်း၊
• အာဟာရလုံလောက်မျှတစွာ စားသုံးခြင်း
• တစ်နေ့ ၃ကြိမ် ၅-၆ နာရီခြားကာ အစားအစာ စားသုံးခြင်း တို့ကို ပြုလုပ်ရုံမက
• အူသန့်ရှင်းရေးဟု ဆိုနိုင်သော detox အစားအစာများ စားသုံးခြင်း
• Prebiotic, probiotics ဟုခေါ်သော အူအကျိုးပြု အမျှင်ဓာတ်များနှင့် ပိုးမွှားများကို လိုအပ်သူများ သောက်သုံးပေးခြင်း တို့ကိုပြုလုပ်ပေးပါက ကျန်းမာသော အစာချေစနစ်ကို ရရှိစေပါသည်။
၅။ တစ်ကိုယ်ရည် သန့်ရှင်းရေးကို ထိန်းသိမ်းခြင်း
• အစာချေလမ်းကြောင်းအတွင်းသို့ ပိုးဝင်ရောက်နိုင်သော နည်းလမ်းများမှာ လက်မသန့်ခြင်း၊ အစာမသန့်ခြင်း၊ ရေမသန့်ခြင်းတို့ဖြစ်ပြီး သန့်ရှင်းရေးကို အထူးဂရုပြုပေးခြင်းဖြင့် ကျန်းမာသော ခန္ဓာကိုယ်ကို ပိုင်ဆိုင်နိုင်မည် ဖြစ်ပါသည်။
၆။ မိမိကျန်းမာရေးကို စောင့်ကြည့်စစ်ဆေးခြင်း
• မိမိခန္ဓာကိုယ်မှ ရောဂါလက္ခဏာတစ်ခုခုပြသပါက ဆရာဝန်နှင့် ပြသရန် ဝန်မလေးသင့်ပါ။ ကျန်းမာမှ ချမ်းသာရေးကို ဆောင်ရွက်နိုင်မည်ဖြစ်၍ မည်သည့်ဝေဒနာခံစားရသည်ဖြစ်စေ ပေါ့ဆမနေဘဲ စစ်ဆေးမှုခံယူသင့်ရန် အရေးကြီးပါသည်။

ရီချို(ဆေး ၁)