ရေမွှာနည်းခြင်း၊ ရေမွှာများခြင်း
ကိုယ်ဝန်ဆောင်မိခင်အချို့မှာ ကိုယိဝန်အပ်စဉ်ကာလအတွင်း ဆရာဝန်က ” ရေမွှာနည်းနေတယ်” “ရေမွှာတွေတော့များနေတယ်” စသည်ဖြင့် ပြောတာ
ကြုံဖူးကြမှာပါ။

ဒါဆို ရေမွှာဆိုတာဘာလဲ?
ရေမွှာဆိုတာ ဗိုက်ထဲက ကလေးလေးကို ထိခိုက်ဒဏ်ရာရခြင်းမရှိအောင်တစ်ဆင့်ခံပေးထားတဲ့ သားအိမ်တွင်းရှိ ရေဖြစ်ပါတယ်။ ကလေးသားအိမ်တွင်းလှုပ်ရှားနိုင်အောင် ဆောင်ရွက်ပေးပါတယ်။ မွေးဖွားချိန်မှာလည်း ကလေးသားအိမ်တွင်းတိုးထွက်လွယ်အောင် ကူညီပေးတဲ့ သဘာဝလက်ဆောင်ဖြစ်ပါတယ်။

ရေမွှာရေနည်းတယ်ဆိုတာ
ပုံမှန် ၁၅၀၀ml ထက်နည်းနေတာကို အကြမ်းအားဖြင့်ဆိုလိုတာပါ။ ( အတိအကျ ပမာဏမှာ တစ်ဦးနှင့်တစ်ဦးမတူတာကြောင့် ဆရာဝန်ဆုံးဖြတ်ချက်လိုအပ်ပါတယ်) အချင်းပုံမှန်အလုပ်မလုပ်တာ၊ ကလေးဖွံ့ဖြိုးမှုရပ်သွားတာတွေနဲ့ တွဲပြီးတွေ့ရတတ်ပါတယ်။ အလွန်အမင်းရေမွှာရေနည်းတယ်ဆိုရင်တော့ ကလေးငယ် ကျောက်ကပ်မကောင်းတာ၊ ဆီးလမ်းကြောင်းဖွံ့ဖြိုးမှုမမှန်တာတွေနဲ့ တွဲတတ်လို့ ဂရုစိုက်သင့်ပါတယ်။

ကုသမှုအနေနဲ့
ကွန်ပြူတာဓာတ်မှန် ( Ultrasound) ရိုက်၍ ရောဂါဇစ်မြစ်ရှာ၍ ကု သ ခြင်း ပြုလုပ်နိုင်ပါတယ်။

ရေမွှာရေများတယ်ဆိုတာ
ပုံမှန် ၁၅၀၀ml ထက်များနေတာကို အကြမ်းအားဖြင့်ဆိုလိုပါတယ်။ (အတိအကျ ပမာဏမှာ တစ်ဦးနှင့်တစ်ဦးမတူတာကြောင့် ဆရာဝန်ဆုံးဖြတ်ချက်လိုအပ်ပါတယ်) အများအားဖြင့် အမွှာပူးကိုယ်ဝန်ဆောင်ချိန်၊ ကိုယ်ဝန်ဆောင်မှာ ဆီးချိုဖြစ်ပွားခြင်း၊ တို့တွင်တွေ့ရတတ်ပါတယ်။ ကိုယ်ဝန်ဆောင်ချိန် ဝမ်းဗိုက်တွင်း ကလေးသေဆုံးမှုတွင်လည်းတွေ့ရတတ်ပါတယ်။

ကုသမှုအနေနှင့်
ကွန်ပြူတာဓာတ်မှန်( Ultrasound) ရိုက်၍ ကလေးအနေအထားကိုကြည့်၍ ကုသခြင်း၊ ဆီးချိုရှိနေသောကိုယ်ဝန်ဆောင်များတွင် ဆီးချိုကောင်းစေရန်ဆောင်ရွက်ခြင်း၊ မွေးဖွားချိန်ကို သေချာတွက်ချက်ပေးခြင်းတို့ဖြင့် ကုသနိုင်ပါတယ်။

မယ်တင်( ဆေး ၁)