ကိုယ်ဝန်ဆောင်ချိန်ရေမွှာနည်းခြင်း

ရေမွှာရေဆိုတာ မိခင်ရဲ့ဝမ်းဗိုက်အတွင်း ရင်သွေးအတွက် မရှိမဖြစ်လိုအပ်လှပါတယ်။ ဝမ်းဗိုက်ထဲမှာအခုအခံအနေနဲ့လုပ်ဆောင်ပေးသလို ရောဂါပိုးတွေမဝင်ရောက်အောင်လည်း ကာကွယ်ပေးပါတယ်။ ရင်သွေးရဲ့ကိုယ်အပူချိန်ကို ချိန်ညှိပေးတာလည်းလုပ်ပေးပါတယ်။

ရေမွှာရေဟာ ကိုယ်ဝန်ရဲ့ပထမ၃လမှာ မိခင်ရဲ့ကိုယ်ထဲကလာပါတယ်။ အချင်းကနေတစ်ဆင့် ရေမွှာအိတ်ထဲရောက်ပါတယ်။ နောက်၃လမှာတော့ ကလေးရဲ့ဆီး၊ ကလေးရဲ့စွန့်ပစ်ရေတို့က ပိုများလာပါတယ်။ ရေမွှာရေတွေကို ကလေးကမျိုချလိုက်၊ ပြန်စွန့်ထုတ်လိုက်နဲ့ ရေမွှာရည်ပမာဏကိုထိန်းသိမ်းနေပါတယ်။

ရေမွှာနည်းရေဟာကိုယ်ဝန်ရှိချိန်ကစပြီး ပမာဏဟာများများလာပြီး ၃၆ပတ်မှာ အများဆုံးဖြစ်ပါတယ်။ နောက်ပိုင်းမှာတော့တဖြည်းဖြည်းနဲလာပါတယ်။ ရေမွှာရေဟာပုံမှန်အနေနဲ့ 800ccကနေ1000cc ရှိရပါတယ်။ အဲဒါထက်နည်းရင်တော့ ရေမွှာရေနည်းတယ်လို့သတ်မှတ်လို့ရပါတယ်။

ရေမွှာရေနည်းစေတဲ့အကြောင်းတော့ တိတိကျကျမရှိတတ်ပါဘူး။ များသောအားဖြင့် 42ပတ်ကျော်တဲ့ထိ မီးမဖွားတာ၊ ကလေးမှာကျောက်ကပ်ရောဂါရှိလို့ ဆီးကောင်းကောင်းမစွန့်နိုင်တာတွေကြောင့် ဖြစ်နိုင်ပါတယ်။ နောက်ထပ်အရေးကြီးတဲ့အကြောင်းကတော့ ရေမွှာရေတွေစိမ့်ပြီး ထွက်နေတာဖြစ်ပါတယ်။ ရေမွှာအိတ်ပေါက်တာမဟုတ်ပဲ ရေမွှာအိတ်မှာပြဲရာလေးတွေဖြစ်နေတာဆိုရင်တော့ ရေမွှာကတဖြည်းဖြည်းနည်းလာတာဖြစ်ပါတယ်။

ရေမွှာနည်းတာနဲ့အမျှ ရင်သွေးမှာထိခိုက်နိုင်ပါတယ်။ ရေမွှာနည်းနေရင် မိခင်ဝမ်းဗိုက်ကို ထိခိုက်တာမျိူးရှိလာတဲ့အခါ ကာကွယ်ပေးမယ့် ရေမွှာနည်းနေတာကြောင့် ကလေးကိုပြင်းပြင်းထန်ထန် ထိခိုက်နိုင်ပါတယ်။ ဒါ့အပြင် ရောဂါပိုးတွေလည်း အလွယ်တကူ ဝင်ရောက်နိုင်တာကြောင့် ကလေးငယ်အတွက် စိုးရိမ်ရပါတယ်။

လနုချိန်မှာကိုယ်ဝန်ပျက်တာမျိုးဖြစ်နိုင်ပြီး လရင့်ချိန်မှာတော့ ဝမ်းဗိုက်ထဲမှာသေဆုံးတာတွေပါဖြစ်တတ်ပါတယ်။ ဒါကြောင့် ကိုယ်ဝန်ရှိချိန်ကစပြီး ရေမွှာရေပမာဏတင်မက အခြားလိုအပ်တာတွေပါ ဂရုတစိုက်ပြုလုပ်ထားမှ စိတ်ချရမှာဖြစ်ပါတယ်။

Dr. ZZ