ခဏလေးနဲ့ ပိန်ချင်တာလား ha ha ပဲ ရမယ်

ဟာ ဒီ ဆရာမတော့ ရန်စပြီလို့ မထင်လိုက်ပါနဲ့။ လွဲနေတာလေးတွေကို စေတနာနဲ့ ပြောပြချင်လို့ပါ။

ကိုယ်တိုင်က မ၀ပေမယ့် မိတ်ဆွေ သူငယ်ချင်း ဆွေမျိုးသားချင်းတွေထဲမှာ ၀တဲ့သူတွေရှိတော့ ၀တဲ့သူတွေရဲ့ အခက်အခဲတွေ ခံစားချက်တွေကို ခံစားနားလည်ပေးလို့ရတယ်။

ဝတာဟာ မကောင်းပါဘူး။ ”ငါတို့ဟာငါတို့ စားနိုင်လို့ ၀တာ ဘာဖြစ်လဲ” တို့ ”၀လို့ လှလို့ ဆိုတာပဲ ရှိတယ်” တို့ လာမပြောပါနဲ့။ ကျန်းမာရေးရှုထောင့်တစ်ခုတည်းက ကြည့်မယ်ဆိုရင်ကို ၀တာဟာ မကောင်းပါဘူး။ အ၀လွန်ခြင်းဟာ အခြားရောဂါပေါင်းများစွာရဲ့ အစဖြစ်တဲ့အတွက် ခန္ဓာကိုယ်အလေးချိန်ကို ရှိသင့်ရှိထိုက်တဲ့ အနေအထားမှာ ထိန်းသိမ်းရပါမယ်။ ဒါမှ ကျွန်မတို့ သက်ရှည်ကျန်းမာစွာ နေထိုင်နိုင်မှာ ဖြစ်ပါတယ်။

ဒီလို ပြောလိုက်လို့ ၀တဲ့သူတွေ စိတ်ဓါတ်ကျစရာ၊ စိတ်အားငယ်စရာ မလိုပါဘူး။ ၀တာဟာ အပြစ်တစ်ခုကျူးလွန်တာ မဟုတ်ဘူး၊ ချို့ယွင်းချက် အားနည်းချက်တစ်ခု မဟုတ်ပါဘူး။ ကိုယ်အလေးချိန် ထိန်းသိမ်းဖို့ နောက်ကျတယ်ဆိုတာ မရှိပါဘူး။

ဘာလို့ ၀တာလဲ?

ခန္ဓာကိုယ်က သုံးစွဲဖို့ လိုအပ်တာထက် ပိုစားမိတဲ့အခါ ၀လာပါတယ်။ အလွယ်ပြောရရင် အ၀င်က အထွက်ထက် ပိုသွားတဲ့အခါ ၀လာပါတယ်။ အ၀င်ကတော့ အစားအစာ စားသုံးခြင်းက ရပါတယ်။ အထွက်အနေနဲ့ ခန္ဓာကိုယ်အတွက် မလုပ်မဖြစ်လုပ်နေရတဲ့ လုပ်ငန်းဆောင်တာတွေ (ဥပမာ အသက်ရှုခြင်း၊ နှလုံးခုန်ခြင်း) နဲ့ ကိုယ်လက်လှုပ်ရှားမှုကနေ ကယ်လိုရီတွေ လောင်ကျွမ်းပါတယ်။

ဝိတ် ဘယ်လို ချမလဲ?

အ၀င်ကို လျှော့မယ် သို့မဟုတ် အထွက်ကို တိုးမယ် သို့မဟုတ် နှစ်မျိုးလုံးနဲ့ ၀ိတ်ချလို့ ရပါတယ်။ အ၀င်ကို လျှော့ဖို့အတွက် အစားလျှော့စားမယ်။ အထွက်ကို တိုးဖို့အတွက် ကိုယ်လက်လှုပ်ရှားဖို့ များများလုပ်မယ်။ ဒီနှစ်မျိုးပဲ ရှိပါတယ်။ စစ်မှန်တဲ့ ကိုယ်အလေးချိန် ထိန်းသိမ်းခြင်းကို အချိုးကျ မှန်ကန်စွာ စားသောက်ခြင်းနဲ့ ကိုယ်လက်လှုပ်ရှားမှုကပဲ ရနိုင်ပါတယ်။ ပိန်ဆေးတွေ အဆီကျကော်ဖီတွေက ဘာမှ မစွမ်းဆောင်နိုင်ပါဘူး။ ပိန်ကောင်းပိန်သွားပါလိမ့်မယ်။ စစ်မှန်တဲ့ ကျန်းမာတဲ့ ပိန်ခြင်းမျိုး ဖြစ်မှာ မဟုတ်ပါဘူး။

အစားအသောက်ကို ဘယ်လို လျှော့မလဲ?

အစားအသောက်ကနေ ကယ်လိုရီ အ၀င်ကို လျှော့ရမယ်လို့ ဆိုလိုက်တာဟာ ညစာ မစားခိုင်းတာ မဟုတ်ပါဘူး၊ တစ်နေ့လုံး သစ်သီး/အသီးဖျော်ရည်ချည်းပဲ သောက်ခိုင်းတာ မဟုတ်ပါဘူး၊ တစ်နေကုန် ဟင်းရွက်ပြုတ်တွေပဲ စားရတာမျိုး မဟုတ်ပါဘူး၊ ထမင်းလုံးဝမစားတော့ဘဲ ကြက်ဥတွေချည်း နင်းကန်စားရတာမျိုး မဟုတ်ပါဘူး။ ဒါတွေကလဲ လူကို ပိန်ကောင်းပိန်သွားစေပါလိမ့်မယ်။ ဒါပေမယ့် အချိုးကျတဲ့ အာဟာရကို မရတဲ့အတွက် ခန္ဓာကိုယ်က ရေရှည်မှာ မခံနိုင်ပါဘူး။

ကယ်လိုရီ အ၀င်ကို လျှော့ချတဲ့အခါမှာ 500 နဲ့ 1000 ကီလိုကယ်လိုရီကြားဟာ အန္တရာယ်ကင်းတဲ့ ပမာဏဖြစ်ပါတယ်။ တစ်နေ့ကို ခန္ဓ္ဓာကိုယ်ရဲ့ လိုအပ်ချက်အောက် 1000 ကီလိုကယ်လိုရီထက် ပိုပြီး လျှော့မစားသင့်ပါဘူး။ တစ်နေ့ကို 1000 ကီလိုကယ်လိုရီ လျှော့စားရင် ယေဘုယျအားဖြင့် တစ်ပတ်ကို 2 ပေါင်ခန့် ကျပါတယ်။ ဆိုလိုတာက တစ်ပတ်ကို 2 ပေါင်ထက် ပိုပြီး မချသင့်ပါဘူး။ ဒီ့ထက်ပိုပြီး ချရင်လဲ ဖြစ်ပါတယ်။ ဘာဖြစ်တာလဲဆိုတော့ ကျန်းမာရေးနဲ့ မညီညွတ်တာတွေ ဖြစ်လာပါလိမ့်မယ်။ ပင်ပန်းတာ၊ ဖျားလွယ်တာ၊ နှုံးပြီး မအီမသာဖြစ်တာ၊ ရွှင်ရွှင်လန်းလန်း တက်တက်ကြွကြွ မရှိတာတွေက စလို့ ရေရှည်မှာ ဆိုးကျိုးတွေ ဖြစ်လာနိုင်ပါတယ်။

ရေရှည် စီမံကိန်း

တစ်ပတ်ကို အများဆုံး 2 ပေါင်၊ တစ်လကို 4 ပေါင်နှုန်းနဲ့ ကိုယ်နဲ့ သင့်လျော်တဲ့ ကိုယ်အလေးချိန်ကို ရဖို့ 4 လ၊ 5 လ၊ 6 လ၊ 1 နှစ် စသဖြင့် အချိန်ယူရမှာ ဖြစ်ပါတယ်။ ၀ိတ်ကျသွားရင်လဲ မပြီးသေးပါဘူး။ အဲ့ဒီ့အလေးချိန်ကို ဆက်ထိန်းထားဖို့ကလဲ အရေးကြီးပါတယ်။ ဒါကြောင့် ၀ိတ်ချတာဟာ ရေရှည်စီမံကိန်း ဖြစ်ပါတယ်။ လက်တွေ့ကျရပါတယ်။ ကိုယ်နဲ့ ကိုက်ညီတဲ့ နည်းစနစ်တွေကို ကိုယ်လုပ်နိုင်တဲ့ အတိုင်းအတာ ဘောင်ထဲကနေ ဖြည်းဖြည်းနဲ့ မှန်မှန် လုပ်သွားရမှာ ဖြစ်ပါတယ်။ မဟုတ်ရင် လျှော့စားနိုင်တဲ့အခါ လျှော့စားချင်စိတ်ပေါက်တဲ့အခါ လျှော့စားလိုက်၊ ပြီးရင် မထူးပါဘူးကွာဆိုပြီး နဂိုအတိုင်း ပြန်စား၊ ပြန်နေလိုက်နဲ့ ၀ိတ်က ကျလိုက် ပြန်တက်လာလိုက် ပြန်ချလိုက် ပြန်တက်လာပြန်လိုက်နဲ့ လုံးလည်ချာလည်လိုက်နေပါမယ်၊ သံသရာလည်နေပါမယ်။ အဲ့ဒါကို weight cycling လို့ ခေါ်ပါတယ်။

ပိန်ဆေးတွေ အဆီကျကော်ဖီတွေကို အားမကိုးပါနဲ့။ ကောင်းကျိုးထက် ဆိုးကျိုးက ပိုများပါတယ်။ သူများစီးပွားရေးကို ဖျက်လိုဖျက်ဆီး လုပ်တာ မဟုတ်ပါဘူး။ အာဟာရပညာရှင်တစ်ယောက်အနေနဲ့ ပြောသင့်ပြောထိုက်တဲ့ စကားကို ပြောတာပါ။ ညစာ မစားဘဲ ကြိတ်မှိတ်နေတာမျိုး မလုပ်ပါနဲ့။ တစ်နေ့လုံး ဒုက္ခခံပြီး ဟင်းရွက်ပြုတ်တွေပဲ စားမနေပါနဲ့။ အသီးစားတာ ကောင်းပါတယ်၊ ဒါပေမယ့် အသီးပဲ စားရုံနဲ့ အာဟာရ မလုံလောက်ပါဘူး။ ကြက်ဥတွေ အများကြီး စားတာမျိုးလဲ မလုပ်ပါနဲ့။ အသားဓါတ်တွေ အများကြီး ပါတဲ့အတွက် ကြာလာရင် ကျောက်ကပ်ကို ထိခိုက်စေပါတယ်။

ကိုယ့်ရဲ့ လွဲမှားနေတဲ့ စားသောက်ပုံ နည်းစနစ်တွေ၊ လူနေမှုပုံစံတွေ၊ အပြုအမူ၊ အတွေးအမြင်တွေကို ဖြည်းဖြည်းချင်း ပြင်ယူသွားပြီး အချိန်ယူပြီး ၀ိတ်ချရမှာ ဖြစ်ပါတယ်။ ဒါကြောင့် ခဏလေးနဲ့ ပိန်ချင်ရင်တော့ ha ha ပဲ ရပါမယ်။ ၀ိတ်ချတယ်ဆိုတာ လွယ်တော့ မလွယ်ဘူး၊ ကြိုးစားရပါတယ်၊ စိတ်ရှည်ရပါတယ်။

ကိုကို မမ ဦးဦး ဒေါ်ဒေါ် မောင်လေး ညီမလေးတွေ အားလုံး မ၀ဘဲ လှနိုင်ကြပါစေ။ မှန်ကန်တဲ့ နည်းစနစ်ကျတဲ့ လက်တွေ့ဆန်တဲ့ နည်းလမ်းတွေနဲ့ ကိုယ်အလေးချိန်ကို ကျန်းမာစွာ ထိန်းသိမ်းနိုင်ကြပါစေလို့ ဆန္ဒပြုပါတယ်။

Dr Honey Su Naing
M.B.,B.S (Mandalay)
M.Sc Nutrition & Dietetics (UK)