မွေးကင်းစကလေးအသားဝါခြင်း

မွေးကင်းစကလေးများ ဘာကြောင့်အသားဝါတတ်ပါသလဲ။ အသားဝါလာလျှင် မည်သို့ဆောင်ရွက်သင့်ပါသနည်း။

မွေးကင်းစကလေး ဟူသည် မွေးစမှ ကလေးအသက် ၁ လအထိကို ဆိုလိုခြင်းဖြစ်ပါသည်။ ထိုအရွယ်ကလေးများ မျက်လုံးနှင့် အသားဝါခြင်းကို မွေးကင်းစကလေး အသားဝါခြင်း ဟုခေါ်ပါသည်။

လူကြီးများကဲ့သို့ အသည်းရောင်ခြင်း၊ သည်းခြေလမ်းကြောင်းပိတ်ခြင်း စသော ရောဂါကြောင့်သာ ဖြစ်ခြင်းမဟုတ်ပါ။

အသားဝါခြင်း အကြောင်းအရင်းမှာ

  • ငယ်သွေးလဲ၍၀ါခြင်း
  • အမေနှင့် သွေးအမျိုးအစား မတူ၍၀ါခြင်း( အေဘီအိုABO သို့ မဟုတ် အာအိပ်ခ်ျ Rh)
  • G6PD ဟုခေါ်သော သွေးတွင်းဓာတ်တစ်မျိုး ချို့တဲ့၍၀ါခြင်း
  • မိခင်နို့ကြောင့် ၀ါခြင်း(မိခင်နို့သည် ကြာရှည်ကလေးအသားဝါခြင်း ဖြစ်တတ်သော်လည်း ကလေးအတွက် အန္တရာယ် မရှိပါ။ ထို့အပြင် အာဟာရဓာတ် ကြွယ်ဝသောကြောင့် မိခင်နို့တိုက်ကျွေးရန် အထူးလိုအပ်ပါသည်။
  • မွေးရာပါရောဂါများကြောင့် ၀ါခြင်း။
  • လည်ပင်းဓာတ် ချို့တဲ့ခြင်း၊ အသည်းခြောက်ခြင်း၊ သည်းခြေပြွန်ပိတ်ခြင်း စသည်တို့ ကြောင့်ဝါခြင်း။

များသောအားဖြင့် အသက် ၂ရက်မှ ၇ရက်အတွင်းဝါလေ့ ရှိပါသည်။ ဦးစွာ မျက်လုံးနှင့် မျက်နှာ စ၀ါလာသည်။ ထို့နောက် ကိုယ်အပေါ်ပိုင်း၊ ပြီး ၀မ်းဗိုက်၊ ပြီးနောက် ပေါင်နှင့် လက်မောင်း၊ နောက်ဆုံးမှ ခြေဖ၀ါး လက်ဖ၀ါး ဤသို့ အစဉ်အတိုင်းဝါ ပါသည်။

ကလေး အသားဝါလာသည်ဟုထင်ပါက

  • မိခင်နို့ ပိုမိုတိုက်ကျွေးပါ။
  • ၀ါသော၊ အ၀ါရောင် အ၀တ်အစား အသုံးအဆောင်များ မသုံးရပါ။
  • ကလေးပစ္စည်းများ အတွင်းသို့ ပရုတ်လုံးမထည့်ပါနှင့်။
  • အနည်းဆုံး မနက်တစ်ကြိမ် ညတစ်ကြိမ် ကလေးအသားမည်မျှဝါလာသည်ကို စောင့်ကြည့်ရန် လိုအပ်ပါသည်။
  • မျက်လုံးနှင့် မျက်နှာ၊ ကိုယ်အပေါ်ပိုင်း ထက်ပို၍၀ါလေ့ မရှိပါ။ အကယ်၍ ဤထက် ပို၍၀ါလာပါက ဆရာဝန်တစ်ဦးနှင့် ပြသရန်လိုအပ်ပါသည်။

အောက်ပါ လက္ခဏာများ ရှိပါက ချက်ချင်းဆေးရုံသို့ သွားရောက်ပြသပါ။

  • ပေါင်နှင့် လက်မောင်း၊ခြေဖ၀ါး လက်ဖ၀ါး ၀ါလာခြင်း
  • နို့ကောင်းစွာ မစို့နိုင်ခြင်း
  • အာခေါင်ခြစ်၍ ငိုခြင်း
  • တက်ခြင်း၊မှိန်းခြင်း

ကလေးအသားဝါလာပါက မည်သည့်စစ်ဆေးမှုများခံယူသင့်ပါသနည်း။

  • ကလေးသွေးအမျိုးအစားစစ်ဆေးခြင်း( ABO, Rh)
  • G6PD စစ်ဆေးခြင်း
  • သွေးတွင်းအ၀ါဓာတ်ပမာဏ စစ်ဆေးခြင်း
  • သွေးတွင်းအ၀ါဓာတ် အမျိုးအစား စစ်ဆေးခြင်း
  • သွေးနီဥ ပမာဏစစ်ဆေးခြင်း(PCV)
  • ရောဂါပိုးဝင်ရောက်မှု ရှိမရှိစစ်ဆေးခြင်း
  • ကာလသားရောဂါပိုးရှိမရှိ စစ်ဆေးခြင်း

မွေးကင်းစကလေးများတွင် သွေးတွင်းအ၀ါဓာတ်ကို အောက်ပါအတိုင်းစစ်ဆေးရပါမည်။

ကလေး၏ခြေဖနှောင့်မှ သွေးစက်အနည်းငယ်ယူ၍ စက်ထဲထည့်ကာ လှည့်ပြီး နောက် အဖြေကိုဖတ်ခြင်း ဖြင့် သိနိုင်ပါသည်။

လိုအပ်သလို (ဆရာဝန်ညွှန်ကြားသည့်အတိုင်း) သွေးဖောက်စစ်ဆေးရန် လိုပါသည်။

ကုသနိုင်သော နည်းလမ်းများ
မွေးကင်းစကလေးများအသားဝါခြင်းအကြောင်းများ နှင့် အိမ်တွင်းဆောင်ရွက်နိုင်သည်များကို ဖော်ပြခဲ့ပြီးဖြစ်ပါသည်။
သို့သော် ကလေးသည်

  • မွေးစမှ ၂ရက်အတွင်းဝါလာသည်ဖြစ်စေ၊
  • ၇ရက်ကျော်သော်လည်း အသားဝါ မကျလျှင်ဖြစ်စေ၊
  • အန္တရာယ် လက္ခဏာများပြလာ၍ ဖြစ်စေ၊
  • ကိုယ်နှင့် ခြေလက်များပါလာသည်ဖြစ်စေ၊
  • သွေးတွင်းအ၀ါဓာတ် ရှိသင့်သည်ထက် အဆမတန် ပိုများနေလျှင်ဖြစ်စေ

စသည်တစ်ခုခုဖြစ်လာပါက ကုသမှု ခံယူသင့်ပါသည်။

ပထမဦးဆုံးမှာ နီးစပ်ရာ ကျန်းမာရေးဆေးခန်း သို့မဟုတ် ဆေးရုံသို့ သွားရောက်၍ ဆရာဝန်နှင့်ပြသကာ စစ်ဆေးကုသမှုခံယူရပါမည်။
ကုသနိုင်သောနည်းလမ်းများမှာ

  • သွေးတွင်းအ၀ါဓာတ်ပမာဏကို အနီးကပ်စောင့်ကြည့်စစ်ဆေးခြင်း၊
  • မီးပြ၍ ကုသခြင်း၊
  • သွေးလဲ၍ ကုသခြင်း တို့ဖြစ်ပါသည်။

ကုသမှုမခံယူပါက မည်သည့်ဆိုးကျိုးများဖြစ်တတ်ပါသနည်း။

သွေးတွင်းအ၀ါဓာတ်သည် ၂၀mg% မကျော်လျှင် အန္တရာယ်မရှိပါ။ သို့သော် ထိုပမာဏထက်ကျော်သွားပါက ဦးနှောက်ကို ကာရန်ထားသော အမြှေးပါးကို ဖြတ်ကာ ဦးနှောက်အတွင်းသို့ ၀င်ရောက်လာပါသည်။ ၀င်ရောက်သောအခါ သွေးတွင်းအ၀ါဓာတ်ကြောင့် ဦးနှောက်ထိခိုက်မှု(kernicterus, ကာနေးထရပ်) ဖြစ်တတ်ပါသည်။

ကနဦးအစတွင်

  • နို့စို့နည်းခြင်း၊
  • အသံစူးစူးဖြင့် အော်ငိုခြင်း
  • မှိန်းခြင်း
  • တက်ခြင်း များဖြစ်တတ်ပါသည်။

သို့သော် အချိန်မီ ကုသမှုမခံယူပါက

  • အကြားအာရုံ ထိခိုက်ခြင်း
  • ဦးနှောက်ပျက်စီးခြင်း
  • ကလေး၏ ဖွံ့ဖြိုးမှုနှောင့်နှေးခြင်း
  • လေဖြတ်ခြင်း တို့ဖြစ်တတ်ပါသည်။

ရီချို(ဆေး ၁)