အရက်ကြောင့်မဟုတ်သောအသည်းအဆီဖုံးခြင်းနှင့်အသည်းရောင်ယမ်းခြင်း

အသည်းအဆီဖုံးခြင်းနှင့်အသည်းရောင်ခြင်းကို လူအတော်များများက အရက်သောက်မှဖြစ်တယ်လို့ ထင်နေကြပါတယ်။ ဟုတ်ပါတယ် အရက်သောက်ခြင်းဟာ အသည်းအဆီဖုံးခြင်း၊အသည်းရောင်ခြင်းသာမက အသည်းကင်ဆာအထိပါဖြစ်နိုင်တဲ့အထိ အသည်းကိုဒုက္ခပေးနိုင်တာမှန်ပါတယ်။ ဒါပေမယ့် အရက်မသောက်ပဲအသည်းရောဂါဖြစ်နေတဲ့လူတွေအများကြီးပါ။ အရက်ကြောင့်မဟုတ်တဲ့ အသည်းအဆီဖုံးခြင်း၊အသည်းရောင်ခြင်းတွေဟာလဲ အသည်းကင်ဆာနဲ့တစ်နည်းဆက်စပ်မှုရှိနေတာကို ဝမ်းနည်းဖွယ်တွေ့လာရပါတယ်။

ဒီဘက်ခေတ်တွေမှာ အဆိုပါရောဂါများပိုလို့အဖြစ်များ ခေတ်စားလာပါတယ်။ လူတွေရဲ့နေထိုင်စားသောက်မှုပုံစံ၊အလုပ်အကိုင်နဲ့ ဆေးလိပ်၊ဘီယာ၊အရက်တွေကို အလွယ်တကူသောက်သုံးလာကြတဲ့ အလေ့အထတွေဟာ ၎င်းရောဂါတွေကို ဦးမော့လာစေဖို့တွန်းအားပေးနေပါတယ်။

အရက်ကြောင့်မဟုတ်သော အသည်းအဆီဖုံးခြင်း (Non alcoholic fatty liver disease-NAFLD)

အရက်လုံးဝမသောက်သူ(သို့)တစ်ခါတစ်ရံမှအနည်းငယ်သာသောက်တဲ့သူတွေမှာဖြစ်တဲ့ အသည်းအဆီဖုံးခြင်းပါ။ တော်တော်များများကတော့ အသည်းအဆီဖုံးတဲ့အဆင့်မှာပဲရှိနေပြီး ပြင်းထန်တဲ့ရောဂါတွေဖြစ်လေ့မရှိပါဘူး။အသည်းဆဲလ်တွေထဲမှာ အဆီတွေဖုံးလွှမ်းလာပြီး ၎င်းတို့ထဲမှအနည်းစုကတော့(NASH-Non alcoholic steatohepatitis)လို့ ခေါ်တဲ့ အရက်ကြောင့်မဟုတ်သောအသည်းရောင်ခြင်းကို ခံစားရနိုင်ပါတယ်။

အရက်ကြောင့်မဟုတ်သော အသည်းရောင်ယမ်းခြင်း (Non alcoholic steatohepatitis-NASH)

NASH မှာ အသည်းဆဲလ်တွေဟာ အဆီဖုံးရာမှရောင်ယမ်းလာပြီး အသည်းမှာအမာရွတ်တွေကိုဖြစ်ပေါ်လာစေပါတယ်။၎င်းမှဆက်၍ အခန့်မသင့်လျှင် အသည်းခြောက်ခြင်းကိုပါ ဖြစ်ပေါ်စေတတ်ပါတယ်။အသည်းခြောက်တဲ့အခါ အသည်းဟာ၎င်းရဲ့တာဝန်တွေကိုမထမ်းဆောင်နိုင်တော့တာကြောင့် အသည်းခြောက်တဲ့အဆင့်ရောက်တဲ့အခါမှာ အသည်းအစားထိုးကုသမှုခံယူမှပကတိအတိုင်းပြန်ဖြစ်နိုင်မှာဖြစ်ပါတယ်။

ဘယ်အရာက အထက်ပါရောဂါများကို ဖြစ်ပေါ်စေနိုင်သလဲ…

Metabolic syndrome လို့ခေါ်တဲ့ အဝလွန်ခြင်း၊သွေးတွင်းအဆီဓါတ်များခြင်း၊ဆီးချိုနှင့် သွေးတိုးရောဂါတို့ပေါင်းစပ်နေတဲ့ရောဂါစုမှာ အဖြစ်အများဆုံးဖြစ်ပါတယ်။အသည်းအဆီဖုံးရန်အတွက် ၎င်းရောဂါများအားလုံးပေါင်းစုနေရန်မလိုပဲလဲ ဖြစ်နိုင်ပါတယ်။ထိုအထဲမှ အဝလွန်ခြင်းဟာ အသည်းအဆီဖုံးခြင်းကိုအဖြစ်နိုင်ဆုံးသော အကြောင်းခြင်းရာဖြစ်ပါတယ်။အမျိုးသမီးတွေမှာဖြစ်တဲ့ သားဥအိမ်အရည်အိတ်များတည်ခြင်း(Polycystic ovarian syndrome)ဟာလဲ အသည်းအဆီဖုံးခြင်းနဲ့ ဆက်စပ်မှုရှိပါတယ်။

ရောဂါလက္ခဏာတွေက ဘာတွေလဲ…

စိတ်မကောင်းစွာနဲ့ပဲ အတော်များများဟာ ဘာရောဂါလက္ခဏာမှမပြတတ်ကြပါဘူး၊၊ အကြောင်းတစ်ခုခုကြောင့် အာထရာဆောင်းရိုက်ဖြစ်မှတွေ့ကြသိကြတာများပါတယ်။ဝမ်းဗိုက်ညာဘက်အပေါ်ပိုင်း(သို့)ရင်ညွန့်မှအောင့်ခြင်း၊ပျို့ခြင်း၊အန်ခြင်း၊မောပန်းနွမ်းလျခြင်းတို့လောက်သာလျှင် ဖြစ်ပေါ်တတ်တာကြောင့် ရောဂါလက္ခဏာများအား ယတိပြတ်ပြော၍မလွယ်ကူပါ။

ရောဂါရှိမှန်း ဘယ်လိုသိရမလဲ…

၁။အာထရာဆောင်း(သို့) CT ရိုက်ခြင်း၊ အသည်းအင်ဇိုင်းများစစ်ခြင်းဖြင့် သိနိုင်ပါတယ်။ အသည်းအင်ဇိုင်းဟာ အချို့လူတွေမှာပုံမှန်ပမာဏလောက်ပဲဖြစ်တတ်တာကြောင့် အာထရာဆောင်းဟာအလွယ်ကူဆုံးရောဂါရှာဖွေနည်းဖြစ်ပါတယ်။ ဒါပေမယ့် အခြားရောဂါတွေဖြစ်တဲ့အသည်းရောင်အသားဝါဘီပိုး/စီပိုး၊ဆေးဝါးအချို့၊ကိုယ်ခံအားစနစ်ရောဂါတွေဟာလဲ အသည်းအဆီဖုံးခြင်းကိုဖြစ်စေနိုင်တာကြောင့် အကောင်းဆုံးနဲ့အတိကျဆုံးသောနည်းလမ်းကတော့ အသည်းမှအသားစယူ၍စစ်ဆေးခြင်းပဲဖြစ်ပါတယ်။

ဘယ်လိုကုသမလဲ…

၁။အဝလွန်ခြင်းဟာအဓိကအကြောင်းအရာဖြစ်တာကြောင့် ကိုယ်အလေးချိန်လျှော့ချခြင်းဟာအရေးအပါဆုံးဖြစ်ပါတယ်။ကျန်းမာ၍အာဟာရပြည့်ဝသော စားသောက်မှုပုံစံ၊သင့်တင့်မျှတသော ကိုယ်လက်လေ့ကျင့်ခန်း၊အရက်လျှော့သောက်ခြင်းတို့ဟာ များစွာအထောက်အကူပြုစေနိုင်တဲ့ အရာတွေဖြစ်ပါတယ်။

၂။ဆီးချို၊သွေးတိုးကို ဆရာဝန်နှင့်ပုံမှန်ပြသကာဆေးဝါးကုသမှုခံယူခြင်း၊အဆီဓါတ်လျှော့ချခြင်းတို့ကို မဖြစ်မနေပြုလုပ်ပေးရပါမယ်။

၃။အင်တီအောက်ဆီးဒန့်များ(ဥပမာ ဗီတာမင်အီး)ပါဝင်သော ဆေးဝါးများဟာရောင်ယမ်းမှုကိုဖြစ်စေတဲ့ ဓါတ်သတ္တိတွေကိုကျစေရုံမက အသည်းကျန်းမာရေးကိုလဲ အားပေးစေနိုင်ပါတယ်။

၎။လေ့လာချက်အသစ်အချို့အရ ကော်ဖီစစ်စစ်ကိုသောက်သုံးခြင်းဟာလဲ အသည်းအဆီဖုံးခြင်းကို လျှော့ကျစေနိုင်တယ်လို့ ဆိုကြပါတယ်။

အားလုံးပဲ ကျန်းမာချမ်းသာကြပါစေကြောင်း ဆုမွန်တောင်းလျှက်။

dr.ye’lwin mm