အိမ်သားတွေနားမှာ ခြင်ဆေးခွေထွန်းသင့်လား

ခြင်ဆေးခွေထွန်းတဲ့အလေ့အကျင့်ဟာ နောက်ပိုင်းမှာ ခြင်ကိုက်မခံရအောင်ကာကွယ်တဲ့နည်းလမ်းတစ်ခုဖြစ်လာပါတယ်။ ခြင်အရမ်းများလာရင် လက်နဲ့မဖယ်ရှားနိုင်တော့ပဲ ခြင်ဆေးထွန်းလိုက်တာနဲ့ ခြင်တွေနည်းသွားတယ်ဆိုပြီး ခြင်ဆေးတွေကိုများများစားစားသုံးလာကြပါတယ်။ ရေတိုအနေနဲ့တော့ အလုပ်ဖြစ်ကောင်းဖြစ်နိုင်ပေမယ့် ရေရှည်မှာတော့ ဆိုးကျိုးတွေရှိလာနိုင်ပါတယ်။ အထူးသဖြင့်နုနယ်သေးတဲ့ကလေးတွေမှာပိုပြီးတော့ဂရုစိုက်ရပါတယ်။

ခြင်ဆေးခွေတွေမှာပါဝင်တဲ့ဓာတုပစ္စည်းတွေက ခြင်တွေကိုဆိုးကျိုးဖြစ်စေနိုင်သလို ကလေးငယ်တွေပေါ်မှာလည်း သက်ရောက်နိုင်ပါတယ်။ ပန်းနာရင်ကြပ်ရောဂါအခံရှိသူတွေကို ပိုဆိုးစေနိုင်သလို အသက်ရှူလမ်းကြောင်းဆိုင်ရာဝေဒနာတွေဖြစ်စေနိုင်ပါတယ်။ အသက်ရှူကြပ်တာ၊ ချောင်းဆိုးတာ၊ ရင်ကြပ်တာ၊ ချွဲထတာတွေအပြင် မူးဝေတာ၊ ခေါင်းကိုက်တာ၊ နေထိုင်မကောင်းဖြစ်တာတွေနဲ့ တွဲနေနိုင်ပါတယ်။ ခြင်ဆေးခွေတစ်ခွေရဲ့အငွေ့ကိုရှူတာဟာ ဆေးလိပ်အလိပ်100ခန့်သောက်တာနဲ့ညီမျှတယ်လို့ဆိုထားပါတယ်။ ဒါကြောင့် ခြင်ဆေးခွေကို အိမ်သားတွေနားမှာမထွန်းတာပိုကောင်းပါတယ်။

ဒါ့အပြင်ခြင်ဆေးခွေထွန်းရင် အလုံပိတ်အခန်းတွေမှာမထွန်းသင့်ပါဘူး။ လေဝင်လေထွက်ရှိနေတဲ့နေရာမှာထွန်းထားမှ အဆင်ပြေပါလိမ့်မယ်။ မဟုတ်ရင် ခြင်ဆေးအငွေ့ကိုထပ်ခါထပ်ခါရှူနေရရင် အသက်အန္တရာယ်စိုးရိမ်ရတဲ့အထိဖြစ်နိုင်ပါတယ်။ အကောင်း ဆုံးကတော့ ခြင်ဝင်လာနိုင်တဲ့နေရာတွေမှာထွန်းထားပြီး အိမ်သားတွေကဝေးဝေးမှာနေတာပိုကောင်းပါတယ်။ ခြင်ဆေးငွေ့ပြယ်ပြီး ခြင်လည်းပြေးမှအခန်းထဲပြန်ဝင်တာပိုသင့်တော်ပါတယ်။

သတိထားရမှာက ခြင်ပြေးဖို့အတွက် ခြင်ဆေးခွေထွန်းတာက တစ်ခုတည်းသောနည်းလမ်းမဟုတ်တာပါပဲ။ ခြင်ထောင်ထောင်တာ၊ အင်္ကျီရှည်၊ ဘောင်းဘီရှည်တွေဝတ်တာ၊ ခြင်ပြေးတဲ့ဆေးတွေလိမ်းတာတွေအပြင် ခြင်တွေမပေါက်အောင်လည်းကာကွယ်သင့်ပါတယ်။ ခြင်ဆေးခွေကနေထွက်တဲ့အနံ့တွေဟာ လူတွေကောခြင်တွေအတွက်ပါ ဘေးတွေ့နိုင်တာကို
သတိထားဖို့လိုပါတယ်။

ဒါကြောင့်ခြင်ဆေးခွေထွန်းတာတစ်ခုတည်းနဲ့ ခြင်ကိစ္စကိုမကာကွယ်ပဲ အခြားနည်းလမ်းတွေနဲ့ကာကွယနိုင်အောင်လည်းကြိုးစားရပါမယ်။ အတတ်သာလို့ထွန်းရပြီဆိုရင်လည်း အိမ်သားတွေနဲ့ဝေးဝေးမှာထွန်းပြီး ခြင်ဆေးခွေကြောင့်ဖြစ်နိုင်တဲ့ ဘေးထွက်ဆိုးကျိုးတွေကို လျှော့ချရပါမယ်။

Dr. ZZ