ခြင်ကိုက်ဖုက အနာဖြစ်လာလျှင်

လူတိုင်း ခြင်ကိုက်ခံရဖူးကြမှာပါ။

ခြင်ကိုက်ခံရတဲ့အခါ ပုံမှန်ဆိုရင်တော့ အယားဖုလေးဖြစ်ပြီးနောက်တော့ ပျောက်သွားတာပါပဲ။ဒါက အဆန်းတကျယ်ကိစ္စမဟုတ်ပါဘူး။

ဒါပေမယ့် တစ်ခါတစ်လေကျ အဖုအပိန့်လေးကနေမှ မန်းရည်ဖုများဖြစ်လာပြီး အနာဖြစ်သည်အထိ ဖြစ်တတ်ပါတယ်။

ဘယ်လိုအခြေအနေမှာ အနာတွေဖြစ်တတ်သလဲ?

ဓါတ်မတည့်ရောဂါရှိတဲ့လူတွေမှာဖြစ်တတ်သလို ခြင်ကိုက်ဖုကိုကုတ်မိလို့ပဲ့ပြီးတော့လဲ အနာဖြစ်တတ်ပါတယ်။

ခြင်ကိုက်တဲ့အခါ ခန္ဓာကိုယ်မှာ ဘယ်လိုဖြစ်သလဲ?

ခြင်မဟာ နှုတ်သီးနဲ့ လူ့အရေပြားကိုဖောက်ပြီး သွေးကြောသေးသေးလေးတွေထဲကို သူ့ရဲ့တံတွေးရည်တွေထိုးသွင်းလိုက်ပါတယ်။ပြီးတာနဲ့ လူ့သွေးကို ပြန်စုပ်ယူသွားပါတယ်။ခြင်ရဲ့တံတွေးရည်မှာပါတဲ့ ဓါတ်ပစ္စည်းတွေဟာ သွေးခဲခြင်းကိုတားဆီးပြီး ကိုက်ခံရတဲ့နေရာမှာ ပူခြင်း၊နီခြင်း၊ယောင်ခြင်း၊နာခြင်း၊ယားခြင်းစတဲ့ ရောင်ရမ်းခြင်းဖြစ်စဉ်ကို ဖြစ်ပေါ်စေပါတယ်။ပုံမှန်ဆိုရင်တော့ ကိုက်ခံရတဲ့နေရာမှာ အယားဖုသေးသေးလေးဖြစ်ပြီး နာရီပိုင်းအကြာမှာပျောက်သွားတတ်ပေမယ့် အချို့လူတွေမှာ ထို့ထက်ပိုဆိုးတဲ့ဖြစ်စဉ်တွေဖြစ်တတ်ကြပါတယ်။ခြင်ရဲ့ တံတွေးရည်မှာပါတဲ့ ဓါတ်ပစ္စည်းတွေနဲ့ ဓါတ်မတည့်ကြတဲ့လူအချို့မှာ မန်းရည်ဖုတွေ အနာတွေပေါ်လာတတ်ပါတယ်၊၊ အချို့ဆို ပြင်းထန်တဲ့ဓါတ်မတည့်ခြင်း(Anaphylaxis)တောင် ရတတ်ပါတယ်။ဒါပေမယ့် ဒီဖြစ်စဉ်ဟာ ခြင်ထက်စာရင် အခြားအင်းဆက်တွေဖြစ်တဲ့ ပျား၊ပိတုန်းတို့ ကင်းတို့အကိုက်ခံရတဲ့လူတွေမှာ ပိုအဖြစ်များပါတယ်။ အကယ်၍ ဓါတ်မတည့်မှုဖြစ်ပေါ်ပါက နီးစပ်ရာဆေးခန်းသို့အမြန်ဆုံးသွားရောက်ပြီး ကုသမှုခံယူသင့်ပါတယ်။

ခြင်ကိုက်ခံရသောအနာ၊ရောင်ရမ်းခြင်းကို ဘယ်လိုသက်သာအောင်လုပ်မလဲ?

၁။ကိုက်ခံရသော ခြေထောက်ကိုမြှောက်ထားပြီး အနာ/ရောင်တဲ့နေရာကို ရေခဲကပ်ပေးနိုင်ပါတယ်။

၂။မန်းရည်နာကို ဆပ်ပြာ၊ရေဖြင့် အသာအယာမပေါက်မပြဲအောင် သန့်ရှင်းပေးပါ။

၃။ယားယံခြင်း၊ရောင်ခြင်းမသက်သာလျှင် စတီးရွိုက်ပါသောလိမ်းဆေးလိမ်းခြင်း၊ယားယံမှုကိုသက်သာစေသောဆေးများ(ဥပမာ-cetirizine,loratadine)တို့ကို ဆေးညွှန်းအတိုင်း သောက်သုံးနိုင်ပါတယ်။

၎။အကယ်၍ ခြင်ကိုက်နာတွင် ပိုးဝင်ခြင်းလက္ခဏာ(ပြည်တည်ခြင်း၊ရောင်ရမ်းမှုမကျခြင်း)ဖြစ်ပေါ်ပါက ဆရာဝန်နှင့် ပြသ၍ကုသမှုခံယူသင့်ပါသည်။

ဒီလိုတွေ မဖြစ်အောင် ဘယ်လိုလုပ်မလဲ?

လွယ်ကူရိုးရှင်းဆုံးနဲ့အထိရောက်ဆုံးနည်းလမ်းကတော့ ခြင်ကိုက်မခံရအောင် ကာကွယ်ဖို့ပါပဲ။

ကိ်ုက်ခံရတဲ့အခါမှာလဲ အရေပြားပေါက်ပြဲအောင် ကုတ်တာဖဲ့တာတွေ မလုပ်ဖို့၊လက်သည်းပုံမှန် ညှပ်ထားဖို့ လိုပါတယ်။လက်သည်းပုံမှန်ညှပ်ခြင်း၊လက်ကိုသန့်ရှင်းစွာထားခြင်းဟာ ကူးစက်ရောဂါပိုးအတော်များများကို ကာကွယ်ထားစေပြီးလဲ ဖြစ်ပါတယ်။

ခြင်ဟာ အထက်ပါဖြစ်စဉ်များအပြင် အသက်အန္တာရယ်ခြိမ်းခြောက်နိုင်သော သွေးလွန်တုပ်ကွေး၊ငှက်ဖျား စတာတွေကိုဖြစ်စေတဲ့တရားခံဖြစ်တဲ့အတွက် ခြင်ကိုက်မခံရအောင်ကာကွယ်ခြင်းဖြင့် မိမိအသက်ကိုကာကွယ်ရာလဲရောက်ပါတယ်။

drye’lwin