အမျိုးသားများနှင့် ဆီးကျိတ်ကြီးခြင်း

အမျိုးသားထုကြီးမှာ အဖြစ်များဆုံး အမျိုးသားရောဂါတစ်ခုကိုပြောပါဆိုရင်ဆီးကျိတ်ကြီးခြင်းလို့တောင်ပြောလို့ရပါတယ်။အသက်၆၀ကျော် အမျိုးသားများရဲ့ ၃ပုံ ၁ပုံ၊ အသက်၈၀ကျော်အမျိုးသားများရဲ့ တစ်ဝက်လောက်ဟာ ဆီးကျိတ်ကြီးနေတတ်ပါတယ်။ဆီးကျိတ်ကြီးတဲ့ လူတိုင်းဟာ ရောဂါလက္ခဏာခံစားရမှာမဟုတ်ဘဲ ဆီးကျိတ်ကြီးတဲ့နေရာပေါ်မူတည်ပြီး တစ်ချို့ဆိုရင် လက္ခဏာလုံးဝမပြဘဲ Medical check up လုပ်ကြည့်မှအမှတ်မထင်တွေ့တာမျိုးလည်းရှိပါတယ်။

ဘယ်လိုလက္ခဏာရပ်တွေခံစားရရင် ဆီးကျိတ်ကြီးနေတယ်လို့ ယူဆနိုင်မလဲ?

  • ဆီးမကြာခဏသွားလိုခြင်း
  • ဆီးသွားပြီးလည်း ဆီးကျန်သလိုခံစားရခြင်း
  • ဆီးသွားလို့ပြီးခါနီးမှ တစ်စက်တစ်စက်ကျခြင်း
  • ညဘက်ဆီးခဏခဏထသွားခြင်း
  • ဆီးသွားရန် ခက်ခဲခြင်း
  • အရမ်းဆိုးရင်တော့ ဆီးလုံးဝမသွားနိုင်တော့တာမျိုးထိ ဖြစ်တတ်ပါတယ်။

ဘယ်လိုစမ်းသပ်မှုတွေ လုပ်နိုင်မလဲ?

  • ဆရာဝန်က သေချာအောင် ဆီးကျိတ်စမ်းသပ်ခြင်းမျိုးလုပ်ပေးနိုင်ပါတယ်။
  • ကွန်ပြူတာဓာတ်မှန် ( Ultrasound) ကတော့ ဆီးကျိတ် အရွယ်အစား သေချာအောင်
    ရိုက်ခိုင်းလေ့ရှိပါတယ်။

ဆီးကျိတ်ကြီးခြင်းကြောင့် ဘာတွေဖြစ်နိုင်ပါသလဲ?

ဆီးကျိတ်ကြီးခြင်းရဲ့ နောက်ဆက်တွဲကတော့

  • ဆီးလုံးဝ မသွားနိုင်တာ့တာ
  • ဆီးလမ်းကြောင်းပိုးဝင်တာ
  • ဆီးအိမ်ပျက်စီးတာ
  • ကျောက်ကပ်ပျက်စီးတာတွေ အထိ ဖြစ်တတ်ပါတယ်။

ဆီးကျိတ်ကြီးခြင်းကို စိုးရိမ်ဖို့လိုပါသလား?

  • ဆီးကျိတ်ကြီးခြင်းဟာ အရွယ်အစား သိပ်မကြီးဘူး။ ဆီးလမ်းကြောင်းပိတ်တတ်တဲ့နေရာမှာ ရှိမနေဘူးဆိုရင် သိပ်စိုးရိမ်ဖို့မလိုပါဘူး။

ကုသလို့ရနိုင်ပါသလား?

ဆီးကျိတ်ကြီးခြင်းကို အရွယ်အစားပေါ်၊ ဖြစ်တဲ့အသက်အရွယ်ပေါ်မူတည်ပြီး

  • ဆေး နှင့်ကုသခြင်း(ဆရာဝန်ညွှန်ကြားတဲ့ဆေးကို စနစ်တကျသောက်မယ်ဆိုရင် ဆီးကျိတ်သေးသွားနိုင်ပါတယ်။)
  • ခွဲစိတ်ကုသခြင်း(ဆီးလမ်းကြောင်းမှတစ်ဆင့် ဆီးကျိတ်ကို သေးသွားစေရန် ဆီးကျိတ်ခြစ်ခြင်းဖြစ်သည်။)တို့နှင့်ကုသနိုင်ပါတယ်။

မယ်တင်( ဆေး ၁)