တင်းတိပ်

ပျိုမိဒီတို့ရဲ့ အလှကို ဖျက်တတ်တဲ့ တင်းတိပ်ဆိုတဲ့ အရေပြားပြဿနာတစ်ခုအကြောင်းပါ။ တကယ်တော့တင်းတိပ်ဟာ အသားဖြူတဲ့သူတွေအတွက်ရော အသားညိုတဲ့သူတွေအတွက် ပါ စိတ်ဒုက္ခရောက်စေပါတယ်။ ဖြူတဲ့သူအတွက်ကျတော့ အညိုကွက်ကြီးက မျက်နှာပေါ် မှာ အထင်းသား။ အသားညိုတဲ့သူတွေအတွက်မှာတော့ အရောင့်ရင့်ရင့် မည်းမည်းကွက် က ကြည့်ရသူကို အဆင်မပြေဖြစ်စေပြန်တာကြောင့် အလှအပကြိုက်သူ ပျိုမေတို့အတွက် စိတ် အနှောင့်အယှက်ဖြစ်ကြရပါတယ်။ဒီတော့ မိန်းမသားအများစုဟာ သူတို့ရဲ့တင်းတိတ်ကြောင့် ငွေတွေကုန်ကြ ၊ စိတ်တွေပင်ပန်းကြဖြစ်ကြရတာ သိပ်ပြီးတော့မဆန်းသလိုပါပဲ။ ဒီလိုအလှ ဖျက်တဲ့တင်းတိတ်အကြောင်းကိုအကြောင်းအမျိုးမျိုးကြောင့်မရေးသားဖြစ်ခဲ့ပါဘူး။အခြား သောရေပြားရောဂါပြသာနာတွေကိုသာရေးသားဖြစ်ခဲ့ပါတယ်။ရေးသားပေးဖို့တိုက်တွန်းကြတာကိုလည်းမကြာခဏ၊လက်တွေ့အနေနဲ့လည်းဆေးခန်းတွေမှာကြုံတွေ့နေရတွေကများပြားလွန်းလှပြီးမရေးမဖြစ်ရေးသားဖို့တွန်းအားသစ်တွေလည်းပေးလာတာကလည်းတစ်ကြောင်း အစရှိ သဖြင့် အကြောင်းပေါင်းစုံစွာနဲ့ပေါင်းစုံလာတာကြောင့် ဒီတစ်ခါမှာတော့ တင်းတိတ် ဆိုတဲ့ အကြောင်းကို ရေးသားဖြစ်ခဲ့ပါပြီ။

ကြည်စင်ဝင်းပ ဖြူလွှလွှခင့်မျက်နှာ

ပြစ်မျိုးမှဲ့မထင်စွာ လှရက်လိုက်တာ။

ဇမ္ဗူတစ်ခွင် ပြိုင်စံရှုံးတဲ့ တုနိူင်းမဲ့သူ့သွင်ပြင်

မောင့်စိတ်မှာ ထာဝစဉ် စွဲမြဲကာမြင်ခဲ့။

ဂုဏ်ရှိန်ဝင့်ထည်ဝါ၊ အလှသွေးတို့ ကြွယ်ချိန်ခါ

သူနဲ့အတူယှဉ်ကာတွဲ

ပွဲတက်ခဲ့ နေ့များစွာ မေ့ရက်နိုင်ပါ။

ထိုစဉ်ခါ သူနဲ့တွဲ ၊ နွှဲလျှောက်ရ ပျို့မောင်မှာ

ခင့်အလှစိန်နားကပ် အရောင်ရယ်ကြောင့်

ပါးပြောင်ရတာ။

ဝါကြွားလို့ မဆိုချင်ပါ ဒီမောင်ရဲ့ စိတ်မနောမှာတော့

ဒါမှကွယ် မောင့်နှမရယ်လို့ ဂုဏ်ယူမိမနောဘ၀င်မှာ

ပီတိတွေဖြာ။

ချစ်သူတို့ဘာသာ နေမင်းကို လထင်ပါလို့

နွေကန္တာမှာ တူစုံတွဲ

ရက်လနှစ်ကြာ။

ဆိုးချက်ကယ်နာ ထိုးနှက်ခဲ့ ကံကြမ္မာက

အလှကြိုက်သူ မောင့်ယမင်းကိုမှ ညှင်းရက်စက်တာ။

ညိုမည်းရောင် တိမ်လွှာကွက်တွေက ရွှေပါးပြင်နုနု

ထက်မှာလ

မသက်မညှာထွက်ပေါ်ကာ အလှကိုဖျက်တယ်

မောင်လည်းကွယ် နှမငယ်အတွက်ရယ် ဘယ်ပုံကြံရပါ့

အလိုကွယ်…

ပြုရက်လေခြင်း။

တင်းတိပ်အကြောင်းကို ရေးတော့မယ်ဆိုတော့အထက်က ကဗျာလေးကို သတိရမိပါတယ်။ တင်းတိပ်ဟာဖြစ်တဲ့သူတင်သာမကသက်ဆိုင်သူကိုပါစိတ်အနှောင့်အယှက်ဖြစ်စေတတ်တာ ကို သတိထားမိပါတယ်။ တင်းတိပ်အကြောင်းဟာ တင်းတိပ်ဖြစ်နေသူတင်သာမက သူတို့နဲ့ သက်ဆိုင်သူတွေကပါ သိရှိဖို့ ဖတ်ကြမှာဖြစ်ပြီး အကျိုးရှိစေမှာ ဖြစ်တဲ့အတွက်ရေးရသူတွေ အတွက် ကုသိုလ်နှစ်ခုရသလို ဖြစ်နေပါတယ်။ ဒီတော့မှ တင်းတိပ်အကြောင်းကို ရေးဖို့ပိုပြီး အားပေးသလို ဖြစ်သွားပါတော့တယ်။

တင်းတိပ်ဆိုတာ

ကျွန်တော်တို့ မြန်မာလူမျိုးတွေ တော်တော်များများအတွက် တင်းတိပ်ဆိုတာဟာ မစိမ်းတဲ့ စကားလုံးပါ။ တင်းတိပ်ဆိုလိုက်တာနဲ့ပဲ မျက်နှာပေါ်က မည်းမည်းကွက်တွေကို ပြေးမြင်မိကြပါလိမ့်မယ်။ သို့သော်လည်း အင်္ဂလိပ်လိုမှာတော့ Melasma, Chloasma Facei, Mask of Pregnancy အစရှိသဖြင့် အမျိုးမျိုး ခေါ်ဝေါ်မှုပြုကြပါတယ်။

အာရှတိုက်မှာ နေထိုင်တဲ့ အာရှလူမျိုးတွေမှာ ပိုပြီး အတွေ့ရများတာကို တွေ့ရ ပါတယ်။ အတွေ့ရပိုများတာလည်း ပြောတာပါ။ အခြားသောဒေသမှာနေတဲ့သူတွေမှာလည်း တွေ့ရပါတယ်။ ဥပမာ- လက်တင်အမေရိက၊ တောင်အမေရိကမှာနေတဲ့ စပိန်မျိုးနွယ်စုဝင် လူမျိုးတွေမှာလည်း ဖြစ်ပါတယ်။ ယောက်ျားလေးတွေမှာ သိပ်မဖြစ်တတ်ဘဲအမျိုးသမီးတွေ မှာသာ ဖြစ်ပွားမှုများတာကို တွေ့ရပါတယ်။ တင်းတိပ်ဘာကြောင့် ဖြစ်ရသလဲဆိုတာဟာ လည်း လူနာများအမေးများတဲ့ မေးခွန်းတစ်ခုပါ။ တင်းတိပ်ဆိုတာ မွေးရာပါ ရောဂါမဟုတ် ပါဘူး။ တစ်ယောက်နဲ့ တစ်ယောက်ထိတွေ့ဆက်ဆံခြင်းအားဖြင့်လည်း မကူးစက်ပါဘူး။ ဒီလို ဆိုရင် တင်းတိပ်ဟာ ဘာကြောင့်ဖြစ်ရတာပါလဲ။

တင်းတိပ်ဘာကြောင့်ဖြစ်ရတယ်။

တင်းတိပ်ဟာ နေရောင်ကြောင့်ဖြစ်တယ်လို့ဟို အရင်က အယူအဆရှိခဲ့ပါတယ်။ ဒီလိုဆိုရင် ရော နေရောင်ကြောင့် မဟုတ်ဘူးလားဆိုပြီးမေးစရာဖြစ်လာပါတယ်။ တကယ်တော့ တင်းတိပ် ဖြစ်ရတာဟာ အကြောင်းအရာတစ်မျိုးတည်းကြောင့်တော့ မဟုတ်ပါဘူး။ နေရောင်ဟာလည်း အကြောင်းတစ်ခုအနေနဲ့တော့ ပါပါသေးတယ်။ နေရောင်ခြည်အပြင် ဟိုမုန်းနဲ့ ဗီဇဖြစ်တည်ပါ ရှိမှုတွေနဲ့လည်း သက်ဆိုင်ပြန်ပါသေးတယ်။ တိတိကျကျဖြစ်စေတဲ့ အကြောင်းအရာကိုတော့ ယခုအချိန်အထိ မသိရှိရသေးပါဘူး။

တင်းတိပ်ဖြစ်တတ်တဲ့နေရာတွေ

ကျွန်တော်တို့နိုင်ငံမှာတော့ တင်းတိပ်ဆိုရင် မျက်နှာမှာ ဖြစ်တယ်။ မျက်နှာပေါ်ဆိုတာ တောင်မှ ပါးရိုးပေါ်မှာ ဖြစ်တဲ့ အမည်းကွက်တွေကိုပဲ တင်းတိပ်ရယ်လို့ ပြောချင်ကြပါတယ်။ ဒါကြောင့် တခြားနေရာမှာဖြစ်တဲ့ တင်းတိပ်ကို တင်းတိပ်ရယ်လို့ လက်မခံချင်ကြပါဘူး။ တကယ်တော့ တင်းတိပ်ဆိုတာ အဲဒီတစ်နေရာတည်းမှာပဲ ဖြစ်တာမဟုတ်ပါဘူး။ နဖူး၊ နှုတ်ခမ်း၊ နှာခေါင်း၊ နားထင်၊ ပါးရဲ့ ဘေးဘက် စတဲ့မျက်နှာရဲ့ အစိတ်အပိုင်းတွေမှာလည်း ဖြစ်ပေါ်နိုင်ပါတယ်။ နောက်ပြီး လည်ပင်း၊ ကုပ်၊ လက်မောင်းစတဲ့ နေရာတွေမှာဖြစ်တဲ့ အညိုရောင်အကွက်တွေကိုလည်း တင်းတိပ်အဖြစ် ဆေးပညာမှာ ခေါ်ဆိုပါသေးတယ်။

ဖြစ်တတ်တဲ့သူတွေ

အမျိုးသမီးတွေကတော့ အမျိုးသားတွေထက်ပိုပြီး ဖြစ်ကြပါတယ်။ အမျိုးသမီးတွေဟာ ဘာကြောင့် အမျိုးသားတွေထက် ပိုပြီး ဖြစ်ကြတာလဲဆိုတော့ တင်းတိပ်ဖြစ်ပေါ်ခြင်းဟာ သူတို့ရဲ့ ဟိုမုန်းအီစထရိုဂျင်နဲ့ ပိုပြီး သက်ဆိုင်လို့ပါ။ ကိုယ်ဝန်ဆောင်ချိန်တွေမှာဆိုရင် တိင်းတိပ်တွေ ထွက်လာတတ်တာပါတယ်။ ၁၀-၁၅ ရာနှုန်းလောက်သော အမျိုးသမီး ကိုယ်ဝန်ဆောင်တွေမှာ ဖြစ်တတ်ပါတယ်။ ဒါဟာလည်း အီစထရိုဂျင်ဆိုတဲ့ ဟိုမုန်းနဲ့ပဲ သက်ဆိုင်ပြန်ပါတယ်။ အဲဒီဟိုမုန်းဓာတ်တွေ မြင့်တတ်နေတဲ့အချိန်မှာ တင်းတိပ်တွေထွက်လာ တာပါ။ ဒါကြောင့်လည်း Mask of Pregnancy ရယ်လို့ အင်္ဂလိပ်လို့ ခေါ်ဆိုကြတာ ဖြစ်ပါတယ်။ ဟိုမုန်းနဲ့ ပတ်သက်ဆက်စပ်ပြီးတော့ ထပ်ပြီး ပြောရရင် သားဆက်ခြားဆေးတွေ သောက်တဲ့ သူတွေ၊ သွေးဆုံးပြီးနောက်ပိုင်း ဟိုမုန်းအစားထိုးကုသမှု ယူနေတဲ့သူတွေမှာလည်း အီစထရိုဂျင် ဟိုမုန်းတွေကြောင့် ဒီတင်းတိပ်တွေ ထွက်တာကို တွေ့ရနိုင်ပါသေးတယ်။ ဟိုမုန်း သုံးစွဲသူ အမျိုးသမီးတွေဲ့ ၁၀-၂၅ ရာနှုန်းလောက်မှာ တွေ့ရတတ်ပါတယ်။

တကယ်တော့လည်း ကိုယ်ဝန်ဆောင်တိုင်း၊ သားဆက်ခြားဆေးတွေသောက်လိုက် တိုင်းလည်း တင်းတိပ်ဖြစ်တာတော့   မဟုတ်ပါဘူး။ မဖြစ်တဲ့သူတွေလည်း ရှိပါတယ်။ ဒီတော့ တင်းတိပ်ဖြစ်ပေါ်ခြင်းဟာ ဟိုမုန်းအပြင် အခြားအကြောင်းပြချက်တွေလည်း ပါဝင်ပတ်သက် နေသေးလို့ သုံးသပ်ပြောဆိုကြတာပါ။

နောက်ပြီး အသားညိုတဲ့သူတွေဟာ ဖြူတဲ့သူတွေထက် ပိုပြီး များပါတယ်။ ဒီလို အသားဖြူတဲ့သူတွေ အသားညိုတဲ့သူတွေမှာ ပိုပြီး ဖြစ်ရတာဟာလည်း အသားညိုသူတွေမှာ ရှိတဲ့ အရောင်ခြယ်ဆဲလ်တွေကနေ ရှိတာကြောင့် ဖြစ်ပါတယ်။ သွေးချင်းတွေထဲမှာ တင်းတိပ် ဖြစ်တတ်တဲ့သူ ရှိနေရင်လည်း တင်းတိပ်ပိုပြီး ဖြစ်ကြတာကိုတွေ့ရှိရပါတယ်။ ဒါကြောင့်လည်း မျိုးရိုးဗီဇကို တင်းတိပ်မှာ ထည့်သွင်းစဉ်းစားထားကြတာ ဖြစ်ပါတယ်။ နေရောင်နဲ့ ထိတွေ့မှု များတဲ့ သူတွေဟာလည်း တင်းတိပ်ပိုပြီးကဖြစ်ကြပါတယ်။ ဒါကတော့ နေရောင်ဟာ အရေပြားအရောင်ခြယ်ဆဲလ်တွေကို အရောင်ထွက်အောင် လှုံ့ဆော်တာကြောင့် ဖြစ်ပါတယ်။

တင်းတိပ်အမျိုးအစား

တကယ်တော့လည်း အများအားဖြင့် အရပ်ထဲမှာတော့ တင်းတိပ်ကို အမျိုး အစား သိပ်မခွဲခြားကြပါဘူး။ ဆေးပညာမှာတော့ ခွဲခြားထားပါတယ်။ ဗဟုသုတ ဖြစ်စေဖို့နဲ့ကုသခြင်းအကြောင်းမှာလည်းအနည်းငယ်သက်ဆိုင်မှုရှိနေတာမို့ ရေးသား ဖော်ပြလိုက်ပါတယ်။အရေပြားအရောင်ခြယ်ဆဲလ်တွေက ထုတ်တဲ့ အရောင်ရဲ့ တည်ရှိ နေရာကို လိုက်ပြီး တင်းတိပ်အမျိုးအစား သုံးမျိုးရှိပါတယ်။

(၁) အပေါ်ယံလွှာ အမျိုးအစား(Epidermal Melasma)

(၂) အလယ်လွှာအမျိုးအစား(Dermaal Melasma)

(၃) နှစ်လွှာပေါင်းအမျိုးအစား(Mixed Type)တို့ပဲ ဖြစ်ပါတယ်။

အပေါ်ယံလွှာအမျိုးအစားဆိုတာဟာ အရောင်ခြယ်ဆဲလ်က ထုတ်လိုက် တဲ့အရောင် Pigments တွေဟာ အရေပြားရဲ့ အပေါ်ဆုံးအလွှာ Epidermis ထဲမှာ စုပုံတည်ရှိနေတာကို ခေါ်တာပါ။ အလယ်လွှာအမျိုးအစားဆိုတာကတော့ အရောင် ခြယ်ဆဲလ်က ထုတ်လိုက်တဲ့အရောင် pigments တွေဟာ အရေပြားရဲ့ အလယ်လွှာ မှာပဲ စုပုံနေတာကို ခေါ်တာပါ။ တတိယအမျုိုးအစားဖြစ်တဲ့ နှစ်လွှာပေါင်းအမျိုးအစား တင်းတိပ်ကတော့ အရောင်ခြယ်ဆဲလ်က ထုတ်လိုက်တဲ့ အရောင် pigments တွေဟာ အရေပြားရဲ့ အပေါ်ယံလွှာရော အလယ်လွှာထဲမှာပါ ရောနှောတည်ရှိနေတာကြောင့် အရောအနှောအမျိုးအစား တင်းတိပ် Mixed Type လို့ ခေါ်ဆိုလိုက်တာပါ။

တင်းတိပ်ပျောက်တယ်

တကယ်တော့ တင်းတိပ်ဟာ တော်တော်ကုရခက်တဲ့ ပြဿနာတစ်ခုပါ။ တချို့ တချို့သော သူတွေကဆိုရင် တင်းတိပ်ကို မပျောက်နိုင်ဘူးလို့တောင် ထင်ကြပါတယ်။ ဒီလိုလည်း မဟုတ်ပြန်ပါဘူး။ ဟိုမုန်းကြောင့် ဖြစ်ရတဲ့ တင်းတိပ်အမျိုးအစားတွေကတော့ သူအလိုလို ပြန်ပြီး ပျောက်သွားနိုင်ပါတယ်။ ဥပမာ- ကိုယ်ဝန်ဆောင်စဉ်မှာပေါ်လာတတ်တဲ့ တင်းတိပ်တွေ၊ နောက်ပြီး သားဆက်ခြားဆေးသောက်စဉ်မှာ ပေါ်လာတတ်တဲ့ တင်းတိပ်တွေ စတဲ့ တင်းတိပ်တွေဟာ မီးဖွားပြီးရင်၊ ဆေးရပ်လိုက်ရင် သူ့အလိုလို ပျောက်သွားတတ်ကြ ပါတယ်။ နောက်တစ်ခုကတော့ တင်းတိပ်အမျိုးအစားသုံးမျိုးထဲက အပေါ်ယံအလွှာအမျိုး အစား Epidermal Melasma တင်းတိပ်ဟာ ပုံမှန်ကုသနည်းတွေနဲ့တင် ပျောက်ကင်းနိုင်ဖို့ တော်တော်လေးခက်တယ်လို့ ဆိုရပါလိမ့်မယ်။ ဒီလိုဆိုရင် မပျောက်နိုင်ဘူးလားဆို ပြန်တော့ လည်း ပျောက်တော့ပျောက်ကင်းနိုင်ပါတယ်လို့ပဲ ပြန်ဖြေရမှာပါ။ တိတိကျကျတော့ ပြောလို့ မရနိုင်ပြန်ပါဘူး။ ယခုအချိန်အထိကတော့ ပျောက်ကင်းဖို့ ရာနှုန်းပိုင်းမှာ နည်းတယ်လို့ ပြောလို့ရနိုင်ပါတယ်။

တင်းတိပ်ကို ဘယ်လိုသိ

တင်းတိပ်ကို တကယ်တော့ အမြင်မှာတင်ပဲ ဒါဟာ တင်းတိပ်ပါလို့ ပြောလို့ရနိုင် ပါတယ်။ လူတော်တော်များများကလည်း သိနိုင်ကြပါတယ်။ သို့သော်လည်း ဖြစ်တဲ့နေရာဟာ နည်းနည်းထူးခြားရင်တော့ ဒါဟာ တင်းတိပ်ပါလို့ ပြောရရင် လက်မခံဘဲ ဖြစ်တတ်ကြပါ တယ်။ ဥပမာ – လက်မောင်းပေါ်မှာ ဖြစ်တဲ့အခါမျိုးမှာပေါ့။ ဘာပဲဖြစ်ဖြစ် တင်းတိပ်တွေကို သူတို့ဖြစ်ပေါ်နေတဲ့ နေရာ၊ ဖြစ်နေတဲ့သူ (ယောက်ျား၊ မိန်းမ၊ ကိုယ်ဝန်ဆောင်မိခင်၊ သန္ဓေတား ဆေးသောက်နေတဲ့ အမျိုးသမီး) ဘယ်လိုခံစားချက်မှ မပေးတဲ့ အညိုကွက်စတာ တွေကို ကြည့်မြင်သုံးသပ်ပြီး ဆုံးဖြတ်ပေးလို့ ရနိုင်ပါတယ်။ ဒါပေမဲ့လည်း ရံဖန်ရံခါမှားတတ် ကြပါသေးတယ်။ မှားတတ်တဲ့ ပြဿနာတွေကတော့ လိမ်းဆေး၊ သောက်ဆေးတွေနဲ့ နေရောင်ဓာတ်ပြုခြင်းကြောင့် ဖြစ်ရတဲ့ အမည်းကွက်တွေလေးတွေ၊ ထိခိုက်ရောင်ရမ်းပြီး နောက် ကျန်ခဲ့တဲ့ အမည်းကွက်၊ အရေပြားမှိုကြောင့်ဖြစ်ရတဲ့ အညိုကွက်စတာတွေနဲ့တော့ မှားတတ်ကြပါသေးတယ်။ သိပ်ပြီး မသေချာဘူးဆိုရင်တော့ ဒါတွေနဲ့ ကွဲပြားအောင် Wood’s Lamp ဆိုတဲ့ မီးတပ်မှန်ဘီလူးနဲ့ ကြည့်ပြီး ခွဲခြားနိုင်သလို အသားစယူပြီး ဓာတ်ခွဲစမ်းသပ် စစ်ဆေးမှုပြုလုပ်ခြင်းနဲ့လည်း ရောဂါကို အတိအကျပြောပြနိုင်ပါတယ်။

 

ဘယ်လိုကုသရပါမယ်

တင်းတိပ်ကုသနည်းတွေကတော့ အများကြီးပါ။ ပြီးပြည့်စုံအောင် ကောင်းမွန်တဲ့ ကုသမှု မရှိသေးတာကြောင့်လည်း ယခုအချိန်အထိ အသစ်သစ်သော ကုသနည်းတွေ ထွက်ပေါ်နေဆဲ ဖြစ်ပါတယ်။ ကုသမှုတွေကို အကြမ်းအားဖြင့် လိမ်းဆေးများနဲ့ ကုသခြင်း၊ ဓာတုဆေးရည်များနဲ့ အရေပြားအပေါ်ယံအလွာကို ဆေးကြောဖယ်ရှားခြင်းဖြင့် ကုသခြင်း၊ လေဆာရောင်ခြည်ဖြင့် ကုသခြင်းဆိုပြီး ခွဲခြားလို့ရပါတယ်။ ဒီလိုကုသနည်းတွေကလည်း သူ့ အကျိုးနဲ့ သူ၊ သူ့ဆိုးကျိုးနဲ့ သူရှိကြပါတယ်။

နေရောင်ခြည်ကိုကာကွယ်ကြမယ်

အထက်မှာဖော်ပြခဲ့တဲ့ နည်းလမ်းတွေအထဲက ဘယ်ကုသနည်းနဲ့ပဲ ကုသပါစေ၊ တင်းတိပ်ကု သမယ်ဆိုရင်တော့ နေရောင်ခြည်ကို ကာကွယ်ဖို့က အဓိကျပါတယ်။ နေရောင်ခြည်ကို ကာကွယ်ထားပါမှ တင်းတိပ်ဟာ ပျောက်ကင်းမှာဖြစ်သလို ပြန်ပြီးတော့လည်း မဖြစ်ဖို့အတွက် လည်း အရေးပါပါတယ်။ တင်းတိပ်ကို ဖြစ်ပေါ်စေတဲ့အကြောင်းတွေထဲက တစ်ခုဖြစ်နေတာ ကြောင့် သူ့ကို ချန်လှပ်ပြီးထားလို့ မရနိုင်ပါဘူး။

နေရောင်ခြည်ကို ကာကွယ်ရာမှာလည်း ညအချိန်ကလွဲပြီး ကျန်နေ့ခင်းအချိန်တွေမှာ အမြဲလိုလို နေရောင်ကာကွယ်အဆီတွေကို လိမ်းထားနိုင်ပါမှ တော်ရုံကျပါမယ်။ နံနက်မျက်နှာ သစ်ပြီးတာနဲ့ နေရောင်ကာကွယ်အဆီကို စတင်လိမ်းထားသင့်ပါတယ်။ ဘာကြောင့်လည်း ဆိုတော့ နေရောင်ဟာ တိုက်ရိုက်ထိတွေ့မှ သူ့ရဲ့ဒဏ်ကို ခံရတာ မဟုတ်ပါဘူး။ နေရောင်ရှိန် နေရင်တောင် သူ့ရဲ့ ခရမ်းလွန်ရောင်ခြည်တွေက အရေပြားအပေါ်ကို သက်ရောက်နေတာ ကြောင့် နေရောင်ရဲ့ ဒဏ်ကိုခံရတာပဲဖြစ်ပါတယ်။ တချို့က နေရောင်ကာအဆီကို နေရောင်ထဲကို သွားမယ်ဆိုမှ လိမ်းတတ်တဲ့အကျင့် ရှိကြပါတယ်။ တကယ်လို့ ကိုယ်ဟာ နေရောင်အနည်းငယ်ဝင်တဲ့ အိမ်ရဲ့ ဧည့်ခန်းထဲမှာရှိမယ်ဆိုရင်၊ ဒါမှမဟုတ် ဆင်ဝင်အောက်မှာ ရှိနေမယ်ဆိုရင် မိမိအရေပြားဟာ နေရောင်မထိသော်လည်း နေရောင်မှာပါတဲ့ ခရမ်းလွန် ရောင်ခြည်နဲ့ ထိတွေ့ကာ နေရောင်ရဲ့ ဒဏ်ကို ခံစားရတာနဲ့ တူညီတဲ့ ဖြစ်စဉ်တွေ ဖြစ်ပေါ် စေမှာပဲဖြစ်ပါတယ်။

ဒါကြောင့် တင်းတိပ်ကို ကာကွယ်ဖို့အတွက် နေရောင်ကာဆီလိမ်းဖို့၊ နေရောင်ထဲကို ထွက်မယ်ဆိုရင်လည်း နေရောင်ကာဆီလိမ်းထားတယ်ဆိုပြီး၊ ထီး၊ ဦးထုပ် စတဲ့ အမိုးအကာ မပါဘဲ လျှောက်မသွားဖို့၊ နေရောင်ထဲကိုလည်း တတ်နိုင်သလောက် မထွက်ကြဖို့၊ ထွက်မယ် ဆိုရင်လည်း အပူဆုံး အချိန်တွေကို ရှောင်ကြဖို့ လိုပါတယ်။ ဒီလို နေရောင်ကို ကာကွယ်တာဟာ တင်းတိပ်တစ်ခုတည်းအတွက်တင်မကပါဘူး၊ အခြားသော အရေပြားကို ထိန်းသိမ်းမှုတွေနဲ့လည်း သက်ဆိုင်တာကြောင့် အရေပြားကို အိုမင်းရင့်ရော်ခြင်းကနေ ကာကွယ်ပေးနိုင်ပါသေးတယ်။

တချို့ကတော့ ဒီလို နေရောင်ကာကွယ်ဆီလိမ်းခြင်းကို တင်းတိပ်ကုသခြင်းရဲ့ လိမ်းဆေးဖြင့် ကုသခြင်း ခေါင်းစဉ်အောက်မှာ ထားကြပါတယ်။ ဘယ်နေရာမှာပဲ ထားထား နေရောင်ခြည်ကို ကာကွယ်ဖို့ လိုအပ်တာကတော့ အမှန်ပဲ ဖြစ်ပါတယ်။

တင်းတိပ်ပျောက်တဲ့ လိမ်းဆေးတွေ

တင်းတိပ်အတွက် လိမ်းဆေးတွေ၊ အလှကုန်ပစ္စည်းတွေကို ဈေးကွက်အတွင်းမှာ အများကြီးတွေ့နိုင်ပါတယ်။ ဈေးတွေကလည်း ကြီးမှကြီး( ဈေးပေါပေါတွေလည်း ရှိတော့ ရှိပါတယ်။) လှချင်တဲ့သူတွေ အတွက်ကတော့ ဈေးကြီးတာကို ပြဿနာလို့ မထင်ကြပါဘူး။ ပျောက်ရင်ပြီးရောဆိုပြီး ၀ယ်လိမ်းကြပါတယ်။ ပျောက်တဲ့သူလည်း ပျောက်၊သက်သာတဲ့ သူတွေလည်း သက်သာပေါ့။ ပိုဆိုးသွားတဲ့သူတွေ၊ ပြန်ပြီးဖြစ်တဲ့သူတွေ၊ အဖြူတစ်ကွက်၊ အမည်းတစ်ကွက်နဲ့ ကွက်တိကွက်ကျားဖြစ်ကုန်တဲ့သူတွေ၊ အရေပြားတွေ လန်ပြီးရဲရောင်ကုန် တဲ့သူတွေလည်း မနည်းမနောပါပဲ။ ဒါကြောင့် တင်းတိပ်ပျောက်ဆေးဆိုတာ ဘာတွေလည်း ဆိုတာ ရေးပြပါ့မယ်။ ကိုယ်သုံးတဲ့ လိမ်းဆေး၊ ကိုယ်သုံးတဲ့ အလှကုန်ပစ္စည်းတွေအထဲမှာ အခုရေးတဲ့ ဆေးတွေရော ပါသလားစသဖြင့် ချင့်ချိန်သုံးသပ်နိုင်ကြလိမ့်မယ်လို့ ထင်ပါတယ်။ တင်းတိပ်ပျောက်လိမ်းဆေးတွေ၊ အလှကုန်တွေမှာ အဓိက ပါဝင်တာကတော့ အရောင်ချွတ် နိုင်စွမ်းရှိတဲ့ ဓာတုပစ္စည်းတွေပါ။ အင်္ဂလိပ်လို Bleaching Agent လို့ ခေါ်ပါတယ်။ အောက်မှာ ဖော်ပြထားတဲ့ နာမည်တွေကတော့ တင်းတိပ်အတွက် အသုံးများတဲ့ အရောင်ချွတ် ပစ္စည်းတွေ ဖြစ်ပါတယ်။

* 2- 4 % Hydroquinone

* Tretinoin Cream/ Gel

* Azelic Acid 20%

* KOjic Acid

Mandelic Acid

ဒီပစ္စည်းတွေကတော့ တစ်ခုတည်းလိမ်းရတာ ရှိသလို နှစ်ခု၊ သုံးခုပေါင်းပြီး လိမ်းရ တာလည်း ရှိပါတယ်။

တချို့သော အလှကုန်ပစ္စည်းတွေမှာတော့ သဘာဝသစ်သီး၊ သစ်ရွက်၊ အပင်၊ ဥတွေ ကနေ ထုတ်လုပ်ထားတဲ့ ပစ္စည်းတွေကို အသုံးပြုကြပါတယ်။ အဲဒီပစ္စည်းတွေဟာလည်း အသုံးပြုကြပါတယ်။ အဲဒီပစ္စည်းတွေဟာလည်း အရောင်ချွတ်နိုင်တဲ့ ဂုဏ်သတ္တိ သဘာဝထွက် ကုန်တွေပါ။ ဒီတော့ သဘာဝမို့ အန္တရာယ်ကင်းတယ်၊ ဓာတုပစ္စည်းမို့ အန္တရာယ်ရှိတယ်။ ဒီလိုလည်း တစ်သမတ်တည်း ပြောလို့မရပါဘူး။ သူ့ဟာနဲ့သူ ကောင်းကျိုးတွေရှိသလို ဆိုး ကျိုးတွေလည်း ပါတတ်ပါတယ်။

ဒီပစ္စည်းတွေကို ညပိုင်းမှာပဲ အဓိကအသုံးပြုရပါတယ်။ ဘာကြောင့်လည်း ဆိုတော့ ဒီ အရောင်ချွတ်သတ္တိရှိတဲ့ ပစ္စည်းအများစုဟာ နေရောင်နဲ့ အဆင်မပြေဖြစ်နိုင်တာကြောင့် ဖြစ်ပါ တယ်။ နောက်ပြီး သူတို့ကို သုံးစွဲနေတဲ့သူတွေကလည်း နေရောင်ကာအဆီကို မဖြစ်မနေ သုံးစွဲဖို့ လိုအပ်ပြန်ပါတယ်။ တချို့သော အမျိုးသမီးတွေဟာ ဒါကို မသိတာကြောင့် ဒီဆေး တွေကို သုံးနေသော်လည်း နေရောင်ကာဆီကို မသုံး၊ နေရောင်ထဲကို အကာအကွယ်မပါဘဲ ထွက်တတ်ကြပါတယ်။ ဒီတော့ တင်းတိပ်တွေပိုပြီး ဆိုးလာပါတယ်။ ဒီတော့ ဒီလိမ်းဆေး၊ ဒီအလှကုန်ပစ္စည်းက မကောင်းဘူး ဖြစ်ကုန်ကြပါတယ်။ အချက်မသိတော့ သမက်ကို သူခိုးထင် သလို ပါပဲ။

တချို့သောအရောင်ချွတ်ဆေးတွေ၊ တချို့သော သဘာဝအရောင်ချွတ်သတ္တိရှိ ပစ္စည်း ပါတဲ့ အလှကုန်တွေဟာ အရေပြားက အရောင်ထုတ်ဆဲလ်တွေရဲ့ လုပ်ရပ်တွေကို အပြီးတိုင် ရပ်နားလိုက်စေတာကြောင့် အရေပြားဟာ အရောင်မထွက်တော့ဘဲ ဖြူဆွတ်ဆွတ်ဖြစ်ကာ ကျန်ရစ်တတ်ပါတယ်။ တင်းတိပ်ဆိုတဲ့ အမည်းကွက်ကတော့ ပျောက်သွားပါတယ်။ သို့သော်လည်း အဖြူကွက်ကြီးကျန်ရစ်ကာ မလှမဖြစ်ရပြန်ပါတယ်။

ပါလေရော စတီးရွိုက်ဟာ တင်းတိပ်လိမ်းဆေးမှာလည်း ပါပြန်ပါတယ်။ တချို့သော တင်းတိပ်များဟာ စတီးရွိုက်လိမ်းဆေးကိုပါ ပေါင်းစပ်ပြီး ကုသပါမှ သက်သာမှုကို ရရှိတတ်ပါ တယ်။ လိမ်းဆေးကိုတော့ များသောအားဖြင့် အပေါ်ယံအလွှာပိုင်းမှာသာ ဖြစ်တဲ့ တင်းတိပ် တွေမှာပဲ အသုံးပြုကြတာပါ။

ပီလင်းလုပ်မယ်

တကယ်တော့ ဓာတုဆေးရည်တွေကို အသုံးပြုပြီး အရေပြားရဲ့ အပေါ်ယံအလွှာကို ဆေးကြောဖယ်ရှားလိုက်ခြင်းကို ပီလင်းလုပ်တယ်လို့ ခေါ်တာပါ။ မျက်နှာဆေးတယ်လို့ တချို့က ခေါ်ကြပြန်ပါတယ်။ ဒီနည်းဟာလည်း တင်းတိပ်ကုသနည်းထဲက နည်းတစ်ခုပါ။ လိမ်းဆေးတွေနဲ့ အဆင်သိပ်မပြေရင် ဒီနည်းကို သုံးတတ်ကြပါတယ်။ ဒါမှမဟုတ် တင်းတိပ် ဟာ ဒုတိယအလွှာအထိ ရောက်နေရင်၊ ဒါမှမဟုတ် နှစ်ခုပေါင်းအမျိုးအစားမှာဆိုရင် သုံးတတ်ကြပါတယ်။

* Jessner’s Solution

* Glycolic peels

* Salicaylic Acid

* TCA

စတဲ့ ဆေးရည်တွေပဲ ဖြစ်ပါတယ်။ ဒီနည်းလမ်းကလည်း ကောင်းတာတွေရှိ သလို အားနည်းချက်တွေလည်း ရှိပါတယ်။ ဒီနည်းလမ်းကိုလည်း လိမ်းဆေးနဲ့ တွဲပြီး ကုသမှုပြုလို့ရပါတယ်။

 

လေဆာနဲ့ တင်းတိပ်

လေဆာဆိုတဲ့ ရောင်ခြည်နဲ့ တင်းတိပ်ကို ကုသလို့လည်း ရနိုင်ပါတယ်။ လေဆာစက် တွေကလည်း အမျိုးမျုိုးရှိပါတယ်။ လေဆာစက်တိုင်းဟာ တင်းတိပ်တွေကို ကုလို့ မရနိုင်ပါ ဘူး။ Q- switched pigmentary laser, 1064 nm-Q intensed Nd: YAG laser with low energy, fraction laser, phototherapy (spectra) အစရှိသဖြင့် တင်းတိပ် အတွက် လေဆာစက်တွေဟာ အမျိုးစုံလင်စွာ ရှိကြပါတယ်။ ဘယ်တင်းတိပ်အမျိုးအစားအတွက် ဘယ် လေဆာ၊ ဘယ်အတွက်ဆို ဘယ်လေဆာစသဖြင့် သူ့ပြဿနာနဲ့ သူခွဲခြားကုသတဲ့ စက်အမျိုး အစားသပ်သပ်စီ ရှိပါတယ်။

နောက်ပြီး လေဆာနဲ့ ကုသတိုင်းလည်း ကောင်းသွားကြတာတော့ မဟုတ်ပါဘူး။ တချို့က လေဆာနဲ့ ကုရင် နတ်ရေကန်ထဲဆင်းပြီးပြန်တက်လာသလို နတ်သမီးတမျှဝင်း ပသွားမယ်လို့ ထင်တတ်ကြပါတယ်။ လေဆာမှာလည်း ကောင်းတာတွေရှိသလို ဆိုးတာတွေ လည်း ရှိပါတယ်။ လေဆာနဲ့ကုမယ်ဆိုရင် တင်းတိပ်ရဲ့ အတိမ်အနက်ကို သိရှိဖို့လိုအပ်ပါ တယ်။ တချို့သောလေဆာတွေက အရောင်ခြယ်ပစ္စည်းတွေကို ချေဖျက်တာရှိသလို တချို့ သောလေဆာတွေက တင်းတိပ်ဖြစ်ပေါ်ရာနေရာ အရေပြားရဲ့ သွေကြောဆိုင်ရာတွေကို ပစ်မှ် ထားကုသတာလည်း ရှိပါတယ်။ လေဆာနဲ့ ကုသရာမှာလည်း တစ်ကြိမ်တည်းနဲ့တော့ မပြီးနိုင်ပါဘူး။ လေဆာကြောင့် အရေပြားလောင်းတာမျိုး၊ ရဲရောင်လာတာတွေ၊ ကုသမှု အကျိုးရလဒ်မထူးခြားတာတွေ စတဲ့ ပြဿနာတွေလည်း ကြုံတွေ့နိုင်ပါတယ်။ လေဆာရဲ့ အဓိကပြဿနာကတော့ အဖြူကွက်ကျန်နေခဲ့ခြင်းပါ။ အမည်းရောင်တင်းတိပ်ကနေ အဖြူ ကွက်တွေအဖြစ် ကျန်ရစ်တတ်ပါတယ်။ အဖြူကွက်ကြီးကြီး ကျန်တတ်သလို အဖြူကွက် သေးသေးလေးတွေမှာလည်း ကျန်နေတတ်ပါတယ်။ နောက်ပြီး လေဆာနဲ့ ကုသအပြီးမှာ အရေပြားကို ဒီအတိုင်းထားလို့မပါရဘူး။ post Laser Care အဖြစ် အရေပြားကို ဆေးကုသမှု၊ ထိန်းသိမ်းမှုတွေကို ဆက်လက်လုပ်ဆောင်ရပါသေးတယ်။

တင်းတိပ်တွေကို ကုသရာမှာ တစ်မျိုးတည်းနဲ့ ရံဖန်ရံခါမှာ မပျောက်ကင်းနိုင်ဘဲ ရှိနေတတ်ပါတယ်။ ဒါကြောင့် အထက်ပါကုသမှုတွေကို လိုအပ်ရင် လိုအပ်သလို တွဲဖက် ပူးပေါင်းပြီး ကုသမှုတွေ လုပ်ပေးရတတ်ပါတယ်။ တချို့တချို့သောသူတွေကတော့ သူတို့ရဲ့ တင်းတိပ်အကွက်လေးတွေကို မိတ်ကပ်နဲ့ ဖုံးအပ်ထားလိုက်ကြတတ်ပါတယ်။ ကုသနည်းမ မဟုတ်သော်လည်း အမည်းကွက်ကို ဖုံးအုပ်ထားလိုက်တာကြောင့် အတိုင်းအတာတစ်ခု အထိတော့ အဆင်ပြေသွားနိုင်ပါတယ်။ ကုသနည်းတွေနဲ့ အဆင်မပြေဖြစ်တတ်တဲ့ တင်းတိပ် တွေကိုတော့ နောက်ဆုံးမှာ ဒီနည်းကိုပဲ ရွေးချယ်ရပါလိမ့်မယ်။

အဆုံးသတ်အနေနဲ့ ခြုံပြီး ပြောရမယ်ဆိုရင် တင်းတိပ်ဆိုတာ အသက်အန္တရာယ်နဲ့ ဝေးလွန်းလှပါတယ်။ အလှအပရေးရာပြဿနာတစ်ခုသာ ဖြစ်ပါတယ်။ ဒါကို ဟိုဟာလိမ်း၊ ဒီဟာလိမ်း မလုပ်ဖို့ လိုပါတယ်။ ဟိုလိမ်းဒီလိမ်းလုပ်ပြီး ပြဿနာဖြစ်တဲ့သူတွေအများကြီးပါ။ ဆေးကြောင့်လေးတတ်ပါတယ်။ ဒါကြောင့် တင်းတိပ်ဖြစ်ရာမှာ သူများတကာပြောတာတွေကို လျှောက်မလုပ်ဘဲ အခုရေးခဲ့တဲ့ အကြောင်းအရာတွေကို အသေအချာဖတ်ရှုပြီး ဆောင်ရန်၊ ရှောင်ရန်တွေကို လိုက်နာကြမယ်ဆိုရင် အားလုံးအဆင်ပြေကြလိမ့်မယ်လို့ ထင်မြင်မိပါတယ်။ အဓိကကျတဲ့ နေရောင်ကိုတော့ မဖြစ်မနေ ကာကွယ်ရှောင်ရှားရပါလိမ့်မယ်။ တချို့က တင်းတိပ်ပျောက်ကင်းသွားတာနဲ့ပဲ နေရောင်ကိုမရှောင်၊ အရေပြားကို မထိန်းသိမ်းထား ကြတော့ တင်းတိပ်ပြန်ပြီးဖြစ်၊ အရင်ကထက် ပိုပြီး ဆိုးကြရပါတယ်။ သုံးမယ့်အလှကုန်ပစ္စည်း တွေမှာလည်း ပါဝင်တဲ့ ပစ္စည်းတွေကို အသေအချာလေ့လာသင့်ပါတယ်။ ကုသမှုခံယူတဲ့ အခါမှာလည်း အဆင်ပြေတဲ့နည်းလမ်းတွေကိုသုံးသပ်ရွေးချယ်နိုင်လိမ့်မယ်လို့ ယူဆပါတယ်။

တင်းတိပ်အကြောင်းကိုလည်း အတန်သင့် ရှင်းပြခဲ့ပြီးပြီးဆိုတော့ စာဖတ်သူတို့လည်း နားလည်သင့်သလောက်တော့ နားလည်သွားလောက်ပြီးလို့ ထင်ပါတယ်။ တင်းတိပ်ကင်းတဲ့ မျက်နှာပိုင်ရှင်များ ဖြစ်ကြပါစေလို့ ဆုမွန်ကောင်းတောင်းရင်း တစ်ခန်းရပ်လိုက်ပါရစေ။

 

စေတနာများစွာဖြင့်

ဒေါက်တာလင်းထက် (အရေပြားအထူးကုဆရာဝန်)