အသည်းကင်ဆာ ကြောက်စရာ

ကင်ဆာဆိုတာဟာ သိပ်ကိုကြောက်စရာကောင်းပြီး ဒီဘက်ခေတ်တွေမှာ ပိုပြီးအဖြစ်များလာနေတယ်ဆိုတာ အားလုံးသိပြီးသားဖြစ်မှာပါ။ ဒီထဲကမှ ဖြစ်ပွားမှုနှုန်းမြင့်တက်လာနေတဲ့ အသည်းကင်ဆာအကြောင်းကို ပြောပြပေးချင်ပါတယ်။ အသည်းကင်ဆာဆိုတာ ဘယ်နှစ်မျိုးရှိလဲ?

အသည်းကင်ဆာဆိုတာမပြောခင်မှာ အသည်းမှာကင်ဆာဖြစ်ဖို့(၂)မျိုးရှိတယ်ဆိုတာ အရင်ပြောချင်ပါတယ်၊၊ အသည်းရဲ့ဆဲလ်တွေကိုယ်၌က စတဲ့ကင်ဆာနဲ့ အခြားကင်ဆာများမှကင်ဆာဆဲလ်များပြန့်နှံ့ပြီးအသည်းဆီကိုရောက်လာလို့ဖြစ်တဲ့ကင်ဆာဆိုပြီး ရှိပါတယ်။ ဒီမှာတော့ အသည်းကနေဖြစ်တဲ့ကင်ဆာ(HCC-hepatocellular carcinoma)အကြောင်းကိုပဲ ပြောမှာဖြစ်ပါတယ်။

ဘယ်အရာတွေက အသည်းကင်ဆာ(HCC)ကို ဖြစ်စေသလဲ?

အသည်းကင်ဆာဟာ နာတာရှည်အသည်းရောဂါတစ်ခုခုရှိနေသူတွေ(သို့)အသည်းခြောက်ပြီးသားလူတွေမှာပဲအတွေ့များပါတယ်။ဘယ်လိုရောဂါအခံရှိတဲ့လူတွေလဲဆိုရင်-

၁)အသည်းရောင်အသားဝါ ဘီပိုး/စီပိုး ရှိသူတွေ။

၂)အရက်အလွန်အကျွံသောက်သူတွေ။

၃)အသည်းအဆီဖုံး/ရောင် ရောဂါရှိသူတွေ(Non alcoholic fatty liver disease/Non alcoholic steatohepatitis)

၎)အဝလွန်တဲ့လူတွေနဲ့ ဆီးချိုသမားတွေပဲ ဖြစ်ပါတယ်။

ဘယ်နေရာတွေမှာအဖြစ်များလဲ?

ဖွံ့ဖြိုးပြီးနိုင်ငံတွေနဲ့စာရင် ဖွံ့ဖြိုးဆဲနိုင်ငံတွေမှာပိုပြီးအဖြစ်များလာပါတယ်။ဒါ့အပြင် အာရှနဲ့အာဖရိကမှာ အသည်းကင်ဆာဖြစ်ပွားမှုနှုန်းဟာတရိပ်ရိပ်တက်လာနေပါတယ်။ကျွန်တော်တို့ နိုင်ငံအတွက်လဲ စိုးရိမ်စရာပါ၊၊ အဓိကကတော့ ကူးစက်ရောဂါတွေဖြစ်တဲ့ အသည်းရောင်အသားဝါ ဘီပိုး/စီပိုးရယ်၊ အရက်သောက်သုံးမှုမြင့်မားတာရယ်၊ကျန်းမာရေးနဲ့မညီညွတ်တဲ့စားသောက်နေထိုင်မှုပုံစံရယ် အဝလွန်တာတွေကြောင့်ရယ်ဖြစ်ပါတယ်။

ရောဂါလက္ခဏာတွေက ဘာတွေလဲ?

အဓိကအသည်းခြောက်ပြီးမှဖြစ်တာကြောင့် အသည်းခြောက်ခြင်းမှာဖြစ်တဲ့လက္ခဏာတွေအပြင် ညာဘက်ဗိုက်အပေါ်ဘက်ခြမ်းအောင့်ခြင်း၊အကြောင်းရင်းတစ်စုံတစ်ရာမရှိပဲ ကိုယ်အလေးချိန်လျော့ကျခြင်း၊အသား/မျက်လုံးဝါခြင်း၊ရေဖျဉ်းစွဲခြင်း၊အလွယ်တကူသွေးခြေဥ/သွေးထွက်ခြင်းတို့ကိုလဲတွေ့ရတတ်ပါတယ်။
အသည်းကင်ဆာဖြစ်မဖြစ်ကို ဘယ်လိုသိရမလဲ?

အသည်းအထူးကုနှင့်ပြသပြီး စမ်းသပ်စစ်ဆေးမှုခံယူခြင်း၊သွေးစစ်ခြင်း(Alpha-fetoprotein) ၊Ultrasound ၊ MRI ၊ CT scan ရိုက်ခြင်းတို့ဖြင့် သိရှိနိုင်ပါတယ်။

အသည်းကင်ဆာကို ဘယ်လိုကုသမလဲ?

ကုသမှုနည်းလမ်းတွေအများကြီးရှိပေမယ့် အဓိကက အသည်းအစားထိုးကုသမှုဟာ အကောင်းဆုံးနည်းလမ်းဖြစ်ပါတယ်။ ကုသဖို့အရမ်းခက်ခဲတာကြောင့် မဖြစ်အောင်ကြိုတင်ကာကွယ်ခြင်းဟာ အသည်းကင်ဆာမှာအရမ်းကိုအရေးပါတဲ့ကဏ္ဏဖြစ်ပါတယ်။

အသည်းကင်ဆာမဖြစ်အောင် ဘယ်လိုကာကွယ်မလဲ?

၁)အသည်းရောင်အသားဝါ ဘီပိုး/စီပိုး ကူးစက်မခံရအောင် နေထိုင်ခြင်း၊ အသည်းရောင်အသားဝါဘီပိုးကာကွယ်ဆေးထိုးခြင်း။

၂)အရက်ဖြတ်ခြင်း။

၃)အာဟာရပြည့်ဝ၍ ကျန်းမာရေးနှင့်ညီညွတ်သော အစားအစာများကိုသာစားသုံးခြင်း။

၎)အသည်းကိုအဆိပ်အတောက်ဖြစ်စေနိုင်သော အရာများကိုရှောင်ခြင်း။

၅)အဝမလွန်အောင် ကိုယ်အလေးချိန်ထိန်းသိမ်းခြင်း တို့ဖြင့် အသည်းကိုကာကွယ်နိုင်ပါကြောင်းပြောကြားရင်းနဲ့ပဲ အဆုံးသတ်လိုက်ပါတယ်။

အားလုံးပဲ ကျန်းမာချမ်းသာကြပါစေ။

drye’lwin mm