ရင်သားကင်ဆာကုသခံထားရသူများအတွက် ဘ၀နေနည်းလမ်းညွှန်

ဆရာရှင့် ။ ကျွန်မဟာ လွန်ခဲ့တဲ့တစ်နှစ်လောက်ကစပြီး ဘာဘက်ရင်သားတွေမှာ ကင်ဆာဖြစ်လို့ ခွဲထုတ်ခဲ့ရပါတယ်။ ညာဘက်ဂျိုင်းမှာလည်း အကျိတ်တွေရှိနေလို့ ထုတ်ပစ်ခဲ့ရပါတယ်။ အဲသည့်နောက် ကင်ဆာဆေးခြောက်ကြိမ်သွင်းပြီး ဓာတ်ရောင်ခြည်ကုထုံးနဲ့ပါ ကုသပြီးစီးခဲ့ပါပြီ။ အခုတော့ Tamoxifen သွင်းပြီး ဓာတ်ရောင်ခြည်ကုထုံးနဲ့ ကုသပြီးစီးထားတဲ့ လူနာတွေအနေနဲပ ဘယ်လိုပြုမူနေထိုင်ရမယ်ဆိုတဲ့အချက်တွေကိုပါဆရာ။ ဆရာဝန်နဲ့ဘယ်လောက်တစ်ခါပြန်ပြရမယ်။ ဘယ်လိုအရာတွေကို သတိထားရမယ်။ ဘယ်လိုဆေးစစ်မှုတွေကို ဘယ်အချိန်ထိလုပ်ရမယ်ဆိုတာကို ပြောပြပေးစေလိုပါတယ်ရှင့်။

ဖြေ ။ အခုလိုကင်ဆာကုသမှုကို အောင်မြင်စွာဖြတ်သန်းနိုင်ခဲ့လို့ ၀မ်းသာစကားကို အရင်ဆုံးဆိုပါရစေ။ ကုသခဲ့တဲ့ ကင်ဆာကုထုံးများကိုလေ့လာကြည့်ခြင်းအားဖြင့် အနည်းဆုံး ရင်သားကင်ဆာအဆင့်(၂)ရှိမယ်လို့ခန့်မှန်းရပါတယ်။ နောက်ER/PR ခေါ်တဲ့ မဟော်မုန်းတွေလည်း Positive ဖြစ်နေလို့ Tamoxifen ဆေးကို ၅ နှစ်သောက်နေရရတယ်လို့လည်း နားလည်မိပါတယ်။

ရင်သားတစ်ဖက်မှာ ကင်ဆာဖြစ်ဖူးသူတစ်ဦးဟာ ဖြတ်ထုတ်ထားပြီးသားနေရာကနေပြီးတော့ လည်း ကင်ဆာပြန်ကြွလာနိုင်တယ်။ ကင်ဆာဆဲလ်တွေအဝေးကိုရောက်ပြီး ကင်ဆာဆင့်(၄)အဖြစ်နဲ့ လည်း ဆရာဝန်ဆီပြန်ရောက်လာနိုင်တယ်။ ကောင်းနေတဲ့ရင်သားနောက်တစ်ဖက်မှာလည်း ကင်ဆာ အသစ်ထပ်ဖြစ်လာနိုင်ပါတယ်။ ကင်ဆာအသစ်ထပ်ဖြစ်လာနိုင်ပါတယ်။ ကင်ဆာအသစ်ဆိုရာမှာ ကင်ဆာဖြစ်တဲ့ဖက်က ကင်ဆာဆဲလ်တွေ ကောင်းတဲ့ဘက်ရောက်လာတာလည်း ဖြစ်နိုင်သလို သူ့အလိုလို နောက်ထပ်ရင်သားကင်ဆာအသစ်ထပ်ဖြစ်တာပါ ပါတာပေါ့။

ရင်သားကင်ဆာအောင်မြင်စွာကုသပြီးသူတစ်ယောက်ဟာ ဆရာဝန်ဆီအနည်းဆုံး လေးလ တစ်ကြိမ်လောက်ပြန်လာပြီး စမ်းသပ်မှုခံယူဖို့လိုပါတယ်။ အဲလိုပုံမှန်စမ်းသပ်မှုများကို (၅)နှစ်ပြည့်သည် အထိ ခံယူနေဖို့ပါ (၅)နှစ်ပြည့်သွားပြီဆိုရင်တော့ ဆရာဝန်နဲ့ပုံမှန်စမ်းသပ်မှုကို တစ်နှစ်တစ်ကြိမ် လောက်လုပ်မယ်ဆို လုံလောက်ပါပြီ။ ဆရာဝန်နဲ့မတွေ့ဖြစ်တဲ့အချိန်များမှာလည်း မိမိရင်သားကို စမ်းသပ်တတ်အောင် လေ့ကျင့်ထားဖို့လိုအပ်ပါတယ်။ Lymphodema ခေါ်တဲ့ ဂျိုင်းထဲကအကျိတ်တွေ ကိုခွဲထုတ်လိုက်လို့ လက်ကြီးတစ်ဖက်လုံးရောင်လာတာမျိုးကို ကာကွယ်ထားချင်တယ်ဆိုရင်တော့ ကျွမ်းကျင်တဲ့ကိုယ်ကာယ ပညာရှင်များနဲ့ လေ့ကျင့်ခန်းလုပ်လို့ရပါတယ်။

ရင်သားကင်ဆာကိုကုသပြီးရင် တစ်နှစ်မှာတစ်ကြိမ် ရင်သားဓာတ်မှန် (Mammography) ရိုက်ဖို့လိုအပ်သွားပါပြီ။ ရင်သားဓာတ်မှန်ရိုက်ခြင်းဟာ ရင်သားကင်ဆာဖြစ်ဖူးသူများအတွက် နောက်ရင်သားကင်ဆာအသစ်တစ်ခုဖြစ်လာနိုင်သလားဆိုတာကို စောစီးစွာခန့်မှန်းတွေ့ရှိနိုင်တဲ့ နည်း လမ်းတစ်ခုဖြစ်ပါတယ်။ ရင်သားဓာတ်မှန်ရိုက်တယ်ဆိုတဲ့နေရာမှာ ရောဂါမဖြစ်ဘဲ ကျန်ခဲ့တဲ့ရင်သားကို ပါ ရိုက်ရမှာဖြစ်ပါတယ်။ တချို့သော ရင်သားကင်ဆာများမှာ ရင်သားတစ်ဖက်လုံးကို ဖြတ်မထုတ်ဘဲ ကင်ဆာအကျိတ်လေးတွေကိုပဲ ခွဲထုတ်ပြီးဓာတ်ရောင်ခြည်ပေး၊ ဆေးသွင်းကုသထားခဲ့တာမျိုးတွေ လည်းရှိတော့ အဲ့သလို အနေအထားမျိုးမှာလည်း ရောဂါဖြစ်ဖူးတဲ့င်သားကို ရင်သားဓါတ်မှန် ရိုက်ဖို့လိုပါတယ်။

လက်ရှိသောက်လက်စ ဟော်မုန်းဆေးကိုလည်း ဆရာဝန်ကမရပ်ခိုင်းဘဲ မရပ်ဖို့အရေးကြီး ပါတယ်။ ဆရာဝန်များနဲ့ လေးလတစ်ကြိမ်၊ တစ်နှစ်တစ်ကြိမ် တွေ့ရတဲ့ အခါမှာ ဟော်မုန်းဆေးရဲ့ ဘေးထွက်ဆိုးကျိုးများကို ရှာဖွေပေးမှာဖြစ်ပါတယ်။ Tamoxifan ဆးဟာ သားအိမ်တွင်း ကင်ဆာဖြစ်နိုင်ခြေ ရှိတာမို့ သွေးဆုံးပြီးမှ ပြန်ပေါ်တာမျိုးဖြစ်လာရင် ဆရာဝန်နဲ့ချက်ချင်း တိုင်ပင်ဖို့လိုပါတယ်။ နောက်ဟော်မုန်းဆေးတစ်မျိုး ဖြစ်တဲ့ Letrozole လိုဆေးမျိုးကတော့ အရွယ်မတိုင်မီ အရိုးပွရောဂါမျိုးတွေ ဖြစ်နိုင်ပါတယ်။ Bone Mineral Density (BMD) ခေါ်တဲ့ အရိုးသိပ်သည်းဆကို တိုင်းတာပြီး အရိုးကျိုးနိုင်ခြေကို ခန့်မှန်းတွက်ချက် နိုင်ပါတယ်။

ရင်သားကင်ဆာ ကုသအပြီးမှာ ကိုယ်လက်လှုပ်ရှားမှု ပုံမှန်လုပ်ဖို့ အရေးကြီးပါတယ်။ သင့်တင့်လျောက်ပတ်တဲ့ လေ့ကျင့်ခန်း ပြုလုပ်ခြင်းဟာ ကင်ဆာကုသ အောင်မြင်ရေးမှာ အထောက်အကူ ပြုနိုင်တယ်ဆိုတဲ့ သုတေသန များစွာရှိပါတယ်။ ကိုယ်အလေးချိန်ကို ထိန်းတဲ့နေရာမှာ ယနေ့ကိုယ်ခန္ဒာညွှန်းကိန်း လို့ခေါ်နေကြတဲ့ BMI ကို(၂၀) မှ (၂၅) အတွင်းထားရမှာ ဖြစ်ပါတယ်။

တစ်ချို့သော ကံမကောင်းတဲ့ လူနာတွေမှာတော့ ရင်သားကင်ဆာဟာ ပြန်ကြွလာနိုင်ပါတယ်။ ပြန်ကြွလာတယ် ဆိုရာမှာ အကြမ်းဖျင်းနှစ်မျိုးရှိတယ်။ အရင်ကင်ဆာဖြစ်ဖူးတဲ့ ဒဏ်ရာဟောင်း နေရာမှာ ပြန်ကြွလာတာလား။ ကင်ဆာဆဲလ်တွေ အဝေးကိုရောက်ပြီး ပြန်ကြွလာတာလားဆိုတဲ့ နည်းလမ်းနှစ်မျိုးပါ။

ဒဏ်ရာဟောင်း နေရာမှာပြန်ဖြစ်ရင် ဖြစ်တဲ့နေရာကိုပြန်ပြီးခွဲထုတ်လို့ရတယ်။ ပြီးရင်တော့ ဓာတ်ရောင်ခြည်ပေးရမှာပေါ့။ ဓာတ်ရောင်ခြည်ပေးတယ်ဆိုတဲ့နေရာမှာလည်း အရင်တုန်းကပေးခဲ့ဖူး တဲ့ဓာတ်ရောင်ခြည်ပမာဏကို တွက်ချက်ပြီး ပြန်လည်ချိန်ဆရတာမျိုးဖြစ်ပါတယ်။

ရင်သားကင်ဆာဟာ အဝေးကိုပျံ့တယ်ဆိုတဲ့နေရာမှာ အရိုးတွေ၊ဦးနှောက်နဲ့ အသည်းတွေကို ပိုပြီး ပျံ့နှံ့တတ်တဲ့သဘောရှိပါတယ်။ ဆရာဝန်များနဲ့ ပုံမှန်စစ်ဆေးမှုယူကြတဲ့အခါ အဝေးကိုကင်ဆာ ပျံ့နှံ့နေခြင်း ရှိ၊ မရှိ မေးခွန်းတွေကိုမေးပြီး စမ်းသပ်ကြပါလိမ့်မယ်။

ဦးနှောက်ထဲကို ကင်ဆာပျံ့နှံ့နေမှု ရှိ၊ မရှိ အကောင်းဆုံးစစ်ဆေးနည်းက သံလိုက်စက်ကွင်း ဓာတ်မှန် (MRI) ဖြစ်ပါတယ်။ အရိုးတွေကို ကင်ဆာပျံ့နှံ့နေခြင်း ရှိ၊ မရှိကိုတော့ Bone Scan ခေါ်တဲ့ အရိုးကိုဆေးသွင်းပြီး ဓာတ်မှန်ရိုက်တဲ့နည်းနဲ့ စစ်ဆေးပေးပါလိမ့်မယ်။ အသည်းကို ပျံ့၊ မပျံ့ဆိုတာက တော့ ကွန်ပြူတာဓာတ်မှန် (CT scan) ကအကောင်းဆုံးနည်းလမ်းဖြစ်ပါကြောင်း ဖြေကြားလိုက်ရပါ တယ်။

ဒေါက်တာလွှမ်းမိုးဟန်