အဆိပ်သင့် အသည်း(သို့)အသည်းလေးကို ကယ်တင်ကြပါစို့

တကယ်တော့ အသည်းလေးမဟုတ်ပါဘူး အသည်းကြီးပါ။အိမ်က မိန်းမကိုပြောတာမဟုတ်ပါ၊လူ့ခန္ဓာကိုယ်ရဲ့ အကြီးဆုံးအင်္ဂါအစိတ်အပိုင်းဖြစ်ပြီး ၃ပေါင်ကျော်လေးကာ အသက်ရှင်ဖို့မရှိမဖြစ်လိုအပ်တဲ့ ဗိုက်ထဲကအသည်းကိုပြောတာပါ။

အသည်းကိုကယ်တင်ရအောင် ဒင်းကဘာဖြစ်နေလို့လဲ…

ဖြစ်နေပါတယ်၊၊ဘာတွေဖြစ်နေသလဲဆိုတော့ သင်တို့ရဲ့ ကျန်းမာရေးနဲ့မလျော်ညီတဲ့ နေထိုင်စားသောက်မှုပုံစံအချို့ကြောင့် အသည်းဟာနေ့စဉ်ထိခိုက်ခံနေရပါတယ်။အသည်းရဲ့ များပြားလှသောလုပ်ငန်းဆောင်တာတွေထဲက တစ်ခုဖြစ်တဲ့ အဆိပ်အတောက်ဓါတ်များကိုဖယ်ရှားပေးရတဲ့အလုပ်မှာ သင်တို့ရဲ့အစားအသောက်၊ဆေးဝါးအချို့ဟာ မကောင်းတဲ့သက်ရောက်မှုတွေရှိနေပါတယ်။

ဘယ်အရာတွေက အသည်းကိုထိခိုက်နာကျင်စေသလဲ…

အောက်မှာဖော်ပြထားတဲ့အတိုင်းပါပဲ…

၁။နံပါတ်တစ်နေရာမှာ အမြဲရပ်တည်နေသူကြီးကတော့ ကျွန်တော်တို့ရဲ့ ဇာတ်လိုက်ကျော်ကြီး အရက်ပေ့ါ။အရက်ကို နှစ်ရှည်လများ၊အလွန်အကျွံသောက်သုံးခြင်းဟာ အသည်းရောင်ခြင်းသာမက အသည်းခြောက်ခြင်းနှင့် အသည်းကင်ဆာကိုပါ ဖြစ်စေနိုင်ပါတယ်။

၂။ဆေးဆိုင်တွေမှာ အလွယ်တကူဝယ်ယူရရှိနိုင်တဲ့ အကိုက်အခဲပျောက်ဆေးအချို့(ဥပမာ-Ibuprofen,Naproxen,Aspirin နဲ့ Paracetamol)ဟာလဲ လိုအပ်သည်ထက်ပိုမိုသောက်သုံးခြင်း၊တာရှည်သောက်သုံးခြင်းနှင့် အရက်နဲ့တွဲ၍သောက်သုံးမိခြင်းတို့မှာ အသည်းကိုထိခိုက်စေနိုင်ပါတယ်။

၃။လူတို့သောက်သုံးတဲ့ ပိုးသတ်ဆေးအချို့(ဘက်တီးရီးယားသတ်ဆေးအချို့၊ဗိုင်းရပ်စ်သေဆေးအချို့နဲ့ မှိုသတ်ဆေးအချို့)တို့ဟာလဲ အသည်းကိုဒဏ်ဖြစ်ရောင်ယမ်း စေပါတယ်။ဒါတင်မက စတီးရွိုက်ဆေးတွေဟာလဲ အလွန်အကျွံသုံးစွဲမိရင် အသည်းကိုအင်မတန်ဒုက္ခရောက်စေပါတယ်။

၎။ဆေးဖက်ဝင်အပင်အချို့နဲ့ ဖြည့်စွက်အားဆေးများ။အချို့သော ဆေးဖက်ဝင်အပင်အချို့ဟာ လိုအပ်သည်ထက်ပိုမိုသုံးစွဲမိသည့်အခါ အသည်းကိုထိခိုက်နိုင်ပါတယ်။တိုင်းရင်းဆေးများသုံးမည်ဆိုပါကလည်း တရားဝင်ခွင့်ပြုချက်ရထားပြီးဆေးဝါးများကိုသာ အညွှန်းအတိုင်းသုံးစေချင်ပါတယ်။ဒါ့အပြင် ကလေးသူငယ်တွေမှာအားဆေးတွေကို သကြားလုံးစားသလိုတိုက်ကျွေးနေတာဟာလဲ အသည်းကိုငယ်ငယ်ထဲက ဒုက္ခပေးနေသလိုဖြစ်စေပါတယ်။ကလေးအားဆေးတွေကို ဆရာဝန်ညွှန်ကြားတဲ့အတိုင်းသာ တိုက်ပါ၊တန်ဆေးလွန်ဘေးဆိုတာကို သတိပြုပါ။

၅။ဓာတုပစ္စည်းများ။လယ်ယာသုံးပိုးသတ်ဆေး၊ပေါင်းသေဆေးအချို့နဲ့ စက်ရုံသုံးဓာတုပစ္စည်းများ(ဥပမာ-ပလတ်စလစ်ပြုလုပ်ရာတွင်သုံးသောကုန်ကြမ်းများ)ဟာလဲ အသည်းကိုအနာတရဖြစ်ရောင်ယမ်းစေနိုင်ပါတယ်။

၆။Aflatoxin – မှိုမှဖြစ်သောအဆိပ်တစ်မျိုးဖြစ်ပြီး ၎င်းဟာအသည်းကိုရောင်ယမ်းစေရုံမက အသည်းကင်ဆာအထိပါ ဖြစ်ပွားနိုင်ပါတယ်။၎င်းကို သက်တမ်းလွန် ငရုတ်သီး/မှုန့်၊ကောက်ပဲသီးနှံ အစေ့အဆန်တွေမှာတွေ့နိုင်ပါတယ်။

ဘယ်လိုလူတွေမှာ အသည်းကိုပိုထိခိုက်စေတတ်သလဲ…

အကိုက်အခဲပျောက်ဆေးများအား ဆရာဝန်ညွှန်ကြားချက်မရှိပဲ မိမိဖာသာဝယ်သောက်သူများ/နှစ်ရှည်လများသောက်သုံးနေသူများ၊အရက်အလွန်အကျွံသောက်သူများ၊ဓာတုပစ္စည်းများနဲ့နေ့စဉ်ထိတွေ့နေရသောစက်ရုံ၊အလုပ်ရုံဝန်ထမ်းအချို့နဲ့ ယခင်ကထဲက အသည်းရောဂါအခံရှိသူ(ဥပမာ-အသည်းရောင် အသားဝါ ဘီပိုး၊စီပိုး ရှိသူတွေမှာ အသည်းကိုများစွာ ပိုထိခိုက်စေတတ်ပါတယ်။

အသည်းကို ဘယ်လိုဘယ်ပုံ ထိခိုက်စေမည်လဲ…

အသည်းရောင်ခြင်း၊အသည်းခြောက်ခြင်း၊အသည်းအလုပ်မလုပ်နိုင်ခြင်းမှသည် အသည်းကင်ဆာအထိဖြစ်ပေါ်စေနိုင်ပါတယ်။

အသည်းကို ဘယ်လိုကာကွယ်ကြမလဲ…

အောက်ပါအတိုင်း ကာကွယ်နိုင်ပါတယ်…

၁။ဆေးဝါးများကို ဆရာဝန်ညွှန်ကြားချက်အတိုင်းသာသောက်သုံးပါ။မိမိဖာသာအလွယ်တကူဝယ်သောက်ခြင်းမျိုးကို တတ်နိုင်သရွေ့ရှောင်ပါ။

၂။မလိုအပ်ပဲ ဆေးများအားမသောက်ပါနှင့်။အကိုက်အခဲပျောက်ဆေးများ အလွယ်တကူဝယ်ယူသောက်သုံးနေမှုများ ဆင်ခြင်ပါ။

၃။တိုင်းရင်းဆေးများ၊ဖြည့်စွက်စာ/အားဆေးများအား ဆရာဝန်နှင့်တိုင်ပင်ပြီးမှသောက်ပါ။သဘာဝဆေးဖက်ဝင်အပင်တိုင်းသည် ကျန်းမာရေ…