ခဲဆိပ်အန္တရာယ်ကြောက်စဖွယ်
‘သားလေးက ခဏခဏတက်လို့ လာပြတာပါ ဒေါက်တာ။ ဒီနေ့မနက်လည်း တစ်ခါ တက်သေးတယ်’ ဟု အသက် ၂ နှစ်အရွယ် ကလေးငယ်ကို ချီလာသော မိခင်ဖြစ်သူသည် လွန်စွာစိတ်ပူသောအသံဖြင့် ပြောရှာပါသည်။ ဆက်လက်၍ ကလေး၏ဖြစ်စဉ်တို့ကို မေးသော အခါ အသက် ၉ လအရွယ်မှ စ၍ မကြာခဏ တက်တတ်ကြောင်း၊ ကိုယ်ပူပြီး တက်သည်ဟု လည်းပြော၍ မရကြောင်း၊ ကိုယ်မပူဘဲလည်း တက်တတ်ကြောင်း၊ ကလေးလမ်းလျှောက် တတ်ပြီလားဟု မေးသောအခါ မတ်တတ်ပင် ကောင်းကောင်းမရပ်နိုင်သေးကြောင်း စသည်တို့ကို သိရှိပါသည်။

ကလေးကို စမ်းသပ်ကြည့်သောအခါ ကလေးသည် မိခင်၏ပေါင်ပေါ်တွင် လှုပ်ရှားမှု ကင်းစွာ ငြိမ်သက်၍ ထိုင်နေပြီး တစ်နေရာကိုသာ စူးစိုက်ကြည့်နေပါသည်။ ပြုံးရွှင်ရယ်မော မှုလည်းမရှိ၊ ငိုကြွေးမှုလည်းမရှိဘဲ ပုံမှန်ကလေးတစ်ယောက်၏ အမူအကျင့်မဟုတ်သည်ကို သတိထားမိပါသည်။ နှုတ်ခမ်း၊ လက်ဖ၀ါးတို့ကို ကြည့်သောအခါ ဖြူဖပ်ဖြူရော်ဖြစ်နေပြီး သွေးအားအလွန်နည်းသော လက္ခဏာ ရှိနေပါသည်။ ၀မ်းချုပ်တတ်သလားဟု မေးသောအခါ ၀မ်းအလွန်ချုပ်ကြောင်း မိခင်က ဖြေပါသည်။

ဒါဆိုရင်ဘာရောဂါများဖြစ်နိုင်မလဲ
ကလေးသည် စိတ်ပိုင်းဆိုင်ရာဖွံ့ဖြိုးမှု ပုံမှန်ဘောင်အတွင်း၌ မရှိခြင်း၊ လွန်စွာ သွေးအားနည်းခြင်း၊ ၀မ်းချုပ်လွန်ခြင်း လက္ခများရှိရာ ထိုကလေးအတွက် လွန်စွာစိုးရိမ်မိပါ သည်။ မိမိထင်ထားသော ရောဂါကို အတည်ပြုရန် မေးခွန်းများ ဆက်၍မရတော့သည်။ ကလေးနှင့် မိသားစု နေထိုင်သည့် အရပ်၏ ၀န်းကျင်တွင် ဘက်ထရီလုပ်ငန်းများ ရှိသလား။ မိသားစုဝင် အခြားကလေးများ ရှိသလား။ ရှိလျှင် ဤကလေးဖြစ်နေသော လက္ခဏာများကဲ့ သို့ ရှိနေသလားဟူ၍ မေးသောအခါ ကလေးမှာ တစ်ဦးတည်သောသားဖြစ်ကြောင်း၊ ယခင်က မြေလတ်ပိုင်း ရွာတစ်ရွာတွင် နေကြကြောင်း၊ ဤကလေးကို မွေးဖွားပြီး နှစ်လ၊ သုံးလကြာသောအခါ မိခင်၏ညီမ မိသားစုရှိရာ ရန်ကုန်မြို့သို့ ပြောင်းရွှေ့လာကြောင်း၊ လုပ်ငန်းမှာ ဘက်ထရီ ပလိတ်ပြားရိုက်ကြောင်းလည်း သိရပါသည်။ သေချာပါပြီ။ ထင်သည့်အတိုင်း ကွက်တိမှန်နေပါသည်။ ကလေးသည် ခဲဆိပ်သင့်သော ရောဂါ ဖြစ်နေခြင်းပင် ဖြစ်ပါသည်။

ခဲဆိပ်သင့်သတဲ့လား
မှန်ပါသည်။ ဘက်ထရီ ပလိတ်ပြားရိုက်လျှင် လေထဲတွင် ပျံ့နှံ့နေပါသည်။ ထိုအမှုန့် များထဲတွင် ခဲဓာတ်ပါပါသည်။ ခဲမှုန့်များလေထဲတွင် ရှိနေသည်ကို ရှုမိလျှင် အသက်ရှုလမ်း ကြောင်းမှတစ်ဆင့် ခဲမှုန့်များ ခန္ဓာကိုယ်တွင်းသို့ ၀င်ရောက်ပြီး သွေးထဲသို့ရောက်နိုင်သလို အရိုးများထဲတွင်လည်း ခဲမှုန့်များကို သိုလှောင်ထားနိုင်ပါသည်။ ခဲသည် အသက်ရှုလမ်း ကြောင်းမှ ၀င်နိုင်သလို အစာအူလမ်းကြောင်းမှလည်း ၀င်နိုင်ပြီး အူထဲ၍လည်း ရှိနိုင်ပါသည်။

မေးစရာ ရှိပါသည်။ ပုံမှန်အားဖြင့်ရော လေထုထဲတွင် ခဲဓာတ်မရှိနိုင်ဘူးလား။ ရှိနိုင်ပါ သည်။ ဤသို့ဆိုလျှင် လူတိုင်း၊ တိရစ္ဆာန်တိုင်းသည် လေကိုရှုနေရသဖြင့် အားလုံး ခဲဆိပ်သင့် ကုန်မှာပေါ့ဟု ဆက်၍ စောဒကတက်နိုင်ပါသည်။ လေထဲ၌ ခဲဓာတ်ရှိနေသလို သက်ရှိတို်င်း၌ လည်း ခဲဓာတ်ရှိနေသည်ဟု ဖြေပါက လက်ခံလိုက်မည်မဟုတ်ပါ။ စင်စစ်၌အဖြေသည် အမှန် ပင် ဖြစ်ပါသည်။

လေထုထဲ၌လည်းကောင်း၊ သက်ရှိတို့၏ ခန္ဓာကိုယ်တွင်း၌လည်းကောင်း ခဲဓာတ်ရှိနေ သော်လည်း သက်ရှိတိုင်း ခဲဆိပ်မသင့်နိုင်ပါ။ အတိုင်းအတာတစ်ခုအထိ ကိုယ်တွင်း၌ရှိ၍ မည်သည့်လက္ခဏာမှ မပေါ်နိုင်သော်လည်း ထိုအတိုင်းအတာထက် ကျော်လွန်၍ ခဲဓာတ်ဝင် ရောက်ပါက ခဲဆိပ်သင့်သော လက္ခဏာများမုချ ပေါ်ပေါက်လာမည်သာ ဖြစ်ပါသည်။ ဆိုလိုရင်းမှာ အနည်းငယ်မျှသော ခဲဓာတ်ပမာဏ ကိုယ်တွင်း၌ ရှိနိုင်ပါသည်။ ထိုပမာဏမျှဖြင့် ခဲဆိပ်မသင့်နိုင်ဘဲ ကိုယ်တွင်း၌ နိုင်နင်းစွာ ချေဖျက်နိုင်ပါသည်။ သဘာဝအလျှောက်ရှိနိုင်သော ပမာဏာထက် ကျော်လွန်၌ ကိုယ်တွင်း၌ ခဲဓာတ်များ ရှိလာလျှင် ကိုယ်တွင်းမှ မချေပျက်နိုင် တော့ဘဲ ခဲဓာတ်များ စုပုံနေပြီး ခဲဆိပ်သင့်ရောဂါ ဖြစ်ပါတော့သည်။

ဘာတွေကြောင့် ခဲဆိပ်သင့်နိုင်သလဲ
လူကြီးများ ခဲဆိပ်သင်ခြင်းမှာ အဓိကအားဖြင့် လုပ်ငန်းခွင် ကျန်းမာရေးနှင့် သက်ဆိုင်ပါသည်။ ဥပမာ ဘက်ထရီလုပ်ငန်း၊ ရေပိုက်လုပ်ငန်း စသည်ဖြင့် ခဲနှင့်ပတ်သက်သော လုပ်ငန်းများကို လုပ်သောသူများ၌ အများဆုံးဖြစ်နိုင်ပါသည်။

ကလေးများတွင်ကား အထက်ကဖော်ပြခဲ့သည့်အတိုင်း လုပ်ငန်းခွင်ပတ်ဝန်းကျင်တွင် နေထိုင်သည့် ကလေးများသည် ခဲဆိပ်သင့်ရောဂါဖြစ်ရန် အသေချာဆုံးပင် ဖြစ်ပါသည်။ အကြောင်းမှာ ခဲဓာတ်များသည် လေထုထဲတွင် အန္တရာယ်ကင်းသော အဆင့်ထက် ကျော်လွန် ၍ များပြားစွာရှိနေနိုင်သဖြင့် အသက်ရှူလိုက်တိုင်း ကိုယ်တွင်းသို့ ၀င်နေသဖြင့် ရောဂါဖြစ် သည့်အဆင့်အထိ ရောက်လာမည်သာဖြစ်ပေသည်။ ထိုနေရာ၌ လုပ်ငန်းဆက်မလုပ်တော့ပဲ ရပ်နားပြီးသည့်တိုင်အောင် ဆက်လက်နေထိုင်ရန်အတွက်မူ အန္တရာယ်မကင်းနိုင်သေးပါ။ အကြောင်းမှာ ခဲတို့သည် မြေကြီးထဲ၌လည်း စိမ့်ဝင်၍ ခဲဓာတ်များ အန္တရာယ်ရှိသောအဆင့် အထိများစွာရှိနေ၊ ကျန်နေခဲ့သောကြောင့် ဖြစ်ပါသည်။ သို့ဖြစ်၍ ထိုနေရာမှ ပြောင်းရွှေ့ သွားနိုင် မှ ဘေးကင်းမည်ဖြစ်ပါသည်။

ကလေးများကို ခဲဆိပ်သင့်စေနိုင်သော အနေအထား နောက်တစ်ခုမှာ လှပတောက် ပြောင်သော အရောင်များ ဆိုးပေးထားသည့် ကစားစရာများ၊ကလေးအသုံးအဆောင်များ ဖြစ်ပါသည်။ ကလေးများကို ဆွဲဆောင်မှုရှိအောင် အရောင်ခြယ်ထားသော သုတ်ဆေးများတွင် ခဲဓာတ်ပါရှိနိုင်ပါသည်။ ကလေးများမည်သည့်ပစ္စည်းကိုမဆို ပါးစပ်ထဲသို့ ထည့်လေ့ရှိပါသည်။ ထိုအခါ ခဲဓာတ်များသည် ပါးစပ်ထဲမှ တစ်ဆင့် အူလမ်းကြောင်းသို့ ရောက်ရှိသွားပါ တော့ သည်။

ခဲဆိပ်သင့်နိုင်သော အခြားနည်းမှာ အစားအသောက်များပင် ဖြစ်ပါသည်။ ယနေ့ ခေတ်တွင် အန္တရာယ်ကင်းသော သဘာဝအစားသောက်ဆိုသည်မှာ ပို၍ ပို၍ ရှားပါးလာပြီ ဖြစ် ပါသည်။ အစားအစာများကို ထုပ်ပိုးထားသော ခဲဓာတ်ပါသည့် အိတ်များ၊ ဘူးများ၊ ခွက်များ၊ နှင့်အစားအစာများတွင် ထည့်သုံးသော ပစ္စည်းများကြောင့်လည်း ဖြစ်နိုင်ပါသည်။ ထို့အပြင် ရေရရှိရေး အတွက် သုံးသော ရေပိုက်များတွင်လည်း ခဲဓာတ်ပါရှိနိုင်သည်ကို သတိပြုသင့် ပါသည်။ ရေပိုက်များ ဟောင်လာသောအခါ အတွင်း၌ ဆေးများကွာကျပြီးရေထဲ၌ ခဲဓာတ်များ သည် အန္တရာယ်ကင်းသော အဆင့်ထက် ကျော်လွန်၍ ပါရှိလာနိုင်ပါသည်။

နောက်တစ်နည်းမှာ ဉာဏ်ရည်ဉာဏ်သွေး မမီသော ကလေးများတွင် ဖြစ်လေ့ရှိသော သဘာဝကြောင့်လည်း ခဲဆိပ်သင့်နိုင်ပါသည်။ ကလေးမှာ ပုံမှန် ကလေးကဲ့သို့ မည်သည့် အရာသည် စားသောက်၍ရသည်၊ မည်သည့်အရာသည် စားသောက်၍မရ ဟူသည်ကို ခွဲခြား၍ သိနိုင်သောသညာ မရှိသဖြင့် မစားသင့်၊ မစားထိုက်သော အရာများကိုလည်း ကောက်၍စား တတ်ပါသည်။ ဥပမာအားဖြင့် မြေကြီးခဲများကို ၀ါးစားခြင်း၊ ကျောက်ခဲများကို ငုံခြင်း စသည်တို့ ဖြစ်ပါသည်။ pica ဟူ၍ ခေါ်ဆိုပါသည်။

ခဲဆိပ်သင့်တော့ ဘာတွေဖြစ်သလဲ
အသက် ၂ နှစ်အောက် ကလေးများသည် ဦးနှောက်လွန်စွာဖွံ့ဖြိုးသော အရွယ်ဖြစ် ပါသည်။ လျင်မြန်စွာ၊ အရှိန်အဟုတ်ပြင်းစွာ ဖွံ့ဖြိုးဆဲဦးနှောက်ကို အကြောင်း တစ်စုံတစ် ရာကြောင့် ထိခိုက်ခဲ့ပါလျှင် ဦးနှောက်သည် ဆက်၍မဖွံ့ဖြိုးမကြီးထွားနိုင်တော့ပါ။ ထိုအခါ ကလေးသည် ရုပ်ပိုင်းဆိုင်ရာ၊ စိတ်ပိုင်းဆိုင်ရာ ဖွံ့ဖြိုးမှုများ ရပ်တန့်သွားပြီး ဉာဏ်ရည် ဉာဏ်သွေးမမီသောသူ ဖြစ်ပါသွားတော့သည်။ ယခုတွေ့ရှိခဲ့ရသော ကလေးသည်မွေးဖွားစဉ် ကလည်း ပုံမှန်ပင်ဖြစ်သလို၊ အသက် ၃ လခန့်အထိလည်း ပုံမှနပင် ဖွံ့ဖြိုးခဲ့ပါသည်။ ဘက်ထရီ ပလိတ်ပြား ရိုက်သည့်နေရာသို့ အသက် ၃ လ နောက်ပိုင်းတွင် ရောက်ရှိလာပြီး ၆ လခန့်အထိ မည်သည့်လက္ခဏာမှ မပြသေးပါ။ အကြောင်းမှာ ကိုယ်တွင်းသို့ရောက်ရှိသော ခဲဓာတ်များသည့် အန္တရာယ်ပေးနိုင်သော အဆင့်အထိ မြင့်တက်မလာသေးသောကြောင့် ဖြစ်ပါသည်။

အသက် ၉ လခန့်တွင် ကလေးသည် စ၍ တက်ပါသည်။ ထိုအချိန်တွင် ကလေး၏ ကိုယ်တွင်း၌ ခဲဓာတ်တို့သည် အန္တရာယ်ပေးနိုင်သော အဆင့်အထိရောက်ရှိလာပြီး သွေးလှည့် ပတ်မှုမှတစ်ဆင့် ဦးနှောက်ထဲသို့ ရောက်ရှိလာပါတော့သည်။ ဦးနှောက်ကို စတင်ဖျက်ဆီး သဖြင့် ကလေးသည် တက်ခြင်း ဖြစ်ပါသည်။ ကလေးတ က်သည်ကိုလည်း အရေးကြီးသည်ဟု မထင်မှတ်ဘဲ ဆေးမြီးတိုဖြင့်သာ ကုသနေခြင်းဖြင့်လည်းကောင်း၊ ထိုနေရာတွင်ပင် ဆက်၍ နေသဖြင့်လည်းကောင်း ကိုယ်တွင်းရှိ ခဲဓာတ်ပမာဏ ဆက်လက်မြင့်တက်လာပြီး ထိခိုက် မှုများ ဆက်ဖြစ်လာကာ ကလေး၏ ဦးနှောက်ပျက်စီးသွားရရှာသည်မှာ လွန်စွာမှ သနားစရာ ကောင်းလှပါသည်။

ကစားစရာအရုပ်များကို ပါးစပ်ဖြင့်ကိုက်သဖြင့် သုတ်ဆေးတွင်ပါဝင်သော ခဲဓာတ်များ အူလမ်း ကြောင်းသို့ ရောက်ရှိသွားခြင်းကြောင့် ၀မ်းအလွန်ချုပ်ခြင်း ဖြစ်နိုင်ပါသည်။ ရိုးတွင်း ခြင်ဆီသို့ ရောက်သွားသော ခဲဓာတ်တို့ကြောင့် ရိုးတွင်းခြင်ဆီမှ ထုတ်လုပ်သော သွေးနီဥများ၏ ဖွံ့ဖြိုးမှု သည်လည်း ရပ်တန့်သွားသဖြင့် မဖွံ့ဖြိုးသော သွေးနီဥများသာ သွေးကြောထဲသို့ ရောက်ရှိ လာပြီး ကလေးသည် အကြောင်းရှာ၍မရသော သွေးအားနည်းခြင်းလည်း ဖြစ်ပေါ်တတ်သည်။

ခဲဆိပ်သင့်သောကလေး၏ အရိုးများကို ဓာတ်မှန်ရိုက်ကြည့်လျှင် အရိုးများ၏အဖျား ဘက်တွင် ခဲဓာတ်များ စုပုံနေသော ကန့်လန့်လိုင်းများကို တွေ့ရှိနိုင်ပါသည်။ ဗိုက်ကို ဓာတ်မှန်ရိုက်၍လည်း ခဲဓာတ်ကို ကြည့်နိုင်ပါသည်။ သွေးထဲရှိ ခဲဓာတ်၊ ဆီးထဲရှိ ခဲဓာတ်ပမာဏတို့ကိုလည်း စစ်ဆေးနိုင်ပါသည်။

ခဲဆိပ်အန္တရာယ်ကာကွယ်ကြစို့
ကုသရန် ဆေးမရှိသည် မဟုတ်။ ရှိပါသည်။ သို့သော် ကလေးများတွင် သွေးကြောမှ တစ်ဆင့် ဦးနှောက်ထဲသို့ ရောက်ရှိသွားသော ခဲဓာတ်များကို ပြန်၍ထုတ်နိုင်မည်မဟုတ်ပါ။ ဦးနှောက်၏ ပျက်စီးသွားသော အပိုင်းသည် ပြန်၍ကောင်းလာနိုင်မည် မဟုတ်ပါ။ ထို့ကြောင့် ဉာဏ်ရည်မမီ သော ကလေးဖြစ်မလာစေရန် ကာကွယ်ခြင်းသည်သာလျှင် အကောင်းဆုံးဖြစ်ပါသည်။

အိမ်တွင်းလုပ်ငန်းခွင်အချို့၊ ဥပမာ ဘက်ထရီ ပလိတ်ပြားရိုက်ခြင်းသည် လွန်စွာ အန္တရာယ်ကြီးပါသည်။ အိမ်ပတ်ဝန်းကျင်ရှိ ကလေးများ၊ ရပ်ကွက်အတွင်းရှိ ကလေးများ အတွက် အလွန်ရင်လေးဖွယ်ကောင်းပါသည်။ သို့ဖြစ်၍ လုပ်ငန်းခွင် ကျန်းမာရေး ဥပဒေများ နှင့် အညီ အခြားနေရာများတွင်သာ ပြုလုပ်ဆောင်ရွက်သင့်ပါသည်။

ကလေးကစားစရာများ၊ အစားအသောက် အရည်များကိုလည်း မိဘများက စိစစ်ပြီးမှ ကလေးကို ပေးရန်၊ ကျွေးရန်သင့်ပါသည်။ ရေပိုက်များကိုလည်း မကြာခဏ စစ်ဆေးပေးသင့် ပါသည်။

မည်သို့ဆိုစေ ရောဂါဖြစ်မှ ဆေးကုလျှင် ကလေး၏ ဘ၀တစ်တစ်ခုလုံး ပျက်စီးစေ မည်သာ ဖြစ်ပါသည်။ သို့ဖြစ်၍ ကာကွယ်မှုများကို မိမိပြုလုပ်နိုင်သော အတိုင်းအတာအထိ ပြုလုပ်ပေးခြင်းဖြင့် ခဲဆိပ်ကြောင့် ဘ၀ဆုံးသွားရသော ကလေးများကို ကယ်တင်နိုင်ရန် စေတနာရှေ့ထား၍ အသိပေးလိုက်ရပါသည်။