ကျောက်ကပ်အစားထိုးကုသခြင်း

ကမ္ဘာကျော် လူငယ်အဆိုတော် Selena Gomez ဟာ သူ့ရဲ့သူငယ်ချင်းလှူတဲ့ ကျောက်ကပ်နဲ့အစားထိုးကုသထားတယ်ဆိုတာကို လူတော်တော်များများ သိကြပါလိမ့်မယ်။ ဒီဆောင်းပါးမှာတော့ အဲဒီလို ကျောက်ကပ်အစားထိုးကုသခြင်း (Kidney Transplantation / Renal Transplantation) အကြောင်း ရေးသားဖော်ပြပေးချင်ပါတယ်၊

Kidney Transplant ဆိုတာ….

ကျောက်ကပ်အစားထိုးကုသတယ်ဆိုတာ (End Stage Renal Disease) နာတာရှည်ကျောက်ကပ်ရောဂါနောက်ဆုံးအဆင့်ကိုရောက်နေတဲ့ လူနာကို ကျောက်ကပ်အစားထိုးပေးပြီး ကုသတာပါ။ အစားထိုးပေးတယ်ဆိုတဲ့နေရာမှာ လောလောလတ်လတ်သေဆုံးသွားတဲ့လူ(The deceased donor/Cadaveric) ဆီကလည်းရှိသလို အသက်ရှင်နေတဲ့အလှူရှင်(Living donor)ဆီက ရယူတာလည်း ရှိပါတယ်။

Living donor မှာ နှစ်မျိုးရှိပါတယ်။ လူနာနဲ့ မျိုးဗီဇဆက်စပ်မှုရှိတဲ့ Living-Related နဲ့ မျိုးဗီဇဆက်စပ်မှုမရှိတဲ့ Living-Nonrelated တို့ဖြစ်ပါတယ်။
ကျောက်ကပ်အစားထိုးကုသဖို့ လိုအပ်တဲ့ရောဂါကတော့ အထက်မှာဖော်ပြခဲ့တဲ့ End Stage Renal Disease(ESRD)ရောဂါပါပဲ။ ဒီရောဂါဟာ GFR(Glomerular Filtration Rate) 15ml/min/1.73m2 နဲ့သတ်မှတ်ပါတယ်။

ESRD ဖြစ်စေတဲ့ ရောဂါအများစုကတော့

– ပြင်းထန်တဲ့သွေးတိုးရောဂါ ( Malignant Hypertension)

– ရောဂါပိုးများကူးစက်ခြင်း (Infections)

-ဆီးချိုရောဂါ

– ကျောက်ကပ်မှာရှိတဲ့ glomerulus များ တစ်စိတ်တစ်ပိုင်း ပျက်စီးခြင်း (focal segmental glomerulosclerosis)

– Polycystic Kidney Disease ကျောက်ကပ်ရောဂါနဲ့

– Lupus ဟုခေါ်သော မိမိရဲ့ခုခံအားစနစ်ကမိမိကိုယ်ကိုပြန်တိုက်သော Autoimmune ရောဂါ စတာတွေပဲဖြစ်ပါတယ်။ ဆောင်းပါးအစမှာဖော်ပြခဲ့တဲ့ အဆိုတော် Selena Gomez ဟာ ဒီLupus ရောဂါကိုခံစားနေရတာဖြစ်ပါတယ်။

ကျောက်ကပ်အစားထိုးကုသရတဲ့လူတွေရဲ့ ၂၅ရာခိုင်နှုန်းဟာ ဆီးချိုရောဂါကြောင့်ဖြစ်တယ်လို့ အမေရိကန်နိုင်ငံကစစ်တမ်းကဆိုပါတယ်။ ကျောက်ကပ်အစားထိုးဖို့အတွက် လိုအပ်ချက်တွေဟာ Program အလိုက်၊နိုင်ငံအလိုက် ကွဲပြားတတ်ပါတယ်။ ကျောက်ကပ်အစားထိုးကုသခြင်းဟာ Life extending procedure တစ်ခုဖြစ်ပါတယ်။ ကျောက်ကပ်ဆေးခြင်းကို ပုံမှန်လုပ်မယ်ဆိုရင် လူနာဟာ ဆယ်နှစ်ကနေ ဆယ့်ငါးနှစ်ထိ အသက်ရှည်သွားနိုင်ပါတယ်။ အသက်ငယ်ရွယ်တဲ့ လူနာတွေဆိုရင် အသက်ရှည်နှုန်း ပိုကောင်းပါတယ်။ ဒါပေမယ့် အသက် ၇၅နှစ် သက်ကြီးရွယ်အိုတွေတောင် ပျမ်းမျှ လေးနှစ်လောက်အသက်ရှည်သွားနိုင်ပါတယ်။ လူနာတွေဟာ coventional dialysis ယူနေမယ်ဆိုရင် ပိုအားအင်လည်းရှိပါမယ်။ အစားအစာရှောင်ရတာတွေလည်း နည်းပါမယ်။ ကျောက်ကပ်အစားထိုးလဲထားရလို့ နောက်ဆက်တွဲဆိုးကျိုးတွေလည်း နည်းမှာပါ။

ကျောက်ကပ်အစားထိုးခြင်းဟာ ကျောက်ကပ်ဆေးခြင်းထက် ပိုအသက်ရှည်ရှည်နေနိုင်စေပါတယ်။ ဥပမာ အသက်၃၀အရွယ်လူနာဟာ ကျောက်ကပ်ဆေးနေရင် နောက်ထပ် ၁၅နှစ်လောက်အသက်ရှည်နိုင်ပါတယ်။တကယ်လို့ ကျောက်ကပ်အစားထိုးကုသရင်တော့ အနှစ် ၃၀ကနေ ၄၀ထိ တိုးတက်သွားနိုင်ပါတယ်။ ဒါဆိုရင် ဘာလို့လူတိုင်းက ကျောက်ကပ်အစားထိုးမကုသတာလဲ? ဘာလို့ကျောက်ကပ်ဆေးနေရသေးတာလဲလို့မေးစရာရှိလာပါတယ်။ အဓိကအဖြေကတော့ ကျောက်ကက်လိုအပ်တဲ့လူနာဟာ အလှူရှင်ထက်များနေလို့ပါ။ ပြီးတော့ ကျောက်ကပ်အစားထိုးဖို့ Waiting list မှာစောင့်နေရတဲ့လူနာတွေအများကြီးရှိပါတယ်။ သူတို့တွေအတွက် ကျောက်ကပ်ဆေးခြင်းဟာ အသက်ကယ်ခြင်းတစ်ခုပါပဲ။

Renal Transplant လုပ်ဖို့မသင့်တဲ့အခြေအနေတွေရှိပါတယ်။အဲဒါတွေကတော့

-ကင်ဆာရောဂါရှိနေသူတွေ၊ ကင်ဆာရောဂါကို မကြာခင်လေးကမှ ကုသမှုခံယူထားသူတွေ

-နောင်နှစ်အနည်းငယ်လေးပဲအသက်ရှည်တော့မယ့် ရောဂါကိုပြင်းထန်စွာခံစားနေရသူတွေ

-ကုသလို့မရမယ့်ရောဂါပိုးကူးစက်ခံထားရသူတွေ

-နှလုံးရောဂါရှိပြီး ခွဲစိတ်မှုပြုလုပ်ဖို့မသင့်တော်တဲ့သူတွေ

-အလွန်အကျွံဝသူတွေ ပဲဖြစ်ပါတယ်။

ကျောက်ကပ်အစားထိုးကုသခြင်းဟာ အသက်ပိုရှည်ဖို့တစ်ခုတည်းတင်မကပါဘူး။ အခြားသောအကျိုးကျေးဇူးတွေကိုလည်း ရည်ရွယ်ပါသေးတယ်။

-Better quality of life ရရှိခြင်း အပတ်စဉ် ကျောက်ကပ်ဆေးဖို့ နာရီနဲ့ချီပြီးအချိန်ပေးရခြင်းကနေ ကင်းဝေးပါတယ်။
-အစားအသောက်ရှောင်ရတာတွေနည်းသွားပါတယ်။

– ကျောက်ကပ်ဆေးနေကျလူနာတွေနဲ့စာရင် ရေရှည်ကျန်းမာရေးပြဿနာတွေနည်းပါတယ်။

-ပိုသန်စွမ်းပြီး အားအင်ရှိပါတယ်။

ကိုယ်ချစ်ခင်တဲ့သူတစ်ယောက်ဟာ ESRD ကျောက်ကပ်ရောဂါခံစားနေရရင် ကျောက်ကပ်အစားထိုးကုသခြင်းကိုလည်း ဆရာဝန်နဲ့တိုင်ပင်ပြီး Safe Option တစ်ခုအနေနဲ့စဉ်းစားသင့်ပါတယ်။ လူနာဘက်ကလည်း Renal Transplant လုပ်ပေးလို့မရတဲ့ ကန့်သတ်ချက်တွေရှိရင် ပြင်ဆင်ရပါတယ်။ အဝလွန်နေရင် ကိုယ်အလေးချိန်လျှော့ချခြင်း၊ ဆေးလိပ်ဖြတ်ခြင်း စတဲ့အမူအကျင့်တွေကို ပြင်ဆင်ပြီး ကျောက်ကပ်အစားထိုးကုသလို့ရတဲ့ လူတစ်ယောက်ဖြစ်အောင် ကြိုးစားသင့်ပါတယ်။

အားလုံးကျန်းမာပျော်ရွှင်ကြပါစေ။

မောင်(ဆေး-၁)