သောက်ဆေးနဲ့လည်းမတည့်ဘူး၊ထိုးဆေးနဲ့လည်းမတည့်ဘူး

ဒါဆို ဟော်မုန်းပါတဲ့ကိုယ်ဝန်တားဆေးတွေနဲ့မတည့်တာဖြစ်နိုင်ပါတယ်။ ဒီလိုမျိုး ဟော်မုန်းဆေးတွေနဲ့ မတည့်သူ၊ဟော်မုန်းဆေးတွေ သုံးစွဲမရတဲ့ အမျိုးသမီးများလည်းရှိပါတယ်။

ဒီလိုအမျိုးသမီးတွေအနေနဲ့ဆိုရင်( IUD) လို့ခေါ်တဲ့ သားအိမ်ထဲပစ္စည်းထည့် သားဆက်ခြားနည်းကသာလျှင်အသင့်တော်ဆုံးဖြစ်ပါလိမ့်မယ်။

ဘယ်လိုလူတွေသုံးသင့်သလဲ?

  • ကာလရှည် သားဆက်ခြားနည်းသုံးလိုသူများ
  • နို့တိုက်မိခင်များ
  • ဟော်မုန်းဆေးနှင့်မတည့်သူများ
  • ဘယ်လိုလူတွေမသုံးသင့်ဘူးလဲ?
  • သားအိမ်ပြင်ပ သန္တေတည်ဘူးသူများ
  • သားအိမ်ယောင်ယမ်းဖူးသူများ
  • နှလုံးယောင်ဖူးသူများ
  • HIV ရောဂါရှိသူများ
  • သားအိမ်တွင်း အသားလုံးရှိသူများ
  • သွေးဆင်းမမှန်တတ်သူများအနေနှင့် ဆရာဝန်နှင့်တိုင်ပင်ပြီးမှ ထည့်သင့်သည်။

အကျိုးကျေးဇူးများ

  • တာရှည်ခံတယ်။ ( ၅နှစ်ကနေ ၁၀နှစ်အထိ ကိုယ်ဝန်တားနိုင်တယ်)
  • ဟော်မုန်းဘေးထွက်ဆိုးကျိုးမရှိဘူး။
  • နို့တိုက်မိခင်တွေသုံးလို့ရတယ်။
  • ကလေးရချင်တဲ့အချိန် IUD ထုတ်ပြီး သိပ်မကြာခင် ကလေးရနိုင်တယ်။
  • ဈေးလည်း သက်သာတယ်။

သတိထားသင့်တဲ့အချက်များ

  • ၅နှစ်၊ ၁၀နှစ် တစ်ခါ အသစ်လဲပေးရမယ်။
  • ထည့်ထားစဉ်မှာ သားအိမ်ယောင်တာ၊ သားအိမ်ပိုးဝင်တာဖြစ်နိုင်တယ်။
  • ရာသီဆင်းတာများနိုင်တယ်။ ရာသီလာစဉ် ကိုက်ခဲနိုင်တယ်။
  • IUD သားအိမ်ထဲမှ မိန်းမကိုယ်ထဲ ထွက်ကျလာနိုင်တယ်။( ၃% အောက်သာဖြစ်တတ်သည်။)
  • ထည့်ထားစဉ် ကလေးရတာမျိုးဖြစ်နိုင်ပါတယ်။
  • လိင်မှ တစ်ဆင့်ကူးစက်တဲ့ရောဂါတွေကာကွယ်မပေးလို့ ကွန်ဒုံးနဲ့ တွဲဘက်ပြီး ကူးစက်ရောဂါများလည်းကာကွယ်နိုင်ပါတယ်

မယ်တင်( ဆေး ၁)