ကိုယ်ဝန်ဆောင်မိခင်လေယာဉ်စီးလို့ရသလား?

ကိုယ်ဝန်ဆောင်မိခင်တစ်ဦးဟာ ကျန်းမာရေးလည်းကောင်းပြီး အခြားဘာရောဂါပြဿနာမှမရှိထားဘူးဆိုရင် ကိုယ်ဝန်သုံးလကနေ ခြောက်လအထိလေယာဉ်စီးလို့ရပါတယ်။ အဲဒီအချိန်ဟာ လေယာဉ်စီးလို့ စိတ်အချရဆုံးအချိန်ဖြစ်ပါတယ်။

တကယ်လို့ကိုယ်ဝန်ရှိစဉ်မှာ spotting လို့ခေါ်တဲ့သွေးစအနည်းငယ်ဆင်းခြင်း၊ သွေးတိုးရောဂါနဲ့ာ ဆီးချိုရောဂါရှိရင်တော့ ဆရာဝန်ဆီကနေ အကြံဉာဏ်တောင်းပြီးမှ လေယာဉ်စီးသင့်ပါတယ်။ အရင်ကိုယ်ဝန်မှာ စောမွေးဖူးတဲ့ ရာဇဝင်ရှိရင်လည်း ဆရာဝန်နဲ့တိုင်ပင်သင့်ပါတယ်။

ကိုယ်ဝန် ၁၂ပတ်ကနေ နှစ်ဆယ့်လေးပတ်အတွင်းဟာ ခရီးသွားဖို့အဆင်အပြေဆုံးပါပဲ။ မနက်စောစောမှာပျို့အန်ခြင်းဟာလည်း သိပ်မဖြစ်တော့ပါဘူး။ ခွန်အားလည်းပြည့်ဝတဲ့အချိန်ဖြစ်ပါတယ်။ လေကြောင်းလိုင်းတော်တော်များများဟာ ကိုယ်ဝန်၃၇ပတ်ကျော်ရင် လေယာဉ်စီးခွင့်မပေးပါဘူး။ အချို့လေကြောင်းလိုင်းတွေကတော့ ကိုယ်ဝန်၂၈ပတ်ကျော်ရင် ဆရာဝန်ဆီကနေ ဆေးစာ/ခွင့်ပြုချက် လိုအပ်ပါတယ်။ ခရီးသွားတဲ့အခါ မိမိရဲ့ ကိုယ်ဝန်နဲ့သက်ဆိုင်တဲ့ ဆေးမှတ်တမ်းတွေအားလုံးယူဖို့လိုအပ်ပါတယ်။

ကိုယ်ဝန်ဆောင်အမျိုးသမီးတွေမှာ ခြေထောက်သွေးကြောထုံးတတ်ပါတယ်။ ကိုယ်ဝန်ဆောင်ခြင်းဟာ ခန္ဓာကိုယ်ထဲက သွေးတွေကိုများစေပါတယ်။ ဒါပေမယ့် ခြေထောက်ကနေ တင်ပဆုံပိုင်းကိုတက်တဲ့သွေးစီးဆင်းမှုကိုကျစေပါတယ်။ ဒါကြောင့် သွေးကြောထုံးခြင်းအခန့်မသင့်ရင်ဖြစ်နိုင်ပါတယ်။ လေယာဉ်စီးခြင်းဟာ ခြေထောက်သွေးကြောထုံးခြင်းဖြစ်နိုင်ချေကို မြင့်တက်စေပါတယ်။

လေယာဉ်စီးချိန်မှာ ကြုံတွေ့ရတဲ့ သဘာဝလေထုရဲ့ radiation ဟာ ကိုယ်ဝန်ပျက်ကျနိုင်ပြီး ကလေးကိုဆိုးကျိုးရှိစေတယ်လို့စစ်တမ်းအချို့ကဆိုပါတယ်။ ဒါပေမယ့်အမြဲစီးနေရတာမဟုတ်ဘဲ တစ်ခါတစ်လေသာဖြစ်တဲ့အတွက် ခရီးသည်ကိုယ်ဝန်ဆောင်အတွက် ဒီလိုဆိုးကျိုးဖြစ်တဲ့နှုန်းကအလွန်နည်းပါတယ်။

ကိုယ်ဝန်ဆောင်စဉ်လေယာဉ်စီးမယ်ဆိုရင်

*လေကြောင်းလိုင်းကချမှတ်ထားတဲ့စည်းကမ်းများကို တိတိကျကျလိုက်နာပါ။

*ဆရာဝန်နဲ့အရင်တိုင်ပင်ပါ။

*မိမိရဲ့ဆေးမှတ်တမ်းများအားလုံးကိုယူဆောင်သွားပါ။ ဒါမှသာ အရေးပေါ်အခြေအနေဖြစ်ခဲ့ရင် ရောဂါရာဇဝင်ကိုသိနိုင်မှာပါ။

*ကိုယ်ဝန်လရင့်လျှင် လေယာဉ်စီးခရီးသွားခြင်းကိုရှောင်ပါ။

*လေယာဉ်အကြာကြီးစီးရလျှင် ခြေထောက်ကို မြှောက်လိုက်ချလိုက်လုပ်ပေးပါ။ ခြေထောက်ဆန့်ခြင်း၊ကွေးခြင်းပြုလုပ်ပေးပါ။

အားလုံးကျန်းမာပျော်ရွှင်ကြပါစေ။

မောင်(ဆေး-၁)