ရာသီလာတဲ့နေ့တွေကို ဘာကြောင့်မှတ်ထားသင့်သလဲ?

ရာသီလာတာဟာ အမျိုးသမီးတွေအတွက်ကြုံတွေ့နေကြ အဖြစ်အပျက်တစ်ခုဖြစ်ပါတယ်။ လစဉ်လတိုင်းကြုံနေကြဖြစ်သလို မထူးဆန်းတော့တဲ့အတွက် ပေါ့ပေါ့ဆဆနေတတ်ပါတယ်။ တစ်ခါတစ်လေ မိမိရဲ့dateကိုမသိပဲ နောက်ကျနေတာကို အမှုမဲ့အမှတ်မဲ့နေတတ်ကြပါတယ်။ ကောင်းတဲ့အပြုအမူတစ်ရပ်အနေနဲ့ မိမိရဲ့သက်ဆိုင်ရာရက်စွဲကိုသေချာမှတ်ထားသင့်ပါတယ်။

အကြမ်းဖျင်းအနေနဲ့တော့ ပုံမှန်ရာသီစက်ဝန်းတစ်ခုဟာ 28ရက်ပျမ်းမျှကြာပါတယ်။ အမျိူးသမီးအချို့ကတော့ 28 ရက်ထက်စောတာ နောက်ကျတာရှိပါတယ်။ ပုံမှန်စက်ဝန်းတစ်ခုကို 21-35ရက်လို့လည်းဆိုနိုင်ပါတယ်။ ရာသီစက်ဝန်းတစ်ခုကို ရာသီစလာတဲ့နေ့ကနေ နောက်တစ်ခါလာတဲ့နေ့အထိ စက်ဝန်းတစ်ခုလို့ သတ်မှတ်ပါတယ်။ 28ရက်တစ်ခါ ပုံမှန်ဓမ္မတာလာနေတဲ့အမျိုးသမီးတစ်ဦးရဲ့ ရာသီစက်ဝန်းကို ဥပမာထားကြည့်မယ်ဆိုရင် ဓမ္မတာစလာတဲ့နေ့ကနေ 14ရက်ကြာတဲ့နေ့မှာ သားဥကြွေပြီး နောက်ထပ်14ရက်ကြာရင် ဓမ္မတာလာပါတယ်။ သားဥမကြွေခင်ရက်အပိုင်းအခြားကတော့ ပြောင်းနိုင်ပြီးသားဥကြွေပြီး12-16ရက်ကြာရင်တော့ရာသီလာနိုင်ပါတယ်။

ပထမဦးဆုံးအနေနဲ့ မိမိရဲ့dateကို ဘယ်လိုမှတ်ထားမလဲဆိုတာ အရေးကြီးပါတယ်။ မောမေ့လျော့လျော့နေရင် တိမ်းစောင်းမှုဖြစ်တာနဲ့ ကြီးမားတဲ့ပြောင်းလဲမှုတွေဖြစ်နိုင်ပါတယ်။ မိမိရဲ့စာအုပ်တစ်အုပ်အုပ်မှာ ပုံသေမှတ်ထားတာမျိုးလုပ်သင့်ပါတယ်။ စာအုပ်နဲ့မမှတ်ချင်ရင် ပြက္ခဒိန်မှာမှတ်ထားလို့ရပါတယ်။ privateဖြစ်ချင်ရင်တော့ မိမိရဲ့ဖုန်းမှာ appကို Install ပြီးမှတ်ထားတာ၊ ရက်နီးရင်alarmပေးအောင်လုပ်ထားတာ၊ လာဖို့ရက်စေ့ပြီးမလာသေးရင် notifications တွေ့အောင်လုပ်တာ စသဖြင့်စီမံထားသင့်ပါတယ်။ အနည်းဆုံး 9-10 လလောက် မှတ်ထားရမှာပါ။

မှတ်မထားရင်ဘာဖြစ်တတ်သလဲဆိုရင်တော့ မထင်မှတ်ပဲကိုယ်ဝန်ရသွားနိုင်ပါတယ်။ ရာသီစက်ဝန်းတွေမှာ အတူနေဖြစ်တာနဲ့ ကိုယ်ဝန်ရဖို့အခွင့်အလမ်းများတဲ့ရက်၊ နည်းတဲ့ရက်တွေရှိပါတယ်။ များသောအားဖြင့်ကတော့မျိုးဥကြွေတဲ့ရက်နားတစ်ဝိုက်မှာ ရနိုင်ခြေအများဆုံးဖြစ်ပါတယ်။ အဲဒီအချိန်တစ်ဝိုက်မှာအကာအကွယ်မဲ့အတူနေမိရင်တော့ ကိုယ်ဝန်ရသွားနိုင်ပါတယ်။
အိမ်ထောင်ပြုပြီးကလေးယူဖို့မစီစဉ်ရသေးသူတွေ၊ အိမ်ထောင်မပြုသေးပဲအတူနေနေကြသူတွေအတွက် ကိုယ်ဝနိရှိနေပြီဆိုရင် မလိုလားအပ်တဲ့ဝန်တွေပိလာနိုင်သလို အခြားဆိုးကျိုးတွေလည်းရှိလာနိုင်ပါတယ်။

မိမိရဲ့ကိုယ်ဝန်ရနိုင်တဲ့ကာလအပိုင်းအခြားဆိုတာလည်း မိမိရဲ့cycleကို သိထားမှဖြစ်ပါမယ်။ သိထားဖို့ကလည်းမှတ်ထားမှဖြစ်ပါလိမ့်မယ်။ မှတ်ထားပြီးရင် မိမိရဲ့fertility windowကိုတွက်ချက်နိုင်ပြီး သင့်တော်သလိုပြုမူရပါမယ်။ အဆိုပါအတောအတွင်း အတူနေခြင်းကိုရှောင်ကြဉ်တာ၊ မရှောင်ဖြစ်ရင်လည်း သင်တော်တဲ့အကာအကွယ်သုံးတာ၊ မသုံးမိရင်လည်း အရေးပေါ်ဆေးသောက်တာတွေနဲ့ကာကွယ်ရမှာပါ။

မိမိရဲ့သက်ဆိုင်ရာdateကို သိရှိခြင်းကြောင့် မလိုလားအပ်ပဲကိုယ်ဝန်ရတာကို ရှောင်ရှားနိုင်တဲ့အပြင် မိမိရဲ့ကျန်းမာရေးကိုလည်း သတိမူမိနိုင်ပါတယ်။ လာနေ့ကျနေမှာမလာပဲတော်တော်နောက်ကျနေတာဟာ ကိုယ်ဝန်ရှိနေတာဖြစ်နိုင်သလို အသက်ကြီးသူအမျိုးသမီးတွေအတွက် သွေးဆုံးဖို့အချက်ပြနေတာဖြစ်နိုင်ပါတယ်။ လာနေတဲ့ပမာဏများပြားလာတာ၊ ပိုကြာကြာလာနေတာတွေဟာ သားအိမ်ထဲမှာအလုံးရှိရင်ဖြစ်တတ်ပါတယ်။ လာနေကျရက်မဟုတ်ပဲ cycleတစ်ခုနဲ့တစ်ခုကြားမှာ ကြားပေါက်လာတာကလည်း ကင်ဆာရောဂါအချို့မှာဖြစ်တတ်ပါတယ်။

ဒါကြောင့် အမျိုးသမီးတွေအနေနု့ကတော့ အရေးကြီးတာက မိမိရဲ့dateတွေကို သိထားဖို့နဲ့မှတ်ထားဖို့ဖြစ်ပါတယ်။ မှတ်ထားခြင်းအားဖြင့် ပုံမမှန်မှုတွေကို အလွယ်တကူသိရှိနိုင်ပြီး ကိုယ်ဝန်ရချင်တာဖြစ်စေ၊ ရှောင်ချင်တာဖြစ်စေ လိုအပ်တဲ့အချက်အလက်ရက်စွဲတွေကို အဆိုပါရက်တွေကပေးနိုင်ပါတယ်။ ဒါကြောင့်သေချာစွာမှတ်ထားပြီး ထိရောက်စွာအသုံးချဖို့ လိုအပ်ပါတယ်။

Dr. ZZ