ကြို့ထိုးခြင်းသက်သာအောင်ဘယ်လိုလုပ်မလဲ

ကြို့ထိုးတာကို လူတိုင်းကြုံဖူးကြပါတယ်။ ကျားမမရွေး၊ လူမျိုးမရွေး၊ အသက်အရွယ်မရွေးကြို့ထိုးဖူးကြမှာပါ။ အချို့ကတော့ ခဏပဲထိုးသလို အချို့ကတော့ အကြာကြီးထိုးပါတယ်။ ပုံမှန်ထိုးနေကြအချိန်ရှိတတ်တဲ့သူတွေတွေ့နိုင်သလို ထမင်းစားပြီးတိုင်းကြို့ထိုးတာ၊ အကျင့်ပါနေတာတွေလည်းရှိပါတယ်။ ကြို့ထိုးတာဟာပုံမှန်ဖြစ်နေကြဖြစ်သလို နေ့စဉ်ကြုံတွေ့နေကြဖြစ်တတ်တာကြောင့် အမှုမဲ့အမှတ်မဲ့နေတတ်ကြပါတယ်။

ကြို့ထိုးတယ်ဆိုတာ ရင်ဝမ်းခြားကြွက်သား(diaphragm)က ညှစ်လိုက်လျော့လိုက်ဖြစ်ရင် ကြို့ထိုးပါတယ်။ ရောဂါအခြေအနေအရကြို့ထိုးတာတွေရှိတတ်ပါတယ်။ diaphragmကို သွားပြီးဆွနေတဲ့အခြေအနေတွေမှာလည်းကြို့ထိုးနိုင်ပါတယ်။ ကြို့ထိုးစေတဲ့အကြောင်းအရာတွေကတော့အများကြီးပါပဲ။ အစာတွေကိုမြန်မြန်စားမိတာ၊ အများကြီးစားမိတာ၊ ရေတွေအများကြီးသောက်မိတာ၊ မကောင်းတဲ့အငွေ့အသက်တွေရှူမိတာ၊ gasပါတဲ့အဖျော်ယမကာတွေသောက်မိတာတွေကလည်း ကြို့ထိုးစေတဲ့အကြောင်းတွေဖြစ်ပါတယ်။

ကြို့ထိုးတာအများစုကတော့ ခဏနေရင်ပျောက်သွားကြပါတယ်။ ရုတ်တရက်ဖြစ်ပြီးရုတ်တရက်ပျောက်သွားတာပါ။ သို့သော် အန္တရာယ်ရှိတဲ့ကြို့ထိုးခြင်းတွေကိုလည်း သတိထားရပါမယ်။ ကြို့ထိုးတာ 3နာရီကျော်ကြာလာရင်၊ သူ့ဟာသူမသက်သာရင်၊ စားသောက်နေထိုင်တာတွေကိုနှောင့်ယှက်လာရင်၊ မအိပ်နိုင်အောင်၊ အလုပ်မလုပ်နိုင်အောင်နှောင့်ယှက်လာပြီဆိုရင် အန္တရာယ်ရှိပြီလို့ဆိုနိုင်ပါတယ်။ ဒါပေမယ်အများစုကတော့ သူ့ဟာသူပဲပျောက်သွားလေ့ရှိပါတယ်။

သူ့ဟာသူမပျောက်ရင်တော့ စမ်းသပ်နိုင်တဲ့နည်းတချို့ရှိပါတယ်။ အဆိုပါနည်းတွေက လူတိုင်းအတွက်အဆင်ပြေချင်မှပြေနိုင်ပါလိမ့်မယ်။ မိမိအဆင်ပြေတဲ့နည်းနဲ့ အခြားသူတွေရဲ့နည်းနဲ့တူချင်မှတူပါမယ်။ အဆိုပါနည်းတွေနဲ့မပျောက်လို့ ရောဂါရှိနေပြီဆိုပြီးလည်း မစိုးရိမ်သင့်ပါဘူး။

အသက်ရှူတာကိုထိန်းပြီးရှူရင်းနဲ့လည်း ကြို့ထိုး တာကိုသက်သာစေနိုင်ပါတယ်။ အသက်တစ်ခါရှုရင် 1,2,3 4,5 လို့ရေပြီး ရှူထုတ်ရင်လည်း 1,2,3,4,5 ဆို ပြီးဖြေးဖြေချင်းရှူထုတ်ရမှာပါ။ အကြိမ်ကန့်သတ်မှုမရှိပဲ လိုသလိုလုပ်နိုင်ပါတယ်။ နောက်နည်းတစ်ခုကတော့ လေကိုတစ်ဝကြီးရှူပြီး 20စက္ကန့်လောက်အောင့်ထားပြီး ဖြေးဖြေးချင်းထုတ်ခြင်းနဲ့လည်း သက်သာနိုင်ပါတယ်။ ကိုယ်ခန္ဓာကို အရှေ့ကိုကိုင်းလိုက်ခြင်းကလည်း diaphragmအပေါ် ဖိအားသက်ရောက်စေနိုင်ပြီး ကြို့ထိုးတာကိုသက်သာစေနိုင်ပါတယ်။

လျှာကိုအရှေ့ကိုတစ်ခါနှစ်ခါခန့်ဆွဲထုတ်ပေးခြင်းနဲ့လည်း သက်သာစေနိုင်ပါတယ်။ ရင်ညွန့်ရိုးအောက်ကိုလက်နဲ့အသာအယာဖိထားတာ၊ နှာခေါင်းကိုလက်နဲ့ပိတ်ပြီးရေတစ်ခွက်သောက်ချလိုက်တာတွေနဲ့လည်း ပျောက်ကင်းနိုင်ပါတယ်။ ရေခဲရေတစ်ခွက်သောက်လိုက်တာ၊ ရေအေးနဲ့ပလုတ်ကျင်းတာ၊ ပျားရည်တစ်ဇွန်းစားလိုက်တာ၊ သကြားအနည်းငယ်စားလိုက်တာတွေနဲ့လည်း ပျောက်နိုင်ပါတယ်။ တစ်ခါတစ်လေတော့ ခြောက်လှန့်လိုက်ရင်ပျောက်သွားတယ်လို့ဆိုပါတယ်။ ဒါပေမယ့် အန္တရာယ်များတဲ့နည်းလမ်းဖြစ်ပါတယ်။

အဆိုပါနည်းတွေနဲ့မပျောက်ပဲ မိမိဘာသာအဆင်ပြေတဲ့နည်းရှိရင်လည်း သုံးနိုင်ပါတယ်။ သို့သော်ကြို့ထိုးတိုင်းစိတ်ချလက်ချနဲ့ပေါ့ပေါ့ဆဆမနေသင့်ပါဘူး။ အစာအိမ်ရောဂါ၊ လေဖြတ်တာတွေနဲ့လည်းတွဲနေနိုင်ပါတယ်။ အပေါ်မှာပါတဲ့နည်းတွေနဲ့ မပျောက်ရင်ဆေးသောက်ပြီးလည်း ပျောက်ကင်းနိုင်ပါတယ်။ သို့ပေမယ့် ဆေးပမာဏ၊ သောက်ရမယ့်အချိန်၊ ဘေးထွက်ဆိုးကျိုးတွေကိုတော့ သေချာစွာသိအောင်ဆွေးနွေးပြီးမှသောက်သင့်ပါတယ်။

ကြို့ထိူတာကနေ့စဉ်ကြုံတွေ့နေကြ ဖြစ်ရိုးဖြစ်စဉ်တစ်ခုဖြစ်ပါတယ်။ရုတ်တရက်ဖြစ်လာသလို သူ့ဟာသူလည်းပျောက်သွားတာများပါတယ်။ သူ့ဟာသူမပျောက်ရင်လည်း နည်းလမ်းအချို့ကိုစမ်းသပ်နိုင်ပြီး ဆေးနဲ့လည်းပျောက်ကင်းနိုင်ပါတယ်။ ဒါပေမယ့် အရမ်းကြာလာရင်တော့ စိုးရိမ်ရတာမို့ တတ်ကျွမ်းသူတွေနဲ့ပြသပြီးပျောက်ကင်းအောင် ကုသသင့်ပါတယ်။

Dr. ZZ