ဆီးချိုတိုင်းကြရအောင်

ဆီးချိုရှိမရှိ သိဖို့၊ ဆီးချို ထိန်းနိုင်ခြင်း ရှိမရှိ သိဖို့အတွက် ပထမဆုံးအဆင့်က သွေးတွင်းသကြားဓာတ်ကို စစ်ဆေးခြင်းဖြစ်ပါတယ်။ အရင် အချိန်တွေက ဆီးထဲ သကြားပါမပါ ချက်ကြည့်ရာမှ ယခုအခါ အလွယ်တကူစစ်ဆေးနိုင်သော နည်းလမ်းများ ပေါ်ပေါက်လာပေပြီ။ ထိုနည်းလမ်းထဲမှ တစ်ခုမှာ ဆီးချိုတိုင်းစက်ငယ်လေးအသုံးပြုခြင်း ဖြစ်ပါသည်။

ထိုစက်ကလေးထုတ်လုပ်နိုင်သည့်အတွက် ဆီးချိုတစ်ခါ ဖောက်ဖို့လိုတိုင်း ဆေးခန်းသွားရောက်ရန်မလိုတော့ဘဲ မိမိအိမ်မှာတင် အလွယ်တကူ ဖောက်စစ်နိုင်ရုံမျှမက မိမိ ဆီးချိုထိန်းနိုင်မနိုင်အပြင် သွေးတွင်းသကြားဓာတ်ကျသွားသည်ကိုပင် သိရှိနိုင်ပါသည်။

ဤစက်ကလေးကို ဘယ်လိုအသုံးပြုရပါသနည်း။

နည်းမှန်လမ်းမှန် အသုံးပြုခြင်းဖြင့် ရောဂါပိုးဝင်ရောက်ခြင်းမှ ကာကွယ်နိုင်ခြင်း၊ မှန်ကန်သောအဖြေရခြင်း၊ သွေးတွင်း သကြားဓာတ်ပမာဏကို ကောင်းစွာတိုင်းတာနိုင်ခြင်းစတဲ့ အကျိုးကျေးဇူးများ ရမည်ဖြစ်ပါသည်။

တိုင်းတာရန် လိုအပ်သော အဆင့်ဆင့်မှာ

၁။ လက်ကို ဆပ်ပြာ၊ ရေနွေးနွေးဖြင့် စင်ကြယ်စွာ ဆေးကြောပါ။ ထို့နောက် သန့်ရှင်းသော အဝတ်ခြောက်ခြောက်ဖြင့် သုတ်ပါ။ သွေးဖောက်မည့်နေရာကို အရက်ပြန်သုံးပါက အရက်ပြန်ခြောက်သည်အထိ စောင့်ပါ။

၂။ သွေးဖောက်မည့် သန့်ရှင်းသောအပ်ကို အပ်ထည့်သည့် ဘောပင်ထဲထည့်ပါ။ မောင်းတင်ထားပါ။

၃။ ဗူးတွင်းမှ ဆီးချို စစ်သည့် အပြားလေးကို ထပ်ယူပါ။ ထို့နောက် ဗူးကို သေချာစွာ ပြန်ပိတ်ပါ။ မပိတ်ပါက ဗူးတွင်းရှိ ထိုအပြားလေးများ ရေငွေ့နှင့် ဖုန်မှုန့်များကြောင့် ပျက်စီးတတ်ပါသည်။

၎။ ဆီးချိုစစ်အပြားကို စက်တွင်တပ်၍ စက်ပွင့်လာမလာကြည့်ပါ။

၅။ လက်ထိပ်၏ ဘေးနေရာမှ အပ်ဖြင့်ဖောက်ပါ။ လက်ထိပ်အလယ်တည့်တည့်မှ မဖောက်သင့်ပါ။

၆။ မိမိသွေးစက်ကို ဆီးချိုပြားထိပ်ရှိ သွေးချရမည့်နေရာတွင်ချပါ။ လက်နှင့် ဆီးချိုစစ်သည့်အပြား မထိပါစေနှင့်။ ထို့နောက် အဖြေကိုစောင့်ပါ။

၇။ သွေးထွက်နေသောလက်ထိပ်ကို သန့်ရှင်းသော ဂွမ်းခြောက်ဖြင့် အုပ်ပါ။ သွေးတိတ်သွားသည်အထိ လက်ထိပ်ကို ဖိထားပေးပါ။

ဤသို့နည်းလမ်းမှန်ကန်စွာ ဖောက်ရမည့် အပြင် အောက်ပါအချက်များကိုပါ သိထားလိုက်နာပါမှ မိမိဆီးချိုတိုင်းတာမှု အခြေအနေပိုမိုကောင်းမွန်မည်ဖြစ်ပါသည်။

  • ဆီးချိုတိုင်းရန် လိုအပ်သော ပစ္စည်းများ သင်နှင့်တကွ အမြဲတမ်းရှိနေပါစေ။
  • ဆီးချိုစစ်သည့် အပြားလေးများဝယ်ယူတိုင်း၊ အသုံးပြုတိုင်း ရက်လွန်ဖြစ်နေခြင်း ရှိမရှိ စစ်ဆေးပါ။
  • ဆီးချိုဖောက်စစ်သည့် အကြိမ်ကို မိမိပြသသည့် ဆရာဝန်ညွှန်ကြားသည့်အတိုင်းသာ ဆောင်ရွက်၍ အကြိမ်တိုင်းမှ အဖြေများကို သေချာစွာ ရေးမှတ်သားထားပါ။
  • မိမိ ဆီးချိုစစ်ဆေးသည့် စက် မှန်ကန်ခြင်းရှိမရှိကို အခြားသော စက်များနှင့် နှိုင်းယှဉ်စစ်ဆေးကြည့်ပါ။ ဆရာဝန်နှင့် ရက်ချိန်းသွားပြသည့်အခါ ယူဆောင်သွား၍ ဆေးခန်းရှိ စက်နှင့် နှိုင်းယှဉ်ကြည့်လျှင် ရပါသည်။
  • ပိုးမဝင်စေရန် အထက်ဖော်ပြပါနည်းအတိုင်း သေချာစွာဖောက်စစ်၍ သွေးနှင့် ထိတွေ့ထားသော အပ်နှင့် အခြားပစ္စည်းများကို အသုံးပြုပြီးတိုင်း သေချာစွာ စနစ်တကျစွန့်ပစ်ရပါမည်။

ရီချို(ဆေး ၁)