သားသားမီးမီးတို့ သွားစတင်ပေါက်လာတဲ့အချိန်မှာ ဘယ်လိုသွားတိုက်ပေးရမှာပါလဲ

ပုံမှန်အားဖြင့် အသက် ၆လ၀န်းကျင်လောက်မှာ ကလေးသွားလေးတွေ စတင်ပေါက်လာတတ်ပါတယ်။ အဲ့ဒီအချိန်မှာစပြီး နူးညံ့တဲ့ အမျှင်လေးတွေပါတဲ့ ကလေးသွားတိုက်တံလေး (မိဘတွေရဲ့လက်မှာစွပ်လို့ရတဲ့ ကလေးသွားတိုက်တံအမျိုးအစားလေးလဲရှိ) မှာ ဖလူအိုရိုက်ဒ်ပါတဲ့ ကလေးသွားတိုက်ဆေးလေး (ဆန်စေ့အရွယ်လောက်ထည့်ပြီး) သွားတိုက်ပေးသင့်ပါပြီ။ သွားတိုက်တဲ့အခါ သွားကိုသာမက သွားဖုံးသားလေးတွေကိုပါ အသာအယာတိုက်ပေးသင့်ပါတယ်။ နှစ်ချောင်းယှဉ်ပေါက်လာတဲ့အခါကျရင်တော့ သွားကြားပွတ်ကြိုး (Dental Floss) လေးသုံးပြီး သန့်ရှင်းရေးပြုလုပ်ပေးသင့်ပါတယ်။

အထူးသတိထားရမှာတော့ ကလေးငယ်တွေကို ညဘက် နို့ဘူးတိုက်ပြီး မအိပ်စေခြင်းပါပဲ။ ကလေးတွေကို ညဘက်နို့ဘူးတပ်လျက်သား အိပ်ပျော်စေခြင်းက နို့်ပိုးစားတယ်ဆိုတဲ့ ကလေးသွားလေးတွေ ပိုးစားပျက်စီးခြင်းကိုဖြစ်စေတဲ့ အဓိက တရားခံပါ။ နို့ထဲမှာပါတဲ့သကြားဓာတ်က ကလေးသွားတွေကို ပိုးစားပျက်စီးစေနိုင်ပါတယ်။

အသက်သုံးနှစ်ဝန်းကျင်နဲ့အထက် ကလေးငယ်တွေကို ဖလူအိုရိုက်ဒ်သွားတိုက်ဆေး (ပဲစေ့ခန့်ပမာဏ)နဲ့ သွားတိုက်ပေးသင့်ပါပြီ။ သားသားမီးမီးတို့ရဲ့အသက်ခြောက်နှစ်ထိကို သွားတိုက်နေချိန်မှာ သေချာစောင့်ကြည့်ပြီး စနစ်မှန်သွားတိုက်နည်းကို သေချာသင်ကြားပြသပေးသင့်ပါတယ်။ အဲ့အရွယ်ကလေးငယ်တွေဟာ သွားတိုက်ဆေးကို ကောင်းကောင်းမထွေးတတ်သေးတာတို့ မျိုချတတ်တာတို့လဲ လုပ်တတ်တာမို့ သေချာလေးဂရုတစိုက်နဲ့ သွားတိုက်တာကို စောင့်ကြည့်ပေးသင့်ပါတယ်။ မနက်စာစားပြီးချိန်နဲ့ ညအိပ်ရာမ၀င်ခင် သွားတိုက်ဖြစ်တာ သေချာရဲ့လားဆိုတာရော တစ်ခါတည်း စစ်ဆေးရင်းနဲ့ပေါ့။

ကလေးငယ်အများစုဟာ ညဘက်အိပ်ချင်ဇောရယ် ပျင်းတာရယ် ပေါင်းပြီး ညဘက်သွားတိုက်တာကို ပျက်ကွက်တတ်ကြပါတယ်။ ကြာလာတော့ အကျင့်ပါပြီး ညဘက်ကို သွားမတိုက်ဖြစ်တော့ပါဘူး။ ညဘက်သွားမတိုက်ဘဲ အိပ်ရာဝင်တာဟာ ဒီနိုင်ငံမှာ သွားပိုးစားရခြင်းရဲ့ အဓိကအကြောင်းရင်းတစ်ခုဖြစ်ပါတယ်။ ညဘက်သွားတိုက်တာဟာ မနက်ဘက်သွားတိုက်တာထက် ပိုအရေးကြီးတာကြောင့် ဖေဖေမေမေတို့အနေနဲ့ မိမ်ိတို့သားသားမီးမီးတို့ကို ညဘက်သွားတိုက်တတ်တဲ့အကျင့်ရအောင် သေချာလေးဂရုတစိုက် သင်ကြားပေးဖို့ လိုပါလိမ့်မယ်။

Dr.သုဈာန်